03/08/2025
MBA Junior C’ship-ah Mama leh Rinhlui an langsar
ZALEN, August 03, 2025: Mizoram Badminton Association (MBA)-in Mizoram State Sports Council k*m 50 tlin lawmna ni pakhat atana NEXA Aizawl Yonex-Sunrise MSSC Golden Jubilee Celebration MBA Junior Official Championship 2025 a buatsaihah tun hnaia MBA Senior Official Championship-a langsar pahnih, H. Lalrinhlui leh Malsawmhlua (Mama) te bawk an langsar leh.
Mama hi a telna category pathumah champion vekin Rinhlui pawh a telna category pahnihah a champion ve ve bawk.
Thawhlehni atanga khelh tan inelna hi Mizoram Badminton Centre, Zuangtui, Aizawlah nghah niin Zirtawpni khan zawh fel a ni.
Tleirawl zingah pawh Rinhlui
Chanmari West tleirawl, Rinhlui hi Under-19 Girl’s Singles leh Under-17 Girl’s Singles-ah inlanin U-19-ah hian senior championship-ah final-a a tumpui, Tirza Lalremruati, Sihphir Badminton Club (SPBC) nen bawk intum lehin hnehna a chang nawn.
U-17 final-ah player tha leh hrohrang na, Pulela Gopichand Badminton Academy (PGBA), Hyderabad, Telengana-a a awmpui, Zoramthari, SPBC hnehin a champion bawk.
Chanmari Shuttlers Club (CSC)-a khel, Rinhlui hi chawlhkar hnih chhungin MBA tournament ngaihhlut hlawh pahnihah gold medal pali leh silver pakhat a la ta a ni.
Pathumah Mama
Mama hi Under-19 Boy’s Singles, Under-19 Boy’s Doubles leh Under-17 Boy’s Singles-ah inlanin hneh a nei lo.
U-19 maltanah senior tournament final a khelhpui, Vanlalmalsawmzuala, New Serchhip Badminton Club (NSBC) nen intum lehin phuba a la a, 18-21, 21-9, 21-10-in a hneh.
U-19 Boy’s Doubles-ah Vanlalmalsawmzuala nen an tangdun thung a, Vanlalpeka Sailo leh Vanlalhruaia Sailo, Chaltlang BC te unau an hneh a. U-17 maltanah Joel Lalramdinmawia, Flick Phantom Badminton Club (FPBC), Champhai chu final-ah straight set in a chak bawk.
Mama hian MBA senior leh junior official championship-ah gold medal pathum, silver leh bronze pakhat ve ve a vawchhuak.
Result dang
U-19 Girl’s Singles-a final-a tlawm, senior championship-a silver medalist ni bawk, Kolasib naupang, Tirza-i chu Under-15 Girl’s singles-ah a champion bawk a, final-ah Lalnunhluni, Mission Veng Badminton Academy (MVBA) a hneh.
Under-13 Girl’s Singles leh Girl’s Doubles-ah Lalthakimi, NSBC chu a champion ve ve a. Under -13 Girl’s Doubles-a a tanpui, Lalruatkimi chu Under-11 Girl’s Singles-ah a champion bawk.
Hun rei tak hnuah Lunglei district-in MBA tournament liana champion thei an nei thar a. Edward C. Lalruatsanga niin, Zohnuai Badminton Club (ZHBC) chu Under-11 Boy’s Singles-ah Lalmalsawma Lianhna, MVBA hnehin a champion.
Tun tum tournament-ah hian category 16-ah inelna neih niin player 185 an tel a, entry 235 lutin inkhel 232 a awm a ni.
RESULT KIMCHANG
Under-19 Boy’s Singles:
Champion: Malsawmhlua, NSBC
Runners-up: Vanlalmalsawmzuala, NSBC
Under-19 Girl’s Singles:
Champion: H. Lalrinhlui, CSC
Runners-up: Tirza Lalremruati, SPBC
Under-19 Boy’s Doubles:
Champion: Malsawmhlua & Vanlalmalsawmzuala, NSBC
Runners-up: Vanlalpeka Sailo & Vanlalhruaia Sailo, CTBC
Under-17 Boy’s Singles:
Champion: Malsawmhlua, NSBC
Runners-up: Joel Lalramdinmawia, FPBC
Under-17 Girl’s Singles:
Champion: H. Lalrinhlui, CSC
Runners-up: Zoramthari , SPBC
Under-17 Boy’s Doubles:
Champion: HT Rohminghlua & Vanlalhruaia Sailo, CTBC
Runners-up: Joel Lalramdinmawia & Mesak Lalrawngbawla, FPBC
Under-15 Boy’s Singles:
Champion: Denis Romawia Rivung, CTBC
Runners-up: Lalruattluanga Tlau, SPBC
Under-15 Girl’s Singles:
Champion: Tirza Lalremruati, SPBC
Runners-up: Lalnunhluni, MVBA
Under-15 Boy’s Doubles:
Champion: V. Lalhmingmuanpuia, NSBC & V. Vanmalsawma, CTBC
Runners-up: Lalruattluanga Tlau & Zothankima, CTBC
Under-15 Girl’s Doubles:
Champion: K. Lalrempuii & Lydia Lalnunfeli, SBC
Runners-up: Lalruatfeli Hauzel & Lalmuanpuii, CVBC
Under-13 Boy’s Singles:
Champion: Abraham Lalnunthara, NSBC
Runners-up: Samuel Laldinpuia, MVBA
Under-13 Girl’s Singles:
Champion: Lalthakimi, NSBC
Runners-up: Lalnunhluni, MVBA
Under-13 Boy’s Doubles:
Champion: Abraham Lalnunthara & Bruno Lalchhanchhuaha, NSBC
Runners-up: Lalmalsawma Lianhna & Samuel Laldinpuia, MVBA
Under-13 Girl’s Doubles:
Champion: Lalruatkimi & Lalthakimi, NSBC
Runners-up: C. Ngurhlunchhungi, CWBC & K. Rohlupuii, RUBC
Under-11 Boy’s Singles:
Champion: Edward C Lalruatsanga, ZHBC (Lunglei)
Runners-up: Lalmalsawma Lianhna, MVBA
Under-11 Girl’s Singles:
Champion: Lalruatkimi, NSBC
Runners-up: Roselyn Lalmalsawmi, TKBC
