https://www.facebook.com/113350601735222/

Paresh Chauhan Vlog, Ahmedabad (2025)

23/12/2024

આને કહેવાય ઘાટ કરતા ઘડામણ મોંઘું.એક ચાઈનીઝ સમોસું અને એક પાલક કોર્ન કચોરીના 38 રૂપિયા, પણ અન્ય ખર્ચ 69 રૂપિયા.ઓનલાઈન ફૂડ ડિલીવરી કરતા પ્લેટફોર્મ કેવા કેવા ગતકડા કરે છે તેનો અનુભવ ફરી એક વખત થયો.અમે સ્વિગીમાં એક જગ્યાના ચાઈનીઝ સમોસું અને એક પાલક કોર્ન કચોરી ઓર્ડર કરવાના હતા.બન્ને 19-19 રૂપિયાના હતા.મતલબ કે બન્નેનો ટોટલ થયો 38 રૂપિયા.પણ હકીકત હવે જુઓ.આપેલી તસવીર પણ જોઈ લેજો..38 રૂપિયા તો વસ્તુંના થયા.ઉપરથી દોઢ કિલોમીટર દૂરથી આ વસ્તું અમારી ઓફિસ સુધી પહોંચાડવાના એક્સ્ટ્રા 49 રૂપિયા.માત્ર દોઢ કિલોમીટર આવવાના 49 રૂપિયા..હે ભગવાન.વાત પૂરી નથી થઈ..8 રૂપિયા પ્લેટફોર્મ ફી અને 11.94 રૂપિયા જીએસટી તેમજ રેસ્ટોરન્ટ ચાર્જ.કુલ મળીને 38 રૂપિયાની વસ્તુંના ટોટલ થયા 107 રૂપિયા.જો ત્યાં જઈને ખાવો તો 38 માં પતી જાય.પણ ઓનલાઈન મંગાવો તો એક્સ્ટ્રા 69 રૂપિયા થયા.આવા અનુભવ રોજ બધાને થાય છે આમાં કોઈ નવી વાત નથી.પણ જરા સમજો તો ખરા કે ઓનલાઈનના નામે આ લોકો કેવા પૈસા ખંખેરે છે.અને હા, અમે વસ્તું ઓનલાઈન મંગાવવાના બદલે 6 રૂપિયાના પેટ્રોલમાં ત્યાં જઈ સમોસા અને કચોરી ખાઈ પાછા પણ આવી ગયા..મતલબ કે આજની બચત થઈ 101 રૂપિયા

22/12/2024

માત્ર 222 રૂપિયામાં અમદાવાદથી માઉન્ટ આબુ જવું હોય તો આ સરકારી ગુર્જરનગરી તમારા માટે બેસ્ટ વિકલ્પ છે.રોજ સવારે 8 વાગ્યે આ બસ અમદાવાદના નહેરુનગર બસ સ્ટેશનથી ઉપડે છે.વાયા હિંમતનગર, અંબાજી અને આબુ રોડ થઈ બપોરે અઢી વાગ્યે આ બસ તમને માઉન્ટ આબુ પહોંચાડશે.દિવસ દરમિયાન અમદાવાદથી માઉન્ટ આબુ જવા અન્ય ઘણી સરકારી બસ સેવા પણ તમને મળી રહેશે.તમને શું લાગે છે, અમદાવાદથી આબુ 222 રૂપિયામાં જવું જોઈએ કે નહીં..
Ahmedabad to Mount Abu

19/12/2024

સયાજીનગરી એક્સપ્રેસ. મુંબઇના દાદરથી ભુજ વચ્ચે દોડતી આ ટ્રેન લોકોની ફેવરિટ છે. માત્ર ૫૦૦ રૂપિયામાં મુંબઇથી કચ્છ પહોંચાડી દે, તે પણ સવા પંદર કલાકમાં. હા ટાઈમ થોડો વધુ લે પણ આવે મજા.દાદરથી બપોરે સવા ત્રણ કલાકે ઉપડી વાયા બોરીવલી, વાપી, વલસાડ, બિલિમોરા, નવસારી, સુરત, અંકલેશ્વર, ભરૂચ, વડોદરા, આણંદ, નડિયાદ, અમદાવાદ, વિરમગામ, ધ્રાંગધ્રા, હળવદ, સામખિયાળી, ભચાઉ, ગાંધીધામ, આદિપુર અને અંજાર થઈ સવારે સાડા છ કલાકે ભુજ પહોંચાડે. આ ટ્રેનનો નંબર છે ૨૦૯૦૭. શું ટ્રેનમાં બેસવાનો લ્હાવો તમે લીધો કે નહીં.

