08/09/2026
એફિલ ટાવર પાસે જો ભારતની ભવ્ય નગરયાત્રા નીકળે...તો દુનિયાનું ધ્યાન તો ખેંચાવાનું જ!
પેરિસમાં ભારતની સંસ્કૃતિનો એવો નજારો જોવા મળ્યો કે હજારો લોકો સાક્ષી બન્યા!
40થી વધુ દેશોના પ્રતિનિધિઓ અને 5 હજારથી વધુ સહભાગીઓ આ ઐતિહાસિક નગરયાત્રામાં જોડાયા.
1500થી વધુ કલાકારોએ પરંપરાગત વેશભૂષામાં નૃત્ય અને સાંસ્કૃતિક પ્રસ્તુતિઓ આપી...
તો 14 સુંદર રથોએ ભારતની સમૃદ્ધ સંસ્કૃતિની ઝાંખી કરાવી.
પરંતુ આ માત્ર નગરયાત્રા નહોતી...
આ યાત્રામાં સૌહાર્દ, શાંતિ અને સેવાનો સંદેશ પણ આપવામાં આવ્યો.
સાથે જ ઉજવણી થઈ ભારત અને ફ્રાન્સની ચિરંજીવી મિત્રતાની...
અને હવે આવે છે આ સમગ્ર આયોજનનું સૌથી મોટું કારણ...
પેરિસ નજીક બ્યુસી-સેન્ટ-જ્યોર્જમાં BAPS સ્વામિનારાયણ મંદિરનું ભવ્ય ઉદ્ઘાટન!
ફ્રાન્સનું આ પ્રથમ પરંપરાગત હિન્દુ મંદિર...
13 દિવસીય ભવ્ય મહોત્સવનું કેન્દ્ર બન્યું છે.
વૈદિક મહાયજ્ઞ, મંત્રોચ્ચાર, નગરયાત્રા અને પાલખી યાત્રાથી સમગ્ર વાતાવરણ જાણે ભારતમય બની ગયું.
અને આ માત્ર મંદિરનું ઉદ્ઘાટન નથી...
BAPSની પાંચ દાયકાની સેવા યાત્રા અને ફ્રાન્સમાં હિન્દુ સંસ્કૃતિના એક ઐતિહાસિક સીમાચિહ્નની ઉજવણી છે.
અંતે, મહંત સ્વામી મહારાજના દર્શનથી ભક્તો પણ ધન્ય બન્યા.
એટલે જ કહેવું પડે...એફિલ ટાવરની ધરતી પર ભારતની સંસ્કૃતિનો ડંકો વાગ્યો!
