https://rengtlangnews.wordpress.com/

Rengtlang, Aizawl (2026)

01/09/2026

UNPO chuan CHT-ah remna siam tumin thuchhuah a siam a, CHT biala sipai awm te tihtlem a phut.

UNPO chuan XXI(21) General Assembly thukhawm neiah Chittagong Hill Tracts (CHT) chungchangah thuchhuah a siam a. He thuchhuahah hian Bangladesh Sawrkar chu Chittagong Hill Tracts Accord, biala sipai awm te chhuahtir tumin, leh ti tlem turin a ngen a ni.

UNPO XXI General Assembly thukhawm hi The Hague, Netherlands-ah August 29-30 khan neih a ni. He hunah hian Priti Bindu Chakma leh Enjebee Chakma te chuan Chittagong Hill Tracts aiawhin Parbatya Chattagram Jana Samhati Samiti te chu(PCJSS) aiawhin an tel a ni.

Nizan, Inrinni (August 29), General Assembly thukhawmp ni khatnaah PCJSS aiawh Priti Bindu Chakma chuan Chittagong Hill Tracts chungchangah thuchhuah a thehlut a. Thehluh a nih hnuah General Assembly chuan lungrual takin an pawm a ni.

Thuchhuah chuan CHT Accord sign a nih atanga k*m 29 a liam tawh chungin, a hmun thuma thena hmun hnih (two-third sections) chu a la hlenchhuah loh avangin CHT harsatna chu politically leh peaceful-a la chinfel a ni lova, CHT Regional Council leh Hill District Councils pathum telna ‘Special Administrative System’ chu tha taka din a la ni lo tih a tarlang a.

Thuchhuah chuan CHT Accord hlenchhuah a nih loh avangin CHT-a mihring dikna leh chanvo dinhmun chu hma a sawn theih loh tih a sawi bawk. Harsatna chinfel nan kawng remchang leh thlamuang tak zawh lovin, Bangladesh sawrkar hnungzui zelte chuan sipai thuneihna leh hnehchhiahna chu thu neihna diklo(fascist) danin an hmang nasa hle a ni.

Khawvel pumah CHT hi sipai tamna ber hmun pakhata ngaih a ni. CHT-ah hian ‘Operation Uttoron’ tiin sipai hoten sawrkar ang deuhin ro an rel a, sipai camp 400 chuang a awm mek a ni.

Chuvangin, sipai hnehchhiahna leh chet sualna te hi a la reh lo a, hengte hi a huam tel a ni: Tribal hnamte chunga hnehchhiahna; mihring dikna leh chanvo pawngsualna; sipai-tanpui terrorist pawlten Accord-lam tanna leh Tribal mi hnuaihnung takte chunga chet sualna; CHT Accord hlenchhuah tura hmalatu mimal leh pawl te chu ‘terrorist’, ‘arms holder’, ‘separatist’ tihte vuahin, thiam loh an chantir thin; Bengali hnam thlentu leh Rohingya raltlan te chawktho in tlang mite chunga tihduhdahna; duham taka tihbuaina; tlang mite ram neih sa dan lova luahkhum; Accord dodalna tipung; rukru leh langsar taka sakhaw thlak tirna, hmeichhia leh naupang te chunga hleihlenna te a ni.

A chunga tarlan ang thil awmzia thlirin, The Hague, Netherlands-ah August 29-30, 2026 khan UNPO General Assembly vawi XXI-na neih a ni a, chuta resolution an pass tak avangin, hetiang hian thuneitu leh mimal khawih chhunzawmna neite chu an ngen a ni:

A. Bangladesh Sawrkar hnena ngenna:

(1) CHT Accord 1997 hlenchhuah nan hun bi nei hmalakna (Road Map) puang chhuak turin;
(2) CHT atanga sipai hoten an rorelna ‘Operation Uttoran’ hnuaia ramdang sipai camp te chu la chhuak turin; leh
(3) ‘CHT Land Dispute Resolution Commission Regulation’ siam turin leh ram neih chungchang buaina zawng zawng chinfelna turin, an ram hlui te tribal hnamte hnenah pe kir turin.

B. International Community, UNPO telin:

(1) Bangladesh sawrkar chungah CHT Accord hlenchhuak tura hmalakna, hlawkna leh sum lama thuneihna hmang turin;
(2) CHT-a mihring dikna leh chanvo bawhchhiatna a inhnamhnawih sipai te UN Peacekeeping Missions-ah hian ruat an nih lohna turin hmalak; leh
(3) CHT-a mihring dikna leh chanvo dinhmun enfiah turin UN Special Rapporteur on the Rights of Indigenous Peoples CHT-a tirh tura hmalak.