17/12/2024

અમદાવાદથી મુંબઇ માત્ર ૧૯૦ રૂપિયામાં જવા માટે ગુજરાત સુપર ફાસ્ટ એક્સપ્રેસ ટ્રેન સારી છે. નડિયાદ, આણંદ, વડોદરા, ભરૂચ, સુરત, નવસારી, વલસાડ, વાપી, બોરીવલી આ ટ્રેન ઉભી રહે છે. અમદાવાદથી સવારે ૭.૧૦ વાગ્યે ઉપડી બપોરે ૪ વાગ્યે મુંબઇ સેન્ટ્રલ પહોંચાડે છે આ ટ્રેન. જો તમે આ ટ્રેનમાં મુસાફરી કરી ચૂક્યા છો તો તમારો અનુભવ કોમેન્ટમાં શેર કરજો
Ahmedabad to Mumbai Central Train

11/12/2024

તુવેરના ટોઠા. શિયાળો આવે એટલે અમદાવાદ અને ખાસ તો ઉત્તર ગુજરાતમાં ટોઠા ખાવાની સિઝન શરૂ થાય. અમદાવાદમાં થલતેજ વિસ્તારમાં ખૂબ પ્રખ્યાત જગ્યા છે જેનું નામ જ થલતેજ ટોઠા છે. ઘણા વર્ષોથી આ જગ્યાનું નામ સાંભળ્યું હતું. આજે ટોઠાનો સ્વાદ લીધો. પર્સનલી મને તો અહીંના તુવેર ટોઠા ઠીક ઠીક લાગ્યાં. ૧૨૦ રૂપિયાની એક પ્લેટમાં બે લોકો આરામથી ખાઈ શકે એટલી કવોન્ટીટી આવે. સાથે તમે રોટલા, પરોઠા કે બ્રેડ ઓર્ડર કરી શકો. આ જગ્યાનું મેનૂ પણ ફોટોમાં આપ્યું છે. કોઈ સારી જગ્યાએ ટોઠા મળતાં હોય તો કોમેન્ટમાં જણાવજો

05/12/2024

આ સ્ટેડિયમનું જૂનું નામ શું હતું?

02/12/2024

કચ્છ રણોત્સવ જવું હોય તો બસ શરૂ થઈ ગઈ છે. ભાડું બરાબર છે કે વધુ? Kutch ranotsav 2024

27/11/2024

1 હજાર રૂપિયામાં તમારે અમદાવાદ, વડોદરા કે સુરતથી કેરળ ફરવા જવું હોય તો આ ટ્રેન બેસ્ટ છે.ગાંધીધામથી તિરુનેલવેલી વચ્ચે દોડતી આ ટ્રેન છે હમસફર એક્સપ્રેસ.જેમાં સ્લીપર કોચમાં તમે ગુજરાતથી કેરળ એક હજાર રૂપિયા કરતા પણ ઓછા પૈસામાં પહોંચી શકો છો.સપ્તાહમાં એક જ વખત દોડતી આ ટ્રેન દર સોમવારે અમદાવાદથી સવારે સવા નવ કલાકે, વડોદરાથી પોણા અગિયાર વાગ્યે અને સુરતથી સાડા બાર વાગ્યે ઉપડે છે..આ ટ્રેનનો નંબર છે 20924.

21/11/2024

શિયાળામાં અલગ અલગ પાક બનાવવા ડ્રાયફ્રૂટનો ફ્રેશ સ્ટોક મુનેશ્વર ડ્રાયફ્રૂટમાં આવી ગયો છે.અહીં હોલસેલના ભાવમાં છૂટકમાં દરેક ડ્રાયફ્રૂટ મળી જશે.આખા ગુજરાતમાં હોમ ડિલીવરી પણ ફ્રી છે.84010 62650 અથવા 81559 08516 આ બન્નેમાંથી કોઈ પણ નંબર ડાયલ કરો અથવા વોટ્સએપ પર HI લખીને મોકલાવશો એટલે ભાવ સહિતની જાણકારી તમને મળી જશે.

