Adoor News

07/06/2026

വിട 🥀🙏

04/06/2026

#ഓപ്പറേഷൻ_തൂഫാൻ; #അടൂരിൽ_വൻ_ലഹരിവേട്ട_നടത്തി_പോലീസ്; #ഒരാൾ_അറസ്റ്റിൽ

യുവാക്കളുടെ ഇടയിലും കൂടാതെ സ്കൂൾ പരിസരങ്ങളിലും പിടി മുറുക്കുന്ന ലഹരിമാഫിയയെ തളയ്ക്കാൻ സർക്കാർ ആവിഷ്കരിച്ച് നടപ്പാക്കുന്ന ഓപ്പറേഷൻ തൂഫാൻ (ദി നാർക്കോ ഹണ്ട് ) പദ്ധതിയുടെ ഭാഗമായി #അടൂർ പോലീസിന്റെ നേതൃത്വത്തിൽ നടന്ന പരിശോധനയിൽ 932 പാക്കറ്റ് നിരോധിത പുകയില ഉത്പന്നങ്ങൾ പിടിച്ചെടുത്തു. ഒരാളെ അറസ്റ്റ് ചെയ്തു. #ഏഴംകുളം_അറുകാലിക്കൽ_എന്ന_സ്ഥലത്ത്_ശിവശൈലം_വീട്ടിൽ_ഷൺമുഖൻ (44) എന്നയാളെയാണ് അറസ്റ്റ് ചെയ്തത്. ഏഴംകുളം നാഷണൽ സ്കൂളിന് സമീപം ഇയാൾ നടത്തുന്ന കടയിൽ നിന്നാണ് നിരോധിത പുകയില ഉൽപ്പനങ്ങൾ പിടിച്ചെടുത്തത്. ഗണേഷ് , ഹാൻസ് , കൂൾ മുതലായ നിരോധിത ഉൽപ്പന്നങ്ങൾ ഇയാൾ കുട്ടികൾക്ക് ഉൾപ്പെടെ വില്പന നടത്തി വരികയായിരുന്നു എന്ന് പോലീസ് പറഞ്ഞു. #അടൂർ സ്പെഷ്യൽ ബ്രാഞ്ച് ഉദ്യോഗസ്ഥൻ കൈമാറിയ രഹസ്യ വിവരത്തിന്റെ അടിസ്ഥാനത്തിൽ അടൂർ പോലീസ് ഇൻസ്പെക്ടർ SHO അജയൻ , SI മാരായ പ്രതീഷ് , ദീപു CPO മാരായ സൈഫുദ്ദീൻ രാജഗോപാൽ നിതിൻ എന്നിവർ അടങ്ങിയ സംഘമാണ് പരിശോധന നടത്തി നിരോധിത പുകയില ഉൽപ്പന്നങ്ങൾ പിടികൂടുകയും പ്രതിയെ അറസ്റ്റ് ചെയ്യുകയും ചെയ്തത്. സ്കൂൾ കുട്ടികൾക്ക് നിരോധിത ലഹരി ഉത്പന്നങ്ങൾ വിൽപ്പന നടത്തുന്നതിന് അടക്കം ജാമ്യമില്ലാ വകുപ്പുകൾ ആണ് ഇയാൾക്കെതിരെ ചുമത്തിയിരിക്കുന്നത്. അറസ്റ്റിലായ പ്രതിയെ വ്യാഴാഴ്ച കോടതിയിൽ ഹാജരാക്കും.

31/05/2026

കരുതലോടെ പുതിയ അധ്യയന വർഷത്തിലേക്ക്...
Dr. Arun Krishna
The Lifeline Multi Specialty Hospital, Adoor

