07/06/2026
මේ ස්මාරකය අයිති අයර්ලන්තයේ දක්ෂ බොක්සිං ක්රීඩකයාගේ අත පවා මරණෙන් පස්සේ වෙන්කරලා ප්රදර්ශන භාණ්ඩයක් වුණා කිව්වොත් විශ්වාස කරනවද...?🥊💥🇮🇪
1788 දී අයර්ලන්තයේ උපන් ඩෑන් ඩොනලී (Dan Donnelly) කියන්නේ සාමාන්ය කෙනෙක් නෙවෙයි. ඒ කාලේ අත්වැසුම් නැතුව (Bare-knuckle)සටන් කරන දරුණු බොක්සිං සටන්වල රජ්ජුරුවෝ තමයි ඔහු. ඩෑන්ට ප්රතිවාදීන් අන්දමන්ද කරන, දිගු දකුණු අතක් තිබුණා.
ඔහුගේ දක්ෂතාවයට රටේ මිනිස්සු විතරක් නෙවෙයි, රජ පවුල පවා ආදරය කළා.
මේ ස්මාරකය හදලා තියෙන්නේ අයර්ලන්තයේ 'The Curragh' කියන ලස්සන පිට්ටනියක.
හරියටම 1814 සැප්තැම්බර් 14 වෙනිදා, මෙතන පැවැත්වුණු ලොකු සටනක් බලන්න විසිදහසකට (20,000) වඩා සෙනඟක් එකතු වුණා. එදා ඩෑන්, ඉංග්රීසි ජාතික ටොම් හෝල්ව පරද්දලා මුළු අයර්ලන්තයම ජයග්රහණයෙන් උද්දාමයට පත් කළේ හරියටම මේ ස්ථානයේදී. අදටත් මේ තැන හඳුන්වන්නේ "ඩොනලීගේ නිම්නය" Donnelly’s Hollow කියලා.
ඩෑන් සටන්වලින් පවුම් දහස් ගණන් සල්ලි හෙව්වා. හැබැයි ඔහුට මුදල් කළමනාකරණය කරගන්න තේරුණේ නැහැ. ඔහු සූදුවට සහ අධික ලෙස මත්පැන් භාවිතයට ඇබ්බැහි වුණා. තමන්ටම කියලා පබ් (Pub) කිහිපයක්ම පටන් ගත්තත්,සියල්ල අසාර්ථක වුණා..
අධික ලෙස මත්පැන් පානය නිසාම ඩෑන්ගේ සෞඛ්යය දිනෙන් දින පිරිහුණා. අවසානයේදී, 1820 පෙබරවාරි 18 වෙනිදා, වයස අවුරුදු 32ක් වගේ තරුණ වයසකදී ඔහු මෙලොව හැර ගියා.
🦴 මරණයෙන් පස්සේ ප්රදර්ශන භාණ්ඩයක් වුණු "දකුණු අත"
ඩෑන්ගේ දුක්බර කතාව මරණයෙන් ඉවර වුණේ නැහැ. ඒ දවස්වල වෛද්ය පර්යේෂණවලට මළසිරුරු හොරකම් කරන කණ්ඩායම් (Body snatchers) සිටියා. ඔවුන් ඩෑන්ව වළලලා දවස් කිහිපයකින් සොහොන හාරලා සිරුර හොරකම් කරලා වෛද්ය වරුන්ට වික්කා.
දොස්තරලා සිරුර කපද්දී, ඩෑන්ගේ අර අසාමාන්ය දිගු, ශක්තිමත් දකුණු අත දැකලා පුදුම වුණා. ඔවුන් ඒ අත විතරක් සිරුරෙන් වෙන් කරගෙන, විශේෂ රසායනික ද්රව්ය දාලා සංරක්ෂණය කළා.
ඊටපස්සේ ඒ අතට වුණේ පුදුම දෙයක්! අවුරුදු 150ක් තිස්සේ ඒ අත සර්කස් කණ්ඩායම්, කෞතුකාගාර හරහා ලෝකය වටේම ගියා. පස්සේ කාලෙක අයර්ලන්තයේ ප්රසිද්ධ පබ් එකක වීදුරු පෙට්ටියක දාලා මිනිස්සුන්ට බලන්න තියලයි තිබුණේ.
මේ අත බලන්න මිනිස්සු ලෝකෙ වටෙන්ම ආවාලු..
2006 දී ඇමරිකාවේ ප්රදර්ශනයකට පවා මේ අත අරන් ගියා!
අද වෙනකොට මේ අත පෞද්ගලික එකතුකරන්නෙක් සන්තකයේ රහසිගතව, ආරක්ෂිතව තියෙනවා.
තමන්ගේ දක්ෂකම නිසාම මරණයෙන් පස්සෙත් තමන්ගේ ශරීර කොටසක් ලෝකය වටේම ප්රදර්ශනය වුණු ඩෑන් ඩොනලීගේ කතාව ඇත්තටම අදහාගන්නත් අමාරුයි නේද?
𝑻𝒉𝒆 𝑰𝒓𝒊𝒔𝒉 𝒇𝒊𝒈𝒉𝒕𝒆𝒓 𝒘𝒉𝒐𝒔𝒆 𝒂𝒓𝒎 𝒕𝒐𝒖𝒓𝒆𝒅 𝒕𝒉𝒆 𝒘𝒐𝒓𝒍𝒅 𝒂𝒇𝒕𝒆𝒓 𝒉𝒊𝒔 𝒅𝒆𝒂𝒕𝒉. 🇮🇪🥊