C. Bangladesh-a Political Parties leh Civil Society zawng zawng te hnenah:

(1) CHT Accord hlenchhuah nan ram pum huap hmalakna lian zawk din turin.

20/08/2026

Sawrkar thar ni 180 Leh CHT dinhmun

Chittagong Hill Tracts (CHT) ah hian hnam hrang hrang 14 an khawsa a, anmahni ram ngeiah channa nei lova awm ang maiin an awm mek. Ram tana chet chhuahna lian tak tak—Zalenna Indona, 1990 hmawr bawk zinga mite lungrualna, leh 2024 inlungrualna —an tel vek chungin, an dikna chu an hmu let tak tak thei rih lo a ni.

Hnam hrang hrangte dikna leh chanvo indona rei tak a chhuak ta a. Sawrkar hrang hrangte chuan remna siam leh indona titawp turin inbiakna an nei a. Chumi rahchhuah chuan 1997 khan CHT Inremna chu ziahfel a ni ta a. Mahse, k*m 29 a liam tawh chungin, Inremna hi la hlen chhuah famkim ala ni lo.

1. 2024 inremna hnuah sawrkar thlan loh, hun reilote atana din sawrkar chuan CHT Inremna hlen chhuah famkim chu a ngai pawimawh em em lo a ni. Chuvangin, February thlaa thlan tlin BNP sawrkar chuan CHT buaina rei tak a nei tawh chu chinfel nan eng hmalakna nge a neih tih hian hlutna a nei thar a ni.

2. BNP (Bangladesh Nationalist Party) sawrkar chuan an hmalak tur ni 180 chhunga an thil tiamte hlen chhuak turin puanzar a ni nghal a. March ni 3 khan Parbatya Chattagram Chukti Bastabayan Andolon (CHT Accord Implementation Movement) chuan chanchinbu mite hmaah sawrkar chu Inremna Awka hlen chhuahna famkim chu ni 180 chhunga hmalakna turah telh tlat turin an ngen a.

Chumi rual chuan, CHT Affairs Ministry a hnam dang State Minister ruat chu ban tura ngenna a awm bawk.

Mahse, ni 180 hun hi a hnaih tawh chungin, inremna hlen chhuah famkimna lamah hmalakna langsar a la awm lo hi a lungchhiatthlak tak zet a ni. Hei hi a pawimawh lehzual chhan chu, 2024 khan lungrual taka lnremna hlen chhuak tura ngenna hi mipui vantlang inkhawm, seminar, leh lehkha hmanga ngenna a nih vang a ni. CHT mipuite dikna leh chanvo humhalh tur chuan inremna hlen chhuah hi a tul takzet a

3. Sawrkar hotute chu CHT Inremna hi indona leh dodalna rei tak hnuah siam chhuah a ni tih hriattir a pawimawh a ni.

Inremna ziah hmain, sawrkar hrang hrangte chuan CHT buaina chinfel leh tlanga indona titawp turin an bei hlawm a. He thil hi ram tana pawimawh tak a ni tih hre rengin, sawrkar hrang hrangte chuan Parbatya Chattagram Jana Samhati Samiti (PCJSS) nen inbiakna an nei a.

PCJSS chuan H.M. Ershad kaihhruai Jatiya Party sawrkar nen vawi ruk an inbia a, Khaleda Zia kaihhruai BNP sawrkar nen vawi 13, leh Sheikh Hasina kaihhruai Awami League sawrkar nen vawi sarih an inbia a. Heng sawrkar pathum hun chhungin inbiakna vawi 26 an neih hnuah, 1997 December ni 2 khan CHT Inremna chanchin hriatreng tur chu ziahfel a ni ta a.

Inremna hi a famkimin leh fel fai taka hlen chhuah a nih hi CHT a remna leh muanna a awm reng theih nan chauh ni lovin, dikna, ram inpumkhatna leh inlungrualna a awm theih nan pawh a pawimawh takzet a ni.

4. K*m 15 chhung chu Awami League kaihhruai sawrkar chuan CHT Inremna hlen chhuah chu a din reng a. 2024 lungrualna hnuah chuan, Inremna hlen chhuah hi ram dân thar kalhmang pakhatah a tel ve tawh ang tih beiseina a sang hle a.

