Le Frantz

Le Frantz Bò isi a, nou valorize richès peyi a atravè repòtaj de kalite. Abòne pou w ka fè pati fanmi an.

Nou vizite kominote yo pou montre jan yo viv chak jou, epi nou mete limyè sou fanm ak gason k ap fè travay enpòtan pou devlopman sosyete a.

Avèk sèlman 1 500 goud, yon jèn agronòm bati yon antrepriz epi kreye djòb nan BonbadopolisGen moun ki wè difikilte kòm y...
31/07/2026

Avèk sèlman 1 500 goud, yon jèn agronòm bati yon antrepriz epi kreye djòb nan Bonbadopolis

Gen moun ki wè difikilte kòm yon fren pou avni yo, tandiske gen lòt ki fè l tounen yon sous motivasyon. Se egzakteman sa Nick-Enley Timothée demontre.

Pou premye epizòd ribrik "Yon Sitwayen, Yon Istwa, Yon Vizyon" an, ekip Le Frantz lan te pran direksyon lokalite Krèv, nan twazyèm seksyon kominal Bonbadopolis, pou al rankontre jèn antreprenè sa a ki deside envesti lakay li epi kreye opòtinite pou kominote li.

Nick-Enley Timothée fèt nan sant vil Mòl Sen Nikola. Lavi pa t fasil pou li. Depi byen bonè, li pèdi youn nan moun ki te pi chè pou li: manman li. Apre trajedi sa a, li te oblije kite vil natal li pou l al viv ak granparan li nan Krèv. Malgre gwo chòk sa a, li pa t janm kite difikilte kraze rèv li. Li fè tout etid klasik li nan Salem, youn nan pi gwo lekòl ki genyen nan kanton an.

Apre NS4, li ale Pòtoprens pou kontinye etid siperyè li nan UNASMOH. Se la li chwazi etidye agwonomi, yon domèn ki te toujou pasyone l, paske li te toujou kwè agrikilti kapab jwe yon gwo wòl nan devlopman peyi a.

Avèk sèlman 1 500 goud, li lanse yon ti antrepriz pou transfòme grenn maskreti an lwil. Kòmansman an pa t fasil, men grasa disiplin, detèminasyon ak bon jesyon, antrepriz la grandi piti piti.

Jodi a, biznis li a pa sèlman mete an valè yon resous lokal, men li kreye travay tou pou kat (4) moun, yon reyalizasyon ki montre antreprenarya kapab pote chanjman menm nan zòn riral yo.

Nan entèvyou li ak Le Frantz, Nick-Enley rakonte tout etap li te pase yo, depi nan moman ki te pi difisil yo rive nan premye viktwa li yo. Li pataje tou vizyon li pou devlope antrepriz li, kreye plis djòb epi ankouraje lòt jèn kwè nan kapasite yo.

Si ou vle dekouvri istwa li an detay, gade entèvyou konplè a atravè lyen ki nan premye kòmantè a.

Pa bliye abòne ak paj la, pataje atik la epi kite yon kòmantè pou ankouraje inisyativ ki mete jèn ayisyen yo an valè.

Si ou se yon jèn ki gen yon pakou ekstraòdinè oswa yon pwojè ki merite plis vizibilite, oubyen ou konnen yon moun ki merite rakonte istwa li, kontakte ekip Le Frantz lan sou +509 4475-0953. Petèt se istwa pa li k ap pwochen nan ribrik "Yon Sitwayen, Yon Istwa, Yon Vizyon".

24/07/2026

Mwen kwaze avè l k ap mande sou bò wout la, mwen chwazi mennen l manje nan pi gwo restoran ki nan zòn lan❤️🥰😍..

Mwen te gen chans kwaze ak granmoun sa a pandan m t ap monte Krèv. Li te chita bò wout la ap mande, mwen te deside fè yo...
22/07/2026

Mwen te gen chans kwaze ak granmoun sa a pandan m t ap monte Krèv. Li te chita bò wout la ap mande, mwen te deside fè yon ti kanpe pou m pale avè l. Li te di m se la li chitamande chak madi ak jedi paske se jou sa yo ki gen plis monte desann sou wout bo lakay li a.

Pandan n t ap pale, mwen te pran desizyon envite l al manje avè m nan pi gwo restoran ki nan zòn nan. Se te yon ti jès, men li te vin fè yon gwo diferans lè m te wè ki gwosè souri sa te mete sou vizaj li.

