30/07/2025
Naš suradnik, ekološki aktivist i fotograf preselil se je iz Čudomerščaka u Prinčevu ulicu. Badava, još mu je gore.
Morti bu za Fašnik situacija normalizirana
Neke stvari nikak ne razmem i jako su mi čudne. To je sigurno, jer sam godinama živel na Čudomerščaku. Zato sam se odlučil preselit čim dalje od Čudomerščaka, da se ne bi stalno nekaj čudil. Prešel sam živet na drugi kraj Samobora, u Prinčevu ulicu. Mislil sam si da bum tu konačno živel kak princ, a ispal sam običan konj kaj se i dalje čudi.
Recimo, zakaj su v petak u Prinčevu došli bager, kombinirka i velki kamion? Za one Samoborce kaj ne poznaju ovak kraj, Prinčeva ulica je ona cesta po kojoj bi došli v Svetu Nedelju ak bi prije Milečkog skrenuli levo. Ne prema Molvicama, nego malkice prije. Na početku te mirne, lepe ulice je i tabla Prinčeva ulica. Isto pela kak i betonka do Svete Nedelje samo kaj se vozite po bregu i vidite Zagreb z brega.
Ono kaj je problem je kaj ta ulica nema asfalt. Ima na početku, ali na kraju im je valda sfalelo. Onda kad su ju asfaltirali ni im taj pravac prema Svetoj Nedelji valjda bil vu Fokusu. Al ni to problem kaj je tu makadam, neg je tu i velki breg. A ona "pametna" navigacija, ak je naštelana na najkraći put, vleče ljude iz Samobora za Zagreb po Prinčevoj. Onda tu zapnu, šlajsaju, spominju i oca i mater svima redom tak glasno da me po noći zbude. Čudim se kak to v Gradu niko ne čuje. Morti i čuju, al ne mare.
Još mi je čudno kaj su v petak tu bili strojevi. Obično dojde samo kombinirka i prejde par put gor - dol. Sad je pak došel i velki valjak, a i kamion je dopelal peska da se se prašilo. Valjak je drmal celi dan se mi se hiža tresla čak mu se je i rotirka otšerafila i nekam opala. Popeglali su Prinčevu kak da bu sam car tu dojahal na belome kojnu.
Kad je mašinerija prešla, ja sam zval Komunalac i pital jel pripremaju morti asfalt, al nisu mi znali reči. Posle su javili da asfalta nebu.
To je se bilo u petak. Kak ste vidli, celu subotu je levala kiša "kak iz kabla", kak se to lepše pri nami veli. Srećom, tuče ni bilo, a kak morete videti, ni ceste više ni. Voda ju je odnesla. Niš čudno, tak je saki put. Godinama.
Danas je pondelek i sigurno bu Komunalac opet došel peglat Prinčevu. Vakula je rekel da bu za vikend pak jako padalo. Posle kiše u Prinčevu obično dolazi Komunalac, a ne sunce.
I tak leto za letom.
I kak to ne bi normalnom čoveku bilo čudno!? Rekli su mi susedi da bu Prinčeva dobila asfalta kad za gradonačelnika v Samobor dojde princ.
A to znači za Fašnik.
Više na http://www.samoborskiglasnik.net/zariste.asp?datum=20250728 #2831
Romeo Ibrišević
