15/03/2025
Kisah nyato di lubuk nipis
Sang mantan
Lambet2 Sarip melangkahkan keting nou nyusuri jelen setapak itu, jelen setapak semin luhus itu nuju ngguk pangkalan mandi.Sarip sengajou megi mandi ageak petang dikit ngahap betemu ngen jemou yang dio tuju yaitu sang mantan yang humeh nou diujung jelen setapak itu
Marak'i humeh sang mantan dedou sarip tambeh dedegdug,ado a*o hindu nyelinap didelem ati nou.Humeh itu tinggel bebehepou langkah agi,atinou tambeh ekde keruan,ngen ujung matonou sarip ncungak ngguk tunden humeh itu beahap betinou itu ado disano.
Nginak tunden itu selintas kenangan muncul di ingatan sarip.Dulu 7 taun yg lalu tunden itu bedeh diou memadu kasih dengan si Lina, duo tahun dio bejilemen dan lah sepakat untuk berumah tanggo,tapi sayang jemo tuo lina edeu merestui hubungan itu,entah ngapo lina lebih nuhuti kato jemou tuonou dari pada memperjuangkan cinta mereka hangduou.
Akhirnou sarip pegi ndi dusun dan merantau ke tanah jewou. Diou berusaha melupakan lina selamo-lamonou. Berkat kerja keras dio berhesil njedi jemo kayou,bemubil,behumah bseak dan akhirnou dio bejuduh ngen gedis jewou.Teaning kaber ekdeu lamou diou megi ke jewou gedis pujeen nou kawin ngen Andi,kanco sarip di dusun.Ariayou taun ini diou bekesempatan belik dusun setelah tujuh taun merantau di tanah sebreang.
Tunden itu sepi,kehing dan berdebu,lawangnou tetutup rapat.Ado sedikit keciwou di ati sarip, diou cuma beahap pacak nginak mangki cuma sekilas.Ekdeu nak saling sapa nian apo saling senyum,tejeling dikit agi jedilah.Sampai sarip lalui umah ini diou ekdeu nginak sapo2 di umah itu.
Belum lamou sarip ninggelkan depan umah itu tau2 adou jemou ngantau diou :
"Kak sariiip...kak sarip !!"
Melingak lah sarip ke arah jemo ngantau diou, dihiding kandeang parak jelen setapak nuju arah jerembeah dikinaknou adou betino kuhus kehing deang betegek nginak ke arah diou, betinou ini deang ngambin bekou (kinjech) isi puntung kayu sambil ngilik kupik (bayi), ado pulo budek kecik umur 5 taun dipapahnou...
Karnou mera*o kenal ngen suahonou Sarip marak i betino itu,makin parak sarip makin yakin kalu betino inilah yg dio cari tadi.
"Panjang nian umur betino ini, mpai nian kucakahi tau2 muncul depan matou"kato sarip delem ati serundou injik.
"Kebiou sampai, belik gelou ??" tanyo lina sambil nyuluhkan tanganou
"Auu..mahi kami nyampai...Menou lakingen"
"Masih ditalang diou..pagisuk diou belik dusun "
"Sesuai nian umah ngen sepi"
"Tambeah bunguk sajou ngen ni au.."
"Ayy bia*ou sajou..Ini anak ngen ?? lah behepou anak ??"
"Duou inilah....busiklah ngguk humeh ajek'i anak bini ngen "
"Au..insyaallah....."
Petemuan itu singkat sajou tapi ngandung beribu makna bagi si sarip, ternyatou dio belum pacak melupokan lina sepenuhnou.Masih adou adou kesian ngen lina. Apolagi nginak keadeen lina lok ini, beden kuhus kehing, bebeju lusuh, cukah kalu lina njedi ngen diou mungkin beda keadan nou tapi di sisi lain sarip pacak nginak ketegaran didelem diri lina mangki diou sekilas nginak matou llina bekacou-kacou dan suahonou sedikit begetar. Tapi sarip mera*ou ini salah,diou tauk nak merangkai masa lalu, masa lalu cukup di kenang sajou,diou harus melangkah kedepan dan melupakan si lina, karnou masa depan nou jeles bersamo anak bini nou.
Lubuk nipis Maret 2010
TAMAT