Jatiya Sangsad inthlan vawi 13-na hnuah pawh, sawrkar thlan tharte chuan inremna hlen chhuah leh Bangladesh mipui zawng zawng tel theihna ram siam turin hmalakna tak tak an nei ang tih beiseina sang tak a awm a. Mahse, thla ruk vel chhunga thil thlengte enin, dinhmun hi a harsa zual sauh tih kan hriat a ni.

Dipen Dewan chuan June ni 1 khan CHT Affairs Minister hna a bat atanga thla thum chauh a la ni chungin “hriselna leh mimal chungchang” avangin a bang a. A ban hian civil society leh mipui vantlang zingah ngaihvenna a hring a, chuvang chuan tlang ram hrang hrangah mipui an pungkhawm a, an lungawilohna an lantir a ni.

He mipui lungawilohna leh buaina hi awm mahse, CHT Affairs Ministry hi hnam dang State Minister in a la enkawl a. Hei hi CHT inremna, Part D, Section 19 bawhchhiatna chiang tak a ni.

Khaleda Zia kaihhruai BNP sawrkar chuan 1991 a an rorel hnuah CHT buaina hi politics hmanga chinfel tumin PCJSS nen inbiakna an nei leh a. He hmalakna hian 1997 December ni 2 khan CHT Inremna ziahfel a nih theihna a thlen a ni.

K*m 2001-a BNP an sawrkar thar leh khan, Accord tih hlawhtlinna lamah ke pen tha tak tak a awma. Chu bakah, Parliament inthlan vawi 13-naah khan, tlang rama ram neitu (Indigenous) voter-te chuan, bial pathuma BNP-in a ruat candidate-te chu nasa takin an thlang tling a. Hetiang boruak karah hian, CHT Ministry enkawl tura ram neitu (Indigenous) ni lo State Minister ruatna hian ram neitu (Indigenous) mihringte zingah lungawilohna a siam nasa hle a ni.

Hemi dinhmun hnuaiah hian, CHT Ministry enkawl turin ram neitu ni lo State Minister ruat a nih avangin ram mite zingah lungawilohna a pung zel a ni.

5. CHT Inremna hnuaiah hian CHT Regional Council chu hemi hmun enkawltu sang ber a ni a. Mahse, sawrkar thar hian Regional Councilte hi a famkima chettir turin hmalakna a la nei rih lo a ni.

A aiah chuan, thutlukna siamah Council hi kalpelh tumna a awm ang hian a lang. Entirnan, tlang ram pathumah tuilian a thlen nasat khan, chhawmdawlna hna kaihruai turin Jashore-3 MP, Power and Energy State Minister ni bawk chu mawhphurhna pek a ni a. He mawhphurhna hi CHT Regional Council, inremna hnuaia ram enkawltu sang ber anga hriat chu pek zawk tur a ni.

6. BNP-in ram siamthatna tur thil 31 an tlangzarhah hian “ inlungrualna leh inpumkhatna nei ram” siam a tum thu a tel a, chu chu “Rainbow Nation” tia hrilhfiah a ni.

Democracy duh khua leh tuite chuan hnam hrang hrang chengkhawm Bangladesh din tura BNP-in intiamna chu an lawm hle a. He 'Rainbow Nation' lungphum tihngheh nan hian, sawrkarin CHT Remna Thuthlung dodal zawnga hmalakna a nei tur a ni lo.

Sawrkar hian, k*m 2001-a BNP-in sorkarna an chang leh hnuah Remna Thuthlung hlen chhuah kawnga hma lo la tawhtu, chu hun laia Prime Minister Khaleda Zia entawn tlaka a chet dan kha zui turin kan beisei a ni. CHT Remna Thuthlung hlen chhuah vekna hmalakna chu hma a sawn zel theih nan sawrkarin rang takin hma a la nghal tur a ni.

7. CHT Inremna mila, Hill Tracts hnam hrang hrang zinga mi chu CHT Affairs Ministry ah Minister atan ruat nghal a ni tur a ni.

Ministry of advisory Council chuan Remna Thuthlungin a phut angin dan a siam tha leh tur a ni a, hna thawk thei tura siam a ni tur a ni. Sawrkar chuan CHT Remna Thuthlung chu a kima hlenchhuah a nih theih nan hun bi neia hmalakna ruahmanna siam a, a kalpui tur a ni.

