PVS MEDIA

10/07/2022

29/06/2022

ఆయాల పెండింగ్ వేతనాలు వెంటనే ఇవ్వాలి -ఏఐటీయూసీ మండల కార్యదర్శి పి.వి.సుబ్రహ్మణ్యం
ఆగిరిపల్లి :
ప్రభుత్వ పాఠశాలల్లో పనిచేస్తున్న ఆయాల(స్వీపర్లు) పెండింగ్ జీతాలు వెంటనే ఇవ్వాలని ఏఐటీయూసీ మండల కార్యదర్శి పి.వి.సుబ్రహ్మణ్యం డిమాండ్ చేశారు. బుధవారం ఆయాలతో కలిసి మండల విద్యాశాఖ అధికారి పి. రత్నకుమార్ ను ఆయన కార్యాలయంలో నుబ్రహ్మణ్యం కలిశారు. మార్చి, ఏప్రిల్, మే నెల జీతాలు ఆయాలకు ఇంత వరకు అందలేదని ఎంఈవో దృష్టికి తీసుకెళ్లారు. ఆయాలుగా పనిచేస్తున్న వారు రెక్కాడితే గానీ డొక్కాడని పేదలని, వారికి జీతాలు అందక ఆర్ధిక ఇబ్బందులు ఎదుర్కొంటున్నారని చెప్పారు. వెంటనే ఆయాలకు పెండింగ్ వేతనాలు చెల్లించాలని కోరారు. ఈ సందర్భంగా ఎంఈవో రత్నకుమార్ సమాధానం చెబుతూ వేతనాలు పెండింగ్లో లేకుండా ప్రభుత్వం చర్యలు తీసుకుంటుందని చెప్పారు. మే, జూన్ మాసాలకు సంబంధించిన ఆయాలకు నెలకు రూ.3 వేలు చొప్పున మాత్రమే చెల్లించనుందని వివరించారు. ఈ కార్యక్రమంలో ఆయాలు డి. బుజ్జి, పి. యశోద, అనం లక్ష్మి, పి.శ్రీదేవి తదితరులు పాల్గొన్నారు.