Quel est le site Web ?

https://www.facebook.com/104185974634167/

Planet News Haiti

Page d'Accueil
Haiti
Port-au-Prince
Planet News Haiti

Media/news company
Enfòmasyon lokal & entènasyonal
Kilti | Spò | Aktyalite
• Yon lòt vizyon sou sa k'ap pase lakay & aletranje

13/06/2026

Antrenè seleksyon Èskòs la, Steve Clarke, montre anpil respè pou ekip nasyonal Ayiti a anvan gwo rankont Mondyal la. Daprè li, Ayiti se yon pèp ki fyè anpil e jwè yo pral antre sou teren an ak anpil detèminasyon ak angajman. Clarke fè remake Grenadye yo gen plizyè jwè ki rapid, dinamik e ki ka fè diferans espesyalman nan atak la. Se poutèt sa li mande ekip li a rete vijilan epi pran tout prekosyon nesesè pou evite sipriz kont seleksyon ayisyèn nan.

̀skòs

13/06/2026

Ansyen prezidan enterimè Jocerleme Privert fè yon refleksyon sou evolisyon foutbòl ayisyen an, pandan li raple an 2016 li te resevwa seleksyon nasyonal U-20 gason an nan Palè Nasyonal la apre yo te ranpòte chanpyona Karayib la. Li fè konnen 10 lane apre, gran seleksyon nasyonal la rive kalifye pou Koup di Mond lan apre 52 lane absans, nan yon moman kote Ayiti ap travèse youn nan pi gwo kriz li janm konnen. Daprè li, sa reprezante yon senbòl kouraj, detèminasyon ak lespwa pou tout pèp ayisyen an.

Sous: Jocerleme Privert / X 🗞️

13/06/2026

Affaires mondiales Canada fè konnen li nonmen Alexandre Côté kòm nouvo anbasadè ekstraòdinè ak plenipotansyè Kanada nan Repiblik Ayiti. Li pral ranplase André François Giroux epi li prevwa pran fonksyon li nan kèk mwa k ap vini yo. Nominasyon sa a vini nan kad relasyon diplomatik kontinyèl ant Kanada ak Ayiti, kote nouvo anbasadè a ap gen misyon pou kontinye ranfòse koperasyon ant de peyi yo nan plizyè domèn kle.

13/06/2026

Jwè mitan teren Napoli a, Scott McTominay, jwenn otorizasyon pou jwe match kont Ayiti a apre li te gen yon ti maladi vant ki te ka mete l deyò. Seleksyonè Èskòs la, Steve Clarke, konfime jwè a refè byen e li nan bon kondisyon fizik, li pare pou ede ekip li a nan gwo rankont sa a. Men Clarke mande pou moun pa mete twòp presyon sou McTominay, ki se youn nan jwè enpòtan nan ekip la.

̀skòs

13/06/2026

Yon ensidan ki fèt nan ayewopò Las Vegas, Ozetazini, ap fè anpil moun reyaji sou rezo sosyal yo. Daprè plizyè temwayaj k ap sikile, yon jèn gason andikape ki te nan chèz woulant te oblije leve pandan yon pwosedi sekirite, sa ki ta lakòz li fè yon kriz epi finalman resevwa swen nan lopital. Ka sa a relanse deba sou fason kèk pwosedi sekirite aplike pou moun ki gen andikap yo, pandan plizyè moun ap mande plis respè, plis sansiblite ak plis pwoteksyon pou dwa pasaje yo nan ayewopò yo.

13/06/2026

Atakan seleksyon nasyonal Ayiti a, Frantzdy Pierrot, fè yon deklarasyon ki sezi anpil moun lè li revele plan li genyen pou lavi apre foutbòl. Diplome nan kriminoloji, Grenadye a fè konnen li ta renmen entegre Federal Bureau of Investigation (FBI) Ozetazini lè karyè foutbòl li fini. Daprè Pierrot, objektif li se patisipe nan rezoud gwo pwoblèm ki afekte sosyete a epi gen yon enpak pozitif ki depase teren foutbòl la. Deklarasyon sa a montre yon lòt fasèt nan lavi jwè ayisyen an, ki vle sèvi kominote a menm apre li fin lase bòt li.

13/06/2026

Enlèvman cho nan Pòtoprens: Yo kidnape Pwofesè James Boyard ak pitit gason li 6 an

13/06/2026

Yon nonm 37 an, Desmond Jamal Camp, jwenn kondanasyon nan eta Georgia USA apre yon atak vy0lan kont ansyen patnè li nan yon chanm otèl nan vil Canton. Daprè otorite yo, ensidan an te fèt nan mwa avril 2025, kote gason an te atake fanm nan apre li te refize fè relasyon seksy&l avè l. Li te mete yon k0uto sou gòj li epi li te koupe rad li pandan atak la, daprè deklarasyon biwo pwokirè a. Viktim nan rive chape, kouri chèche èd nan men yon anplwaye otèl ki te rele 911 imedyatman. Apre ankèt ak pwosè, yon jiri nan Georgia jwenn Desmond Camp koupab pou zak agresyon vyolan.

Sous: Blue Ridge Judicial Circuit District Attorney’s Office , PEOPLE 🗞️

13/06/2026

Depite fransè Hadrien Clouet eksprime solidarite li ak Ayiti pandan deba sou maillot seleksyon ayisyèn nan. Li fè konnen mete imaj Batay Vètyè oswa Tousen Louvèti sou yon maillot se yon fason pou rann omaj ak youn nan pi gwo viktwa pou libète ak diyite imen nan listwa. Hadrien Clouet kritike pozisyon FIFA a epi li poze kestyon sou rezon ki fè kèk moun ta vle fè disparèt oswa minimize memwa liberasyon esklav yo pa pwòp fòs yo. Deklarasyon an vini pandan anpil vwa atravè mond lan kontinye sipòte dwa Ayiti pou valorize eritaj istorik li sou sèn entènasyonal la.

13/06/2026

Defansè santral seleksyon ayisyèn nan, Ricardo Adé, montre Grenadye yo pa gen okenn konplèks anvan premye match Ayiti nan Mondyal 2026 la kont Ekòs. Adé fè konnen menm jan Ekòs ap panse yo ka pran 3 pwen sou Ayiti, ekip ayisyèn nan menm gen menm objektif la, paske kòmanse konpetisyon an ak yon viktwa se yon bagay ki trè enpòtan pou yo. Deklarasyon sa a montre detèminasyon ak konfyans ki genyen nan kan Grenadye yo pandan tout yon pèp ap tann gwo rankont istorik sa a.

Adresse

Port-au-Prince

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Planet News Haiti publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.