Chumi rual chuan, CHT inremna Hlen Chhuahna committee (Implementation and Monitoring Committee) pawh siamthata a rang theih ang bera thawmthat a ni tur a ni.

CHT Land Dispute Resolution Commission pawh thu leh hla mamawhte siam fel nghal vek a, tha taka a chet theihna turin hmalakna neih a ni tur a ni.

A pawimawh ber chu, sawrkar chuan CHT Regional Council nen hetiang thil chungchangah hian policy level-ah inbiakna a nei nghal tur a ni.

Photo: AI

24/07/2026

Bangladesh atanga Mizorama rawn tlanchhia Zo hnahthlak leh ni kher lote dawnsawn dan tur ngaihtuah a ngai — K. Sapdanga

Nimin July ni 23, 2026 chhun dar 12 khân The Zozam Times huaihawtin I&PR Auditorium, Treasury Square, Aizawlah Seminar on 'Bangladesh Tribal Chimral Mekin Mizoram a nghawng theih dan leh Chittagong Accord' neih a ni a. Khua lian Pu K. Sapdanga, Home Minister leh Khual zahawm Pu Lalmuanpuia Punte, MLA, Adviser to Chief Minister (Political), ZPM Vice President ten an telpui.

Home Minister Pu K. Sapdanga chuan, “Bangladesh tlangram atanga Mizorama rawn tlanchhia Zo hnahthlak leh ni kher lote hi engtia lo dawn tur nge ni ang tih ngaihtuah a ngai ta hle,” a ti.

Home Minister chuan Bangladesh tlangrama Zo hnahthlak chengte chu an ram ril zawka bit taka cheng Muslim-ten an chenna hmuna chen an duh a, lut an tam a, hei vang hian himna zawngin an tlanchhe ta tih a sawi.

Hetianga nawr chhuah zingah hian Chakma leh Bru pawh an tel a, kohhranten chhandam ngai an nih ve tho hriain an lo enkawl a, tlawmngai pawl leh political party ten ram himna ngaihtuah chungin an lo dawngsawng bawk a. “Hetiang karah hian Zo hnahthlak leh ni kher lote pawh engtia lo dawnsawn tur nge tih hi ngaihtuah a ngai ta a. Sorkar pawhin ngaihtuahna sen a ngai ta a ni ang,” a ti.

Seminar buatsaih chu sorkar, hnam, kohhran leh tlawmngai pawlte tan pawha ngaihtuahna mit tikeutu a nih theih a beisei tih a sawi.

Khual zahawm, Lalmuanpuia Punte, Adviser to CM (Political) pawhin an chhehvela mite dinhmun leh Mizorama an lut chhan hriat chian chu ram dinhmun tichiangtu a nih avangin a pawimawh a, chutiang atana seminar buatsaih chu nachang hria leh lawmawm a tih thu a sawi.

The Zozam Times Editor Tuikhuahthanga kaihhruai zirhonaah hian Mizoram University-a Associate Professor Dr. Lalrinnunga Hmar-in thupui a sawi hawng a. Pachhunga University-a Associate Professor Dr. Lalthlamuana Ralte kaihhruaiin sawihona hun hman a ni.

Seminar-ah hian sawm an nih angin tlawmngai pawl, political party, MZP leh MSU, hnam pual zirlai leh College hrang hrang Students’ Union aiawh, hemi lama tui mi leh chanchinbu mite an tel a ni.

19/07/2026

Sawrkar leh Ram leilung fate inkara remna thuthlung an siam chu tun thlengin an hlen chhuak lo : Tiin Binota Moy Dhamai chuan OHCHR-ah a Sawi

“Sawrkar leh Ram leilung fate inkara inremna, 1997-a siam Chittagong Hill Tracts Accord ang te pawh hi hlen chhuah a la ni lo,” tiin Expert Mechanism on the Rights of Indigenous Peoples a Expert(EMRIP) lo ni tawh Pu Binota Moy Dhamai chuan United Nations High Commissioner for Human Rights Pu Volker Türk chu Ningani, July ni 16, 2026 khan Geneva-a Palais des Nations-ah a hmu a, a hrilh.

