https://www.facebook.com/526740900862145/

Foodvaganza, 佐敦上海街35號地舖, Hong Kong (2026)

07/07/2017

[下午茶時間🥐]
偶然走過銅鑼灣希慎的 ,
一向我都幾鍾意食牛角包嘅，
而佢地成日都會推出一啲新味。
今次發現呢個名為加力茜牛，
我本來以為綠色喎，
唔通今次出抹茶?!? 😍😍😍
再睇真啲原來係芫茜同蒜蓉😅😅
蒜蓉本人好ok 㗎，但芫茜係絕不OK 🙅🏻🙅🏻
所以今次係誠意推介俾芫茜愛好者.......
或者大家都可以share 下食完評價吓😄

02/07/2017

Sunday Brunch, CIY = cook it yourself!!! 😄😄
Vietnam Fusion 🤗
香蒜扎肉炒扁意粉
唔係賣花讚花香，真係炒得幾好食㗎😁😁
如果屋企有九層塔仲正😋
除左寫食評，其實我都識得煮嘢食㗎🤣
平時出街食成百蚊個意粉，
自己煮50蚊都唔洗，仲可以分幾餐，哈哈
呢個絕對係可以列入好老婆系列菜式。
#出街食到嘅嘢其實自己都煮得到

14/03/2017

[6點半食堂]
今日想同大家介紹一下位於佐敦的米線店。
呢間米線之所以特別，
唔係佢主打麻辣，酸辣，魚湯呢啲一街都賣緊嘅嘢。
佢特別在主打食牛同羊肉米線。
全個主食餐牌你要選擇嘅係...........
1. 牛/羊/牛羊
2. 羊肉帶皮/ 淨瘦
3. 大碗$49/ 細碗$39
對於選擇困難症人仕如我黎講，簡直係福音。
首先，我唔食牛，所以只係食羊，
我個人唔太喜歡食皮，所以要淨瘦。

在此，我想同大家講，
雖然大碗同細碗只差$10蚊，
但喺你叫大碗之前，先睇吓人地啲食評同照片，
衡量一下自己有無能力食一個洗面缸咁大嘅麵，
千祈唔好貪小便宜，眼闊肚窄做左大嘥鬼。
大碗真係好大，當日隔離枱有男仕叫左碗大嘅，
碗面一上枱佢都嚇親，嘩咗一聲！

呢間舖頭真係好足料，
加$1加左少少酸菜。
羊肉切成薄片，唔會好膻。
清湯夠味，再加上佢地嘅辣椒油，
成碗米線，食晒，正！
酸菜佢地多用葉嘅部份，好嫩，唔會好酸。
當日我係好餓咁去食左個細碗，食完5點，
但飽到晚飯都唔洗食。
如果你喜歡食牛肉和羊肉的話，
我覺得不妨可以去試一試，
但如果你超怕膻味的話，
我建議你可能行過門口都要兜路行，
因為嗰陣膻味基本上你喺前2個舖位就聞到。

**下午茶時段(2:30pm-6pm) 送飲品🤣

雲南啊老表黑羊湯鍋米綫 (佐敦)
佐敦上海街35號地舖

10/03/2017

坐落在九龍城的家嫂是其中一間明星食堂，
門口貼滿家嫂和明星的合照。
家嫂星洲美食主打叻沙，
完全不吃辣的，亦有滷水飯和魚湯米線選擇。
記得頭幾次去食家嫂都是晚餐，
晚餐價錢一碗最普通的家嫂叻沙都$70-80一碗，
不包括飲品。價錢唔算平。

今次見有午餐包飲品都是$47 up,
所以又走入去食。
今次點了星洲冬蔭米線，配玫瑰荔枝茶($47)。
另外再額外點了一份小食生菜($12)。
這款米線已配牛丸，貢丸及墨魚角。
由於本人不吃牛肉，
所以牛丸換來多半粒貢丸😑
略嫌有點不夠大方。
湯底有鮮味，但確實唔可以用泰色冬蔭公嗰種味去比。
你當食星泰fusion 咁樣啦。
值得一讚係個湯，無味精，真材實料。👍
食完唔會口乾，搏命搵水飲😁

至於個小食生菜份量較少，
如果係跟餐+$8 咁會合理一啲。😅
至於玫瑰荔枝茶，完全飲唔到荔枝味。
可能因為個湯太濃，而個茶又唔甜，
結果，飲飲吓覺得好悶。
整體其實唔差，相信我會回頭嘅。

07/03/2017

大家見我寫過咁多篇食評，
一直都好持平，盡量保持原汁原味嘅如實報導。
但...本小姐今日真係見識過沒有最差，只有更差。
我只能說Nene chicken，Goodbye!
今日點了1碟雙拼炸雞($178) 和芝士年糕拉麵底($108)
雙拼炸雞我選了甜辣炸雞和初雪炸雞兩款口味。
初雪炸雞，好靚啊個名，其實即係芝士粉炸雞。
首先，個甜辣炸雞，甜同辣嘅比例係5:1丫。
好甜，好似食緊咕嚕雞咁！
至於個初雪炸雞，隨炸雞仲送多幾舊薯角俾你。
但個薯角真係唔送好過送，凍嘅，係近乎冰凍咁！
搞到我同男友忍唔住叫個侍應黎問吓點解個薯角係凍嘅？
點知個侍應話，係咁㗎！
我心稔，ok 啲雞都熱熱地嘅，可能係個薯角佢炸起擺得太耐姐，唔緊要照食啦！
老實講啲雞都唔係熱辣辣咁，都係比暖熱少少咁啦。
第2個拉麵年糕，ok 我真心無稔過呢個食物會變左甜食，好甜，甜到好似食緊甜品咁，仲兼又係唔熱嘅，好難食！
拉麵用辛辣麵年糕未煮夠時間完全係一舊淡而無味嘅粉團我都算了，但甜到甜品咁點食啊？！

