https://www.facebook.com/104210658907574/

KL 6 news, Adimali (2026)

28/05/2026

🟣🔵തൂഫാൻ
ദി നാർക്കോ ഹണ്ട് ജൂൺ1 മുതൽ.🟣🔵 മുന്നേറാം.
ലഹരിയുടെ വേരറുക്കാം

പൊതുസമൂഹവും വിദ്യാലയങ്ങളും കുടുംബങ്ങളും ഞങ്ങളോടൊപ്പം കൈകോർക്കുന്ന ഒരു ജനകീയ പ്രതിരോധത്തിലൂടെ നമ്മുടെ വീടുകളിൽ സമാധാനവും, തെരുവുകളിൽ ഭയരഹിതമായ അന്തരീക്ഷവും ഉറപ്പാക്കാം.

26/05/2026

🟣🔵ദര്‍ഘാസുകള്‍ ക്ഷണിച്ചു. 🔵🟣

അടിമാലി താലൂക്ക് ആശുപത്രിയിലെ എക്സ്റേ വിഭാഗത്തിലേക്ക് എക്സ്റേ ഫിലിം, ലാബ് റീ ഏജന്റ് എന്നിവ ലഭ്യമാക്കുന്നതിന് തയ്യാറുളള വ്യക്തികള്‍/സ്ഥാപനങ്ങള്‍ എന്നിവരില്‍ നിന്നും ദര്‍ഘാസുകള്‍ ക്ഷണിച്ചു. ജൂണ്‍ 4ന് ഉച്ചകഴിഞ്ഞ് 1 മണി വരെ സ്വീകരിക്കും. അന്നേദിവസം ഉച്ചകഴിഞ്ഞ് 3 ന് ദര്‍ഘാസുകള്‍ തുറക്കും. സൂപ്രണ്ട്, താലൂക്ക് ആശുപത്രി അടിമാലി എന്ന വിലാസത്തില്‍ ദര്‍ഘാസുകള്‍ സമര്‍പ്പിക്കണം.
കൂടുതല്‍ വിവരങ്ങള്‍ക്ക് ഫോണ്‍:04864-222670, ഇമെയില്‍:[email protected]

25/05/2026

🟣🔵മുടങ്ങി കിടന്ന ദേശീയപാതയുടെ വീതി കൂട്ടലിന് വഴി തുറക്കുന്നു; ലാന്‍ഡ് റവന്യു കമ്മീഷണര്‍ നിര്‍മ്മാണം നിലച്ച പ്രദേശങ്ങളില്‍ നേരിട്ടെത്തി പരിശോധന നടത്തി.🟣🔵

അടിമാലി▪️ കൊച്ചി-ധനുഷ്‌കോടി ദേശീയപാതയില്‍ ഏറെക്കാലമായി മുടങ്ങിക്കിടക്കുന്ന പതിനാലര കിലോമീറ്റര്‍ ഭാഗത്തെ നിര്‍മ്മാണ പ്രവര്‍ത്തനങ്ങള്‍ പുനരാരംഭിക്കുന്നതിനായുള്ള നടപടികള്‍ സംസ്ഥാന സര്‍ക്കാര്‍ വേഗത്തിലാക്കുന്നു. ഇതിന്റെ ഭാഗമായി ലാന്‍ഡ് റവന്യു കമ്മീഷണര്‍ കെ. ജീവന്‍ ബാബുവിന്റെ നേതൃത്വത്തിലുള്ള സംഘം നിര്‍മ്മാണം നിലച്ച പ്രദേശങ്ങളില്‍ നേരിട്ടെത്തി പരിശോധന നടത്തി. നിർമ്മാണം പുനരാരംഭിക്കുന്നതിനുള്ള അടിയന്തര നടപടികൾക്ക് ഉത്തരവിട്ടുകൊണ്ട് മുഖ്യമന്ത്രി വി.ഡി. സതീശൻ ചീഫ് സെക്രട്ടറിക്ക് നൽകിയ നിർദ്ദേശത്തെ തുടർന്നാണ് പരിശോധന.

