DEDIN DEMEN AN

08/04/2024

Nan ane ki pase yo, RARA se te yon bèl moman nan peyi a , youn nan okazyon ki te pèmèt anpil MADAN SARA ak PEYIZAN , epi menm LETA rantre kèk kichòy .

Dyaspora debake nan tout rakwen , ti machann yo ap simaye plezi ak kè kontan , se youn nan moman ou ka wè yon moun ou pa t wè depi kèk tan.

3 jou kè kontan, 3 jou plezi, 3 jou n ap dodomeya nan kilti n , 3 jou bann Banbou ap fè n sonje kisa TANBOU ye nan lavi nou ,depi w tande l!

Nan ane ki sot pase yo, lè w di RARA nan LEWOGÀN , lè w di RARA nan MAPOU CHEVALYE , nan DEDIN elatriye… se yon pakèt bagay!

Tout moun ap defile , byen abiye, jenn fanm sou kalewès , plezi fè mikalaw!

Jounen jodi , se vre gen anpil aktivite ki fèt men se pa menm bagay la , nou remake plezi sa ap diminye nan tout entegralite l !

RARA se youn nan bagay ki fè pati de IDANTITE n , si n ta kite l tonbe , san nou pa lonje l lanmen , n ap pèdi anpil bagay ! Paske youn nan fason pou w DOMINE yon PÈP se DEKILTIRE l , SOUPLE AN N PA BLIYE SA K FÈ N AYISYEN!

07/04/2024

Lè w di AYISYEN, ou wè : LANG KREYÒL, RARA, KANAVAL ,KONPA, RASIN, VODOU , elatriye…

Tout sa yo fè pati de IDANTITE n , pa gen ANBIGWITE nan sa!

Nou ta sipoze PWOTEJE yo, met VALÈ sou yo, paske yon PÈP ki pèdi menm yon LANG li pale ,oubyen yon TRADISYON , pa bliye: KILTI ka DISPARÈT , sa rive anpil fwa sou bout tè sa a ,sitou nan fenomèn DEKILTIRASYON k ap taye banda nan PEYI a .

N ap met AKSAN sou RARA , paske se moman sa a ki apenn sot pase , se foto sa yo n ap prezante !

06/04/2024

Lè w di PÈP , ou wè yon NASYON,ou wè LANG , ou wè KILTI, TRADISYON youn pa mache kite lòt!

Depi lè ti konkonm t ap goumen ak berejèn ,yo te toujou ap mache men nan men , youn ap bay lòt jarèt , pou yo ka al fè yon sèl ak IDANTITE , epi al simaye limyè yo nan yon KOMINITE oson Yon SOSYETE.

06/04/2024

Si w ta PÈDI youn l ap enfekte lòt yo , paske yo fè yon NANCHON, yon CHENN, pèdi yon pati ladan l ap redwi nan longè a , kidonk nou ta sipoze ap voye JE sou yo!

02/11/2023

Bon lizay! N ap swete nou Bòn fèt Gede

Pa gen PÈP San KILTi

Nou pap fè rale mennen vini pou n mete dat 1 ak 2 novanm sou tab la , paske anpil nan nou konn kisa l ye nan kalandriye peyi nou , li menm travèse kontinan nan yon lòt mannyè .

Yon sèl PEYI, yon sèl PÈP , Yon sèl KILTI, yon sèl LANG se sa l ta dwe ye , konsa pa t ap gen tout zigzani sa yo nan mitan nou pou n chèche IDANTITE n .

Nou ka kontinye: jete kafe , mayi griye ,boukannen aransèl nan kuiy ,trase vèvè , sonnen ason , liminen nan pye bawon , nan tout kafou, tranpe piman nan kleren…
Se dat vodouyizan li ye , se dat ki fè pati nan kilti nou, kontinye : Danse, chante ak lwa gede nibo lè l sele yon vèditè ,Fete ak Papa Gede , Gede loray,Gede babako, ak Brav Gede …

Se moman pou n pentire tonm yo, wouze kay bitasyon yo , paske gen lòt je k ap gade ,Si tou pou Papa Gede ki kanpe nan baryè simityè k ap tann nou paske lavi nou se pase isi n a kontre laba , Brav Gede chita sou ti chèz li l ap tann nou tout kit ou te Jan sòt oubyen Jan lespri kidonk an n kontinye simaye lanmou ak bon zèv sou bout tè sa a !