整體黎講，試2樣2樣都好失敗！

NeNe Chicken (葵芳)
葵芳興芳路223號新都會廣場L1層185號舖

10/02/2017

[週末好去處系列]
今日是Happy Friday,
未決定呢2日有咩節目好的話，不妨考慮這裡。

葵芳，除葵廣美食以外，
其實隱藏了很多小店。
小店各有特色，今次經朋友介紹到TOOLSS 一嚐咖啡和美食，扮個偽文青。
這次點了Flat White 和香草奶油煙三文魚意大利麵。
Flat White 香濃幼滑，咖啡味濃郁，入口回甘。
沒有花巧的拉花，對一向喜歡簡單的我，
更加喜歡這種樸實，走實力派路線的小店。
食物上枱的時候熱呼呼的，幸福！
味道咸淡得而，奶油味香濃，
喜歡creamy 的朋友應該會大愛。
值得一讚是當日只見一位女侍應，
雖然只得一人，但女侍應的態度很好👍

TOOLSS (葵芳)
葵芳美芳街2-14號昌鴻大廈地下5號舖

07/02/2017

因為工作，我又到元朗覓食。
本來想到另一家店的，但2pm 人家已收市了，
於是只好誤打誤撞，憑直覺走入。
午市餐牌選擇眾多，有刺身丼，熟食丼，壽司.......
今次我選擇了灸燒三文魚帆立貝丼。
每個丼都跟面豉湯和沙律，飲品會另外加$6 up。
面豉湯溫度剛好，唔會太咸。
沙律生菜新鮮脆口，夠晒fresh。
至於個主菜亦不錯，未算非常驚喜，但性價比高。
三文魚有三片，挺厚身的，
帆立貝有4粒，未算鮮甜。
加上燒汁，味道很夾，可以不用醬油已夠味。
唯一覺得帆立貝燒得有點焦。
但以$62 食到一個如此質數的丼飯，
兼不用等位，舒舒服服的吃一餐，
本人表示有機會我一定會回頭的。

丼家和食 (元朗)
元朗教育路71-79號京都閣地下1號舖

24/01/2017

元朗許祥昌車仔麵，聞名不如見面。
今次叫左個大雜，
所謂的大雜即係大的雜錦麵，咩都有啲。
最啱我呢啲山長水遠，梗係咩都試吓嘅食客。
許祥昌我只可話佢嘅出名係在於平。
講真，味道真係嘛嘛喇，唔難食，
但都唔見得有咩特別出色。
大麵27個大洋食飽個肚就係咁。
同區我會寧願選擇永年。
但其實我食過最好食嘅車仔麵真係牛頭角下邨嗰間。
可惜，而家已經無左喇😢😢

許祥昌食店 (元朗)
元朗擊壤路17號順發大廈地下B舖

12/12/2016

葵廣多嘢食係人都知啦😄
本來淨係想去吉野家買個豚肉飯食
點知隔離有間阿佳拌麵
有滷水溏沁蛋($20/2隻) 決定加料👍
隻蛋都幾好食嘅，入味同堅流心😍
雖然幾好食，下次都想試埋個拌麵
不過等嘅時間就真係耐左啲喇⏰
2隻蛋足足等左20分鐘先有
原因係佢唔理你叫乜，都一定要跟號數叫🙄

阿佳拌麵 (葵芳)
葵芳葵富路7-11號葵涌廣場3樓303F號舖

02/12/2016

病左10日，今日終於可以食啲好食嘅嘢喇😃
呢間米線係我一直好想介紹俾大家嘅
因為真係好好食😋
重點係無味精，食完唔會狂飲水👍
我最鍾意食佢嘅麻辣湯底
如果唔係食得好辣嘅朋友仔叫小小辣就好了
因為佢啲辣係偏辣的🌶
今次叫左冬菇，雞肉，炸醬
3餸米線$38 另豆漿$7
🌟呢度有幾款餸係我推薦俾大家🌟
炸醬，雲吞，腩肉，雞肉，冬菇，仲有雞翼
注意: 逢星期日休息啊！

地址:巴蜀麻辣米綫 (大角咀)
大角咀埃華街95號

17/11/2016

[Lunch time 又到系列]
今日去到元朗丼家
午餐餐牌竟然有火灸鰻魚($68)我梗係叫呢個啦😂
一個餐其實份量適中，夠飽
但就唔係特別多。(以本人食量計)
鰻魚飯唔錯，唔會燒到乾爭爭
麵豉湯唔係超市開粉嗰啲，ok 嘅
略嫌個烏冬湯唔熱，有啲凍添

唔洗加一，以呢個價錢真係幾抵食😁

丼家 (元朗)
元朗鳳攸北街2-6號永富閣地下14B號舖

13/11/2016

😋蘇梅Fine Dinning🌟10粒🌟推介😍

1. 柚子沙律
2. 甜酸魚塊
3. 蔬菜冬蔭功
4. 煎羊架
5. 菠蘿炒飯

2個人只花了3,360baht,不到$700港紙
就可以享受高質海景晚餐🌴
詳情見圖，不解釋😂

Foodvaganza

07/07/2017

02/07/2017

14/03/2017

10/03/2017

07/03/2017

10/02/2017

07/02/2017

24/01/2017

12/12/2016

02/12/2016

17/11/2016

13/11/2016

Address

Website

Alerts

Shortcuts

Share

Category