Indramayu Kota Mangga

Indramayu Kota Mangga BEBAS IKLAN, MENTAL MISKIN DILARANG GABUNG! Halaman baca berbahasa daerah jawa Indramayu.
(1)

Minat Baca, Basa Dermayu, Cross Linguistic, Real History, Cerpen Fiksi, Parenting, Bedah Buku, Kritikal Sastra, Anti Fanatism, Sains, Filsafat, Humor Sarkas, Diskusi Bebas, Berdikari Ekonomi, Musik DeathMetal.

Self-Manifesto.Sing duwe duit jajal mulai sewa gudang, terus tuku uyah tani, tumpuk lawase telung wulan. Baka beli weruh...
04/10/2026

Self-Manifesto.

Sing duwe duit jajal mulai sewa gudang, terus tuku uyah tani, tumpuk lawase telung wulan. Baka beli weruh takon ning sing wis weruh, ati-ati takone aja salah takon, apa maning salah uwong.

Pemikiran sugih iku priben carane duit gage pragat nganggo cara efektif tepat sasaran.

Duit aja di tabung, jaman sekiyen beli dadi apa-apa, malah rugi sebab rupiah lemah terus, murah. Duit aja di gembal-gembol bae, kosi kaya dolanan cilik geprekan tutup botol limun bae, ngalor ngidul di gembal-gembol kaos, kuwen beli cerdas, ketenger nemen kaya wong dau duwe duit!

Sing pada ngandel omongan reang, insting usaha bari bisnis reang tajam, wis lumayan teruji ning berbagai medan, bagen mung jare rabi reang dewek sing ngakoni tah. Rabi reang pa'am nemen, reang modal dengkul bati selangit wis biasa, modal dengkul karo idu, dadi duit!

Titeni alam sekitar, lingkungan sing parek, otak sing muter, potensi apa sing ana ning dermayu? Manfaatkan sing berpotensi sampe dadi hasil maksimal, optimal, minim resiko!

Rongokaken, sing beli duwe duit aja utang bank, bakal tambah blangsak. Cara bertahan sing bagus saat kiyen yaiku apa sing di duweni didol dikit.

Sekiyen duwene apa?

Motor, kalung emas, anting emas, giwang emas, gelang?

Gelang apa kunuh?

Gelang karet bekas bungkus bawang bari ceplik?

Didol baka payu tah, gampang di tuku maning. Belajaran duwe rumasa isin, aja dadi tukang jejalukan, aja dadi uwong sing uripe dikepung utang, sebab iku aja belajaran utang.

Segala-gala tentang cerita uripe sira olih rusak, sing penting aja telung perkara kiyen. Berinvestasilah dengan segala apa yang kau punya, 3 mutiara yang menjadi manifestasi investasi terbesar dalam hidupmu itu adalah:

1. Pikiranmu
2. Kejujuranmu
3. Nama baikmu.

VESPA GURU. Setahun lawase luru impoh Vespa sing 90 persen bener-bener masih orisinil, kira-kira langsung jeder langka k...
04/10/2026

VESPA GURU.

Setahun lawase luru impoh Vespa sing 90 persen bener-bener masih orisinil, kira-kira langsung jeder langka kendala. Nemu dekene pengsiunan guru. Tak deleng, pengapian CDI, masih ana garis sambungan pabrik, tak buka tepong, ning jeroe ana tulisan tangan nganggo spidol.

Cat masih gawan mulus ceplus, tak jajal, di padal langsung jeder. Suara mesine garing ngerincing, langsame: "deng.. denggg.. deng.. denggg.. kaya ana jeda sing ora beraturan khas Vespa. Berarti Vespa bagus, sing adol jujur ora bobad, sebab ora bobad reang seneng.

Bapak guru pengsiunan Kepala Sekolah kelahiran tahun 1951, uripe loroan karo isteri sing uga pengsiunan guru kelahiran 1955, Vespa jaluk rega 25 juta. Ngomonge rada blenakan, ana rasa sungkan, ngomong menjaga perasaan, maklum jiwa guru.

Tapi tak bayar 30 juta, masih tak omong:

"Kalau kangen Vespa ini telpon saya saja pak, nanti saya pinjamkan, saya taruh sini sampai tuntas segala kerinduan.."

Itung-itung ngupai penghormatan marang dedikasi guru. Kabeh profesi tak anggep biasa, kecuali guru.

Bengen reang pernah dijaluk tenaga pikirane ning Bapak "Penilik" Disdik Kab.Indramayu, sampe marani umah kongkon ngajar ning salah siji SMA Negeri, tawaran dadi guru tak pikir sampe telung dina, tapi akhire tak jawab:

"Beribu maaf, sembah sujud.

Secara teori saya mampu, namun secara moral etika saya tidak sanggup, berat sekali, dan tidak boleh salah. Sekali salah akan ada kerusakan lintas generasi karena tingkah laku dan ucapan guru adalah barometer masyarakat.

