Quel est le site Web ?

https://www.facebook.com/100966305368980/

Eugeneson MÉDIA

Page d'Accueil
Haiti
Port-au-Prince
Eugeneson MÉDIA

société de médias/ d'actualités
( L’objectivité est notre credo)

https://www.tiktok.com/.mdia?_t=ZM-90PfXD7Ilsx&_r=1

31/05/2026

Maurice Rosmond distribiye zouti agrikòl bay plizyè agrikiltè nan 8e seksyon Latalay, nan komin Sen Michel Latalay, samdi 30 me 2026 la. Aktivite sa a antre nan kad sipò li kontinye bay peyizan yo pou ankouraje pwodiksyon agrikòl nan zòn nan. Plizyè benefisyè te salye jès la, pandan yo souliye enpòtans zouti sa yo pou fasilite travay nan jaden yo.

Nan menm okazyon an, Maurice Rosmond fè konnen li toujou rete angaje bò kote kominote a atravè diferan aksyon sosyal li ap mennen depi plizyè lane. Daprè li, inisyativ sa yo pa nouvo, paske li toujou ap travay pou pote sipò ak soulajman bay moun nan komin nan, espesyalman nan domèn agrikilti.

Nan deklarasyon li fè nan mikwo laprès, li pa ekate posibilite pou l kandida pou pòs majistra komin Sen Michel Latalay nan pwochen eleksyon yo. Men, li presize demach li yo pa sèlman politik, paske aksyon li ap poze yo antre nan kad angajman li kòm sitwayen pou ede devlopman kominote a.

Eugeneson FENELON
Jounalis

31/05/2026

Le parti politique Ayiti2054 a adressé une lettre ouverte au Premier ministre Alix Didier Fils-Aimé.

30/05/2026

Rosmond Maurice distribiye zouti agrikòl bay plizyè agrikiltè nan 8e seksyon Latalay, komin Sen Michel Latalay, samedi 30 me 2026 la.
Nan deklarasyon li fè nan mikwo laprès, li pa ekate posibilite pou l kandida pou pòs majistra komin nan, men li fè konnen aksyon sa yo antre nan kad angajman li kòm sitwayen, li genyen plizyè lane depi l ap fè sa pou ede kominote a.

Claudy Damas sponsor officiel Eugeneson MÉDIA

29/05/2026

1 192 nouvo polisye, ladan yo 238 fanm, gradye vandredi 29 me 2026 la nan 36e pwomosyon Polis Nasyonal dAyiti a, nan Lekòl Nasyonal Polis la nan komin Petyonvil, nan kad dezyèm kowòt pwogram P4000+ la.

Premye minis Alix Didier Fils-Aimé, ki t ap patisipe nan seremoni an, estime nouvo pwomosyon sila ap sèvi pou ranfòse kapasite fòs sekirite yo nan batay kont gang ame yo ak nan retablisman otorite Leta a ansanm ak Fòs Lame dAyiti ak lòt inite espesyalize yo. Gouvènman an estime demach sa a enpòtan pou retounen lapè an Ayiti epi kreye kondisyon pou rive òganize eleksyon lib ak kredib nan peyi a.

Eugeneson MÉDIA

29/05/2026

Chili, 28 me 2026

Lèt ouvèt pou Onorab Premye Minis Alix Didier Fils-Aimé

Mesye Premye Minis,

M ap ekri ou lèt sa a ak anpil enkyetid devan sitiyasyon difisil peyi Ayiti ap travèse jounen jodi a. Peyi a ap fè fas ak gwo kriz : ensekirite k ap ogmante chak jou, povrete k ap vale teren, enstitisyon yo ki vin pi fèb, epi yon mank espwa ki anvayi kè anpil sitwayen.

Anpil Ayisyen santi gen gwo feblès nan fason pouvwa a ap dirije peyi a. Desizyon ki pran yo pa toujou bay rezilta konkrè pou amelyore lavi pèp la. Chak jou, sitwayen yo ap lite pou jwenn sekirite, manje, travay, ak diyite.

Dirije yon peyi mande lidèchip solid, vizyon klè, ak aksyon ki kapab pote chanjman reyèl. Jodi a, anpil Ayisyen ap poze tèt yo kesyon sou kapasite gouvènman an pou reponn ak kriz grav sa yo. Pèp la merite plis; li merite yon direksyon ki bay espwa, ki retabli lòd, epi ki prepare yon pi bon avni pou jenerasyon k ap vini yo.

