28/10/2025
संसद भवन जलाउन उक्साएको र अश्लील शब्दसहित गालीगलौज गरेको आरोप लागेपछि अमन प्रताप अधिकारीको स्पष्टीकरण:
नमस्कार, म अमन प्रताप अधिकारी । भाद्र २३ गते जेनजी आन्दोलनलाई समर्थन गर्दै म संसद भवन अगाडि पुगेँ । संसद भवन अगाडि गोली चल्यो - ड्याङ ड्याङ । गोली चल्दा खेरि भागमभाग, दौडधुप भयो । मेरो अगाडि, पछाडि र दायाँबायाँ चार जना स्कुल ड्रेस लगाएका विद्यार्थी ढले । उनीहरूलाई गोली लाग्यो; उनीहरू त्यहीँ ढले र त्यहीँ सहिद भए ।
भाद्र २४ गते ती विद्यार्थीहरू झलझली मेरो आँखामा, मेरो मुटुमा आइरहेको अवस्थासँगै आक्रोश बोकेर म फेरि संसद भवन पुगेँ । एन्टिकरप्सन र अन्य केही मुद्दा लिएर अगाडि बढेको जेनजी आन्दोलनलाई समर्थन गर्दै म पुगेँ । एक दिनअघिको हत्याले त्यो आक्रोश यसरी बढेको थियो - आगो यसरी फैलिएको थियो - त्यो केवल म मात्र नभई त्यहाँ आएका लाखौँ सबैमा देखिन्थ्यो । किन थियो त्यो आक्रोश ? त्यो सरकारले नै सांसद भित्रबाट गोली प्रहार गराएको थियो । र तपाईँका मेरा छोराछोरी त्यहीँ ढलेर त्यहीँ सहिद भएका थिए । संसद भवन भित्र पुगेपछि त्यो आक्रोश सबैमा देखिन्थ्यो; ममा पनि थियो । भित्र गइँन् । भित्र जाने बित्तिकै मैले मोबाइल निकालें र ती -तपाईंका मेरा छोराछोरी माथि गोली प्रहार गर्ने -मेरा छोराछोरी पनि भाद्र २३ गतेको दिन त्यही आन्दोलनमा सरिक थिए । उनीहरू पनि त्यहीँ सांसद भनिए पनि पुगेका थिए । तर कति -तपाईंका कति छोराछोरी त गोली लागेर मरे नि, त सहिद भए नि त ।
सो ती गोली हान्न आदेश दिने, सरकार चलाउने र त्यो देश चलाइरहेका ती व्यक्तिहरूलाई मैले के भनेँ भने - “तेरो देश सकियो” भनेर भनेँ । त्यो को माथि इन्कित थियो त जसले त्यो सरकार, त्यो देश चलाइरहेको थियो र जसले त्यो गोली हान्ने आदेश दिएको थियो । त्यो आदेश कसले दिएको थियो भने केपी ओलीले संचालन गरिरहेको भन्ने मैले भन्ने प्रयत्न गरेको हुँ -म चाहिँ पार्लियामेन्ट र देश सञ्चालन गरिरहेकै अवस्थामा उहूँलाई दोषी ठानेँ । उहाँलाई साथ दिने देउवा जी, प्रचण्ड जी र अरू सबै - र सम्पूर्ण पार्लियामेन्टविरुद्ध मेरो आक्रोश थियो । ती छोराछोरी मेरा आँखाआगाडि मरेका थिए; त्यो आक्रोश थियो । त्यो आक्रोशमा मैले अपशब्द बोलेँ । अपशब्द कसलाई बोलेँ भने मैले त्यो गोली हान्न आदेश दिने केपी ओली नेतृत्वको पार्लियामेन्ट/गभर्नमेन्टविरुद्ध मैले ती अपशब्द बोलेँ । तपाईँ हामी प्रति इन्कित होइन - त्यो रिस र राग मेरो आँखाआगाडि ती छोराछोरी मरेको रिस र रागको आक्रोश थियो ।
अहिले तपाईँको फोनमा त्यो फेरि आइरहेको छ । अहिले सुन्दा तपाईँका बुवा–आमा, दिदी–बहिनी, छोराछोरीले ती शब्दहरू सुन्दा एकदम अप्ठ्यारो लाग्छ होला - हो, मैले अपशब्द बोलेको छु । र अहिले सुन्दा एकदम अप्ठ्यारो लागेकोमा म धेरै–धेरै माफी चाहन्छु । सुन्न नपरेको भए एकदम राम्रो हुन्थ्यो । तर जो विरुद्ध मैले अपशब्द बोलेको थिएँ, म त्यसमा “आई डोनट रिग्रेट इट” किनभने उनका आदेशमा तपाईँका हाम्रो छोराछोरी मारिएको हो; ती हत्याराहरूसँगैको विरुद्ध मैले ती अपशब्द बोलेको हुँ ।
अर्को कुरा - “संसद भवन जलाए” भन्नुहुन्छ भने साबित गर्नुस्, म जेल जान्छु । सिंहदरबार जलाए भन्नुहुन्छ भने एउटा प्रमाण निकाल्नुस्, म जेल जान्छु । न्यायालय जलाए भन्नुहुन्छ भने प्रमाण निकाल्नुस्, म जेल जान्छु । कसैको व्यक्तिगत घर वा कोहीसहित मैले हातपात गरेको भए एउटा सानो पनि फोटो वा केही प्रमाण होला नि - त पहिला ल्याउनुस्, म जेल जान्छु ।
र एउटा कुरा याद गर्नुस्: यो एन्टिकरप्सन विरुद्धको लडाइँ थियो - त्यो लडाइँ म अहिले पनि बोकेर हिँडिरहेकै छु । जो हत्याराहरू अहिले सम्म फेला परेका छैनन् - अहिलेको सरकारले पनि यो काम समयमै पूरा गर्न सकेको छैन भन्ने कुरा याद गर्नुस् । ती हत्याराहरू चाँडै पक्रिनु पर्ने हो । अहिले हेर्नुस् भने, सामाजिक संजालमा भाद्र २३ को कुरा सबै मेट्न लागिसकेको छ - ती हत्याराहरू भाग्न लागिसकेकाले छुट्न लागिसकेकाले २४ मा बिल्डिङ बलेको कुरा ठूलो बनेको छ । एउटा मान्छे (ज्यान) र एउटा बिल्डिङ कहिल्यै बराबर हुँदैन - कृपया त्यो याद गर्नुस् । र यो एन्टिकरप्सन र हत्याराहरूको विरुद्ध मेरो आवाज यतिकै बुलन्द रहनेछ ।
नमस्कार, धन्यवाद ।