കഴിഞ്ഞയാഴ്ച, ഇടുക്കി എംപി ഡീൻ കുര്യാക്കോസും ദേവികുളം എം.എൽ.എ എഫ്. രാജയും മുഖ്യമന്ത്രി വി.ഡി. സതീശനെ നേരിൽ കണ്ട് ദേശീയ പാതയുടെ അടിയന്തര നടപടി ആവശ്യപ്പെട്ട് നിവേദനം സമർപ്പിച്ചിരുന്നു. സ്ഥലം സന്ദർശന വേളയിൽ ലാൻഡ് വക കമ്മീഷണറോടൊപ്പം ജില്ലാ കളക്ടർ ദിനേശൻ ചെറുവാട്ട്, ദേവികുളം സബ് കളക്ടർ വി.എം. ആര്യ, എം.എൽ.എ എഫ് രാജ എന്നിവരും പങ്കെടുത്തു.

25/05/2026

🟣🔵ഇന്ധനവിലയില്‍ വീണ്ടും വര്‍ധന; പെട്രോളിന് 2.61 രൂപയും ഡീസലിന് 2.71 രൂപയും കൂടി. 🟣🔵

ന്യൂഡല്‍ഹി: രാജ്യത്ത് ഇന്ധനവിലയില്‍ വീണ്ടും വര്‍ധന. പെട്രോള്‍ വില ലിറ്ററിന് 2.61 രൂപയും ഡീസല്‍ വില ലിറ്ററിന് 2.71 രൂപയുമാണ് എണ്ണ വിപണന കമ്പനികള്‍ വര്‍ധിപ്പിച്ചിരിക്കുന്നത്. രണ്ടാഴ്ചയ്ക്കുള്ളില്‍ നാലാമത്തെ വര്‍ധനവാണിത്.

ഇതോടെ, ഡല്‍ഹിയില്‍ ഡീസല്‍ വില ലിറ്ററിന് 95.20 രൂപയായും പെട്രോള്‍ 102.12 രൂപയുമായി. പശ്ചിമേഷ്യയിലെ നീണ്ടുനില്‍ക്കുന്ന സംഘര്‍ഷങ്ങള്‍, ആഗോള അസംസ്‌കൃത എണ്ണ വിലയിലെ വര്‍ധനവ്, എണ്ണ വിപണന കമ്പനികളില്‍ വര്‍ധിച്ചുവരുന്ന സമ്മര്‍ദ്ദം എന്നിവ പെട്രോള്‍, ഡീസല്‍ വിലകളിലെ സമീപകാല വര്‍ദ്ധനവ് എന്നിവയാണ് ഇന്ധനവിലയില്‍ പ്രതിഫലിപ്പിക്കുന്നത്.

23/05/2026

സ്റ്റേറ്റ് ബാങ്ക് ഓഫ് ഇന്ത്യ ജീവനക്കാർ മേയ് 25, 26 തീയതികളിൽ നടത്താനിരുന്ന രാജ്യവ്യാപക പണിമുടക്ക് മാറ്റിവെച്ചു. മുംബൈയിൽ ബാങ്ക് മാനേജ്മെന്റും യൂണിയൻ പ്രതിനിധികളുമായി നടത്തിയ ചർച്ചയെത്തുടർന്നാണ് തീരുമാനം

