Bazanack-Actualités

Page d'Accueil
Haiti
Delmas
Bazanack-Actualités

Bonnes informations.

01/05/2024

: Biwo swivi akò Montana ( ) denonse kont maltaye li di yon kowalisyon 4 sektè nan konsèy prezidansyèl tranzisyon an konplote sou do popilasyon an nan lanwit lendi pou ouvri madi 30 avril 2024 la, lè yo deside vyole akò politik 3 avril yo te siyen an ak tout pwojè dekrè sou kreyasyon, òganizasyon ak fonksyônman konsèy la pou yo nome pou kò yo, san eleksyon yon kowòdonatè pou konsèy la, yon premye minis ak yon gouvènman san respekte prensip patisipatif yo te siyen an.

Paralèlman, Almagro ki se sekretè jeneral felisite deziyasyon Edgard Leblanc Fils nan tèt konsèy prezidansyèl tranzisyon an epi fè konnen chwazi yon premye minis nan transparans, nan respè mekanis pou yon moun vin premye minis ak fòme yon gouvènman ap vital pou peyi d Ayiti.

01/05/2024

: Nòt kinsèy prezidansyèl la ki pote sinyati Leblanc Fils sou jounen demen mèkredi 1 me 2024 la ki se ap fèt agrikilti ak travay.

30/04/2024

: Edgard Leblanc Fils vini prezidan konsèy prezidansyèl tranzisyon an.

Jan sa te prevwa pou eleksyon te kapab fèt jounen madi a nan maten pou mete youn nan 7 manm ki kapab vote yo nan tèt konsèy prezidansyèl tranzisyon an, majorite anndan konsèy la jwenn yon antant sou non ansyen senatè Edgard Leblanc Fils pou vin prezidan konsèy la san yo pa menm rive nan faz vote a.

Nan menm seri antant yo jwenn yo, yo jwenn yon minimòm antant sou ansyen minis Fritz Bélizaire pou ta vin premye minis peyi a.

Li enpòtan pou nou soulinye Edgard Leblanc Fils se te youn nan kandida minorite a ki li menm te gen 2 lòt kandida e Louis Gérald Gilles se te kandida majorite a.

Yon lòt bò lidè pitit Dessalines nan, ansyen senatè Moïse Jean-Charles ak nouvo alye konjonktirèl politik li, ansyen premye minis Claude Joseph ki yo menm se 2 majòjon anndan majorite a, fè konnen se pou li kapab debloke peyi a pou lekòl kapab reouvri pou anpeche ti moun yo pèdi ane lekòl la ak delivre sitwayen Ayisyen yo anba ensekirite ki ap taye banda nan peyi d Ayiti ki koz li pran desizyon antann yo sou chwa M. Leblanc.
Claude Joseph bò kote pa l fè konnen yo deside vote sajès, imilite, sobriyete, yon tranzisyon koupe fache ak rekonsilyasyon, yon tranzisyon pasifik ki p'ap al pèsekite opozan politik ki mennen yo pran desizyon sila a.

Selon enfòmasyon Bazanack-Actualités jwenn, manda Edgard Leblanc Fils ap fini 7 fevriye 2026.

25/04/2024

: Jan premye minis Ariel Henry te di l nan videyo li te mete deyò pandan li deyò peyi a, kote li te deklare osito konsèy prezidansyèl la enstale li ap rale kò l ak tout gouvènman an men yo ap jis rete pou likide afè kourant yo an atandan konsèy la chwazi premye minis ak gouvènman li.
Nan yon lèt li adrese ak konsèy minis lan yon jou avan enstalasyon konsèy prezidansyèl tranzisyon sa vle di yè mèkredi 24 avril 2024 la, depi Los Angeles, Ariel Henry remèt demisyon li ak pa gouvènman an.

Li di nan lèt sila a li remèsye pèp Ayisyen an nan non gouvènman an pou opòtinite sèvi peyi a ak entegrite, sajès ak onè.

Se Michel Patrick Boisvert ki nome premye minis pou yon ti bout tan an atandan KP a chwazi yon lòt premye minis.

Ariel Henry li menm toujou poko ka retounen nan peyi d Ayiti.

25/04/2024

: Jodi jedi 25 avril 2024 la aprè anpil tolalito konsèy prezidansyèl tranzisyon (KPT) an enstale nan pòs li pou vin dirije peyi a.
Konsèy sa a genyen misyon pou li retabli sekirite andedan peyi a pou kapab òganize eleksyon pou plis tan nan 22 mwa ak pou pi piti tan 18 mwa.

06/04/2024

: Peyi Meksik kanpe relasyon diplomatik li ak peyi Ekwatè aprè plizyè polisye ekwatoryen te vyole espas anbasad yo a ki twouve li nan kapital la, pou arete ansyen vis prezidan Jorge Glas Espinel ki te refijye anndan an.
Selon enfòmasyon yo ansyen vis prezidan an apèn sot jwenn azil politik.

Bò kote pa peyi Ekwatè yo ekri nan yon kominike ministè kominikasyon: "chak anbasad gen yon objektif: .

Polisye Ekwatoryen yo maltrete plizyè anplwaye anbasad la menm chaje d afè a pat epanye.

N'ap soulinye peyi Ekwatè apèn sot deklare "persona non grata" anbasadris Meksikèn nan.

