26/04/2026
🔴 ALÈT SEKIRITE Ozetazini :
Gwo tansyon nan yon dine mezon blanch tap òganize
INFONET | Entènasyonal
Yon ensidan grav sekirite souke kapital ameriken an nan nwit samdi 25 avril 2026, lè kout zam te pete pandan prestijye Dîner des correspondants de la Maison Blanche, yon evènman ki rasanble gwo figi politik, medya ak diplomasi.
Dapre rapò ofisyèl yo, prensipal sispèk la idantifye kòm Cole Tomas Allen, yon sitwayen ameriken ki gen 31 an, ki soti Torrance, nan Kalifòni.
👤 Yon pwofil ki pa t atire sispèk avan
Selon enfòmasyon ki sòti nan plizyè sous medya entènasyonal, Allen prezante tèt li kòm yon pwofesyonèl pluridisiplinè:
enjenyè mekanik,
devlopè lojisyèl,
kreyatè jwèt videyo,
ak ansyen pwofesè.
Li pa t gen okenn dosye kriminèl serye avan ensidan sa a. Dapre deklarasyon Donald Trump, li ta ka yon “loup solitaire”, sa vle di yon moun ki aji pou kont li san rezo òganize.
💥 Kijan atak la te dewoule
Dapre otorite yo, kout zam yo te tande pandan seremoni an, sa ki te lakòz yon evakyasyon ijans nan sal la, espesyalman pou pwoteje pèsonalite enpòtan yo, pami yo Donald Trump.
Fòs sekirite yo te reyaji rapidman, e yo te rive metrize sispèk la toupre yon pwen kontwòl nan konplèks otèl kote evènman an tap fèt la.
🔫 Sou li, lapolis te jwenn yon arsenal enkyetan:
yon fizi,
yon pistolè,
plizyè kouto.
Yon ajan Secret Service te blese pandan entèvansyon an, men li sove gras ak vès pwoteksyon li te mete a.
⚖️ Pwosè jidisyè ap tann sispèk la
Jistis ameriken an pa pran dosye a alalejè.
Cole Tomas Allen deja fè fas ak plizyè akizasyon grav, tankou:
Itilizasyon zam nan yon zak vyolan,
Atak kont yon ajan federal ak yon zam danjere.
Li dwe parèt devan tribinal nan jou kap 27 avril 2026, kote ankèt la ap chèche detèmine motivasyon reyèl dèyè zak li a.
🌍 Yon kesyon sekirite nasyonal
Ensidan sa a leve gwo kesyon sou sekirite evènman ofisyèl Ozetazini, sitou nan yon kontèks kote tansyon politik ak sosyal yo deja wo.
Menm si pa gen prèv klè sou yon konplo pi laj pou kounye a, otorite yo rete sou gad yo pou evite nenpòt lòt menas potansyèl.
📡 INFONET ap kontinye swiv dosye sa a pou pote plis detay sou ankèt la ak konsekans li yo sou sekirite entènasyonal.
Rete konekte
Abone ak paj la
Like e komante ✅
🖋️