23/05/2026

🟣🔵സപ്ലൈകോ പെരുന്നാൾ കിറ്റുകൾ മേയ് 26 വരെ. 🟣🔵

തിരുവനന്തപുരം: ബലിപെരുന്നാൾ വിപണിയിലെ വിലക്കയറ്റം തടയാനും പൊതുജനങ്ങൾക്ക് ആശ്വാസമേകാനും വിപുലമായ ഒരുക്കങ്ങളുമായി സപ്ലൈകോ. ഈദ് ആഘോഷങ്ങൾക്ക് മാറ്റ് കൂട്ടാൻ പത്തിനം അവശ്യസാധനങ്ങൾ അടങ്ങിയ ‘ബക്രീദ് സ്പെഷ്യൽ കിറ്റ്’ സപ്ലൈകോ വിപണിയിലെത്തിച്ചു. മേയ് 26 വരെ സംസ്ഥാനത്തെ സപ്ലൈകോ വിൽപനശാലകൾ വഴി പൊതുജനങ്ങൾക്ക് ഈ പ്രത്യേക കിറ്റുകൾ ലഭ്യമാകും.

വിപണിയിൽ 1101 രൂപ വിലമതിക്കുന്ന ഗുണനിലവാരമുള്ള ഭക്ഷ്യസാധനങ്ങളാണ് പെരുന്നാൾ പ്രമാണിച്ച് വെറും 850 രൂപക്ക് ഉപഭോക്താക്കൾക്ക് നൽകുന്നത്.

മൂന്ന് കിലോഗ്രാം ബിരിയാണി അരി, ഒരു കിലോ പഞ്ചസാര, ഒരു ലിറ്റർ ശബരി വെളിച്ചെണ്ണ, ഒരു കിലോ ശബരി അപ്പം പൊടി, 250 ഗ്രാം ശബരി ഗോൾഡ് ചായപ്പൊടി, മീറ്റ് മസാല (100 ഗ്രാം), ചിക്കൻ മസാല (100 ഗ്രാം), ഗരം മസാല (50 ഗ്രാം), കുരുമുളകുപൊടി (100 ഗ്രാം), ഏലക്കായയും ഗ്രാമ്പുവും അടങ്ങുന്ന ഹോൾ മസാല പാക്കറ്റ് (50 ഗ്രാം) എന്നിവയാണ് കിറ്റിലുള്ളത്.

പെരുന്നാൾ വിഭവങ്ങൾ ഒരുക്കാൻ ആവശ്യമായ പ്രധാന സാധനങ്ങളെല്ലാം ഒരൊറ്റ കിറ്റിൽ ഉൾപ്പെടുത്തിയിട്ടുണ്ട് എന്നത് സാധാരണക്കാർക്ക് വലിയ ആശ്വാസമാകും. പൊതുവിപണിയിലെ കൊള്ളവിലയിൽനിന്ന് ഉപഭോക്താക്കൾക്ക് സംരക്ഷണം നൽകാൻ ലക്ഷ്യമിട്ടുള്ള സപ്ലൈകോയുടെ ഈ പെരുന്നാൾ സമ്മാനം മേയ് 26 വരെ മാത്രമേ ലഭ്യമാകൂ എന്ന് അധികൃതർ അറിയിച്ചു.

കഴിഞ്ഞ ദിവസങ്ങളിൽ മുഖ്യമന്ത്രി വി.ഡി സതീശന്റെ പേരും ഫോട്ടോയും ഉപയോഗിച്ച് ബലിപെരുന്നാളിനോടനുബന്ധിച്ച് റേഷൻ കാർഡ് ഉടമകൾക്ക് അഞ്ച് കിലോ ബസ്മതി അരിയും രണ്ട് കിലോ ശുദ്ധമായ നെയ്യും സൗജന്യമായി നൽകുമെന്ന തരത്തിൽ വ്യാജ പോസ്റ്റർ സമൂഹ മാധ്യമങ്ങളിൽ വ്യാപകമായി പ്രചരിച്ചിരുന്നു.

