09/04/2025
2,500 Dola pa Kamyon – Se Kantite sa yo Mande sou Waf Tigwav la pou yo transpòte yon Kamyon se youn nan gwo Konplo sa ki Deyè Blokaj Wout Nasyonal #2 a .
Konplo ap fèt sou do Ayiti – Makendy Zicout temwanye sou Waf Tigwav la Jou ki te 8 avril 2025, Makendy Zicout sou Facebook li ekri:
Mwen te fè yon ti kout pye sou Waf Tigwav la aprè midi a, sòti Aveni Libète, pase sou Gran Ri, pase tou sou Ri Dipò. Sou tout longè sa, plis pase 100 gwo kamyon t ap tann. Yo tout ap tann yon gwo bato ki t ap antre, ki vize Pòtoprens.
Bato a rive. Mwen remake yon figi mwen konnen, yon moun ki gen eksperyans nan trafik sou lanmè. Pandan n ap pale, mwen mande l konbyen kamyon bato sa ka pote. Li reponn: 57 kamyon.
Mwen mande: “Yo peye konbyen pa kamyon?”
Li reponn: 2,500 dola ameriken chak.
Mwen fè kalkil la:
57 × 2,500 = 142,500 USD pou yon sèl vwayaj.
2 vwayaj = 285,000 USD.
M souke tèt mwen, epi mwen di pwoblèm wout la poko p rezoud paske neg k ap fè gwo lajan sou lanmè a ap kontinye envesti nan kan dyab la pou wout la rete bloke.
📸 :Tigwav entènèt ,
______
fans
