23/10/2025
sa se yon tèks mesye Norluck Doranj
Anba Mapou Vodoun a
Le candidat Etzer
Li jenn. Li bèl gason. Ti jenn fanm kay mè yo renmen wè l. Li se kretyen pwotestan. Ti jenn “mouton” yo renmen wè lè l ap preche. Li “posede” pou tout byen l, yon diplòm ekonomist ki soti nan Inivèsite Taiwan, yon fo peyi. Wi, yon fo peyi. Paske kèk lidè Taiwan deklare tèt yo Endepandan. Men selon Dwa entènasyonal, Taiwan se yon pwovens la Grande Chine. To ou ta, nan pwochen ane yo, pap ka gen gouvènman otonòm ankò, malgre volonte gran puisans ki aplike politik nuizans. Malgre reflèks ti visye politisyen Ayisyen ki aplike defann kèk milyon ou kèk milye dola pou pòch pèsonel yo nan kad diplomasi peye pou rekonèt dirijan Taiwan yo.
Si n fouye pi fon, papa Ti kandida a, se pastè Batist ki fè pati rezo Southern Baptist Church nan sid Etazini. Se rezo sa a ki te enplante Radyo Limyè nan fen ane 60 yo an Ayiti. Objektif la se te atake Vodoun a pou rive detrui kiltirèlman Ayiti. Detrui yon pèp kiltirèlman, se atake mit Fondatè l yo, istwa l yo, epope l yo, Ewo l yo, tout sa ki simante sitwayen yo pou yo viv youn, akote lòt, san okenn jèm konfli.
Kadriyaj la te byen fèt. Ak 3 antèn AM, Radio Lumière te kouvri Depatman Lwès, Sid ak Latibonit. Nan nò peyi a, rezo a te enstale 4VEH (Vwa Evangelik Ayiti). Konteni matrakaj ki tap fèt sou antèn sa yo, te gen doub objektif. Si yon bò, Vodoun a te ap sibi dechoukaj mantal chak jou pandan ane sa yo, lòt bò a, se te yon kominikasyon sibliminal, kont kominist. Sistèm Kominist la ki akote a Kiba, pat dwe antre an Ayiti ki se premye peyi ki te kondui jiska la viktwa final yon REVOLISYON kont sistèm kapitalist sovaj e sinik.
Nan sans sa a pouvwa Divalye a te enstriman politik pou kouvri operasyon sa a ki te elabore depi Washington.
Diskou kandida Etzer yo, globlaman se kentesans tout operasyon sa yo ki ap rapousuiv anndan shema destriksyon ti pa dousman, ti pa sèten, peyi sa a ki, Ewo Fondatè l yo te kase rèy ejemoni sovaj 4 syèk, Ewo-kretyen yo te enpoze a