05/04/2024

: La Police Nationale d'Haiti - PNH anonse pandan jounen vandredi 5 avril 2024 la, li menm nan kolaborasyon ak administrasyon Dwàn yo, fè yon gwo sezi nan pò Kap-Ayisyen. 12 fizi daso, 14 pistolè ak yon milye katouch, se yon bilan pasyèl epi la polis fè konnen operasyon an ap kontinye. Bazanack-Actualités

05/04/2024

: Yon tranbleman tè mayitid 4.8 frape eta New-York maten vandredi 5 avril 2023 a.
Selon gouvènè New-York la, Governor Kathy Hochul se youn nan pi gwo tranbleman tè ki frape kot ès la nan dènye syèk sa a.

"Erezman, pa gen blese ni domaj ki sinyale, men gen lòt replik ankò ki posib" deklarasyon Kathy Hochul .

Yon lòt bò gouvènè New-York la konseye popilasyon an pou yo rete prè ak pran mezi pou yo rete nan sekirite. Bazanack-Actualités

03/04/2024

: Yon tranbleman tè manitid 7.4 frape peyi Taywann jodi mèkredi 3 avril 2024 la, pou pi piti 9 moun pèdi lavi yo ak plis pase 900 moun soti blese, selon ajans nasyonal lit kont dife.
Tout moun yo jwenn ki mouri yo se nan zòn , yon zòn ki tou pre episant tranbleman tè a, nan zòn lès peyi a. Avèk Agence France-Presse .

03/04/2024

: La Police Nationale d'Haiti - PNH lanmò yon chèf gang nan echanj kout zam avèk lapolis, yon fizi daso sezi ak plizyè bal sezi nan komin Petyon vil.

Chèf gang “Site Doudoun” nan nan komin Kwadèboukè moun konnen sou non “New York New York” tonbe nan echanj kout zam avèk lapolis madi 2 avril la nan kad operasyon yo kap kontinye pou kwape bandi, selon sa la polis aprann

Nan komin Petyon-Vil pi presizeman nan katye Meyòt, polisye Inite Tanporè Anti Gang yo (UTAG) rekipere yon fizi daso ak plizyè katouch pandan afwontman ant lapolis ak bandi ame ki fè pati gang Vitelhomme Innocent ap dirje a, daprè sa la polis ekri.

Pandan tan sa a nan menm jounen 2 avril la bandi yo te kontinye ap simen kout bal nan komin Pòtoprens presizeman nan zòn Channmas la men la polis la te mete pye li atè li atè pou kontrekare bandi yo.

Nan vas vyolans gang yo nan zòn metwopolitèn nan, yo arive atake kolèj Sen Masyal nan aprè midi jounen 1 avril 2024, yo mete dife nan sal enfòmatik enstitisyon an.
Yon lòt bò bandi pran kontwòl lopital jeneral la ki twouve li nan ri Sen Onore a.

02/04/2024

: Ambassade des États-Unis en Haïti

Jodi a, daprè jan pwotokòl diplomatik yo mande sa, Anbasadè Hankins te rankontre ak Ministè Afè Etranjè ak Afè Relijye, Jean V. Généus ak Premye Minis Pwovizwa a Boisvert. Anbasadè a te kontan tande gouvènman an konfime ke li pare pou avanse ak tranzisyon an depi kedokiman Konsèy Tranzisyon Prezidansyèl yo finalize epi yo resevwa yo nan fòm final yo. Anbasadè Hankins espere prezante lèt kreyans li bay nouvo gouvènman an.

___”___

Aujourd'hui, conformément aux protocoles diplomatiques, l'ambassadeur Hankins a rencontré Ministère des Affaires étrangères et des Cultes, Jean V. Généus et le Premier ministre intérimaire Boisvert. L'ambassadeur a été heureux d'entendre le gouvernement confirmer qu'il est prêt à avancer avec la transition dès que les documents du Conseil présidentiel de transition seront finalisés et reçus dans leur forme finale. L'ambassadeur Hankins est impatient de présenter ses lettres de créance au nouveau gouvernement.

02/04/2024

: Pandan jounen lendi 1 avril 2024 la bandi ak zam yo fè yon pote boure sou plizyè zòn tankou wout frè, Dèlma, Pòtoprens ak anviwon yo kote anpil katouch chante pandan jounen an.
Nan kad gwo pote boure sa genyen pou pi piti yon moun ki pèdi lavi li nan Dèlma 30, non sitwayen an se Emile Fritz, selon enfòmasyon yo nou jwenn li se te yon machann telefòn ki t'ap degaje l bò lari a.
Bandi yo t'ap fè tantativ pou atake palè nasyonal nan tantativ sa a selon eleman enfòmasyon nou rive jwenn genyen omwen 4 polisye USGPN ki soti blese.
Bandi yo te pran yon seri polisye nan yon kou sezi malgre efò polisye yo, yo arive mete dife nan yon blennde polis nasyonal d Ayiti.
Yon sitiyasyon ki koz bò kote popilasyon an te gen anpil panik kote yo t'ap kouri nan tout direksyon pou bal pat pra yo.
Nou aprann selon kèk sous gen yon moun ki ta mouri tou nan zòn Channmas la men nou poko gen konfimasyon sou sa.

Jiska moman nou ap ekri a sitiyasyon an fòs lòd yo poko gen kontwòl li, ou menm lè w'ap mache fè anpil pridans si w oblije deplase. Bazanack-Actualités.

Adresse

Delmas 55
Delmas
HT6120

Téléphone

+50934737879

Site Web

http://baznackactualite.com/

Notifications

Soyez le premier à savoir et laissez-nous vous envoyer un courriel lorsque Bazanack-Actualités publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.