31/10/2025
Mwen mete tèt mwen byen ba, ak tout respè ak admirasyon, pou’m felisite youn nan jèn atis Terrier Rouge Chérie ki gen plis talan ke peyi a genyen Li Rele Dieuly Augustin 🔥Yon jèn ki fè nou fyè, pa sèlman pou kapasite vokal li, men pou disiplin, pasyans, ak pasyon li gen pou mizik li mete nan chak grenn pawòl li chante.
Patisipasyon li nan Digicel Stars pat sèlman yon aparisyon, se te yon demonstrasyon fòs, talan, ak detèminasyon. Chak fwa li monte sou sèn nan, li pote tout yon pèp avèk li. Li fèn sonje ke malgre difikilte, jèn Ayisyen toujou kapab briye.
Dieuly, ou pa sèlman reprezante tèt ou, men ou pote espwa pou tout jèn ki gen talan, men ki souvan pa gen opòtinite pou yo eksprime li. Ou montre ke se pa kotew sòti ki konte, men direksyon ou pran ak lanmou ou mete nan sa wap fè a.
Kenbe fò, kontinye travay di, kontinye enspire. Ou se limyè kap klere chemen anpil lòt jèn. Moun Terrier Rouge Chérie ❤️ fyè de ou, epi nou kwè pi bon an poko vini! 🌟🎤🇭🇹👏🏾
