29/05/2026
KOMIN TYÒT / AKTIVITE ESPÒTIV
Elèv NS4 yo nan lise a pran b@ton.
Jan sa te anonse a, Elèv NS4 yo nan Lise Nasyonal ki nan komin Tyòt, jwe yon match amikal nan lakou Lise a, ak ekip pwofesè kap dispanse kou nan diferan lekòl nan komin Tyòt la, apremidi Vandredi 29 Me 2026 la.
Match sila te dispite nan lide pou elèv yo te eksprime, yon fwa anplis, lanmou ak respè yo anvè pwofesè yo, boukle etid klaisk yo an bote epi di zanmi yo orevwa.
Match sila ki te demare a 3 zè nan lapremidi, te reyini elèv yo ki nan Lise a, sila yo ki te sòti nan kèlke lòt lekòl nan sant vil la, ak distenge zanmi ki se fanatik balon won an.
Se te yon match ki gen trè anime, anpil fèpley ( fairplay) bò kote tou 2 ekip yo. Se te okazyon pou kèlke elèv nan Lise a te montre talan yo, kote gen ladan yo ki te entèprete chan, fè cho dans, kreye lòt kalte animasyon desan pou anime piblik la.
Match la tèmine sou yon eskò 2 gòl a zewo an favè ekip pwofesè yo. Jwè ki te make yo se : Jean Rigal Charles ki te make nan premye peryòd la, Roosevelt Lauture te make 2zyèm gòl la nan 2zyèm mitan.
Thiotte infos.Thiotte Infos. 2
