為食小樂 Foodielok

為食小樂 Foodielok 堅持做自己喜愛的事是很幸福的
(2)

07/01/2026

今日要介紹嘅係我心中 No.1 韭菜餃！
講緊係大埔近大元街市隔籬嘅成仔記～ 💚

應該好多大埔街坊對佢都唔陌生，佢啲韭菜餃真係大隻到我個口咁大都一啖食唔晒！😆咬落仲係爆餡，滿滿嘅韭菜 + 豬肉 + 鮮蝦，皮薄餡靚，食完真係勁滿足！✨

堂食好正，但我仲鐘意買返啲冰鮮生餃，$50 一打，平均 $4 一隻，屋企諗唔到食咩就煮佢😋方便到不得了

而且佢哋嘅雲吞都好正，蝦好爽！但就唔算好大粒，所以我心中嘅賣飛佛一定係韭菜餃 🥟✨

👉 如果你鍾意食韭菜餃，真係唔好錯過成仔記～

📍成仔記麵食
地址：大埔安慈路3號翠屏花園商場地下20號舖(近大元街市）

05/01/2026

我要好好記錄低啲呢一晚🥰日後老左回味返👨🏼‍🦳

不過講真當我打開門嗰一刻，真係嚇親！ 😱😱😱

本身朋友話去party room打麻雀，點知一打開門，竟然見到我人生最重要嘅一班朋友同學連契仔契女齊晒喺度，仲幫我搞咗個 10萬Follower慶祝派對！🎉

聽講佢哋籌備咗成個幾月，而我竟然完全被蒙在鼓裡，成件事夢幻到好似發緊夢咁！✨ 最正係其實好多人都未見真人，淨係喺我嘅IG度成日見到對方，所以現場好似網友見面會咁🤣

嗰晚我真係完全浸喺大家嘅愛當中，見到你哋每一個重要嘅人出現，去見證呢個小小嘅里程碑，心入面真係滿滿感動。

當然仲有好多貴人同埋觀眾嘅幫助，由第一條影片到依家，無論係拍片、做直播，都係靠你哋嘅支持同鼓勵，畀到我堅持落去嘅信心。🙌

冇你哋Like我啲內容、留言支持、分享出去，就唔會有呢個10萬嘅小小里程碑，所以，今次真係由衷咁話一句：

多謝你哋！❤️

我會繼續努力，帶更多好嘅作品俾大家，追住自己嘅夢想同大家一齊成長！💪

尋晚超級驚喜😍大家真係好鬼馬，係我完全估唔到嘅情況之下搞咗呢個10萬follower嘅慶祝PARTY😝本身明明話去party Room打麻雀，到打開門嗰下堅嚇親😂大家竟然全部都喺齊度！😍😱😱😱我真係好驚喜好開心又好感動😍🥹全晚都浸喺大家嘅愛...
04/01/2026

尋晚超級驚喜😍大家真係好鬼馬，係我完全估唔到嘅情況之下搞咗呢個10萬follower嘅慶祝PARTY😝本身明明話去party Room打麻雀，到打開門嗰下堅嚇親😂大家竟然全部都喺齊度！😍😱😱😱

我真係好驚喜好開心又好感動😍🥹全晚都浸喺大家嘅愛入邊，真係full of love🥰好多謝你哋嘅準備🙏🥰

成件事好夢幻🤩不停講咗好多次「好夢幻」😍係因為我冇諗過喺同一個場合可以一次過見到哂我人生唔同階段嘅好同學好同事好朋友們，仲有契仔契女們😍🥹好多人都話好似網友見面😂因為成日喺我IG上面見到對方, 但未見過真人😂

你哋全部都係我追夢過程中同生命中好重要嘅人🥰由我第一日拍片你哋都好支持，有你哋嘅支持我先至可以有動力堅持到今日🙏🥹🥹🥹所以10萬follower 呢個小小嘅里程碑係大家都有份㗎！

