27/08/2023
#好孩子星期天 ，今日畢業啦！
早年就開始追聽〈好孩子星期天〉嘅小朋友、當年有份嚟香港電台嘅開mic team同小主持，今日已經長大啦，可能讀緊大學，或者出嚟社會做嘢，甚至可能已經有自己嘅好孩子𠻹！
各位小朋友，惦記每次直播嘅時候，你哋打電話上嚟分享嘅生活點滴，仲有天真活潑嘅笑聲。
至於大朋友們，你哋嘅來信、電郵，對節目主持嘅鼓勵乃至鞭策，每次踴躍參與我哋嘅活動，都係製作團隊珍貴回憶嘅一部份。
衷心感謝，每一位聽眾對我哋嘅支持！有緣喺大氣電波中與你相會，感恩〈好孩子星期天〉可以陪伴大家成長。
呢個專頁裡面有好多相片同影片，留低我哋過去多年嚟同聽眾互相交流嘅足印。歡迎大家隨時返嚟呢度，回味當日嘅點點滴滴。有參與過我哋節目、活動嘅各位好孩子，可能仲可以搵返自己細個嘅相𠻹！
〈好孩子星期天〉，有緣再會啦！拜拜～
