08/09/2026
સિંગરવા અમદાવાદ મુકામે જન્માષ્ટમી મહોત્સવ:- 2026 પાવન પર્વ ની હર્ષોલ્લાસ સાથે ઉજવણી કરવામાં આવી.
તારીખ 03/09/2026 ને ગુરુવારે બપોરે 3:30 કલાકે અને રાત્રે 9:00 કલાકે પરિવારરૂપી સમાજજનો શ્રી કૃષ્ણ ભગવાન નાં ભક્તિમય રાસ ગરબા રમ્યા. રાત્રે 11:30 વાગે સ્વાદિષ્ટ અલ્પાહારની સુંદર વ્યવસ્થા સમાજ દ્વારા કરવામાં આવેલ.
તારીખ 04/09/2026 ને શુક્ર્વારે બપોરે 3:30 કલાકે સમાજવાડી માં સૌ સમાજરૂપી પરિવારજનો સાથે મળીને રાસ ગરબા ની રમઝટ બોલાવી. સાંજે 5:00 કલાકે પરેશભાઈ નાનજીભાઈ પોકાર ના નિવાસ સ્થાને લડુ ગોપાલ ને લેવા સૌ સમાજજનો વાઝતે ગાજતે નીકળ્યા. ત્યા જઈને લડુ ગોપાલ ની આરતી કરવામાં આવી. લડુ ગોપાલ ને સાથે લઈને 6:30 વાગે શ્રી ક.ક.પ.સમાજવાડી ખાતે પધરામણી કરવામાં આવેલ.
સાંજે 7:00 કલાકે સમાજવાડી માં સૌ પરિવારજનોએ ભેગા મળીને સ્વાદિષ્ટ ભોજન પ્રસાદ ની મજા માણી. રાત્રે 9:30 કલાકે ફરીથી સૌ સમાજજનો રાસ ગરબા રમવા જોડાઈ ગયા. 11:30 કલાકે સૌ સમાજજનો બાલ ગોપાલ નાં આગમન ની તૈયારી માં જોડાઈ ગયા. બરોબર મધ્ય રાત્રિ નાં 12:00 કલાકે આપણા સૌ નાં નાથ બાલ ગોપાલ શ્રી કૃષ્ણ ભગવાન નો (જન્મ) આગમન વાજતે ગાજતે "*નંદ ઘેર આનંદ ભયો, જય જશોદા લાલ કી, હાથી ઘોડા પાલખી જય કનૈયા લાલ કી.*" ના નાદ સાથે સમાજવાડી ના પ્રાંગણ માં થયો અને આ નાદ એટલો મધુર હતો કે જેના લીધે આજુ બાજુનો વિસ્તાર પણ ભક્તિમય વાતાવરણ માં બદલાઈ ગયું. બાલ ગોપાલ નાં આગમન બાદ સૌ સમાજજનો એ આરતી લઈ નંદ ગોપાલ ને હિંડોળે જુલાવી એમના દર્શન માત્રથી ધન્યતા અનુભવી.
આરતી પુરી થયા બાદ તરત આખું વાતાવરણ જ બદલાઈ ગયું. જોર જોરથી વાદળો ગરજવા લાગ્યા, વીજળી ની ચમક એવી હતી કે નરી આંખે જોઈ પણ ના શકાય ને મેઘરાજા ફરી એકવાર શ્રી કૃષ્ણ ભગવાન ના આગમન ને પોતાના અમી છાંટણા દ્વારા નમસ્કાર કરવા લાગ્યા. જેમ વાસુદેવ મથુરા થી ગોકુળ બાલ ગોપાલ ને હુંડલામાં સુવડાવી યસોદા માં ના ઘરે મુકવા ગયા હતા એવી જ રીતે હુંડલા ની અંદર વાસુદેવ (હર્મિત નરેન્દ્રભાઈ છાભૈયા) બાલ ગોપાલ (હિયાન હર્મિત છાભૈયા) ને માથા ઉપર બેસાડીને સમાજવાડી નાં આખા પટાંગણ માં વાજતે ગાજતે ફર્યા તેની સાથે ગોવાળીયા, ગોવાળણ અને ગધેડા ની પુરી ફોજ પણ ગુમી ને સમાજવાડી માં મસ્તી મજાક નું વાતાવરણ ઉભુ કરી દીધું હતું ત્યાર બાદ બાલ ગોપાલ ને મોટા જુલા માં પોઢાવ્યા હતા ત્યારબાદ સમાજના નાના ભૂલકાઓ દ્વારા બાલ ગોપાલ શ્રી કૃષ્ણ ભગવાન નાં ઝૂલા નાં કાર્યક્રમ ની સુંદર પ્રસ્તુતિ આપી. આ પ્રસ્તુતિ નાં કલાકાર આ પ્રમાણે છે.
