12/10/2025
Yon revolisyon pa fèt nan bri, li fèt nan konsyans.
Dessalines te konprann sa depi lontan : se pa pawòl ki chanje nasyon, se aksyon ak disiplin. Li te konnen fòk yon moun aprann pale ak Bondye, ak tèt li, anvan li pale ak pèp la.
Jodi a, anpil moun panse revolisyon se mikwo, se live, se jouman. Men verite a, revolisyonè pa pale anpil — li bati, li kore, li leve lòt.
Nou pèdi sans sakre misyon nou kòm pitit peyi ki te premye leve kont esklavaj la.
Nou pran lanmo, mizè ak dezòd pou jwèt medya sosyal.
Si gen yon veritab revolisyon pou nou fè jodi a, se pa kont moun —
men kont inyorans, kont move konpòtman, kont egoyis.
Revolisyon an dwe fèt nan lespri nou, nan fason nou sèvi ak pawòl, nan jan nou chwazi bati olye kraze.
Dessalines te fè bri nan silans.
Nou menm, nou fè silans nan bri.
E se la diferans lan ye.