Lèt sa a pa ekri pou atake ou pèsonèlman, men pito pou fè yon apèl ak konsyans ak sans responsablite w. Lè yon sitiyasyon depase kapasite yon dirijan oswa yon ekip, li enpòtan pou gen ase sajès ak kouraj pou reflechi sou desizyon ki ap pi bon pou enterè peyi a.

Se poutèt sa, mwen envite ou pran tan pou evalye aksyon gouvènman w lan ansanm ak direksyon peyi a ap pran. Ayiti bezwen chanjman reyèl, mezi rapid, ak lidè ki dispoze mete enterè Nasyon an anvan enterè pèsonèl oswa politik.

Istwa toujou sonje fason dirijan yo aji nan moman difisil yo. Mwen swete ou pran desizyon ki saj, ki responsab, epi ki kapab sèvi enterè siperyè pèp ayisyen an.

Tanpri resevwa, Mesye Premye Minis, ekspresyon respè ak konsiderasyon mwen.

Foinel HILAIRE
Etidyan nan Administrasyon piblik ak syans politik
Manm Pati Politik Sosyalis (PS)

29/05/2026

Eugeneson MÉDIA souhaite un heureux anniversaire à Nesmy DORIVAL, né un 29 mai.

28/05/2026

Wisler ALCEUS, anonse ak redaksyon Eugeneson Media li gen entansyon kandida nan pwochen konpetisyon elektoral yo pou pòs majistra komin Sen Michel Latalay, si li jwenn apwobasyon majorite moun nan popilasyon an.

N ap raple, Wisler ALCEUS se yon aktè politik k ap milite lontan nan lavi politik komin nan. Li te ansyen kòdonatè òganizasyon R-FÒS (Rasanbleman Fòs Òganize Sen Michèl Latalay), yon estrikti ki te konn batay bò kote popilasyon an. Li te eli kòm AZEK nan lane 2000, ansyen kòdonatè kanpay ansyen depite Myriam AMILCAR, kòdonatè biwo politik ansyen palmantè a epi manm Fòs Rezistans Sen Michel Latalay( FORESMA)

Anplis eksperyans politik li, Wisler ALCEUS se yon kiltivatè, yon enstititè nan fonksyon piblik la, yon moun ki sètifye nan lojistik ak jesyon estòk, epi yon finisan an dwa k ap sèvi kòm fondé pouvwa nan Tribinal Lapè Sen Michel la. Kandidati diferan aktè politik yo nan eleksyon yo toujou yon bon siy pou sante demokrasi a.

N ap genyen pou nou reyalize yon entèvyou ak li nan jou k ap vini yo pou konnen ki sa ki motive l pran desizyon sa a epi ki vizyon li genyen pou komin nan.

Eugeneson MÉDIA

28/05/2026

Eugeneson MÉDIA souhaite un heureux anniversaire à notre collaborateur Djey Pozitif.

28/05/2026

Mouvman Nasyonal pou Transparans (MNT-Toutouni) te rankontre ak kòdonatè li yo madi 26 me 2026 la nan komin Sen Michel Latalay, nan Hotel Elmaya, kote kòdonatè ki soti nan 8 seksyon kominal yo te prezan. Rankont lan te fèt anba kòdinasyon Franso Maxi, ki se kòdonatè kominal MNT nan komin lan. Nan objektif pou konsolide estrikti kòdinasyon pati a atravè tout peyi a.

Kòdonatè nasyonal MNT a, Jorchemy Jean Baptiste, ki te pran lapawòl nan mikwo Eugeneson MÉDIA, deklare sekirite dwe retounen nan peyi a avan nenpòt reyalizasyon eleksyon. Selon li, Ayiti ap travèse yon moman difisil sou plan politik, sosyal ak ekonomik.

Li te pwofite voye yon mesaj rekonfò ak solidarite bay popilasyon ayisyèn nan, espesyalman popilasyon Latibonit lan ki kontinye ap sibi konsekans kriz ensekirite a.

Eugeneson FENELON
Jounalis

27/05/2026

Eugeneson MÉDIA souhaite un heureux anniversaire à Naïkerlie FRANCOIS, née un 27 mai.

Adresse

Port-au-Prince

Téléphone

+50949078213

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Eugeneson MÉDIA publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.