20/07/2025
今日要介紹我出親旺角都去嘅食堂📍泰風佳味海南雞
(旺角熟食市場|朗豪坊對面)
如果你去旺角搵平靚正嘢食,呢間真係唔可以錯過。
我以前住附近成日幫襯,依家雖然搬咗,但每次返旺角都會特登去食!
😋必試推介:
- 去骨海南雞飯 $45
超大碟,包飲品。雞肉滑嫩,帶啫喱感,連雞胸都唔會嚡。秘製醬汁惹味又開胃,食完回味無窮。
- 泰式濕炒牛河 $54
又係超大兜,兩個人share都得。牛肉嫩滑,配料足,鑊氣十足,分量多到食極都有。
🍽️其實佢啲炒嘢全部都好好食,好有鑊氣👍
😋仲有其他我都好鍾意:
- 麻辣豬頸肉炒飯, 又係座山咁高🙈
- 青咖喱雞,個汁好香濃👍
- 香葉炒肉碎煎蛋飯, 呢個又係我必食
- 無骨豬手飯,同海南雞一樣咁出色
其實好多其他嘢都好好食,最緊要價格親民,真心抵食!
可能大家都擔心會唔會好熱,其實個熟食市場有冷氣,唔洗擔心熱住食😜
📍泰風佳味海南雞 (旺角)
旺角上海街557號旺角綜合大樓2樓旺角熟食市場2號舖