20/11/2024

આ જોરદાર 'છોટા હાથી' ની CNG માં માઈલેજ ભલભલી ગાડીઓને પાણી પીવડાવે તેવી છે.

Mileage Comparison Ace CNG 2.0 Vs Super Carry

24/10/2024

દિવાળીના વેકેશનમાં ફરવા જવું હોય તો લિસ્ટ જોઈ લેજો. અને હા કોમેન્ટમાં લખજો કે તમે ક્યાં જવાનાં છો

15/10/2024

ઉદયપુર ફરવા જાવ અને તમારા બજેટમાં રાજસ્થાની હવેલીમાં રોકાવાનો અનુભવ લેવો હોય તો આ જગ્યા તમારા માટે બેસ્ટ છે.પૂનમ હવેલી નામની આ હોટલ છે.જે રાજસ્થાની શૈલીમાં બનાવવામાં આવેલી છે.હું પોતે ત્યાં પરિવાર સાથે બે દિવસ રોકાઈ ચૂક્યો છું.આ એક રૂફ ટોપ લેક વ્યૂ હોટલ છે.ઉદયપુરના લાલ ઘાટ વિસ્તારમાં આવેલી હોટલ પૂનમનું એક દિવસનું ભાડું 2 હજારથી પાંચ હજાર સુધીનું હોય છે.ઓનલાઈન પણ તમે આ હોટલનું બુકિંગ કરાવી શકો છો.બધી તસવીરો જોઈ લો તમને પણ અહીં રોકાવાનું મન થઈ જશે.એકદમ શાંત વિસ્તારમાં અને ઉદયપુરની વચ્ચોવચ્ચ આવેલી આ હોટલ છે.

11/10/2024

પ્લેનની સીટ કરતા વધુ આરામદાયક સીટ મને વંદે ભારત ટ્રેનની લાગી. બે સીટ વચ્ચે જગ્યા પણ પ્લેન કરતા વધું હોય છે. ભોજનની ક્વોલિટી વંદે ભારતમાં ઠીકઠાક કહી શકાય. બાકી ટોઇલેટની સ્વચ્છતા પણ પ્લેન જેવી જ હોય છે. તમારો અનુભવ કેવો છે તે કોમેન્ટમાં જરૂર જણાવજો
Vande Bharat Train

08/10/2024

JRD ટાટાએ અંગ્રેજોને હિન્દુસ્તાનની તાકાત દેખાડવા આ હોટલ બનાવડાવી હતી.મુંબઈની આ હોટલ છે તાજ.કહેવાય છે કે 100 કરતા વધુ વર્ષ પહેલા JRD ટાટા ઈંગ્લેન્ડ ગયા હતા.જ્યાંની ફેમસ હોટલ વોટ્સનમાં તેમને એન્ટ્રી આપવામાં ન આવી.હોટલના સ્ટાફે કહ્યું કે આ હોટલમાં ભારતીયોને એન્ટ્રી નથી.અબજોપતિ એવા ટાટાને આ વાતનું લાગુ આવ્યું.અને તેમણે 1903 માં મુંબઈના દરિયાકિનારે ભવ્યાતિભવ્ય હોટલ તાજનું નિર્માણ કરાવ્યું.હાલમાં જ હું મુંબઈ ગયો ત્યારે ગેટવે ઓફ ઈન્ડિયાની નજીકથી આ તસવીર મેં ક્લિક કરી હતી.આજની તારીખે પણ હોટલ તાજ ભારતનું અભિમાન છે.આભાર JRD ટાટાનો.