An n sove KILTI n ! Tout Peyi gen MITOLOJi ak kilti pa yo sou latè , si n ta fè yon nanchon n ap ka rejwenn Idantite nou , aprè Papa Bondye nan syèl la se pitit Ginen yo nou ye .

Dedin Demen An,LLC
[email protected]
Desdunes, Artibonites HT 4440

02/11/2023

Bon lizay! N ap swete nou Bòn fèt Gede

Pa gen PÈP San KILTi

Nou pap fè rale mennen vini pou n mete dat 1 ak 2 novanm sou tab la , paske anpil nan nou konn kisa l ye nan kalandriye peyi nou , li menm travèse kontinan nan yon lòt mannyè .

Yon sèl PEYI, yon sèl PÈP , Yon sèl KILTI, yon sèl LANG se sa l ta dwe ye , konsa pa t ap gen tout zigzani sa yo nan mitan nou pou n chèche IDANTITE n .

Nou ka kontinye: jete kafe , mayi griye ,boukannen aransèl nan kuiy ,trase vèvè , sonnen ason , liminen nan pye bawon , nan tout kafou, tranpe piman nan kleren…
Se dat vodouyizan li ye , se dat ki fè pati nan kilti nou, kontinye : Danse, chante ak lwa gede nibo lè l sele yon vèditè ,Fete ak Papa Gede , Gede loray,Gede babako, ak Brav Gede …

Se moman pou n pentire tonm yo, wouze kay bitasyon yo , paske gen lòt je k ap gade ,Si tou pou Papa Gede ki kanpe nan baryè simityè k ap tann nou paske lavi nou se pase isi n a kontre laba , Brav Gede chita sou ti chèz li l ap tann nou tout kit ou te Jan sòt oubyen Jan lespri kidonk an n kontinye simaye lanmou ak bon zèv sou bout tè sa a !

An n sove KILTI n ! Tout Peyi gen MITOLOJi ak kilti pa yo sou latè , si n ta fè yon nanchon n ap ka rejwenn Idantite nou , aprè Papa Bondye nan syèl la se pitit Ginen yo nou ye .

Dedin Demen An,LLC
[email protected]
Desdunes, Artibonites HT 4440

17/10/2023

Nou fete LANMÒ Desalin men nou pa fete LAVI l!

Se toujou yon katchaboumbe lè w pa ka jwenn yon adjektif pou pale de kalite Potorik Gason sa a! Yon limyè pou tout kontinan Amerik la ,ki menm travèse lòt bò dlo pou kase chenn esklavaj , Yon Non ki toujou ki te yon gou anmè kou fyèl nan bouch kèk blan je vèt .

Yon non ki ekri listwa ak kouray li ,ki travèse epòk , yon non jou n ta gen chans konn definisyon li , n ap ka vanse!

Nan peyi isit yo aprann nou fete lanmò l , poutan se lavi l n ap chèche konnen? Kote l te jwenn fòs sa yo? Kisa li te genyen pou nou tout bon ? Kisa li pa t gentan di nou? Kisa nou ka kopye de li? Ki jan nou ka viv ak rèv li yo? Kouman nou ka fè l viv nan kò nou chak? Konsa nou ta va montre l se pa lanmò a ki entèrese nou , se pa lanmò a ki fè l tounen Ewo menm jan li ye nan koutim nou pa bò isit men se lavi l , n ap chèche file nan je zegwiy .