Se youn nan moman mwen pap janm bliye, paske pafwa yon senp ti aksyon ka chanje jounen yon moun.

Mwen te pwofite filme moman sa a pou m pataje l avèk nou. Si w vle wè tout istwa a, pase sou chanèl YouTube Le Frantz lan. Lyen an nan premye kòmantè a. ❤️🙏🎥🎤

12/07/2026

Aprè soup joumou, diri sòs pwa legim. Men yon twazyem manje Ayisyen w dwe konnen😊😋🙂...
Sonje abòne ak paj la

Chak zòn nan peyi a gen yon manje ki fè pati idantite li. Yon manje depi w pran premye kiyè a, leve yon pakèt bèl souvn...
10/07/2026

Chak zòn nan peyi a gen yon manje ki fè pati idantite li. Yon manje depi w pran premye kiyè a, leve yon pakèt bèl souvni nan anfans ou.

Pou nou menm nan Mòl Sen Nikola, manje sa a se Doub Motè. Yon plat tradisyonèl ki fèt ak pwodui lokal tankou fig, bannann, lam, tayo, pwason ak lòt engredyan ki bay gou lakay.

Dimanch pase a, Le Frantz, ansanm ak plizyè jenn fanm ak gason ki soti nan sant vil la, te deside retounen viv yon ti moso nan anfans yo. Nou te prepare Doub Motè, nou te benyen nan larivyè, epi nou te pase yon bèl jounen ant zanmi, anpil ri, pataj ak bon souvni.

Nou te pwofite eksperyans sa a pou nou fè yon videyo, pou tout moun ki pa t ka la yo kapab viv moman an ansanm avèk nou epi sonje bèl tan lontan.

Klike sou lyen ki nan premye kòmantè a pou w ka al viv bèl eksperyans sa ak nou...❤️😍🥰

E ou menm, kisa Doub Motè fè w sonje? Rakonte nou nan kòmantè yo!

28/06/2026

Tout simplement le paradis du Nord-ouest...😊🥰😍

27/06/2026

Pou Summer a, si w pa ka mennen l Monaco, mennen l Mole Saint Nicolas🤔🙂🤭

Aujourd'hui, nous sommes tous au front derrière nos Grenadiers. Ce n'est pas seulement un match, c'est une bataille de c...
13/06/2026

Aujourd'hui, nous sommes tous au front derrière nos Grenadiers. Ce n'est pas seulement un match, c'est une bataille de cœur, de fierté et d'espoir. Peu importe l'adversaire, nous sommes unis derrière nos couleurs. Allez Haïti, allez les Grenadiers ! 🇭🇹⚽❤️
Nou nan batay.....!

Nan okazyon Fèt Manman an, nou vle rann yon omaj espesyal ak Marie Carmene Joseph. Yon fanm ki enkane kouraj, sakrifis a...
31/05/2026

Nan okazyon Fèt Manman an, nou vle rann yon omaj espesyal ak Marie Carmene Joseph. Yon fanm ki enkane kouraj, sakrifis ak detèminasyon sou latè. Istwa lavi l se prèv ki montre siksè yon moun pa mezire pa vitès yon moun rive nan lavi a, men pa kapasite moun lan genyen pou l kontinye avanse malgre tout obstak lavi a ta mete sou chimen l.

Dèyè gwo souri ki sou vizaj fanm sa a, gen yon istwa ki chaje ak emosyon, dlo nan je, sakrifis ak espwa. Yon istwa ki merite rakonte, paske li kapab sèvi kòm limyè pou anpil lòt fanm ak anpil lòt jèn ki panse rèv yo fini apre premye gwo difikilte yo rankontre nan lavi yo.

A sèlman 20 lane, lavi te deside frape Marie Carmene Joseph ak yon pitit. Tankou anpil jèn fanm nan sosyete an, li te oblije mete etid li sou kote pou l pran responsablite lavi fanmi li. Ane yo t ap pase, timoun yo t ap grandi, men rèv li pou l fini lekòl pa t janm etenn. Menm lè anpil moun te panse se te yon rèv ki pa t ap janm reyalize, li menm li te kontinye kenbe espwa e kwè nan sa menm lè okenn moun pat kwè ladann.

Lè premye pitit li te gen 10 lane, li pran yon desizyon ki te mande anpil kouraj: retounen sou ban lekòl. Se pa tout moun ki te konprann chwa sa a. Genyen ki te pase l nan betiz, ki te konn fè l santi li twò gran pou pouswiv etid li. Men li pa t kite pawòl moun detounen l sou chemen li. Li te konnen sa l t ap chèche a te pi enpòtan pase jijman moun.