23/05/2026

🟣🔵എസ്എസ്‌സി സിജിഎല്‍ 2026 വിജ്ഞാപനം പുറത്തിറക്കി. 🟣🔵

ന്യൂഡല്‍ഹി: കേന്ദ്ര സര്‍ക്കാര്‍ വകുപ്പുകളിലും വിവിധ മന്ത്രാലയങ്ങളിലുമായി ആയിരക്കണക്കിന് തൊഴിലവസരങ്ങള്‍ പ്രഖ്യാപിച്ച് സ്റ്റാഫ് സെലക്ഷന്‍ കമ്മീഷന്‍ (എസ്എസ്സി) ഈ വര്‍ഷത്തെ കംബൈന്‍ഡ് ഗ്രാജ്വേറ്റ് ലെവല്‍ (സിജിഎല്‍) പരീക്ഷയുടെ വിജ്ഞാപനം പുറത്തിറക്കി. ആകെ 12,256 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്. ബിരുദധാരികള്‍ക്ക് രാജ്യത്തുടനീളം സര്‍ക്കാര്‍ ജോലികളിലേക്ക് പ്രവേശിക്കാനുള്ള പ്രധാന അവസരങ്ങളിലൊന്നായി പരീക്ഷ കണക്കാക്കപ്പെടുന്നു. താല്‍പര്യമുള്ള ഉദ്യോഗാര്‍ഥികള്‍ക്ക് എസ്എസ്‌സിയുടെ ഔദ്യോഗിക വെബ്‌സൈറ്റായ ssc.gov.in വഴി ഓണ്‍ലൈനായി അപേക്ഷ സമര്‍പ്പിക്കാം. ജൂണ്‍ 22നാണ് അപേക്ഷ സമര്‍പ്പിക്കാനുള്ള അവസാന തിയ്യതി. വിജ്ഞാപനത്തോടൊപ്പം പരീക്ഷാ കലണ്ടറും കമ്മീഷന്‍ പ്രസിദ്ധീകരിച്ചിട്ടുണ്ട്. അപേക്ഷയില്‍ തിരുത്തല്‍ വരുത്താനുള്ള തിയ്യതികള്‍, പരീക്ഷാ ഘട്ടങ്ങള്‍, യോഗ്യതാ മാനദണ്ഡങ്ങള്‍, സിലബസ്, പരീക്ഷാ തിയ്യതികള്‍ എന്നിവ സംബന്ധിച്ച വിശദാംശങ്ങള്‍ വെബ്‌സൈറ്റില്‍ ലഭ്യമാണ്. പ്രിലിമിനറി, മെയിന്‍ പരീക്ഷകളിലൂടെ വിവിധ കേന്ദ്ര സര്‍ക്കാര്‍ തസ്തികകളിലേക്കാണ് നിയമനം നടക്കുക. മല്‍സര പരീക്ഷകള്‍ക്ക് തയ്യാറെടുക്കുന്ന ഉദ്യോഗാര്‍ഥികള്‍ക്ക് ഈ വര്‍ഷത്തെ ഏറ്റവും വലിയ നിയമന വിജ്ഞാപനങ്ങളിലൊന്നായാണ് പരീക്ഷയെ വിലയിരുത്തുന്നത്

23/05/2026

🟣🔵ഇന്ധനവില വീണ്ടും കൂട്ടി, പത്തു ദിവസത്തിനിടെ മൂന്നാമത്തെ വര്‍ധന. 🟣🔵

ന്യൂഡല്‍ഹി: രാജ്യത്ത് പെട്രോള്‍, ഡീസല്‍ വില ശനിയാഴ്ച ലിറ്ററിന് 91 പൈസ വരെ വര്‍ദ്ധിപ്പിച്ചു. പത്തു ദിവസത്തിനിടെ ഉണ്ടാകുന്ന മൂന്നാമത്തെ വിലവര്‍ധയാണിത്.