Bukan tidak mau, tapi dengan rendah hati saya katakan bahwa saya, tidak sanggup.

Caah, dadi guru disangka gampang?

Pulisi dau disebut pulisi baka dines, tapi baka ning umah dadi masyarakat biasa. Tapi guru, ningdi bae disebut guru. Lagi turu, lagi mangan, lagi ngajar, lagi macul, tetep disebut "guru". Pak guru lagi turu, pak guru lagi adus, pak guru balik macul.

Guru, Ghru, level uripe wis pada setaraf Dewa, sapa bae sing dadi guru kudu berjiwa malaikat sing blolih salah sebab wibawa lan sandangan aran "Guru" tetep melekat lahir bathin seumur urip, sebab uripe dadi contoh masyarakat.

Bahkan, sampe teka dina mati, disebut: "Pak guru sedha, tilar dunya"

Reang duwe batur pulisi arane Yanto, beli lagi dines, lagi adus, sebutane: "Yanto lagi adus", dudu disebut "pulisi lagi adus". Sebab baka balik meng umah, balik maning dadi masyarakat umum, lumrah kaya sejene, kaya reang, kaya sampeyan, pada bae dadi masyarakat.

Jajala dewekan, kulina dewekan, mendi bae dewekan, halan-halan dewekan, menepi dari keramaian dunia. Reang bosen kanda h...
04/10/2026

Jajala dewekan, kulina dewekan, mendi bae dewekan, halan-halan dewekan, menepi dari keramaian dunia. Reang bosen kanda hingar bingar jagat jumigat, bosen ngomongena gemerlap dunya, bosen kanda usaha, kanda kerja, bisnis, kanda duit.. bosen!

Pilih urip sing luwih sederhana simpel ora ruwet. Numpak Vespa keliling kota.

DOBLEH SINGIUNG-NGIUNG.Kosi kaya wong iya-iya'a bae rang, liwati urip dina kiyen kosi sikil tumpang tali uncang-uncang a...
04/10/2026

DOBLEH SINGIUNG-NGIUNG.

Kosi kaya wong iya-iya'a bae rang, liwati urip dina kiyen kosi sikil tumpang tali uncang-uncang anggeh waca koran keding kaya golongane Kaji Madra'up. Bedae mung kacamata. Baka reang kacamata Riben, baka kaji Madra'up kacamata plus bari mengsle ana ning pucuk cungur kah orah?

Acakatam Riben asli kinih cah, sembarangan bae. Reang duwe kacamata ireng roro. Sing tak anggo kiyen, siji maninge kacamata ireng Prada, biasa dinggo ning bangsa artis gedean. Lha, disangka beli gedean?

Weruh, Prada?

Kertas grenjeng sing ana ning jero wungkus udud kah, wong dermayu baka ngarani kuwen arane Prada, pa'am?

Bangsa hibu-hibu muda rangda sopsiyalitah hendonesah kah, weruh? Sing baka jagat sore muter-muter kampung numpak motor kredit durung lunas kah, nganggo kacamata ireng segala, bari rai pupuran melok-melok, tambah maning alis lancip bisa kanggo ngiris bawang kah?

Kalah kabeh kanah, baka tanding bari reang tah, busung. Pader baka nganggo kacamata ireng olih tuku ning Sarlem, iya orah? Baka reang tah Prada bari Riben orisinil, jaminan tembus polong kuclak. Ana wong kuclakan beli ningkene? Kacamata ana pencetane, baka dipencet bisa tembus kamer mandi deleng sira adus wuda. Lhaa, sembarangan bae!

Disangka beli gedean? Ya gedean reang tah!

Wis, wis, wis, wiiiis.

Waca berita dina kiyen kih, caaah.

Reang salut bari Vietnam!

Pertanggal 3 Oktober 2026 sukses gawe geger negara tetangga Asia Tenggara. Negara sing sedurunge "beli di itung" nyatane perekonomian negara bisa tumbuh 10% ning kuartal III/2026, PDB Vietnam tumbuh sampe 9,93%. Ngeri, Indonesia kalah adoh, ninggang baka jareng pribasa dermayu "tiba bek-sek", niba langsung klenger beboro bisa tangi maning.

Rakyat tuku beras ning Vietnam baka dikonversi rupiah, sekilo rata-rata rega 9000, sebab iku tahun-tahun wingi Vietnam sempat dadi negara importir beras kanggo stok pangan Indonesia bareng Thailand bari Srilanka. Dina kiyen gabah Indonesia antara 8000-9000, durung ngitung udud kanggo calo, durung ngitung proses dadi beras, tuku karung, proses jait, distribusi, tungitang-ngitung sama dengan KLENGER!

