An Gúm

26/05/2026

Ar an 7 Bealtaine 2026, bhain an Gúm cloch mhíle shuntasach amach agus céad bliain slánaithe againn an lá sin.

Chun an lá cinniúnach a cheiliúradh, bhailigh lucht acadúil, lucht léitheoireachta agus scríbhneoirí na Gaeilge le chéile don chomhdháil Inné agus Inniu: 100 bliain den Ghúm.

Eagraíodh an chomhdháil i gcomhar le Fiontar & Scoil na Gaeilge DCU ar Champas na Naomh Uile ar mhaithe le stair an Ghúim a chomóradh, súil siar a chaitheamh ar an obair atá déanta againn agus ar an obair atá le déanamh fós.

Seo chugaibh blaiseadh den chomhdháil a chairde agus táimid ag súil go mbaine sibh taitneamh as🙏

15/05/2026

Cuimhní cinn ón gcomhdháil Inné agus Inniu: 100 bliain den Ghúm an tseachtain seo chaite, áit a rinneadh comóradh agus ceiliúradh ar stair agus obair an Ghúim le 100 bliain anuas💯

Ba iontach an ócáid í agus ba mhaith linn ár mbuíochas a ghabháil arís le gach duine a bhí i láthair ar an lá, le haoichainteoirí na comhdhála agus le gach duine a chuidigh linn a leithéid de chomhdháil a eagrú. Gabhaimid buíochas ar leith le foireann Fiontar & Scoil na Gaeilge, a bhí mar chomheagraí ar an gcomhdháil.

Cothrom céad bliain ó tháinig Coiste na Leabhar le chéile, chuamar ar thuras siar ar bhóithrín na smaointe, ag breathnú ar an méid a bhain an Gúm amach le 100 bliain anuas agus ag déanamh ransú ar an obair reatha📚

Anois, breathnóimid chun tosaigh, ar na dúshláin agus ar na deiseanna atá amach romhainn. Go mairimid an chéad chéad eile!

#100

14/05/2026

Buíochas ó chroí le hÁine Ní Bhreisleáin agus le Seachtain as a bheith i láthair ag an gcomhdháil Inné agus Inniu: 100 bliain den Ghúm an tseachtain seo chaite.

Scríobhadh alt faoin gcomhdháil agus tá blaiseadh de chainteanna an lae le fáil ann. Féadtar é a léamh ar shuíomh gréasáin Seachtain anseo 👉 https://www.independent.ie/seachtain/seachtain/2000-leabhar-i-100-bliain-ait-i-stair-an-stait-agus-na-gaeilge-tuillte-ag-an-gum/a1395599545.html

Foras na Gaeilge DCU Irish Independent

27/04/2026

Míle buíochas le Raidió Fáilte as an deis a thabhairt d'Eagarthóir Sinsearach an Ghúim, Muiris Ó Raghallaigh, suí síos le hÉanna Nig Riabhaigh ó' Moch ar Maidin' chun comóradh 100 bliain an Ghúim a phlé🙌

San agallamh seo, déantar trácht ar stair agus obair reatha an Ghúim, ar an gcomhdháil comórtha atá ag teannadh linn, agus mórán eile.

📱Tá fáil ar an eagrán seo de Moch ar Maidin ar Spotify - https://open.spotify.com/episode/5qL7hqf0ddhWeRpOL9Xwio

🔗Is féidir ticéad a cheannach don chomhdháil anseo 👉 https://www.eventbrite.ie/e/inne-agus-inniu-100-bliain-den-ghum-tickets-1987303071985?aff=ebdssbdestsearch

16/04/2026

Tá an Gúm 100 bliain ar an bhfód i mbliana, agus mar chuid den cheiliúradh beidh comhdháil lae á reachtáil ag an nGúm i gcomhar le Fiontar & Scoil na Gaeilge, DCU ar an 7 Bealtaine. Ar Champas na Naomh Uile, DCU ar 09:30 a bheidh an chomhdháil ar siúl.

Caithfear súil siar ar stair an Ghúim agus déanfar ransú ar chuid den obair reatha atá ar siúl. Bhí an Gúm riamh ag plé le foilseacháin den uile chineál: leabhair scoile agus leabhair léitheoireachta, bunsaothair agus aistriúcháin, saothair chruthaitheacha agus saothair thagartha. Tá blaiseadh de na gnéithe sin uile ar chlár na comhdhála seo.

Is féidir clárú don chomhdháil ar Eventbrite ach ticéad a cheannach tríd an nasc seo https://www.eventbrite.ie/e/inne-agus-inniu-100-bliain-den-ghum-tickets-1987303071985?aff=oddtdtcreator&_gl=1*w4xag1*_up*MQ..*_ga*NTk3MTgzNTM5LjE3NzYzNTI2OTU.*_ga_TQVES5V6SH*czE3NzYzNTI2OTQkbzEkZzAkdDE3NzYzNTI2OTQkajYwJGwwJGgw

€15 an praghas atá ar ghnáththicéad don chomhdháil agus tá lón agus sóláistí san áireamh leis sin.