Pandan li t ap pouswiv rèv li, lavi a te pote yon lòt gwo defi devan l ankò. Li te vin manman yon twazyèm fwa. Men olye li dekouraje, li fè sa li te toujou fè: li leve kanpe epi li kontinye goumen. Pandan anpil moun t ap dòmi, li menm li t ap leve prepare twa timoun plis tèt li pou ale lekòl. Pandan lavi a t ap peze sou zepòl li, li t ap chèche fòs pou pouswiv pwòp etid pa li. Li pa t gen yon travay pou fasilite chay la, men li te gen yon volonte ki te pi fò pase tout difikilte.

Avèk anpil detèminasyon, li fini etid klasik li nan lane 2018 epi kont tout atant li chwazi antre nan inivèsite. Chak wikenn, li te fè yon trajè difisil kote l kite Mol Sen Nikola pou Pòdepè pou al chèche konesans. Wout la te long, fatig la te anpil, men rèv li te pi gwo toujou. Jodi a, tout efò sa yo pote fwi. Li gen yon lisans nan Administrasyon Eskolè ak Pedagoji, yon viktwa ki pa sèlman pou li menm, men pou tout moun ki te kwè nan li ak tout moun k ap viv menm kalite batay la.

Jodi a, Marie Carmene Joseph se yon pwofesè renome nan sant vil Mol Sen Nikola.
Men sa ki fè l espesyal se pa sèlman diplòm li oswa fonksyon li. Se kapasite li genyen pou transfòme doulè yo an fòs, echèk an leson, epi difikilte an motivasyon pou l kontinye avanse malgre defi lavi a. Li se prèv vivan ke yon fanm ka tonbe plizyè fwa san sa pa anpeche l leve ankò pi fò.

Rèv li pa limite ak pwòp siksè li. Li vle kreye yon asosyasyon pou ede jèn fanm ki vin manman twò bonè jwenn yon dezyèm chans, reprann etid yo epi retounen kwè nan tèt yo. Paske li konnen, pou l te viv li nan pwòp chè li, lavi pa fini lè yon fanm fè yon pitit; pafwa se la menm vrè fòs li kòmanse parèt.

Marie Carmene Joseph, ou plis pase yon manman. Ou se yon senbòl kouraj, yon modèl detèminasyon, yon sous enspirasyon pou tout yon jenerasyon. Nan jou espesyal sa a, nou di w mèsi pou tout sakrifis ou yo, pou tout nwit san dòmi yo, pou tout batay ou te mennen an silans, ak pou tout espwa ou kontinye simen nan lavi lòt moun.

Felisitasyon e Bòn Fèt Manman, Marie Carmene Joseph. Istwa ou se yon viktwa sou dekourajman, epi yon leson pou tout moun ki kwè rèv yo pap reyalize. ❤️🌹✨

Nan mwa jen k ap vini la a, ekip Le Frantz lan deside lanse premye sezon ribrik “Yon Jèn, Yon Istwa, Yon Vizyon" an.Nan ...
28/05/2026

Nan mwa jen k ap vini la a, ekip Le Frantz lan deside lanse premye sezon ribrik “Yon Jèn, Yon Istwa, Yon Vizyon" an.

Nan kad ribrik sa a, nou pral rankontre tout jèn k ap fè yon travay pozitif nan kominote yo, kit se nan biznis, travay sosyal, politik oubyen devlopman kominotè, pou n pote istwa yo ak rezilyans ki kache dèyè lavi yo. Objektif nou se pèmèt ou dekouvri tout jèn ki kontinye kenbe malgre difikilte yo pou motive w, enspire w, epi ede plis moun dekouvri jèn sa yo ansanm ak enpak yo genyen nan sosyete kote y ap viv la.

Ribrik sa a se fason pa nou pou n ankouraje tout jèn ki kontinye kenbe, travay, ak kwè nan Ayiti malgre tout difikilte yo.🎥🎤🎧

Si w konnen yon jèn ki merite pou n rankontre, kite non li anba piblikasyon an pou n ka pran kontak avè l.

Adresse

Port-de-Paix

Site Web

Notifications

Soyez le premier à savoir et laissez-nous vous envoyer un courriel lorsque Le Frantz publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'entreprise

Envoyer un message à Le Frantz:

Raccourcis

Partager

Type