28/05/2026

വ്യാജ ഫേസ്ബുക്ക് പ്രൊഫൈൽ വഴി പണത്തട്ടിപ്പ്:
യുവാവ് #അടൂരിൽ പിടിയിൽ
ഫേസ്ബുക്കിൽ സ്ത്രീയുടെ പേരിൽ വ്യാജ പ്രൊഫൈലുണ്ടാക്കി നിരവധി പേരിൽ നിന്ന് പണം തട്ടിയ യുവാവിനെ #അടൂർ പോലീസ് അറസ്റ്റ് ചെയ്തു. #പറക്കോട് വയല ചാങ്ങവീട്ടിൽ പടിഞ്ഞാറ്റതിൽ തോമസ് വർഗീസിന്റെ മകൻ ജിതിൻ ടി. വർഗീസ് (30) ആണ് പോലീസിന്റെ പിടിയിലായത്.
'അഞ്ജലി ഹരിദാസ്' എന്ന വ്യാജ ഫേസ്ബുക്ക് അക്കൗണ്ട് വഴിയായിരുന്നു ഇയാളുടെ തട്ടിപ്പ്. 'മെയിൽ എസ്കോർട്ട്' ജോലികൾക്ക് ആളുകളെ ആവശ്യമുണ്ടെന്ന് കാണിച്ച് ഇയാൾ സമൂഹമാധ്യമങ്ങളിൽ പരസ്യം നൽകിയിരുന്നു. ഈ പരസ്യത്തിൽ ആകൃഷ്ടരായി എത്തുന്നവരിൽ നിന്ന് രജിസ്ട്രേഷൻ ഫീസ്, ക്ലൈന്റ് ബോഡി ഇൻഷുറൻസ് ഫീസ് എന്നിങ്ങനെ വിവിധ ആവശ്യങ്ങൾ ഉന്നയിച്ചാണ് ഇയാൾ പണം തട്ടിയെടുത്തിരുന്നത്.
പരാതിയെ തുടർന്ന് അടൂർ പോലീസ് രജിസ്റ്റർ ചെയ്ത കേസിൽ, സൈബർ സെല്ലിന്റെ സഹായത്തോടെ നടത്തിയ വേഗതയേറിയ അന്വേഷണത്തിലാണ് പ്രതി വലയിലായത്. ഇയാൾ സമാനമായ രീതിയിൽ കൂടുതൽ പേരെ കബളിപ്പിച്ചിട്ടുണ്ടോ എന്ന് കണ്ടെത്തുന്നതിനായി പോലീസ് അന്വേഷണം ഊർജിതമാക്കിയിട്ടുണ്ട്. അറസ്റ്റിലായ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

28/05/2026

യാത്രക്കാരിക്ക് നേരെ അശ്ലീല സംഭാഷണം നടത്തിയ ഓട്ടോ ഡ്രൈവർ അറസ്റ്റിൽ

#ഏനാത്ത് പോലീസ് സ്റ്റേഷൻ പരിധിയിൽ #മണ്ണടി മുസ്ലിം പള്ളിക്ക് സമീപം രാജേഷ് മന്ദിരത്തിൽ രാജേന്ദ്രൻ മകൻ രാജേഷ് (40) എന്നയാളാണ് ഏനാത്ത് പോലീസിന്റെ പിടിയിലായത്. ഓട്ടോറിക്ഷയിൽ ഏനാത്ത് ജംഗ്ഷനിൽ വന്നിറങ്ങിയ യുവതിയോടും അമ്മയോടും അപമര്യാദയായി പെരുമാറുകയും , യുവതിയോട് കടുത്ത അശ്ലീല ഭാഷയിൽ സംസാരിക്കുകയും , ഇത് ചോദ്യം ചെയ്ത മറ്റ് ആളുകളോടും അസഭ്യവർഷം നടത്തുകയും ചെയ്ത കുറ്റത്തിന് ആണ് ഇയാളെ അറസ്റ്റ് ചെയ്തത്. യുവതിയുടെ പരാതിയിൽ കേസെടുത്ത ഏനാത്ത് പോലീസ് ഏനാത്ത് ടൗണിൽ നിന്ന് ഇയാളെയും ഓട്ടോറിക്ഷയും കസ്റ്റഡിയിലെടുത്തു. ഇൻസ്പെക്ടർ SHO ഷിജി , SI മാരായ വിഷ്ണുരാജ് ,സുരേഷ്‌കുമാർ , SCPO ഷൈൻകുമാർ , CPO ഷാനു എന്നിവർ ഉൾപ്പെട്ട അന്വേഷണ സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.