ഡല്‍ഹിയില്‍ പെട്രോള്‍ വില 87 പൈസ വര്‍ധിച്ച് 98.64 രൂപയില്‍ നിന്ന് 99.51 രൂപയായി. ഡീസല്‍ വില 91 പൈസ വര്‍ധിച്ച് 91.58 രൂപയില്‍ നിന്ന് 92.49 രൂപയായി ഉയര്‍ന്നു. തിരുവനന്തപുരത്ത് ഒരു ലിറ്റര്‍ പെട്രോളിന്‍റെ വില 112.60 രൂപയായി. ഡീസല്‍ വില 101 രൂപ കടന്നു. പശ്ചിമേഷ്യന്‍ സംഘര്‍ഷത്തെ തുടര്‍ന്ന് എണ്ണവില കുതിച്ചുയര്‍ന്നതാണ് വില വര്‍ധിപ്പിക്കാന്‍ കാരണം. മെയ് 15 മുതലാണ് വില വര്‍ധനയുടെ ഭാരം പൊതുമേഖലാ എണ്ണക്കമ്പനികള്‍ ഘട്ടംഘട്ടമായി ഉപഭോക്താക്കളിലേക്ക് കൈമാറാന്‍ തുടങ്ങിയത്.

മെയ് 15ന് ലിറ്ററിന് 3 രൂപയും തുടര്‍ന്ന് മെയ് 19ന് 90 പൈസയും വര്‍ദ്ധിപ്പിച്ചിരുന്നു. ഇതോടെ ആകെ മൊത്തം ലിറ്ററിന് ഏകദേശം 5 രൂപയോളമാണ് വര്‍ധിച്ചത്

23/05/2026

🟣🔵രാജ്യത്ത് ഗുണനിലവാരമില്ലാത്ത മരുന്നുകളുടെ എണ്ണം വര്‍ധിക്കുന്നു. 🟣🔵

ന്യൂഡല്‍ഹി: രാജ്യത്തെ മരുന്ന് വിപണിയില്‍ ഗുണനിലവാരമില്ലാത്ത മരുന്നുകളുടെ സാന്നിധ്യം തുടരുന്നതായി കേന്ദ്ര ആരോഗ്യ വകുപ്പിന്റെ പരിശോധന റിപോര്‍ട്ട്. ഏപ്രില്‍ മാസത്തില്‍ നടത്തിയ പതിവ് ഗുണനിലവാര പരിശോധനയില്‍ വിവിധ കമ്പനികള്‍ നിര്‍മ്മിച്ച 169 മരുന്ന് സാമ്പിളുകള്‍ നിലവാര മാനദണ്ഡങ്ങള്‍ പാലിക്കാത്തതായി കണ്ടെത്തി. കേന്ദ്ര ഡ്രഗ്‌സ് സ്റ്റാന്‍ഡേര്‍ഡ് കണ്‍ട്രോള്‍ ഓര്‍ഗനൈസേഷന്‍ (സിഡിഎസ്സിഒ) പുറത്തിറക്കിയ വിവരങ്ങള്‍ പ്രകാരം, സെന്‍ട്രല്‍ ഡ്രഗ് ലബോറട്ടറിയില്‍ പരിശോധിച്ച 42
സാമ്പിളുകളും വിവിധ സംസ്ഥാന ലാബുകളില്‍ പരിശോധിച്ച 127 സാമ്പിളുകളും ഗുണനിലവാര പരിശോധനയില്‍ പരാജയപ്പെട്ടു. ഒരു മരുന്ന് നിര്‍ദ്ദിഷ്ട ഗുണനിലവാര മാനദണ്ഡങ്ങളില്‍ ഒന്നിലധികത്തില്‍ പരാജയപ്പെടുമ്പോഴാണ് അത് നിലവാരമില്ലാത്ത മരുന്നുകളുടെ പട്ടികയില്‍ ഉള്‍പ്പെടുത്തുന്നത്. ഗുണനിലവാരമില്ലാത്തതും വ്യാജവുമായ മരുന്നുകളുടെ വിവരങ്ങള്‍ ഓരോ മാസവും സിഡിഎസ്‌സിഒയുടെ ഔദ്യോഗിക പോര്‍ട്ടലില്‍ പ്രസിദ്ധീകരിക്കുമെന്ന് അധികൃതര്‍ അറിയിച്ചു. അതേസമയം, ബിഹാറില്‍ നിന്നുള്ള ഒരു മരുന്ന് സാമ്പിള്‍ വ്യാജമാണെന്നും പരിശോധനയില്‍ വ്യക്തമായി. മറ്റൊരു കമ്പനിയുടെ ബ്രാന്‍ഡ് നാമം ദുരുപയോഗം ചെയ്ത് അനധികൃതമായി നിര്‍മ്മിച്ച മരുന്നാണിതെന്ന് കണ്ടെത്തി. സംഭവത്തില്‍ അന്വേഷണം പുരോഗമിക്കുകയാണെന്നും ബന്ധപ്പെട്ടവര്‍ക്കെതിരേ നിയമനടപടികള്‍ സ്വീകരിക്കുമെന്നും ഡ്രഗ് റഗുലേറ്റര്‍ അറിയിച്ചു. മാര്‍ച്ച് മാസത്തിലും 168 മരുന്നുകള്‍ ഗുണനിലവാര പരിശോധനയില്‍ പരാജയപ്പെട്ടതായി സിഡിഎസ്‌സിഒ റിപോര്‍ട്ട് ചെയ്തിരുന്നു.

