24/12/2025
Jod Infos Nòdwès nouvèl zonbi ki gwós.
“Zonbi Nancy ansent?” Yon koze ki fè tèt moun ap vire nan peyi a!
Selon enfòmasyon Jod Infos Nòdwès jwenn, istwa Zonbi Nancy tounen sou tab ankò. Apre demwazèl sa te swadizan mouri epi tounen lakay li kòm zonbi, fanmi li fè konnen yon jèn gason ta mete zonbi a ansent! 😳
Wi, ou li l byen! Yon zonbi ansent. Nan tout sans nou konnen zonbi pa ni lavi ni lanmou, men Ayiti se peyi posib! Gen moun ki deja rele sa “gròsès mistik”, lòt ap di gason an dwe gen “san lasosyete” pou l fè sa.
Gen pawòl ki di gason an pa t konnen se zonbi li te pran... Men gen lòt ki kwè se lanmou ki te fè l fèmen je li sou “paspò mortèl” Nancy te deja gen nan men li.
Kounye a, tout katye a ap tann si ti zonbi a ap fèt vivan, si se ap yon “zonbinèt”, oswa si se te yon bèl blag sòsyè fè sou tèt moun.
Nan sans sa, Jod Infos envite nou ri 🤣men reflechi, paske nan peyi sa a, sa nou pa t janm panse posib, se li menm nou jwenn.