Ya klenger 'nda Wasngad baka tuku sega Padang maune patbelasewu dadi selawe ewu. Komoh maning baka warunge diupai lampu. Karuan arane wis warung Padang iku, diupai lampu pisan dadi Padang-jelindang, tambah rarang!

Ambisius pemerintah Vietnam justru ngomong "kami belum berhasil" sebab target pertumbuhan ekonomi tahunane justru diatas 10%, perang Iran dadi salah siji penghambat pertumbuhan ekonomi Vietnam 2026, tapi kiyen wis "meroket" luar biasa, beli kaya pejabat endonesa mung cocot maricote bae meroket.

Cangkeme sapa kanah sing ngemeng meroket kah?

"Nooiianti di hulan.. huni, huli, hafril.. hueeekonomi kuuitah hoooakan, merohett, hett, hett, hettttt!". Bari tangane njoros nduwur kaya bledogan Teluk Agung sedurung njeblug. Weruh orah cah bledogan joros?

SSHHOOAASS, DHUARR!!!!

Bledogan joros tiba njuleg bebalik maning kena cangkem lambe Dobleh, puas!

Dobleeeeh-dobleh, kalesan dobleh. Cocot maricot diumbar bae si lambe dobleh tukang hoax. Ndi kanah? Ana sendal petal beli gawanen mene ngadang wonge liwat bokat bae liwat tanggul maning. Baka jare pribasa Wasngad: "Dobleh Si Ngiung-Ngiung".

Weruh, baka ambulan moni?

"NGIII-BUULL, NGIII-BUULL, NGIII-BUULL"

Konon orah kanah monine?. Kuniku suara kunuh, Cah. Suarae dobleh sing baka ngoceh beli adoh-adoh: "BLANG BANG TING PAK, DOTT!" bari "CIIILUUUK, BAA!", kaya kedok menyon singa depok sing wis pan niat bebeda bocah cilik ponakanira. Wis gah, bangsa ora karuan maning bae baka di ceritakaken. Sing dawa bae ususe baka baturan bari Dobleh.

Dobleh sapa kanah?

Dobleh Singiung-ngiung!

Vietnam, negara sing uripe mung ngandakaken hasil perdagangan luar negeri, negara Kuminis kiyen lagi wulan september wingi pancen ana lonjakan impor manjing Vietnam 31,9% tapi tetep bisa ngimbangi karo pertumbuhan ekspor metu sing Vietnam sejumlah 45,8%, itungane masih surplus dagang sebab ditopang pertumbuhan industri 16,7% bari investasi Luar Negeri 12,1%.

Januari September, sangang wulan Vietnam pontang-panting beresi defisit perekonomian dalam negeri, tapi sekiyen lolos sing lubang jarum, bisa walik keadaan dadi pertumbuhan ekonomi 10%, kiyen luar biasa dibanding Indonesia sing dadi penguasa SDA tapi APBD glondangan kaya kaleng rombeng ketendang Blancir anakan Dobleh. Efisiensi beli ngaruh malah mung ninggalaken polemik keuangan antara pusat bari daerah, wis mulai ana perlawanan para Kepala Daerah protes, kiyen sida, negara suwe-suwe bubar sebab ribut bae anggaran.

Blancir anakan Dobleh kaligane ngoceh: "Dulmin, Vietnam negara cilik, sejen bari rekiblik negara gede, mikir gah, Dulmin!"

Wuah, parah bocah kih!

Berarti pa'am beli persentasi!

Weruh beli itungan persentasi, baka beli weruh takon dimin tak belajari matematika ekonomi, kursus ning reang mene kaya bocah SD baka sore les, kambisan pinter, cukup gawa udud sebungkus bae mene, tak gawe pinter selawase, Nang. Persentasi iku cara ngitung jumlah keseluruhan nganggo sistem pembagian perseratus. Cilik gede baka itungane persentasi berarti secara voleme isi pada bae, pa'am Nang?

Nang sapa kanah,

Blancir!

KLINGG!Admin pernah diajak ngobrol "perkara mistik", sangkut paut hal gaib sing dadi kebiasaan utawa malah bisa disebut ...
03/10/2026

KLINGG!

Admin pernah diajak ngobrol "perkara mistik", sangkut paut hal gaib sing dadi kebiasaan utawa malah bisa disebut "hobi" kultur masyarakat Jawa. Adoh sampe mentiyur kayangapa obrolane, mentog-mentoge angger urusan gaib, baka beli gaib berarti beli adoh sing urusan pikang selangkangan.

Jal titenana obrolan wong Jawa: mung urusane kuwen iku:

1. Bab pekaya
2. Bab Pikang/selangkangan.
3. Bab mistik.

Tapi, ningesor kiyen cerita bener.

Tetahunan admin liwat dalan kiyen, malah pernah saban dina liwat sebab lagi ana tuntutan pekerjaan. Tapi, sore kuwen kebeneran admin gawa Vespa, melaku liwat toang dawa, sebab bengsin pan pragat, admin alon-alon niteni bokat bae ana warung dagang bengsin eceran.

