17/07/2025
Thank you for choosing Come Together Workshop!
with .repost
・・・
今個星期六、日，我有個舞台表演；
———————————————————————
「什麼是喜劇？」🎭
關於呢個show
我同大家分享兩張圖，兩個故事。
圖一）
Band Rehearsal完咗嘅時候，有一個好消息一個壞消息；
好消息，對於對唱歌一直迷惘嘅我搵到清晰嘅定位，我就係「喜劇」擔當😀
壞消息係，過程入面三位歌手中嘅歌手連環轟炸我耳仔，好聽到嚇親我，其實我平時只係台下聽佢地唱歌，0接觸，最多諗到可能有一日拍戲會合作，唱歌應該冇乜可能，而今次係我第一次咁近用ear mon聽三位唱歌，我崩潰咗🫨完全唔知應該點開口唱歌；
完咗之後監製問我哋有冇問題嘅時候，我成個腦都係諗緊「我全身都係問題我應該由邊度講起？」於是我好果斷咁問：「你哋有冇相熟嘅醫生係專搞聲帶？有冇得成條換咗佢？」
雖然係講笑，但個感受係真😀
平時同Error唱歌，我都會緊張，今次，唔係緊張咁簡單，不過唔緊要，人生就係要不斷挑戰同埋成長，我已經調整好心態，五隻字講晒！「知恥近乎勇」，我有信心上台啦！😤
圖二）
睇完上面篇文，心地敏銳嗰啲一定會諗「有冇搞錯啊？三位歌手？你暗示肥仔唔係？」
肥仔係我眼中當然係歌手，甚至係唱跳歌手中嘅歌手，如果我話會俾肥仔歌聲嚇親，未免太冇說服力；係band rehearsal 時，佢表現從容非常專業，同我完全相反，為咗表揚佢嘅實力，我會喺呢張相Credit返佢 📸 以示鼓勵；
冇錯，張相係我叫佢影，我演緊俾人偷影同用膝頭頂住手臂扮緊大隻，係咪好自然呢？大佬呀！呢啲先係我專長！🤡
咁點解我當初要接呢個show？
我：「肥仔想接我就陪佢」
不過如果唔係肥仔肯接，
我呢一世都未必有機會做；
如果只係做一次，咁更加要轟轟烈烈咁做一次！
轟烈到，背景真係會有隊管弦樂團演奏🤣
發生喺我身上，真係好Error😀
—————————————————————————
「什麼是喜劇？」音樂會
19/7，20/7（晚上八點）共兩場
香港文化中心大劇院（尖沙咀）
依家仲要7月20號有機會送多個特別表演「八號風球」，可以先睇8號風球再入場睇show，冇得唔抵睇啦😆，仲有少量門票快啲買啦！有唱、有跳、有演⋯包你有驚「喜」！