Chomh maith leis an gcomhdháil féin, beidh eagrán comórtha den iris Comhar á sheoladh an tráthnóna sin ar 5:30 nuair a bheidh an chomhdháil féin thart. Cuimsíonn an ticéad don chomhdháil seoladh Comhar chomh maith. Daoine ar spéis leo clárú le haghaidh sheoladh Comhar ach gan freastal ar an gcomhdháil is féidir ticéad saor in aisce a chur in áirithe ar Eventbrite.

10/04/2026

Déanaimid, foireann an Ghúim, comhbhrón le muintir Gabriel Rosenstock atá imithe uainn ar shlí na fírinne.

Iar-chomhghleacaí agus cara linn ba ea Gabriel. Chaith sé blianta fada ag obair sa Ghúm mar Eagarthóir Cúnta go dtí go ndeachaigh sé ar luathscor in 2007. Fiú nuair a chuaigh sé ar scor léirigh Gabriel an dáimh chéanna leis an nGúm agus thagadh ábhar leabhair uaidh go rialta. Clocha scáil ba ea iad na leabhair sin, bhí greann is gaois iontu, ceol is cumha, tuiscint don domhan is tuiscint don duine.

croí éadrom
ag eitilt tríd an saol seo ...

féileacán bánghorm

— Haiku más é do thoil é!

17/02/2026

03/02/2026

Seoid bheag daoibh tar éis an deireadh seachtaine fada a chairde gaoil!

Seo an t-údar Neil Sharpson agus a leabhar grinn gliadrach Níl Éisc le Trust á léamh amach ós ard aige. Cruinnigh le chéile agus tar ar aistear le Neil síos faoi dhromchla na mara, áit a nochtfar drochrún na n-éisc faoi dheireadh!

Pictiúrleabhar spraíúil éadrom faoi na héisc agus faoin dóigh nach bhfuil siad le trust a bheag nó a mhór. Tá cuid acu chomh mór le bus – níl sin ceart!

Léitheoireacht riachtanach d’iascairí, nó d’aon duine a bhíonn ar an trá, nó fiú ar an leithreas. San áit a mbíonn uisce, bíonn éisc. Bígí ar an eolas. NÍL ÉISC LE TRUST!!

29/01/2026

Éist le Róisín Sheehy, aistritheoir Eachtraí Saíd, ag labhairt faoi bhuachana an leabhair agus an tábhacht a bhaineann le húrscéalta ón Mór-Roinn, agus áiteanna eile níos faide i gcéin, a léamh agus iad a bheith ar fáil i nGaeilge.

Díríonn an scéal seo ar anacair an imircigh óig Saíd agus a thuras thar farraige ó ainnise a dhúchais go dtí an Spáinn ag féachaint lena bheatha a shaothrú. Tairgeann an leabhar seo léargas doimhin ar ghéarchéim na n-imirceach sa Spáinn, contúirt an turais thar na Méanmhara, doicheall fuarchúiseach na Spáinneach roimh na himircigh agus na fadbhanna casta atá rompu daoine leithéid Saíd.

Ainmníodh Eachtraí Saíd ar an liosta ‘Leabhair Ghaeilge na Bliana’ de chuid Tuairisc anuraidh.

28/01/2026

Bí cinnte do chóip féin a fháil de na húrscéalta is úire ón nGúm, leabhair atá ar maos le heachtraíocht agus scéalta spreagúla, agus iad in oiriúint do dhéagóirí agus daoine fásta araon. 📚

Scéal loinneach a thugann aghaidh ar cheisteanna ábhartha ár linne, foilsíodh an t-úrscéal Eachtraí Saíd ag deireadh na bliana seo chaite agus ard-mholadh faighte ag an leabhar agus an t-aistritheoir Róisín Sheehy cheana. Is scéal é seo faoi chruachás an imircigh. Teitheann Saíd thar farraige ó ainnise a thíre féin. Tar éis turas crua, sroicheann sé an Spáinn. Agus é in Barcelona, faigheann sé amach gur géire an ciníochas ná an bhochtaineacht féin. Bíonn ar Saíd aghaidh a thabhairt ar an saol mar imirceach mídhleathach agus fhoréigean na maolcheann. Don imirceach óg, is eachtra é an saol agus é lán de sholas agus scáth. ❤️

Ó pheann Chathal Uí Shándair, seo chugainn arís dhá eagrán nua ón tsraith mhórchlúiteach Eachtraí Réics Carló. Isteach sa bhearna bhaoil arís leis an lorgaire cáiliúil Réics Carló sa dhá leabhar is úire An Corpán sa Trunc agus Dúnmharú i bPáirc an Chrócaigh agus é ag iarraidh muintir na hÉireann a choinneáil slán óna naimhde. Curtha in eagar ag Róisín Adams d’aos óg an lá inniu, tá eachtraí an bhleachtaire an oiread céanna spreagúil agus bríomhar do dhéagóirí na linne seo, agus a bhí tráth a fhoilsithe. 🕵️‍♂️