Seuwise liwat tikungan sing dalan kiwe tengene akeh tanduran wiwitan Mahoni, ning ujung dalan seberang wit baujan gede, katon ana rak botol bengsin di jejer-jejer pinggir dalan.

Ning bathin admin: "Lho, kok ana warung ningkene, tembe weruh!".

Tarik kopling Vespa mudun gigi 3, 2, 1, wis mandeg dau posisi netral, Vespa lanjut standar ngadeg, buka jok, isi olih samping "Ipone" dikit sedurung tuang bengsin. Admin nembung sing jaba warung: "Punten, bengsin-bengsin, sisan tambah angin, Kang!"

Sebab perjalanan rada adoh, admin ucul helm bari sarung tangan ngaso senderan ning pago warung. Bari mapan leyeh-leyeh mata admin ilang-iling tempat sekitar. Tetahunan liwat dalan kiyen nanging tembe weruh ana warung.

Y: "Pirang botol, Mas?"
X: "Loro, Pertamax Kang!"
Y: "Ya, Mas!"
X: "Sisan ban tambah angin!"
Y: "Ya!"

X: "Melu andon ngaso dikit, Kang Kaji. Baka ana kopi sisan gawe kopi. Olih, andon ngaso, Kang Kaji?"
Y: "Amiin diundang Kaji. Mbutemen kapan pan mangkat kajie. Ya olih, masa andon bae blolih?"

Admin ilang-iling tempat sekitar maning. Bangunan kayu wis lawas, paku kayu ranggon uga lawas, ana bekas-bekas bungkusan panganan sing wis dadi sampah, berarti warunge wis suwe, ana ning pinggir dalan tapi kenangapa reang dau weruh sekiyen?

Sing duwe warung teka gawa pesenan kopi, reang iseng takon:

"Kang, awit kapan sampeyan duwe warung dagangan ningkene?"

Gelas kopi ditaroh iringan reang, beli langsung jawab tapi melu dodok nyuled udud kretek dikit, awake sandaran pago ranggon madep arah dalan. Sepintas, bari ngetokaken puput udud, cahya matane kaya rada kosong setengah ngelamun.

Y: "Priben Mas, arep ngomongaken sampeyan dau deleng ningkene ana warung tah? Kula wis warungan nem tahun, Mas"

X: "Lho, kok paham, padahal durung ngomong, rupane wong sakti sampeyan kang kaji, kosi weruh sejeroning winarah treteg ati kula"

Y: "Usaha dagang blenak bae, beli mung sampeyan sing ngomong dau katon ana warung ningkene, padahal wis nem tahun lawas jamane. Akeh uwong takon dau deleng warung padahal liwat saban dina!"

X: "Ya kang kaji, kula dau weruh ana warung. Liwat dalan kiyen wis ora keitung. Kuniku kula takon, baka wis nem tahun, kudune kula weruh, pader dalane cilik orah, saban dina tak liwati bae'.

Y: "Sampeyan percaya takhayul, Mas?"

X: "Waduh, rada keder jawabe kinih. Baka percaya, kula iki wong modern sing nom-nomane dolanan komputer, baka beli percaya, tapi beneran dau weruh ana warung ningkene.

Y: "Apa kita kih sengaja "digawe" uwong tah ya? Ditutup dalan rejeki usahae. Tapi sapa sing mengkonon, kitae duwe salah apa sampe semonone digawe-gawe. Mbuh digawe sebaran tanah kuburan apa tanah "panguragan".

**Mitos tanah Panguragan Cirebon, dipercaya (bagi sing percaya) Jeh jarene nganggo keniatan khusus bisa gawe "murag" segala usaha, bener apa beli, admin no komen.

X: "Waduh, obrolane keliwat jero, rada ora paham kula kang, tapi jiwa sampeyan rasakaken beli baka awak lagi "digawe", apa ana sing beda konon kah?"

Y: "Ya kapa mung kanggo mangan mangan bae tah ana bae, ora kurang mangan ora apa, tapi mau kah, bawarasa blenak bae segala usaha bari pekaya, adoh bae. Priben pan maju baka usaha beli dideleng uwong?

Admin rongokaken kandaan bari nyeruput wedang kopi, rogoh-rogoh kantong udud ngemet Marboro bari Zippo. "KLING!", pucuk udud nempel geni, pupute tak tarik jero, aroma tembakau khas Marboro gawe tukang warung ngelitik.

Y: "Masih ana sing kuat bae tuku udud kuwen. Kula tah ampun, sewungkus regane seketewu luwih, mending duite kanggo tuku beras, karuan lagi serba kangelan iku luru sumber penguripan. Kuwen Zippo asli tah mas, pira kinih?"