我會好好紀錄低呢晚🙌🏻 當然除咗呢班好朋友，仲有好多貴人同埋好好嘅觀眾出現係我生命，我要再一次多謝你哋每一位😘😘😘

我會繼續做我喜歡嘅事💚希望以後大家都可以繼續參與係我生命中🙌🏻請多多指教🙏

03/01/2026

今日我要介紹呢間九龍灣隱世美食！ 🌟 😋

佢個 世一海南雞飯 真係無得輸！果日我食完仲要即刻打包多個返屋企，因為實在太好味啦！🙌🏻

話說嗰日喺九龍灣附近做嘢，朋友話帶我食「正嘢」，推薦必試 雲吞雞 同埋 世一海南雞飯。😋

呢間係藏身喺 工廈樓上 嘅小店，未到門口已經見到 lunch time 大排長龍，都幾旺場

🍲雲吞雞 👉🏻 $60幾蚊，份量超足，雞好嫩滑，仲可以揀淮山麵底！雲吞有成5粒，好飽滿又大大粒～

🐥世一海南雞飯 👉🏻 去骨海南雞，配埋 泰式雞醬 仲有重點嘅 黃薑飯，粒粒分明，香到爆！雞嫩滑，黃薑飯帶住雞油香同香茅味，真係齋食碗飯都好滿足！🍚

⚠️重點！🔥 見佢1:40PM就勁早開始有下午茶優惠，海南雞飯同雲吞雞每樣即減20蚊😱變咗$40幾蚊就食到咁高質嘅餐，真係勁抵食！見勁多人嗌所以我食完仲忍唔住打包多份返屋企～ 😂😂😂

呢間真係抵食又正，快啲收藏起佢先！下次去開九龍灣可以搵吓佢🙌🏻

📍 魚川居
九龍灣宏冠道8號金漢工業大廈1樓5-6室

02/01/2026

之前推介過韓國必買嘅牛角包脆脆，大家仲記唔記得？🙌
今次去首爾見到佢出咗新味啦——抹茶味🍵！

💸 售價1700韓元一包（約港幣$8）
我作為抹茶控，即刻幫大家開箱試食！

試完🙊 雖然好酥脆，牛油味都一樣香濃，但抹茶粉少咗啲，味道偏淡咗啲！😮‍💨
仲係鍾意返原味同朱古力味多啲！👩‍🍳💯

👉 有冇抹茶控會想試下呢？
同埋大家又鍾意邊隻口味多啲？下邊留言話我知啦！👇👇👇

01/01/2026

🔥 都 Dope 氣炸燶邊叉燒食譜 😋😋😋
懶人必學！用氣炸鍋都整到 Juicy 又好味嘅燶邊叉燒，零失敗！💯

🍖 材料清單：
- ⚠️ 記得要用梅頭肉：1斤（肥瘦 7:3，唔好太瘦）
- 叉燒醬：3湯匙
- 生抽：1湯匙
- 玫瑰露酒：1湯匙
- 蜜糖/麥芽糖：適量（燶邊效果用）

📖 做法：
1️⃣ 處理梅頭肉：洗乾淨、印乾，用叉吉啲窿（方便醬汁入味）。
2️⃣ 醃料準備：將叉燒醬 3 湯匙、生抽 1 湯匙、玫瑰露酒 1 湯匙全部混合，倒入密實袋。
3️⃣ 醃製叉燒：梅頭肉放入密實袋，拌勻醬汁，放雪櫃醃至少 3 個鐘（隔夜更好！）。
4️⃣ 氣炸：
- 160°C，每邊 15 分鐘，翻面時記住掃埋密實袋內剩低嘅醃汁！
5️⃣ 燶邊效果：
- 想要燶邊嘅話，前後都再掃蜜糖/麥芽糖，最後 200°C 再氣炸 5 分鐘就完成！✅