07/10/2024

છ રાજ્યો અને 21 સ્ટેશનને પાર કરે છે આ ટ્રેન.નામ છે હમસફર એક્સપ્રેસ.,ગુજરાતના ગાંધીધામથી તમિલનાડુના તિરુનેલવેલી વચ્ચે દોડે છે આ ખાસ ટ્રેન.જેનો નંબર છે 20924. ગાંધીધામથી વહેલી સવારે 4 વાગીને 40 મિનિટે ઉપડતી આ ટ્રેન વાયા અમદાવાદ, વડોદરા, સુરત, પનવેલ, મડગાંવ અને તિરુવનંતપુરમ થઈ તિરુનેલવેલી પહોંચે છે.ગુજરાત, મહારાષ્ટ્ર, ગોવા, કર્ણાટક, કેરળ અને તમિલનાડુમાંથી હમસફર એક્સપ્રેસ પસાર થાય છે.ગાંધીધામથી તિરુનેલવેલીનું સ્લીપર કોચનું આ ટ્રેનનું ભાડું છે 1100 રૂપિયા.જ્યારે થર્ડ એસીનું ભાડું છે 2800 રૂપિયા.2400 કિલોમીટરનું અંતર કાપતા આ ટ્રેનને 46 કલાક જેટલો સમય લાગે છે.જો તમે પણ આ ટ્રેનમાં સફર કરી ચૂક્યા છો તો તમારો અનુભવ કોમેન્ટમાં જરૂર શેર કરજો.
Gandhidham to Tirunelveli Humsafar Express Train

04/10/2024

પ્લેનમાં ભલે વહેલાં પહોંચી જવાય, પણ ટ્રેન જેવી મજા ન આવે . શું કહો છો? તમને શું ગમે? પ્લેન, ટ્રેન કે સલામત સવારી એસટી અમારી 😄

02/10/2024

આજની તારીખે અમદાવાદથી મુંબઈ કે મુંબઈથી અમદાવાદ આવવા-જવા માટે વંદે ભારત સૌથી બેસ્ટ ટ્રેન છે તેમાં કોઈ બેમત નથી.સ્પીડની વાત હોય કે સ્વચ્છતાની.ટાઈમિંગની વાત હોય કે ટિકિટની.વંદે ભારતનો જોટો જડે તેમ નથી.હા, અન્ય રેગ્યુલર ટ્રેન કરતા ભાડું વધારે છે.પણ સસ્તું ક્યારેય સારું નથી હોતું અને સારું ક્યારેય સસ્તું નથી હોતું.ગુજરાતીઓ આ વાત સારી રીતે જાણે જ છે.એટલે જ વંદે ભારત અત્યારે સૌથી સફળ ટ્રેન પુરવાર થઈ ચૂકી છે.સરકારે પણ આ વાતને ધ્યાનમાં રાખી આ રૂટ પર એક નહીં પણ બે બે વંદે ભારત ટ્રેન શરૂ કરી દીધી.અને બન્ને ટ્રેન રોજ હાઉસફુલ જાય છે.વંદે ભારત ટ્રેન વિશે તમે શું કહો છો કોમેન્ટ જરૂર કરજો.
Ahmedabad to Mumbai Central Vande Bharat Train
Mumbai Central to Ahmedabad Vande Bharat Train

01/10/2024

600 વર્ષથી પણ જૂની છે આ અખંડ જ્યોત.અમદાવાદના ત્રણ દરવાજાના ગોખમાં મા લક્ષ્મી ભક્તોને દર્શન આપે છે.કહેવાય છે કે 600 વર્ષ પહેલા અહમદશાહ બાદશાહના સમયમાં લક્ષ્મીજીને નગરમાંથી જતાં રોકવા મુસ્લિમ કોટવાલે પોતાના પ્રાણોની આહુતિ આપી હતી.બાદમાં માતાજી આ ત્રણ દરવાજાના ગોખમાં અખંડ જ્યોત સ્વરૂપે બિરાજ્યા.આજની તારીખે મુસ્લિમો જ આ અખંડ જ્યોતને પ્રજવલિત રાખવાનું કામ કરે છે.તસવીરને લાઈક અને શેર કરજો અને કોમેન્ટમાં જય માતાજી જરૂર લખજો
Heritage City Ahmedabad

Paresh Chauhan Vlog

23/12/2024

22/12/2024

19/12/2024

17/12/2024

11/12/2024

05/12/2024

02/12/2024

27/11/2024

21/11/2024

20/11/2024

24/10/2024

15/10/2024

11/10/2024

08/10/2024

07/10/2024

04/10/2024

02/10/2024

01/10/2024

Address

Telephone

Website

Alerts

Contact The Business

Shortcuts

Share

Category