Pu Dhamai hian Asia socio-cultural region huam chhunga Ram leilung fate aiawhin thu a sawi a. July ni 13 atanga ni 17, 2026 chhunga neih Expert Mechanism on the Rights of Indigenous Peoples(EMRIP) session vawi 19-na kal mekah hian Global Indigenous Caucus leh UN High Commissioner for Human Rights te hi an inhmu tlang a. He Global Indigenous Caucus hi Pu Binota Moy Dhamai hian a ho a ni.

A thusawi ah chuan Asia rama Ram leilung fate (Indigenous Peoples) harsatna ber chu harsatna chi hrang hrang intawhkhawm a ni tih a sawi a. Chung harsatnate chu sipai inrawlhna pung, boruak leh leilung s*k leh sa danglam, sumdawnna leh hmanraw zawna ram hauh, ran leh thing nungcha humhalhna hminga tihbuai, zalen taka awmna kawng tawm tial tial, leh digital lama inthlak danglamna te an ni. Heng zawng zawng hian tualchhung mite hnam rochun, an inrelbawl dan kalphung leh mahnia rorel theihna dikna te a tichhia a ni, a ti.

Asia ram huam chhungah hian Ram leilung fate chu sipai inrawlhna, ram chhuhsak, mipui zalenna danbeh, vil uluk, leh hruaitu leh mipuite man leh hekna an la tawk reng bawk. Heng avang hian Tualchhung mite inrelbawl dan leh kal phung te a chak lo tial tial a, a bik takin Ram leilung hmeichhia, fanu te leh mihring dikna leh chanvo humhalhtute tan hlauhthawnawm a pung zel bawk.

Ram leilung fa mihring dikna leh chanvo humhalhtute chu man ringawt, dan hmanga hekna, hel dona dan hmanga tihbuai leh digital-a vil reng an tawk mek a. An ram, an hmun leh an thil neih humhalh tuma bei thinte chu khawvel huapa hlauhawm ber zinga mi an ni mek bawk.

Chuvangin Asia socio-cultural region aiawhin Pu Dhamai chuan Office of the High Commissioner for Human Rights (OHCHR)chu Ram leilung mihring dikna leh chanvo humhalhtute venhimna lama ngaihven zual turin a ngen a. Zalen taka awm theihna humhalh a, hekna lo dang a, hruaitu, upa te leh mipuite chunga thil tihsualte ngaihtuah zui a, hremna pe turin a ngen bawk.

Bakah UN hmalakna hrang hrangah Asia ram Mite telna tipung a, kan hmunpui lam ngaihdan te khawvel pum huap dan siamnaah a ken luh theih nan tel tir tam turin a ngen bawk.

Pu Dhamai chuan Asia rama Mite chu ram siam chhunga buaina ala tawp loh avangin an la buai reng tih sawiin, sawrkar leh Ram leilung fate inkara inremna tam tak chu hlen chhuah a ni lo tih a sawi bawk. Entirnan Bangladesh-a 1997 Chittagong Hill Tracts Accord kha tun thleng pawhin hlen chhuah a la ni lo a ni.

Chuvangin Ram leilung fate mahni inhmuhhniamna, an ram inawpna leh mahnia rorel theihna te chu pawimawh hmasa ber a ni a, chu chu dan leh ram dan tha tak hmanga humhim a ngai a ni. OHCHR chuan Asia sawrkarte chu Ram leilung fate dan leh ram dan hmanga humhimna siam tura ngen turin a chah bawk.

A tawp berah chuan Pu Dhamai chuan OHCHR chu Asia rama an office tihchak a, sum tam zawk seng a, Ram mite dikna bik ngaihven tur hotu bik ruat a, ram mi ngei hna thawk tir turin a ngen bawk.

05/07/2026

BNP Sawrkar hnuaia CHT-ah Mihring Dikna leh Chanvo Bawhchhiatna Chhunzawm Zel a ni

Video en duh tan >>

02/07/2026

BNP Sawrkar hnuaia CHT-ah Mihring Dikna leh Chanvo Bawhchhiatna Chhunzawm Zel a ni.

Nimin (July 1, 2026) khan, Parbatya Chattagram Jana Samhati Samiti (PCJSS) chuan Chittagong Hill Tracts (CHT) chhunga mihring dikna chanvo dinhmun chungchang report tlangzarhin, Assistant Information and Publicity Secretary, Sajib Chakma hmingin, k*m chanve chhunga thilthleng (January–June 2026) chu tarchhuah a ni. He report hian Tarique Rahman kaihhruai BNP sorkar hnuaia CHT-ahTribal mite chungchangah mihring dikna leh Chanvo Bawhchhiatna an la chhunzawm zel tih a tarlang.