Admin keder ngomonge dadi serba salah, ana rasa sungkan. Bawarasa dadi wong paling sombong sejagat, nalika rakyat lagi serba susah bari kangelan finansial, tuku beras bae akeh pertimbangan, reang kaya ora terpengaruh sama sekali.

Tak met maning korek Zippo type Art Deco Europe Limited Edition sing tak tuku tahun 2021 garansi seumur hidup, regane pitung juta pitungatus tuku ning emol Senayan nalika jaman semana, tapi beli tak ucap regane, tak tumpuk ning duwur bungkus Marboro terus tak parekaken ning wong warung:

"Manggaaa, aja isin-isin dijajal dikit mantak apa sebatang rong batang, wis lawas beli ngerasani udud rega seketewu punjul orah? Apa maning di sulede bari orijinal Zippo?".

"KLINGG!"

"KLINGG!

Tutup Zippo dibuka tutup wong warung, rupane paham priben cara nganggo Zippo, berarti wong ngerti, heavy smoker, bengene wong gaul, ketenger sing dandanane bagena jarene lagi susah, katon cara wong kota nyandang, kulit awake bersih.

Terakhir Zippo muni maning bari nyuled Marboro: KLINGG!

Reang ngomong:

X: "Hal-hal sing sampeyan kandakaken iku baka jare kula perihal sing berhubungan bari spiritual. Dudu gaib ngandakaken setan bengaok, tapi spiritual, kejiwaan. Baka sampeyan kanda digawe-gawe utawa diguna-guna, kuwen dudu gaib, tapi erat hubungane karo sugesti. Ndilalah, sebab warung posisi tikungan, para pengendara luwih fokus deleng tikungan tenimbang niteni warung sampeyan, dadi kaya beli katon. Wajar baka segala rasa di amini dadi hal sing diluar nalar. Sebab hubungane bari jiwa, coba digawe seger jiwa sampeyan".

Y: "Carane priben?"

Coba rasakaken baka melaku tangpa alas kaki, tangpa sendal sepatu, endah tapak sikil rasakaken aura positif energi bumi. Tukua setumpuk sandangan anyar terus dinggo, supaya bawarasa sampeyan dadi berbeda, luwih percaya diri. Sandangan lawas sing wis blesak aja dinggo maning. Upahana uwong panganan supaya mangan, upahana nginung. Gawanen duit, upahana bocah cilik-cilik duit.

Lunasana utang, tukua iwak urip, uculaken kali. Tukua manuk, uculaken endah bebas mabur. Apa bae sing terkurung, bebasaken, termasuk pikiran. Tanduren wiwitan, disirami. Baka udan bengi, metua tangpa payung, rasakaken energi positif langit manjing ning awak. Rasakaken banyu udan tiba marang awak, rasakaken rasa atise sing manjing sampe ngesor kulit.

Seminggu kiyen tetep berbaik hati, aja ngandakaken uwong, aja mikiri sing beli penting, seminggu kiyen aja ana sing salah, Jumat ngarep pasti ana sing beda. Dudu gaib, tapi supaya jiwane bari uripe balik maning dadi seger.

Beli percaya?

Jajalen!

Admin bayar kopi, tambah angin, bengsin, lanjut perjalanan tinuju balik.

Putusan MK No.90/PUU/XXI/2023 tentang batas usia Capres Cawapres cacat hukum, dominan dadi polemik perdebatan. Keputusan...
03/10/2026

Putusan MK No.90/PUU/XXI/2023 tentang batas usia Capres Cawapres cacat hukum, dominan dadi polemik perdebatan. Keputusane buru-buru kaya sengaja pesenan, hakime diganti, kepentingane beli berdasar keumuman, tapi bernuansa "muatan pribadi'.

Baka jare pribasa bapa Yai, luwih akeh mudharat tenimbang mangpaat.

Sebab keputusan kiyen akhire bisa dadi celah kanggo Gibran Rakabuming Raka anak Persiden, nisa maju kontestasi Capres Cawapres 2024 meski umure durung 40th. Baka sekiyen, ruang kiyen mung kanggo Gibran dewek, Gibran olih keuntungan sing perubahan aturan kiyen.

Baka ana sing ngemeng: "Aturan ini bukan hanya untuk Gibran, tapi siapapun yang usianya belum 40 bisa maju Capres Cawapres". Frasa bahasa mau disebut ungkapan "inferior" dudu "superior". Tujuan aturan MK dirubah nalika kuwen dudu kanggo dina besuk skala umum, tapi ana kebutuhan skala khusus, darurat: luwih utama kanggo sekiyen, sebab mung sekiyen kebutuhane, dudu besuk.

Artine, seolah ana upaya unsur kesengajaan "utak-atik hukum" gawe barang ora sah, nanging priben carane dadi sah. Sing dadi pertanyaane: "Kekuatan lan akal-akalan model apa sing bisa (sengaja) rubah posisi hukum tertinggi sekelas MK?"