25/05/2026

സുമ നരേന്ദ്ര എഴുതുന്നു:
Rlv Suma Narendra Thapasya

വാക്ക് പാലിച്ച് #അടൂർ ഗവണ്മെന്റ് ഹോസ്പിറ്റൽ അധികാരികൾ..
ഹൃദയം നിറഞ്ഞ നന്ദി🙏❤️❤️❤️❤️

കഴിഞ്ഞ ആഴ്ച 19/05/2026 ൽ മകന്റെ ഓപ്പറേഷനുമായി ബന്ധപ്പെട്ട് ഓപ്പറേഷൻ തീയറ്ററിന് മുൻപിൽ കുറേ സമയം ഇരിക്കേണ്ടി വന്നപ്പോൾ അവിടെയും ഓഫീസിന് മുൻപിലും ഫാൻ ഇല്ലാത്തത് മൂലം അവിടെ ഇരുന്ന ആൾക്കാർ ബുദ്ധിമുട്ടുന്നത് ശ്രദ്ധയിൽപെട്ടത് ഞാൻ ഒരു fb പോസ്റ്റായി ഇടുകയുണ്ടായി. എത്രയും വേഗം അധികാരികൾ ഒരു പരിഹാരം കണ്ടു തരണമെന്നായിരുന്നു പോസ്റ്റ് .അത് Global Adoor News ഷെയർ ചെയ്തിരുന്നു. അത് ശ്രദ്ധയിൽ പെട്ട അടൂർ GH അധികാരികൾ അന്നു വൈകിട്ട് തന്നെ എന്നോട് സംസാരിക്കുകയും എത്രയും വേഗം ഫാനുകൾ ഇടാമെന്നും വയറിംഗും ആയി ബന്ധപ്പെട്ട ചില സാങ്കേതിക കാരണങ്ങളാലാണ് വൈകിയതെന്നും പറഞ്ഞിരുന്നു. Written complaint അല്ലാതിരുന്നിട്ടും വളരെ പോസിറ്റീവായിട്ടാണ് #അടൂർ GH അധികാരികൾ ഇടപെട്ടത്. ഞാൻ ഉന്നയിച്ച വിഷയത്തിലെ നല്ല ഉദ്ദേശ്യം മനസിലാക്കുകയും പൊതുജനങ്ങൾക്ക് ഉപകാരപ്രദമായ കാര്യത്തിൽ വളരെ വേഗത്തിൽ തന്നെ പരിഹാരം കണ്ട് ഇന്ന് ഫാനുകൾ ഫിറ്റ് ചെയ്തിട്ടുമുണ്ട്. ആവശ്യപ്പെടാതെ തന്നെ എന്റെ Fb post കണ്ട് നല്ല മനസിടുമയായ എന്റെ fb ഫ്രണ്ട് കൂടിയായ Suvin V Benny ഒരു wall fan sponser ചെയ്തു സഹായിച്ചു. Global Adoor News കണ്ട് Adoor Pandalan Online ചാനൽ എന്നെ contact ചെയ്യുകയും ഈ news report ചെയ്ത് ജനങ്ങളിലേക്ക് എത്തിക്കുകയും ചെയ്തു. പൊതുജനത്തിന്റെ നല്ലതിനു വേണ്ടി എന്റെ കൂടെ നിന്ന മുകളിൽ പറഞ്ഞ എല്ലാവരോടും എന്റെ ഹൃദയത്തിൽ തട്ടിയുള്ള നന്ദി അറിയിയ്ക്കുന്നു🙏.❤️ അതോടൊപ്പം തന്നെ ഈ ഒരു കാര്യം പരിഹരിക്കുന്നതിനായി ശ്രമിച്ചപ്പോൾ എന്നെ നവമാധ്യമത്തിൽ കൂടി കൂട്ടം കൂടി പരിഹസിച്ച എല്ലാവരോടും നന്ദി മാത്രം 🙏

16/05/2026

M**A യുമായി പന്തളത്ത് പിടിയിലായ #അടൂർ സ്വദേശികളായ ഷംനാദ്, മുഹമ്മദ്‌ ഷാൻ എന്നിവർ...

16/05/2026

15/05/2026

ആദരാഞ്ജലികൾ 🌹

#അടൂർ_നഗരസഭ_മുൻ_ചെയർമാൻ ബാബു ദിവാകരന്റെ ഭാര്യ കൃഷ്ണകുമാരി (62) ഇന്ന് പുലർച്ചെ നിര്യാതയായി. മൃതദേഹം മൂന്ന് വരെ അടൂർ വിശാൽ മാർട്ടിന് സമീപമുള്ള വീട്ടിൽ . തുടർന്ന് കരുനാഗപ്പള്ളിയിൽ സംസ്ക്കാരം നടക്കും.