19/10/2025
M tèlman ri lè m tande oubyen lè m wè yon moun ap fè diskisyon de PHTK ak LAVALAS, swa li di PHTK fè peyi a plis mal ke LAVALAS konsènan de banditism, oubyen LAVALAS fè peyi a plis mal ke PHTK...
Pou m klè ak tèt mwen, si w vle konnen reyèlman konbyen kò oubyen gwoup gang ki genyen ayiti, ou ka senpleman reyini tout pati politik ayiti yo mande yo konbyen yo chak genyen...
Peyi d'HAYTI twouve l nan yon enpas, kote tout koupab ap chèche blanchi tèt yo epi eseye lage fado pa yo a sou do yon lòt ki deja gen menm fado avè l, koz tout koupab.
Se klè sou 10 dènye ane ki sot pase la yo PHTK fini ak ti rès la, men ann serye nan sitasyon HAYTI ye la, se pa yon sèl otè ki komèt krim nan. Ni OPL, ni pitit desalin, ni boukliye, ni SDP, ni LAVALAS, ni PHTK... yo tout gen pyon pa yo, yo chak jwe wòl pa yo nan met peyi a nan nivo sa.
Pou dènye moman sa yo se yon kesyon kote, PHTK ap di se LAVALAS ki fini ak peyi nan nivo sa. Ok si nou klè ke se LAVALAS vrèman, pou kisa pandan 10 an nou te fè ap domine a nou pa t janm entante okenn aksyon an jistis dèyè yon grenn politisyen pou pi piti ladan yo tout, pou yo te vin esplike nou. Sou administrasyon nou an, te gen Anel Joseph, Ti je, Bongòy... Se sou administrasyon nou yo, peyi a konn majorite pi gwo zak banditism yo, anpil teritwa pèdi. Peyi a divize an 2 gwo pati, kote pòtoprens se yon nan ra fwontyè ki plis enpratikab nan lemond.
LAVALAS bò kote pal ap di se PHTK ki vini ak kesyon bandi legal...
Menm lavalas sa a ki te kreye lame timanchét, lame wouj, balewouze, kanibal, dòmi nan bwa, ramikòs. Ki te kreye Labanierre, Amiaud Meteyer, Une b***e a la tête, 12, Ronald Cadave, Amaral Diclona.
Donk Ni lavalas, ni PHTK , AAA, Fuzion, OpL , SDP, Matris, UNI, Tout se menm. Yo tout konplis nan eta HAYTI devni jodi a.
Nippes a l'Honneur