Apa sekelas kekuatan buruh tandur borongan baka shubuh ngumpul numpak mobil gerobag, kaose ragem tulisan: "Pasukan Tandur Rangda Njengat" model rombongane Mbok Warem?. Apa malah kekuatan hibu-hibu arisan Wanginih, Danisem, Carwiti, Warnengsih sing baka nunggu kiclikan arisan bari bisik-bisik cekakak-cekikik kanda brondong sapa sing pan di guwes-guwes toli di komprang balangaken empang?

Canggah, Cah!

Upahana weruh reang kayangapa uwonge, ning bayangan reang kosi kuwayang temen keniatane, sampe-sampe ketetapan baku sing mengikat sekelas MK bisa diakal-akal, diutak-atik, ibarat mung kanggo dolanan apa karep jare reang? Mungkin kanggo sampeyan, NKRI negara serius, dadi kebanggaan, tapi ternyata ana cara pandang sebagian uwong sing nganggep negara gede kiyen mung ibarat tempat..

Ya mau iku:

Guyonan bari dolanan.

Pak, Bu, pripun anak kula?Rengking sebenere beli patia penting, mung sebates pembanding prestasi akademik antar siswa ke...
02/10/2026

Pak, Bu, pripun anak kula?

Rengking sebenere beli patia penting, mung sebates pembanding prestasi akademik antar siswa kelas. Sing terpenting iku jumlah rata-rata nilai. Tapi, rengking justru bisa ngupai dampak psikologis "efek kejut" sing luwih fundamental tenimbang jumlah nilai. Sebab iku hampir kabeh uwong nalika nampa raport, sing pertama di deleng yaiku kolom rengking.

Bahasa Inggris "Kurang", reang mikir sedela, apae sing kurang ya, padahal baka bari wongtuane ning umah, selang-seling bahasa antara Jawa, Indonesia, Inggris aktif. Mungkin baka ning sekolah kurang komunikatif.

Matematika nilai "Cukup". Wah kenangapa bocah kih? Baka karo bapane justru luwih sering takon PR Matematika, tapi okelah baka Matematika, pelajaran kiyen emang luwih ekstra tenimbang pelajaran sejene.

Bahasa Indonesia? Lho, apa maning bocah kih. Bahasa Indonesia dadi "bahasa ibu" seuwise basa Jawa urutan pertama sebab dadi identitas. Aja maning anak meng reang sing dadi wongtua, antara admin karo wongtua dewek uga campuran: Basa Jawa, Bahasa Indonesia, kadang setitik Basa Belanda. Maksude, Bahasa Indonesia adalah bahasa "baku", tapi nilai "Cukup".

Agama & Budi Pekerti? Wadah, gaswat darsuswat, padahal kita kih sampe ngamplopi Lebe rong minggu pisan, unggal maghrib sira ngaji. Urusan Budi pekerti, berarti reang sing dadi wongtua, ana sing salah, kudu tak rubah cara komunikasie bari anak reang, aja gaya Rock N Roll!

Anake admin sedurunge ping pindo berturut-turut rengking 1, nilai terbaik, tertinggi, nanging sekiyen rengking 2, mudun setingkat, berarti ana bocah siji sing secara kualitas nyalip anak reang. kaya-kayane, kakehan dolanan hape!

Evaluasi total:

Hasil: Anak reang ranking 2 ning kelas, ranking 19 sesekolahan.

Ana nilai raport sing "Kurang" ditambah maning rengkinge anjlog setingkat, sedurunge ping pindo rengking pertama sekiyen dadi kedua. Artine, kiyen kesalahan wongtua ning umah! Kiyen kesalahan reang karo emboke sing dadi wongtuane sebab setitik lalai perhatian!

Rumahtangga disebut "Pendidikan Dasar Pertama" sedurung bocah ana ning lingkungan sekolah.

Langka bocah goblog, sing ana yaiku wongtua sing beli becus membangun mentalitas bocah. Sebab wongtua lalai bari beli becus ngupai pendidikan mental lan moral awit awal ning keluarga, sebab iku nalika di sekolah kemampuan daya nalar si bocah dadi kurang maksimal!

Buku raport yaiku "Data Sains", fakta otentik kualitas bocah sing dadi siswa didik. Buku raport uga bisa disebut "Buku Psikologi". Priben keadaan rumahtangga wongtuane ning umah bisa di deleng sepira batas kemampuan nilai bocah ning "diagram nilai raport".

Misal:

Ana siswa badeg, sering dadi pelaku bullying diantara batur kelase, kiyen yaiku hasil didikan rumahtangga wongtuane ning umah! Si bocah pelaku Bullying lagi jelasaken "Inilah keadaan keluarga saya, dan inilah hasil yang saya terima".