🍴 切開件叉燒，Juicy 又腍身，我覺得好味到都要著兩條褲啊！🤣 快啲試下啦～ 🍴

衝咗去睇尋秦記了😍真係一種情懷，佢一播「天命最高」嘅時候真係起雞皮🥹瞬間返到細個煲劇嗰時🥹🥹🥹眨吓眼就25年，真係唔短嘅時間，入面可以見返好多熟悉嘅面孔🥹真係好感動🥲
01/01/2026

衝咗去睇尋秦記了😍真係一種情懷，佢一播「天命最高」嘅時候真係起雞皮🥹瞬間返到細個煲劇嗰時🥹🥹🥹眨吓眼就25年，真係唔短嘅時間，入面可以見返好多熟悉嘅面孔🥹真係好感動🥲

Happy new year🥳2026年祝大家一切都會愈嚟愈好！
31/12/2025

Happy new year🥳2026年祝大家一切都會愈嚟愈好！

31/12/2025

今日係✨ 2025年最後一日✨我係網上見到一個好有趣嘅去霉運方法：用鹽洗手就可以洗走霉氣，迎接新一年嘅好運！

只需要用鹽搓手加一句咒語，就可以「去舊迎新」。

方法超簡單：
1️⃣ 手上放啲鹽，乾搓一下。
2️⃣ 開細水流，一邊搓一邊唸以下咒語：

以水解困
以鹽去晦
舊年盡散
幸運自來

3️⃣ 啲鹽搓好化哂後擦乾，記住保持雙手乾淨，唔好掂錢同其他嘢先，叫做「留運」。

🎯 希望呢個小儀式幫大家送走唔好嘅人事物，迎嚟2026嘅順風順水！趁仲有幾個鐘頭，快啲試吓啦！

👉 快d Shere 俾朋友一齊試，2026年好運齊來！

▶️Credit By
Thanks 🙏🙌🏻

30/12/2025

我又去咗食油甘魚啦🐟每年冒住寒冬嚟首爾，就係為咗食最肥美嘅油甘魚刺身！😍 我通常去弘大附近呢間人氣魚生店，因為真係大件夾抵食！

📍大海生魚片之愛
近弘大附近共有兩間分店：
1️⃣首爾特別市麻浦區延南洞566-8
2️⃣首爾特別市麻浦區西橋洞 461-25

⚠️ Tips：
1️⃣ walk in 攞籌等位，天氣凍有機會喺地下室等位，攞籌等大約一個鐘。
2️⃣ 嗌最細size都夠三四個人食，圍返港幣三百幾蚊，性價比 💯！

🔥 推薦：
- 油甘魚刺身：新鮮即撈即劏，成塊磚咁厚，入口肥美鮮甜！
- 三文魚刺身：配油甘魚雙拼，油脂超香～過咗2月就無咁好食啦！

📌 注意：
👉 每年11月至2月，係油甘魚最肥美嘅季節！錯過就要等多一年～

如果你都想要呢間鋪嘅詳細地址，價錢同埋NAVER Map, 留言話「想食」，我DM你！✨

笑死🤣明明同樣嘅人同景，一張影到得153😞，另一張可以影到183😎，其實只需要將手機上下倒轉咁影就可以影到長腿高度㗎啦😎✌️BTW 其實我想講 斜孭袋勁好用，帶去旅行啱晒✌️🥰
30/12/2025

笑死🤣明明同樣嘅人同景，一張影到得153😞，另一張可以影到183😎，其實只需要將手機上下倒轉咁影就可以影到長腿高度㗎啦😎✌️

BTW 其實我想講 斜孭袋勁好用，帶去旅行啱晒✌️🥰

今次去韓國🇰🇷勁難得又可以見朋友又可以一齊食嘢開LIVE😋寓工作於娛樂😜✌️
29/12/2025

今次去韓國🇰🇷勁難得又可以見朋友又可以一齊食嘢開LIVE😋寓工作於娛樂😜✌️

Address

Hong Kong

Website

Alerts

Be the first to know and let us send you an email when 為食小樂 Foodielok posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 為食小樂 Foodielok:

Shortcuts

Share

Category