Report-a a lan zel danin, February 12, 2026-a Jatiya Sangsad (national parliamentary) inthlanah khan Bangladesh Nationalist Party (BNP) chuan hmun thuma thena hmun hnihnah hnehna changin sorkar an din a. February 17, 2026-ah khan Rangamati biala thlan tlin Dipen Dewan chu CHT Affairs Minister atan lakluh niin, hei hi CHT Accord of 1997-a tarlan ang a ni a, mipui duhthusam pawh a ni. Mahse, hemi ni vek hian Mir Mohammad Helal Uddin—Chattogram-5 biala MP leh CHT pawn lam Bengali mi—chu CHT Affairs Ministry-ah State Minister atan ruat a ni a; hei hi Accord-in a tum pui ber nen a inpersan hlawm hle. Bangladesh civil society, CHT mipuite telin, Mir Mohammad Helal Uddin hi CHT Affairs Ministry atanga paih a nih an phut chungin, sawrkarin engmah a ti lo a.

Chutiang a nih mek lai chuan, June 1-ah, a hna a chelh a tanga ni zapahnihna (102 days) chauh a nihin, Dipen Dewan chu nawrhna hrang hrang avangin a hna atanga banna thehlut tura tih a ni a. Chuta tang chuan, Tribal zinga mi tumah CHT Affairs Ministry Minister atan ruat an la ni lo. Tunah hian, CHT Accord bawhchhiat niin, BNP sawrkar chuan Mir Mohammad Helal Uddin kaltlangin CHT Affairs Ministry hi dan lo angin an kalpui mek a ni.

Ngaihtuahna titam zualtu dang chu, Home Affairs Minister Salauddin Ahmed chuan March 11, 2026 khan sawihonaah CHT-ah mihring dikna (human rights) zaa za chan a theih loh, ram himna a pawimawh avangin a ti. A sawi leh danin “Mihring dikna leh Chanvo humhalhna hi zaa za kan ngaihtuah chuan, kan ram venghimtu ralthuamte hian thil tam tak an tih theih loh phah ang,” a ti. Home Minister thusawi hian mihring dikna venhimna lamah harsatna a siam mai piah lamah, mihring dikna leh Chanvo Bawhchhiatna a chawk phur thei a ni. Chuvang chuan, Home Minister dinhmun hi mihring dikna dinhmun chungchangah chuan ngaihtuahawm tak a ni.

BNP-in sawrkarna an chan atanga thla li leh a chanve dawn a liam tawh chungin, Tarique Rahman kaihhruai BNP sawrkar hian CHT Accord of 1997 kalpui nan hma thar an la tak tak lo. Remna thuthlung an kalpui theihloh avangin CHT-ah mihring dikna leh chanvo dinhmun pumpui chu a tlahniam zel a ni. Sawrkar hmasa ang bawkin, tun BNP sawrkar hian CHT thil thleng hi Accord kalpui kaltlanga political leh thlamuang taka chin fel aiin, ralthuam hmanga hnehchhuah leh diklo taka mimal thuneihna (fascist method) hmanga chin fel policy a kalpui chhunzawm zel a ni.

Chuvang chuan, BNP sawrkar din a nih hnuah CHT-ah mihring dikna leh Chanvo humhimna hian danglamna lian tham a la thlen lo. Tribal mite chunga security force-te hnehchhuahna leh mihring dikna leh Chanvo Bawhchhiatna hrang hrang chu a chhunzawm zel a, inhnehchhiahna, ralthuam keng pawlte'n Tribal mipui pawisawilo leh CHT Accord thlawptute chungah tihduhdahna pawh a la awm zel a ni. Chu mai bakah, Bengali hnam dang leh Rohingya terrorist-te'n Tribal hmeichhia leh naupangte chungah beihna, tihduhdahna, ram inchhuhsakna, Accord thlawptute dona leh hleihneihna te chu a la chhunzawm zel a ni.

January atanga June 2026 chhungin, CHT-a awm security force leh dan kengkawhtu hotute, sipai thuhnuaia awm ralthuam keng terrorist pawlte, communal leh fundamentalist pawlte, Muslim Bengali hnam dang leh ram lak saktute hian mihring dikna leh Chanvo bawhchhiatna vawi 57 an thlen a, hemi avang hian Tribal mi 154-te chungah tawrhna an thleng a ni. He thilthlengah hian mi 10 chu an thih phah tawh bawk.