Reang wongtua, anak reang masih sekolah. Demi Allah, ora bakal dadi masalah nalika anak reang nakal, terus di tempilingi guru. Misal anak reang tekan umah laporan entas ditempilingi guru, malah tambah tak upai omongan nyelekit: "Itu artinya kamu sedang diberi pendidikan moralitas yang keras oleh orangtuamu di sekolah. Berarti ada yang salah sama kamu!"

Diumbangi, ditempilingi, di cukur gundul rambute, diupai hukuman kayangapa anak reang, ora bakal tak rewangi, reang wongtua ora bakal dadi "beking" anakan. Ora sudi, Manda tambah gede endase.

Sebab apa?

Sebab reang wongtua sing kudu bisa berpikir tua, wis ngerasa "masrahaken" anakan supaya di didik, ibarat wis mohon jaluk tulung ning guru supaya gelem dadi wongtua anak reang, ganteni posisi reang ning sekolah. Anak reang di kapruk kayangapa ning guru, kuwen tak anggep bagian dari pendidikan. Mungkin kudu di kerasi, anak dau duwe sadar, sebab cara alus beli tembus.

Nanging,

Baka anak reang di bullying ning batur-batur sekolahane sing sok preman, secara psikologi anak reang "down" sebab di bully.

Kodikit Nang, Nok.

Sira beli salah sebab sira masih bocah. Tapi, wongtuanira ning umah bakal tak tuntut secara hukum, sebab wongtuanira bodo, beli becus bari gagal ndidik sira, kiyen hasile, sira dadi pelaku bullying!

Sira dadi pelaku bullying, sebab awale wongtuanira bodo!

Sebab wongtuanira bodo, berarti kudu tak didik reang nganggo jalur hukum, supaya dadi mbuka pikirane, supaya paham dadi wongtua iku kudu priben. Wongtua kaya reang mangsa ngara ngalah bari kalah, ora urusan sapa bekinge wongtuanira.

Cara supaya sira kapok dadi pelaku bullying selawase, ora bakal maning-maning, tak jeblosena konjara sisan wongtuanira. Sisan tak belukaken wartawan liputan, supaya rame weruh kabeh. Sisan dadi pelajaran kabeh wongtua, titenana priben prilaku anake dewek, bila perlu paranana sekolah, takon ning guru:

"Pak, Bu, punten bade tangled, pripun sekolahe lare utawi anak kula, bener punapa boten?"

Gengsi, masa sekolah mung lulus SMA/SMK terus luru kerja? Kerja apa? Kerja gotongroyong? Kerja Bhakti? Kerja paksa? Tah,...
02/10/2026

Gengsi, masa sekolah mung lulus SMA/SMK terus luru kerja?

Kerja apa?

Kerja gotongroyong?

Kerja Bhakti?

Kerja paksa?

Tah, kerja nguras laut?

Toli sepira kuat tenagae?

Kayangapa disipline?

Sepira ulete?

Dudu negatif thinking, tapi awit jaman bengen mula etos kerja bangsa reang iku masih bisa di ukur, kerja white color apa blue color (weruh, istilah kiyen?) pada bae. Etos kerja bangsa reang masih kalah karo wong Jawa Tengah, sing baka kerja nguli ning Jekarta bertahan setahun beli balik, luwih bisa ngatur duit.

Tapi takona Wasngad, sing pernah bilak-balik kerja kuli ning Jekarta kerja borongan gawe gedung gawe got. Dau seminggu rong minggu, dau bayaran sepisan, untu wis linu pating prutuk pengen balik dermayu. Gawa balik duit kerja kululi bayaran dau atus-atusan ewu gedene karo tengah juta, balik tekan umah luru buk kali, sikil siji ningkring, tangan siji nyekek gendul!

Baka wis nyekek gendul, blenger setitik, terus rubah obrolan dadi ngomongaken harga diri!

Endase blenger, ngandakaken hargadiri.

Baka beli percaya, jal titenana!

Etos kerja masih bisa diukur, baka nampani upah, durung bisa ngatur duit. Beli dadi! Golongan reang baka nyekel duit, naluri seneng-seneng pesta pora bari foya-foya masih duwur.

Reang pernah ketemu 42 wong dermayu kerja kuli luntang-lantung ditinggal kabur mandor. Kerja rong minggu, gawe gedung X sing kepemilikane dekene tokoh Cawapres tapi gagal, perusahaane bener wis ngupai duit ning mandor asal Subang, tapi malah kabur duite digawa pisan. Pernah tak tulis ning IKM.

Aja maning ngomongaken kerja kuli adukan tekan Jakarta, lawase rong minggu, ati wis gelisah mulak-malik pengen gage balik dermayu, ning Kawasan Industri, sing dau manjing akeh sing metu. Sing alesan diumbangi kepala regu, sing pegel, sing kesuwen kerja.

Wis gah, beli dadi!

Mindset dirubah, pisan maning mind-set di ru-bah.

