Cap Viral News HT

Page d'Accueil
Haiti
Cap-Haïtien
Cap Viral News HT

media

02/11/2025

Jij Wilson Charles nan tribinal de Pè seksyon Nò Okap la, te resevwa yon bèl sipriz pou selebre anivèsè li, gras ak yon jès sensè ak fraternel Jij Samuel Philippaux.

01/11/2025

Kap Ayisyen; Yon bèl moman emosyon ak respè nan Tribinal Seksyon Nò a!

Jij Wilson Charles resevwa yon sipriz espesyal nan okazyon anivèsè li, gras ak jès fraternel Jij Samuel Philippaux.
Yon jounnen kap raple tout moun ke menm nan mitan rigè lajistis, gen plas pou lanmou, respè ak solidarite. 💐⚖️

31/10/2025

Aktivis politik Fredelyn Vilvert lanse yon apèl bay otorite yo nan Okap pou yo pran responsabilite yo olye yo kontante yo nan di moun kite zòn ki riske yo pandan siklòn Melissa tap pwoche sitou vil la. Selon li move drenaj ak neglijans otorite yo fè vil la vin enkapab. Yon vil ki paka sipòte menm yon ti lapli.

Deklarasyon sa fèt Ayè Mèkredi 29 Oktòb la, kèk èdtan anvan yo te anonse depa siklòn nan nan peyi a.

30/10/2025

Vyolans ankò nan Okap! Plizyè sitwayen nan zòn lafòsèt denonse jan polisye kinan Bakòp BI-CAP te maspinen yo ak kout mato, bout bwa ak baton nan lannwit Samdi 25 Oktòb 2025 la, apre yon telefòn pèdi. Viktim yo rakonte sèn lan kòm yon veritab masak, kote menm timoun pat epanye.

29/10/2025

Yon sitiyasyon endiy ak dlo nan Je kote respè dwa moun yo pa respèkte.
sase Imaj plizyè rezidan nan zòn Lafòsèt, nan vil Okap, kap denonse aprè yo di yo sibi move tretman anba men polisye Bakòp BI-CAP yo. Selon temwayaj ak dokiman medikal yo montre, plizyè viktim ta frape ak mato, baton bisbòl, ak bwa depakat, jis rive blese grav nan zo kò yo. Yon aksyon brital ki soulve gwo endiyasyon nan mitan popilasyon an, pandan vwa kontinye leve pou mande Direksyon Depatmantal Lapolis Nò a pran mezi kont debòch sa yo ki sal imaj PNH la.

28/10/2025

Se tris pou nou wè koman Bakòp polis BI-CAP maspinen, krabinen moun lafòsèt nan okap ak kout mato, baton bisbòl, bwa depakat paske yon telefòn pèdi polisye yo akize moun nan Zòn nan menm timoun pa epanye.

28/10/2025

Cap-Haïtien, le 27 octobre 2025

Le Réseau des Journalistes Numériques Professionnels d’Haïti (RJNPH) a appris avec consternation l’agression subie par notre confrère Ernst Orélus, responsable de Ernso News TV, alors qu’il exerçait son travail.
Nous condamnons avec la plus grande fermeté la manière dont un agent de la Brigade d’Intervention (BI) a saisi les matériels du journaliste Orélus au moment où il couvrait le mouvement des motards, ce lundi 27 octobre 2025, dans la ville du Cap-Haïtien.

En plein XXIe siècle, de tels actes ne devraient plus se reproduire. Les journalistes ont le droit d’exercer librement leur métier, sans aucune contrainte ni intimidation. Toute entrave à ce droit constitue une violation flagrante de la liberté de la presse.

Le RJNPH alerte les autorités judiciaires, notamment la Police Nationale d’Haïti (PNH), afin qu’elles prennent toutes les dispositions nécessaires pour prévenir ces types d’agressions dont sont trop souvent victimes les journalistes dans l’exercice de leur profession.