« Aprè tout sa m sot fè nan Sid Peyi a , si sitwayen nan zòn sa pa ta leve kont mwen , se paske yo pa moun » Pawòl Papa Nasyon an , n ap mete l an ( Apposition) ak Fraz sila a « Pou sa Dominiken ap fè Ayisyen Pase, si yo pa ta leve kont yo, se paske yo pa moun » finalman nou konn rès Istwa Sa k te rive aprè fraz piman bouk sa anperè a te di a , ki donk nou ka chavire enonse a tèt anba pou n sèvi avè l pou kòz pa nou jounen jodi .

Jodi a fè 217 lane depi Papa Nasyon an te fè vwal pou peyi san Chapo , 217 lane depi n ap make Pa sou plas nan lespri nou ,217 lane depi N ap benyen nan pwòp san nou , depi n ap chèche limyè sa a , poutan nou fin etenn li ,217 lane depi Peyi a toutouni , depi Lakou sa pa gen Granmoun , se sa ki lakoz kabrit tomazo antre vin fè sa yo vle , epi sòti kite pòtay la gran louvri, moun nan Gran chimen k ap pase wè tout fetay kay la .

“Nou oze pou nou lib, se pou nou oze pou nou lib pou tèt nou ak pwòp tèt nou” pawòl Papa Nasyon an, ki donk se ak kouraj nou n ap ka vanse , n ap ka kontinye lite , paske nou te deja koumanse , nou ka fini . Nou pa dwe gen limit sou bout zile a , nan Peyi a , paske nou lib deja , se nou ki te fè revolisyon , Nou pa moun vini , tè a se Bitasyon pa nou li ye , se byen zansèt yo kite pou nou, nou pa dwe nan boukante kòn pou zago pou li .

Anplis de sa nou ka sèvi ak pawòl Papa Nasyon an , pou kòz pa nou toujou, pou n ka touye Sourit k ap mòde soufle sa yo , konsa nou ta va dòmi anpè, pitit nou ta sispann dòmi douvan pòt Etranje ak kay vwazen , nou ta va lib nan lespri nou.

Dedin Demen An,LLC
[email protected]
Desdunes, Artibonites HT 4440

Twitter:
Instagram:
Youtube: Dedin Demen

03/10/2023

Jounen jodi a ki se lendi 2 oktòb 2023 , lekòl ouvri nan Peyi a , malgre sitiyasyon Peyi a k ap detenn sou anpil Paran, yo fè anpil jefò pou pa kite tchovi yo san nanm , paske yo konnen : « Edikasyon se pi gwo zam ki ka sove yon nasyon » epi yo plante kouray ak avni yo nan tchovi yo , ak lespwa y ap rekòlte!

Nan komin Dedin , anpil lekòl tankou: (Institution mixte Emmanuel constant ,
Institution mixte Edzer Vilaire ,
,Institution mixte Jacque Roumain ,
Institution mixte Albert Einstein ,
Institution mixte Anacaona ,
Le Bon semeur) Te ouvri pòt yo . Se yon lajwa nan kè Paran yo, pwofesè ak elèv yo paske se yon randevou yo t ap tann anpil, menm ti machann yo ak chofè moto yo ,nou te menm remake kè kontan k ap trase wout nan vizaj yo nan lide y a va jwenn kèk ti kichòy.

Boutofen ,se yon bagay ki toujou fè nou plezi lè n wè Timoun yo k ap pran chimen lekòl paske ni mwen ni ou , nou konnen ki jan edikasyon enpòtan anpil !

Anpil lanmou ak Respè Pou chak grenn Paran,Direktè ak Pwofesè lekòl yo paske nou konnen ki jan lavi a ap souflete nou pa bò isit men yo pa kite Tchovi yo lage de bwa pandye .

Dedin Demen An,LLC
[email protected]
Desdunes, Artibonites HT 4440

23/09/2023

Se avèk anpil fyète Ayè Vandredi a , anpil jenn fanm kou gason t'al defini "Anpil men Chay pa lou" sou plas Sen Pyè nan Komin Dedin .

Avèk anpil lanmou ki chita andidan kè yon Asosyasyon (AJPROD) ki met tout konesans yo genyen nan plante Pye bwa nan lespri pou Lanati ba yo yon kout men pou Plas sila a ta gen yon souri nan vizaj li, Pou Komin Dedin ta koumanse Jwenn Bèlte l ap chèche a .