Dadi bocah enom dermayu iku sing gaya konon kah, Cah. Sing setitik rada himtelektuwal konon kah. Weruh beli himtelektuwal? Sakate gah sekolah terus, di lanjut, supaya pa'am, aja kaya Wasngad!

Kenal bari Wasngad?

Wasngad sang pemerhati sosial paling terkenal!

Bocah enom dermayu sekolahe aja mung lulus SMA/SMK, tapi lanjut kuliah. S1, S2, S3, baka ana S-Rolas, hajar sisan!

Bila perlu, sobud sekalian, sombong sekalian, kuliah luar negeri sisan. Kurang kumplit dadi wong dermayu baka beli akas bari sobud omongane, tapi sing penting ana buktine, dudu glondangan kaya kaleng rombeng omonge bae.

Sing mentereng sih cah, dadi wong dermayu kuh, aja topla-taple-topla-taple, celanae pledra-pledre-pledra-pledre. Heh tak omongi, wong dermayu sing saban dina topla-taple pledra-pledre, biasae gelis mati, matie ngulu, eh, mangsude, matia bae wis!

Pledra-pledre, topla-taple, gowal-gawil, hadeuh, Gusti Pengeraaaan!

Bati ngisinaken aran dermayu bae, sida kiyen kih, Wiralodra tangi maning saking dugale, bangsa kayakonon di pecohi ning Wiralodra. Wong dermayu model apa toli kayangkonon, pada ora semangat temen uripe, pan dadi apa jagat dermayu baka uwonge mengkonon kabeh.

"Dulmiiiiiin-dulmin. Demi busung miiiin, busung. Kita kuh pengen lanjut kuliah, tapi beli duwe biaya, wongtua melarat keciprat banyu comberan pisan, duh nasibeng badan, priben, Dulmiiiin? Nulis kosi sampe pan nelepak banyu mata!'

Mbugah Wanginih!

Nelepak banyu mata nda IKM kaya drama Koreya. Banyu mata apa? Banyu mata buaya? Buaya angob?

Tak upai weruh sira, Wanginih.

Jaman wis serba himternet, masih picek jagat bae sira, akeh program bisa check website Kemenkeu Program LPDP. Baka beli coba buka web "Kampus Luar", ningkana bisa sisan gawe akun. Bisa pilih SKTM apa Non-SKTM. Tapi intine, ora urusan sira melarat apa sugih dadi anakan kaji, baka isin SKTM pilih sing Non. Pilih sesuai bidang sing sesuai, pilih pan kuliah negara ngendi.

Wanginih, sing maune sikile busik, raine merongos, kemringet mambu srengenge, rambut kucengan karet gelang bekas bungkus ceplik, pegaweyane gawa rantang bulak-balik munggah mudun tanggul kali gede, baka duwe kekarep ngomong ngenes ngaku melarat, tapi baka diomong melarat malah ngancil ora terima!

Wanginih, maune dagang lotek kangkung, warung gribig melangkring ning tanah PU pinggir p**a Pertamina, maune baka nguleg lotek tapih rombeng melorod maning melorod, susu sampe mentul-mentul ngalor ngidul munggah mudun saking santere nguleg cowet gawe lotek kangkung. Jeh, barang sekiyen ketrima LPDP dadi mahasiswi Universitas Leiden, kampus elit nomer siji ning Belanda, Fakultas Nuklir gelar S1, S2, S3, lanjut terus dadi tukang ingsinyur tukang propesor, pirang-pirang tukang di borong kabeh.

Lha, apa disangka Wanginih beli gedean?

Apa disangka wong serekblik Endonesa beli ngupai hormat marang sira sebab bergelar Propesor ahli nuklir? Reang beluk sira dadi "Ibu Wanginih" beligah kunuh? Lurah Srugul sing biasane baka guyonan wani nyilak tapih rombenge sira. Baka sira dadi tukang propesor nuklir, Lurah Srugul darani beli klicut raine dituding raine ning sira?

Lha, diarani beli gedean dadi wong dermayu?

Sakate gah lanjut terus sekolah, aja ngeladeni dermayu ana kawasan industri apa beli, pader dudu bandakayae sira.

Dadi apa Jeh, maukah, Wang?

Dadia wong dermayu sing himtelektuwal, sing beli sembarangan. Gedean!

Gulati Bae mau aran web sing tak sebut kah, pader kuliah beli bayar beli apa.

---------

Sedurung kerja pada menea sarapan dimin. Budal kerja sedurung balik pada menea maning, mangan maning. Reang emong wong sing pada kerja kaligane klenger durung mangan, utawa balik umah gegratak panganan sebab durung mangan. Aja sampe deleng laki durung mangan, bokat rabine pada ngenes.

Address

By Pass Pantura Indramayu
Indramayu

Telephone

+6281111119191

Website

Alerts

Be the first to know and let us send you an email when Indramayu Kota Mangga posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Indramayu Kota Mangga:

Shortcuts

Share

Category