23/05/2026

🟣🔵സ്കൂൾ പ്രവേശനോത്സവം ജൂൺ ഒന്നിന്. 🟣🔵

*തിരുവനന്തപുരം:* സംസ്ഥാനത്തെ സ്കൂൾ പ്രവേശനോത്സവം ജൂൺ ഒന്നിന്. സംസ്ഥാനതല ഉദ്ഘാടനം തിരുവനന്തപുരം ഗവ. മോഡൽ ഹൈസ്കൂളിൽ മുഖ്യമന്ത്രി വി.ഡി. സതീശൻ നിർവഹിക്കും. തിങ്കളാഴ്ച രാവിലെ 9 മണിക്ക് നടക്കുന്ന ചടങ്ങിൽ വിദ്യാഭ്യാസ മന്ത്രി എൻ. ഷംസുദ്ദീൻ അധ്യക്ഷത വഹിക്കും.

ചടങ്ങിൽ ദേവസ്വം മന്ത്രി കെ. മുരളീധരനും ഗതാഗത വകുപ്പ് മന്ത്രി സി.പി. ജോണും അടക്കമുള്ളവർ പങ്കെടുക്കും. ജില്ലാതല ഉദ്ഘാടനം മന്ത്രിമാരാവും നിർവഹിക്കുക. പരിപാടികളിൽ ജനപ്രതിനിധികൾക്ക് പുറമേ വിദ്യാഭ്യാസ പ്രവർത്തകരും സാംസ്ക്കാരിക പ്രവർത്തകരും പങ്കെടുക്കും

23/05/2026

🟣🔵ലുലുവിൽ വാർഷിക ഓഫറെന്ന പേരിൽ തട്ടിപ്പ്; ജാഗ്രത പാലിക്കണമെന്ന് അധികൃതർ. 🟣🔵

*കൊച്ചി:* ലുലുവിൽ വാർഷിക ഓഫറെന്ന
പേരിലും ബലിപെരുന്നാളിനോട് അനുബന്ധിച്ച് ലുലു ഹൈപ്പർ മാർക്കറ്റ് സമ്മാനം നൽകുന്നു പേരിലും വ്യാജ പ്രചരണം. ഓൺലൈൻ ലിങ്കുകൾ കേന്ദ്രീകരിച്ച് തുടരുന്ന തട്ടിപ്പുകളിൽ ജാഗ്രത പുലർത്തണമെന്ന് ലുലു അധികൃതർ അറിയിച്ചു. ലുലു വാർഷികത്തിന്റെ ഭാഗമായി സമ്മാനം നൽകുന്നു എന്ന പേരിലാണ് വാട്സാപ്പിൽ ഓൺലൈൻ ലിങ്കുകൾ പ്രചരിക്കുന്നത്.

