22/07/2026
તું આવી ત્યારથી... | Official Gujarati Song 2026 | Haresh Prajapati
કેટલીક વ્યક્તિઓ માત્ર જીવનમાં નથી આવતી, પરંતુ આખા શહેરને, દરેક રસ્તાને, દરેક શ્વાસને અને દરેક શબ્દને નવી ઓળખ આપી જાય છે.
"તું આવી ત્યારથી..." એક સુંદર પ્રેમગીત છે, જેમાં #લાગણીઓ, કાવ્ય અને મધુર સંગીતનો અદભૂત સંગમ છે. દરેક અંતરામાં #પ્રેમ નો નવો અણસાર છે, દરેક શબ્દમાં લાગણીઓનો સ્પર્શ છે અને દરેક સ્વરમાં #દિલ ની ધડકન સંભળાય છે.
જો આ ગીત તમને સ્પર્શે, તો વિડિયો પસંદ કરો, તમારા સ્વજનો સાથે Share કરો અને ગુજરાતી સંગીતને વિશ્વભરના દરેક ગુજરાતી સુધી પહોંચાડવાના આ પ્રયત્નમાં અમારી સાથે જોડાઓ.
Credits:
Song Name - તું આવી ત્યારથી...
Lyrics: Haresh Prajapati
Lyrics:
તું આવી ત્યારથી...........
પવનમાં ચઢ્યો અજબ ખુમાર,
શહેરે ઓઢ્યો નવો શણગાર, તું આવી ત્યારથી.
ગલિયે ગલિયે થયો છે મેળો, મિલનનો વધ્યો ભાર,
નગરના વધ્યા ધબકાર, તું આવી ત્યારથી.
દરેક રસ્તો બન્યો તહેવાર, તું આવી ત્યારથી.
લાલ આંખે જોતા સિગ્નલ લીલા થઈ ગયા આજ,
ચોરાહે ચોરાહે ચકચાર, તું આવી ત્યારથી.
સાબરમતીનું વહેણ થંભ્યું, પળમાં અટક્યો ધાર,
જળમાં વર્તાયો અણસાર, તું આવી ત્યારથી.
ગગનચુંબી ઇમારતો ઝૂકી, તને નિહાળે વારંવાર,
ઊંચાઈએ છોડ્યો અહંકાર, તું આવી ત્યારથી.
તારી એક ઝલક કાજે મેટ્રો મોડી પડવા લાગી,
સમયે ભૂલ્યો વ્યવહાર, તું આવી ત્યારથી.
શહેરે શીખ્યો નવો વ્યવહાર, તું આવી ત્યારથી.
મૂંગી હતી જે કલમ, મળી ગયો કલરવ,
કવિઓને મળ્યો વિચાર, તું આવી ત્યારથી.
ફૂલો ઉછીની લેવા આવ્યા તારી પાસે સુવાસ,
ઉપવને કર્યો તારો સત્કાર, તું આવી ત્યારથી.
નગર બન્યું હવે ઘર સમાન, તું આવી ત્યારથી,
નઝ્મને મળ્યો તારો કરાર, તું આવી ત્યારથી.
તારું આવવું ને મારું લખવું — એક જ છે આ એકરાર;
‘હરેશ’ના દરેક શબ્દનો અધિકાર, તું આવી ત્યારથી.
પવનમાં ચઢ્યો અજબ ખુમાર,
શહેરે ઓઢ્યો નવો શણગાર,
દરેક શ્વાસ માં તારો અણસાર, તું આવી ત્યારથી.
#તુંઆવીત્યારથી #ગુજરાતીગીત #ગુજરાતીસંગીત #ગુજરાતીસંસ્કૃતિ