Edwardo PIERRE
Coordonnateur Général

28/10/2025

Se vrèman tris lè Wap gade eta Batiman Campus Univèsite Limonad la ki trouvel nan yon eta deplorab, 13 lane aprè Repiblik Dominikèn fin bay Ayisyen espas sa, pa gen okenn travay de reyabilitasyon ki fèt ladan.

Depatman Nò Peyi a.

Kredi videyo; MÉDIA.

27/10/2025

📝 Nòt Dènonsiyasyon ak Solidarite Kòm jounalis, Nou leve vwa nou kont zak entimidasyon ak abi otorite kap vize kolèg nou Ernst Orélus pandan li tap fè travay li nan Okap. Se yon atak klè sou libète laprès ak dwa jounalis yo pou enfòme san pèsekisyon.
Mwen mande responsab PNH yo pran dispozisyon nesesè pou sanksyone ajan sa yo epi garanti sekirite tout jounalis kap sèvi peyi a ak verite.
✊🏽 Solidarite total ak Hernso News TV ak tout jounalis kap lite chak jou pou laverite triyonfe.

Staf Cap Viral News HT ✍🏽

26/10/2025

🚨FLASH

Otorite jidisyè nan jiridiksyon Kap Ayisyen ap kontinye mennen ankèt sou yon nouvo eskandal kigen rapò ak tranzaksyon tè. Dapre enfòmasyon ki rive jwenn redaksyon an, yon notè byen koni nan zòn nan te konvoke nan kabinè d’instriksyon apre plent ki fè kwè li ta enplike nan yon ka “vann byen moun”.

Sous jidisyè yo fè konnen notè a ta resevwa yon gwo kantite lajan ameriken sou kont pèsonèl li kòm peman pou yon tè ki sipoze vann nan zòn Magagnos. Men, malgre tout dokiman yo siyen, kliyan an pa janm rive antre an posesyon tè a. Lè moun ki te peye lajan an mande pou li jwenn remboursman li, notè a ta deklare li te aji “pou fasilite afè a fèt”, san li pa kapab prezante moun li te Vann tè a pou li a a moun ki te achte a!

Daprè temwayaj yo, se sèlman ak notè a achtè a te fè tout demach, atravè yon entèmedyè ki te prezante tèt li kòm “Avoka mèt tè a’’.

Sitiyasyon sa soulve anpil kesyon sou kredibilite kèk notè nan pratik pwofesyon an ak mank siveyans sou tranzaksyon imobilye yo.

Kabinè d’instriksyon an anonse li pral kontinye tande tout pati konsène yo pou klere opinyon piblik la sou verite a. Dapre sous yo, si akizasyon yo konfime, notè a ka fè fas ak pouswit grav pou fwod ak abi de konfyans.

Ka sa vin ajoute nan lis eskandal ki souke sistèm notaryal peyi a, kote anpil sitwayen kontinye sibi pèt ak dezapwentman nan men moun ki ta dwe garanti sekirite legal yo.

24/10/2025

Nan yon pozisyon ki make detèminasyon ak kouraj sitwayen, aktivis politik Antoine Frito Saint-Ange lanse Apèl dirèk bay Otorite jistis yo nan peyi a, pou mare tout moun ki selon limenm gaspiye lajan peyi a nan koze referandòm. Daprè sitwayen an pèp la dwe konnen kijan fon piblik yo itilize, sitou lè peyi a ap fè fas ak gwo kriz ekonomik enstitisyonèl.

23/10/2025

Majistra adjwen vil Okap la, Patrick Almonord, lanse yon apèl ijan bay popilasyon Kapwa a pou rete vijilan fas ak move tan ki frape rejyon an akòz pasaj siklòn Melissa.
Nan yon entèvyou li bay laprès, responsab la mande sitwayen yo, sitou sa ki rete nan zòn ki riske inondasyon ak glisman tè, pou pran tout prekosyon nesesè pou pwoteje lavi yo ak byen yo.

Adresse

Rue Saint Philomène
Cap-Haïtien
1113

Site Web

http://Www.sondytv.com/

Notifications

Soyez le premier à savoir et laissez-nous vous envoyer un courriel lorsque Cap Viral News HT publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.