ലിങ്കിൽ ക്ലിക്ക് ചെയ്താൽ കന്നട, തെലുങ്ക് ഭാഷകളിലുള്ള തട്ടിപ്പ് ലിങ്കിലേക്കാണ് എത്തുന്നത്. സമ്മാനം കിട്ടുമെന്നു കരുതി ക്ലിക്ക് ചെയ്യുന്നവർ ജാഗ്രത പുലർത്തണമെന്നും ലുലു അധികൃതർ അറിയിച്ചു.

ലിങ്കിൽ ക്ലിക്ക് ചെയ്‌താൽ ലുലുവിന്റെ ലോഗോയോട് കൂടിയ പേജിലാണ് എത്തുക. ലുലു മാളിൻ്റെയും ചെയർമാൻ എം എ യൂസഫലിയുടെയും ചിത്രങ്ങളും ഇത്തരം തട്ടിപ്പ് ലിങ്കുകളിൽ ദുരുപയോഗം
ചെയതിട്ടുണ്ട്. ചോദ്യങ്ങൾക്ക് ഉത്തരം നൽകിയാൽ ഇരുപതിനായിരം രൂപ സമ്മാനം ലഭിക്കുമെന്നാണ് പേജിൽ രേഖപ്പെടുത്തിയിരിക്കുന്നത്. പേജിന് താഴെയായി സമ്മാനം ലഭിച്ചവരുടെ അഭിപ്രായങ്ങൾ രേഖപ്പെടുത്തിയിരിക്കുന്നതായും കാണാം. പ്രായം, സ്ത്രീയോ/പുരുഷനോ എന്നതുൾപ്പടെ നാല് ചോദ്യങ്ങൾക്ക് ഉത്തരം നൽകിയാൽ സമ്മാനാർഹനായി എന്ന സന്ദേശം വരും. പിന്നീട് സമ്മാനം തിരഞ്ഞെടുക്കാനുള്ള അവസരമാണ്.

ഇരുപതിനായിരം രൂപ ലഭിച്ചതായും കാണിക്കും. ഇനി ഇത് ലഭിക്കുന്നതിനായി ഇതേ സന്ദേശം അവർ പറയുന്ന ആപ്പുകളിലെ 5 ഗ്രൂപ്പുകളിൽ 20 പേർക്ക് പങ്കിടണം എന്നാണ് പിന്നീട് അവശ്യപ്പെടുക. അതിന് ശേഷം മാത്രമേ സമ്മാനം ക്ലെയിം ചെയ്യാൻ സാധിക്കൂകയുള്ളൂ എന്നും കാണിച്ചാണ് തട്ടിപ്പ്. ഇത്തരം വ്യാജ ലിങ്കുകൾക്കും സൈബർ തട്ടിപ്പുകൾക്കുമെതിരെ സൈബർ തട്ടിപ്പുകൾക്കുമെതിരെ നിയമനടപടിയുമായി മുന്നോട്ട് പോകുമെന്നും ജാഗ്രത പുലർത്തണമെന്നും ഇത്തരത്തിൽ യാതൊരു വിധ ഓഫറും പ്രഖ്യാപിച്ചിട്ടില്ലെന്നു ലുലു മാനേജ്മെന്റ് പത്രക്കുറിപ്പിലൂടെ അറിയിച്ചു.

KL 6 news

28/05/2026

26/05/2026

25/05/2026

25/05/2026

23/05/2026

23/05/2026

23/05/2026

23/05/2026

23/05/2026

23/05/2026

23/05/2026

Address

Telephone

Website

Alerts

Shortcuts

Share

Category