20/01/2024
syeikh muhammad ali dalam kitab dalilul falihin halaman 37 ka neupeugah :
حُبُّ الوَطَنِ مِنَ الإِيْماَنِ
“cinta tanôh ië bagian dari iman”
aneuëk meutuah !
gata-gata wadjéb tapeudong lagèë sot nanggroë aceh njoë,lagèë masa éndatu gata,pakriban lagèë masa éndatu gata ?
masa éndatu gata aneuëk meutuah, aceh njoë nakeuëh nanggroë [ neugara ] islam,peumeurintahan islam, nanggroë njang peudong hukôm allah [ al-qur'an - sunnah ] dalam aspek politék, ekonomi, sosial dan budaja
beugata teupué aneuëk meutuah !
al-quran njang raja lagèë na njoë nakeuëh sumber kehidupan. solusi dari mandum masalah njang teuka, djeuët tamita djeunaweuëb dari al-quran, beuh aspek politék, ekonomi, sosial, budaja, dan laén seubagoë djih. hana teukecuali bideuëng peumeurintahan
وَاَنِ احْكُمْ بَيْنَهُمْ بِمَآ اَنْزَلَ اللّٰهُ وَلَا تَتَّبِعْ اَهْوَاۤءَهُمْ وَاحْذَرْهُمْ اَنْ يَّفْتِنُوْكَ عَنْۢ بَعْضِ مَآ اَنْزَلَ اللّٰهُ اِلَيْكَۗ فَاِنْ تَوَلَّوْا فَاعْلَمْ اَنَّمَا يُرِيْدُ اللّٰهُ اَنْ يُّصِيْبَهُمْ بِبَعْضِ ذُنُوْبِهِمْۗ وَاِنَّ كَثِيْرًا مِّنَ النَّاسِ لَفٰسِقُوْنَ
hendak keuh gata tapeuputôh [ urusan,peukara ] di antara awak njan menurôt atôran njang geupeutroën lè allah dan meubék keuh gata taikôt hawa nafsu awak njan. waspadai keuh awak njan agar awak njan handjeuët djipeudaja gata untôk peutinggai sebagian peu njang kaleuëh geupeutroën lè allah keu gata. meunjoë awak njan meupaléng [ dari hukôm njang kaleuëh geupeutroën lè allah ] beutateupué bahwa sunggôh allah meukehendak geutimpa musibah keu awak njan meusabab sebagian dosa-dosa awak njan. seusunggôh that ramé dari manusia nakeuëh ureuëng-ureuëng njang fasék. [ QS. al-maidah : 49 ]
وَمَنْ لَمْ يَحْكُمْ بِمَا أَنْزَلَ اللَّهُ فَأُولَٰئِكَ هُمُ الْكَافِرُونَ
“barang kasoé njang hana dji peuputôh peukara [ meuhukôm ] menurôt peu njang geupeutroën le allah,maka awak njan nakeuëh ureuëng-ureuëng njang kaféë ” [ QS.al-ma'idah : 44 ].
وَمَن لَّمْ يَحْكُم بِمَآ أَنزَلَ ٱللَّهُ فَأُو۟لَٰٓئِكَ هُمُ ٱلظَّٰلِمُونَ
"barang kasoé njang hana dji peuputôh peukara [ meuhukôm ] berdasarkan peu njang geupeutroën le allah, maka awak njan nakeuëh ureuëng-ureuëng njang zalém” [ QS.al-ma’idah : 45 ].
وَمَن لَّمْ يَحْكُم بِمَآ أَنزَلَ ٱللَّهُ فَأُو۟لَٰٓئِكَ هُمُ ٱلْفَٰسِقُونَ
“barang kasoé njang hana dji peuputôh peukara [ meuhukôm ] berdasarkan peu njang geupeutroën le allah,maka awak njan nakeuëh ureuëng-ureuëng njang fasék” [ QS.al-ma’idah : 47 ].
hukôm peudong neugara islam nakeuëh wadjéb bagi ummat islam. Keuwadjéban njoë meudasar kareuna neugara sebagoë alat untôk peudjak hukôm-hukôm allah. kareuna hukôm allah njang atô saboh-saboh neugara,bukôn neugara djak peugot-peugot hukôm krië njang galak. geutanjoë bansa aceh musti tameuhudép deungon mulia dan tameumaté pih deungon mulia.