Vawi 57 thilthleng zinga vawi 24 chu security leh dan kengkawhtu hotute tih a ni a, mihring dikna bawhchhiatna tuar mi 45 tel an awm a, khaw 21-ah patrol operation kalpui an kalpui bawk. Chu mai bakah, BGB camp thar 34 din tura hma lak a ni bawk.

Vawi 57 thilthleng zinga vawi 12 chu sipai siam ralthuam keng terrorist pawlte—entirnan, UPDF (Prasit faction), Marma Liberation Party (Mog Party tia hriat), leh Kuki-Chin National Front (KNF, Bawm Party tia hriat)—te tih a ni a, mihring dikna leh chanvo bawhchhiatna tuar mi 27 an awm a, mi pahnih chu an thih phah a ni. Heng bawhchhiatnaah hian mihring rukbo, tlan dil, k*tthlak, tihhlum, silaia kah hliam, indawpna, thihna vaukhanna, pawisa leh mobile phone rukruk, leh pawisa dil luih te a tel a ni.

UPDF hian social media-ah official leh hming lem hlang hmangin JSS hotute leh an thurualpui hotute sawichhiatna campaign an kalpui nasa hle a. Chu mai bakah, academician leh cultural figure lar Shishir Chakma (Jum Aesthetics Council/JAC President), Pradhir Talukdar Rega (Metta Tour and Travel), Injeb Chakma (Chakma Literature Academy Director), Police Sergeant Priyadarshi Chakma, leh Chittagong University zirlai Pahela Chakma, Augustina Chakma leh midangte telin, civil society mi 12 hming tichhetu leh sawichhe zawnga campaign an kalpui a ni. He UPDF propaganda hi social media-ah nasa takin dodal a ni.

Vawi 57 thilthleng zinga vawi 10 chu Bengali Muslim hnam dang, ram lak saktute leh Rohingya terrorist-te tih a ni a, mihring dikna leh chanvo bawhchhiatna tuar Tribal mi 69 an awm a—hemi avang hian mi pali an thi a, mi 43 an hliam a ni. Hnam inbeihna pakhatah chuan, Mro khua mi 10-te chu hnam dang leh Rohingya beitu-te k*tthlak tuar an nih laiin, thubuai dik lo an chungah thehluh a ni. Chu mai bakah, Rohingya mi 21 chu Bandarban-ah an luh laiin dan kengkawhtu hotute'n an man bawk.

Tribal hnam hrang hrangte—a bikin Mro, Tripura, leh Chakma thenkhat—retheihna hmangtangkaiin Islam-a an inlehna chu Bandarban district chhunga upazila(sub-district) hrang hrangah a la thawk reng a. Naupang, thil hre thiam rih lo tak takte chu zirna pek tur angah in sawiin an la hrang thin a, Dhaka, Chattogram, Gazipur, Cox's Bazar, leh Bandarban chhungah madrasa-ah an hruai thin a; chutah chuan Islam-ah inleh tirin, an hnam, hming leh an thuamhnaw, inthuamna puante, an thlaksak thin a, an nu leh pa te hriatpuina leh phalna tel miahloin tih thu hian sawi zui a hlawh hle.

23/06/2026

Bandarban district chhung Lama-a tribal awmte beih an ni a, an In te halsakin, mi pakhat dinhmun a derthawng hle.

Bangladesh ah Bandarban district chhung Lama khua ah tribal mipuite In leh Lo halsak tuma beihna leh ralthuam nena beihna thleng chungchangah hian Bengali thenkhat te chu hnam tlem zawk Tripura mipui ten an chenna ram, rei tak an lo luah tawh thin chu an ram ruksaka, chhuhsak tuma beituah puh an ni.

He thil hi Pathianni (June 21) chawhnu leh zanah khan Lama Upazila-a Phaitong leh Gazalia inzawmnaa ramri depa awm hmun hniha thleng a ni.

Beihna avanga hliam tuarte chu: 1) Shimon Tripura (37), Surya Mani(L) fapa Tripura; 2) Gabriel Tripura (17), Bisamba(L)fapa Tripura; 3) Newton Tripura (38), Taurungha(L) fapa Tripura te an ni.

