21/07/2025
Salah Lampu Sein
Ada dua pace naik motor di jalan raya. Pace Minggus di depan baru belajar naik motor. Dibelakangnya ada pace Obed so lancar.
Tiba di perempatan, pace Minggus mo belok kanan, tapi dia salah kasih lampu sein ke kiri. Pace Obed tabrak dia dari belakang.
Pace Minggus: "Ko tra punya mata kah? Ini motor pe besar ko tabrak. Ko bodok!"
Pace Obed : "Ko yang bodok! Ko mo belok kanan atau kiri kah?"
Pace Minggus: "Sa mu belok kanan to. Kenapa ko tabrak?"
Pace Obed : "Ahh, so itu ko pu salah. Kenapa ko kasih lampu sein kiri kalau ko mo ke kanan."
Pace Minggus: "Ah tidak. Sa so kasih lampu kanan, sa so benar. Ko yang salah."
Pace Obed : "Coba ko liat ko pu motor itu. De pu lampu sein yang nyala lampu kiri to? Jadi ko yang salah."
Pace Minggus liat de pu lampu motor, ternyata betul. Dia yang salah. Tapi dia tidak mau salah. Akhirnya dia bilang begini:
Pace Obed : "Pace, sekarang begini. Ko lebih percaya saya kah atau percaya lampu kah?"
Pace Minggus: ????