Nou te chwazi Plante 10 Pye Tamaren ,6 Pye Flanbwayan, 8 Pye Kanpèch , 6 Pye Seriz nan lide : Pou lespwa donnen , pou lavi Kase tèt tounen nan Komin lan, pou Pitit tè a.

NB: (Aktivite rebwazman kite Òganize sou Plas Sen pyè dedin lan se te nan memwa Ing Steevenson Hilaire ki ale trè jenn 🕊️).

Dedin Demen An,LLC
[email protected]
Desdunes, Artibonites HT 4440

12/09/2023

Mezanmi souple yon ti lizay!

Nan non Dedin Demen an n ap Salye tout moun Dedin sila ki ayiti oubyen lòt bò dlo , yon respè ki makònen ak yon lanmou espesyal pou komite ki te pèmèt tout moun dedin fè yon nanchon , menm sila ki pa pitit Komin lan te vin pran plezi nan founi je gade kalte travay sa a.

Reyisit chanpyona sa jwe yon gwo wòl pou figi komin lan, nan je pa nou li se yon revolisyon mantal pou tout sa moun konn panse de pitit kay, yon anvi viv ki lonje lanmen bay dirijan nou yo si yo ta vle chita sou menm tab ak devlopman ,yon lespwa k ap boujonnen pou sila ki egzile, sila ki pa vle pote non komin lan , sila k ap chèche batistè lòt kote ,Dedin gen lavi toujou!

Pawòl la di: « Bourik fè pitit pou do l poze » ann pa kite manman nou vyeyi sou pye! Si n ba l lanmen , menm yon baton si n ta ofri l l ap bwate ,ti pa ,ti pa l a mache drèt lè l fin jwenn ekilib.

Yon salitasyon ak Tout Jenn fanm kou gason ki pa t fè pati komite a men ki pa t kite fòs ak kouray yo nan kwen kay , yo te vin mete men yo nan pat la , N ap di yo anpil mèsi paske gen anpil bagay lajan pa ka achte , sèlman Jan pawòl la di a : « Bat men, Ankouraje chen » .

Dedin Demen an jan nou te pwomèt nou t ap toujou la pandan tout chanpyona a pou n te bay sèvis nou , malgre pwoblèm konn ba nou kwa manman nou ak kwa Papa nou , men nou te fè l, paske nou chak gen yon konba pou komin lan rejwenn lavi miyò nou tout ap mande a , yon konba pou nou jwenn sa ki pa n , yon konba pou: TIRE BATON , ANNAVANDE ,DiRI AK LALO,FARIN AK LÈT , DOUKOUNOU elatriye. ka ba nou batistè nou nan tout kat kwen peyi a, konba nou ka diferan se vre , men tout nèt se konba , nou ka pa nan menm kannòt men n ap jwenn menm van nòde si n ta vle al pi lwen pou n al bouske lavi , ki donk , nou pa diferan , nou tout sanble.

Boutofen, malgre anpil sakrifis bò kote pa nou , pou n ta satisfè tout moun men li pa posib paske menm pitit lòm lan pa t jwenn chans pou l ta fè sa , si nou ta remake nou pa jwenn tout foto nou ta vle yo, se youn nan rezon an sa , anplis pou sa ki konsène final la , jan nou tout te ka wè l ,tan an pa t kite nou fè devwa nou ak kèk lòt ti detay ,nou vrèman regrèt si n pa ka jwenn foto ekip chanpyon an Ak tout jwè ki te jwenn twofe yo, jan nou ta swete l la men n ap toujou kite tout pòt nan kò nou louvri pou komin lan .Anpil limyè ak lanmou! mèsi.

Dedin Demen An, LLC.
[email protected]

10/09/2023

ZAP-ZAP 3 VS 1 A.N.FG

02/09/2023

TITANIC (P4) -0 VS 0- (P2) A.N.F.D.G