1. પેથાણી ધ્યાનિ દિલીપભાઈ
2. ભાવાણી શિવાની રૂપેશભાઈ
3. સાંખલા રિદ્ધિ ભાવેશભાઇ
4. સાંખલા સિદ્ધિ કમલેશભાઈ
5. પેથાણી હેતવ દિલીપભાઈ
6. છાભૈયા ક્રિષ્નમ પ્રિતેશભાઈ
7. પોકાર પરમ રાજેન્દ્રભાઈ
8. પોકાર જોયલ ધવલભાઈ
9. નાકરાણી ધ્યાન મનીષભાઈ
10. પોકાર ધ્રુવલ હિતેશભાઈ
11. પોકાર શુભ ચેતનભાઈ
આ પ્રસ્તુતિ બાદ યુવા શ્રી કૃષ્ણ (દક્ષ કમલેશભાઈ સાંખલા) ભગવાન ને વાજતે ગાજતે સમાજવાડી નાં પટાંગણ માં પધરામણી કરવામાં આવી. યુવા કૃષ્ણ ભગવાન ને જેમ રાસ રમવું ગમતું હતું તે જ રીતે સમાજની દીકરીઓ દ્વારા રાસ નાં કાર્યક્રમ ની સુંદર અને અદ્ભુત પ્રસ્તુતિ આપી. આ પ્રસ્તુતિ નાં કલાકાર આ પ્રમાણે છે.
1. ભાવાણી પ્રિયા સુનિલભાઈ
2. ભાવાણી આયુશી સુનિલભાઈ
3. ભાવાણી ધ્રુવી રૂપેશભાઈ
4. પોકાર નવ્યા રાજેન્દ્રભાઈ
5. ઠાકરાણી વૈષ્ણવી જનકભાઈ
આ બંને કાર્યક્રમ ને નિહાળી સમાજના વડીલો દ્વારા દાન ની સર્વાણી કરવામાં આવી.
ત્યારબાદ ભગવાન શ્રી કૃષ્ણ દહીં હાંડી ફોડી માખણ ચોરાવતા એ પ્રસંગ ને તાજા કરવા રાત્રીના 2:00 વાગે મટકી (દહીં હાંડી) ફોડ ના પ્રસંગ ને માણી સર્વે સમાજજનો ધન્ય થયા. મટકી ફોડ બાદ સમાજજનો એ અલ્પાહાર નો આનંદ માણ્યો. અલ્પાહાર બાદ નાના ભૂલકાઓ માટે સુંદર મજાની રમત ગમત નું આયોજન શ્રી પ્રગતિ યુવક મંડળ દ્વારા કરવામાં આવેલ ને બાળકોએ આ રમત મા ભાગ લઈ ખૂબ મોજ મસ્તી કરેલ બાકીના સર્વે સમાજજનોએ પોત પોતાના ગ્રુપ માં બેસી મસ્ત મજાની રીયાણ કરી. પ્રભાત નાં 3:00 વાગે પ્રભાતિયા ગાવામાં આવ્યા. પ્રભાતિયા બાદ સર્વે સમાજજનો શ્રી કૃષ્ણ નાં જય ઘોષ કરી છૂટા પડ્યા હતા.
*ગોયણી ના નામ*
1. ઋતુ તીર્થભાઈ ચૌધરી
2. લીના ભાવેશભાઈ સાંખલા
3. દિવ્યેશા દિલીપભાઈ પેથાણી
4. હેતલ પ્રિતેશભાઈ છાભૈયા
*દાતા શ્રી*
*1. બાલ ગોપાલ:- નરેન્દ્રભાઈ વાડીભાઈ છાભૈયા*
*2. યુવા કૃષ્ણ:- જગદીશ ટીમ્બર્સ*
