21/07/2025
Yon vibran tèks kote ansyen entenasyonal Ayisyen an Belfort kerven fils ap dekri tristès ak chagren l paske l pa ka vini nan peyi l Ayiti. Ansyen atakan seleksyon an di sa fè twa (3) lane ki pase li pa ka vin nan peyi l manje, benyen nan bèl lanmè ak pran sant souf ti medam yo tou.
Twa Ane San Wout Retou”
Sa fè twa ane…
Twa ane mwen pa manyen tè kote kè mwen sòti.
Mwen pa tande kri ti machann yo,
Mwen pa respire odè diri sòs pwa chak dimanch.
Twa ane depi soley lakay pa limen sou figi mwen,
Depi lanmè a pa benyen pye mwen,
Depi m pa wè mòn yo chita tankou zansèt
K’ap gade mwen an silans.
Twa ane…
E chak swa, mwen pale ak peyi mwen
Nan rèv.
Mwen wè l nan koulè flanm,
Mwen tande l nan silans solitid mwen.
Mwen di tèt mwen :
“Ayiti pa bliye mwen…
Men èske mwen menm mwen gentan vin bliye l?”
Non.
Paske chak grenn dlo ki tonbe sou figi mwen
Se lanmou ki pa janm sispann chèche chemen lakay.
Yon jou…
M pral retounen.
M pral mache nan lari ki sonje nom mwen,
M pral re-bwè dlo ki sonje gou kè mwen,
M pral di tè a:
“Mwen tounen… E mwen pa janm sispann renmen ou.”
JL PROD HAÏTIkilti
