25/08/2025
Dimanch 24 Dawout 2025
*KISA DOSYE ÈG LA YE MENM...*
Aprè gwo bri ki tap kouri nan vil Senmak pou ta fè kwè genyen Yon ÈG kita tonbe nan zòn tribinal depè a sa patap pran anpil tan pou lapolis te fè entèvasyon epi pran zwazo a nan men sitwayen yo ta di ki kenbe ÈG la epi transpòte li an ijans nan Klinik Paradi ki chita kòl nan zòn Fresino Senmak pou li jwen swen ke ka li nesesite.
Lè ekip la te rive sou lèlye nou te ka konstate doktè veterinè yo ki tap fè dilijans pou te bay premye swen ak Zwazo a ki blese. Pale ak Doktè veterinè yo pou mande kisa ki lakoz yo pote ÈG sila nan Klinik Paradi, yo te repon konsa: se *CP polis Jude Jean CHERY* ki pote li nan klinik la poun wè sa nou ka fè. Doktè yo te ale pi lwen pou di ke yo konstate ke *ÈG* la resevwa Yon kou nan zèl goch li ki kase zo a men nap gade sa nou ka fè.
pandan tan sa a anpil sitwayen te mase douvan klinik la pou te swiv dewoulman evenman inatandi Sila. Nan foul la nou te remake anpil pale kesyon tap poze sou ki rezon kita lakoz zwazo Sila ateri Ayiti nan vil Senmak.
Eske peyi a genyen espès zwazo sa yo?
Eske se bèt sa a ki rele ÈG la?
Nan ki peyi ÈG sila ta soti?
Se ansanm kesyon ki tap poze nan foul la kite mase douvan klinik Paradi Fresino nan moman an.
Men anpil moun ki tap kòmante nan moman an di se nan peyi Lèzetazini ki genyen ÈG e se nan peyi Sila yo bay zwazo sa a anpil anpil enpòtans. Yon lòt bò manb nan popilasyon an kritike CP polis la *Jude Jean CHERY* ki te debake anpèsòn nan Klinik la pou te pote ÈG la bay Doktè veterinè yo, Moun yo mande pouki CP polis la pa manifeste menm volonte sa a lè genyen Yon polisye pran bal? Eske si sete Yon manb nan popilasyon an ki te resevwa Yon kout baton ponyèt li ta rive kase Eske CP a tap genyen menm volonte sa a? Antouka nou tout konnen pa bò isit lavi pa vle di anyen pou otorite kap dirije peyi a.
Yon dosye nap kontinye swiv pou ou pou Nou konnen kisa e ki wout ÈG la pran.
Nou se👉🏽