An vai hian Naziram Tripura Para, Ward No. 6, Gazalia Union, Lama Upazila, Bandarban District-ah an cheng vek a ni. Hliam tuar khaw mipuite chuan Lama Upazila Health Complex-ah hruaiin, enkawl nghal an ni.

Hliam tuarte zingah Shimon Tripura chu dinhmun derthawng takah a awm nia report a ni.

Thilthleng hmun hnaia cheng te leh hliam tuartute thubuai thehluh danin, Shimon Tripura, Saitati Tripura leh Gudai Chandra Tripura, Surya Moni Tripura fapa pathumte chu Naziram Tripura Para, Gazalia Union-a chengte an ni a, k*m 2020-2022 chhung chu anmahni ram neih, dan ang taka an chenna leh an ram lo neih chu thlamuang takin an lo khawsa tawh thin a ni.

Mahse, tun hnaiah hian, Md. Bazlur Rahman (80), Chiartoli Thandabiri, Phaitong Union-a cheng, Muzaffar Hawladar fapa chuan, dan phalloh, ram chungchangah hian thu dik lo leh nghet lo takin thubuai a siam a ni.

He inhnialna chingfel tur hian, khawtlang aiawhte, mi pawimawhte leh union council member-te hmaah rorelna (meeting) engemaw zat neih a ni tawh. Rorelnaah hian, tuartute (Tripura mite) chu ram neih leh luah chungchangah document dik an neih laiin, Bazlur Rahman-a document thehlutah hian inan lohna leh ramri inmil lohna tam tak a awm niin hmuh a ni a. Bazlur Rahman hi k*m 1983 khan electric cable rukruk thubuai avangin k*m 25 chhung tlanbo a nih thu a sawi bawk.

Pathianni khan, rorelna thutlukna bawhchhiain, Bazlur Rahman chuan Tripura mite ramah dan lova In sak hna a tan lui a, chawhnu dar 3 velah ram neituten he In sak dan dik lo hi an duh loh thu an sawi laiin, Bazlur Rahman leh a thawhpui ralthuam keng, thirlen, chem, hriamhrei leh hmanraw anmahni siamte nen hnam tlem zawk Tripura mite chu an beithut a ni. Inbeihna hmasa ber hi dar 5:30-ah a thleng a, beihna pahnihna chu dar 7-ah a thleng leh a ni.

He inbeihnaah hian Shimon Tripura telin unau pathumte chu an lu, dar, hnungzang, k*t leh keah te an sat a, thisen chhuak thamin an hliam a ni.

Chu thil a thlen zawh veleh, chu mi ni vek tlai dar 6 velah chuan, pawikhawihtua puh Bazlur Rahman chu mi 30-40 vel nen ralthuam kengin Naziram Tripura Para chu an beih leh a ni. Tripura khaw mi In te chu an bei a, In te halsak tumin an bei a ni. Khawtlang mite leh In nei tute'n tihtawp a tum laiin, anmahni pawh an bei let a, mi engemaw zat chu an hliam bawk.

Ralthuam kenga beitu te chuan hliam tuartute leh an chhungte chu inah te zawngin, boruak hlauhawm leh vaukhanna nasa tak an siam a, khawtlang mipui te hmaah, tuartu chhungte leh an laina hnaite chu an vau hnuah, an khua an chhuahsan chauh a ni.

He thil a thlen hnuah hian, hmun hla takah awm mipui te zingah hlauhthawnna leh him lohna nasa tak a awm a ni. Khawtlang mipui te chuan he beihna rapthlak tak hi an do a, misual Bazlur Rahman leh a thawhpui te chu rang taka man a, dan anga hremna an chungah kengkawh turin ngenna an siam bawk.

Hliam tuartute chhungkaw hnen atanga thudawn danin, he report ziah lai hian, police station-ah thubuai thehlut tura inbuatsaihna kalpui mek a ni.

03/06/2026

ZPM-in Rajya Sabha MP candidate atan K Laltluangkima puang

Rolling lai ZPM party chuan, vawiin chawhma dar 11 khan an party office-ah Rajya Sabha MP candidate tur an puang a, candidate tan hian K Laltluangkima an puang.

Candidate puanna inkhawm hi ZPM Vice President C Lalnunnema'n a kaihruaiin a puang a ni.

27/05/2026

Mizoram-ah silai leh a mu tam tak nen Bangladesh hel mi 3 manchhuah an ni.

Video en duh tan>>>

26/05/2026

Mizoram-ah silai leh a mu tam tak nen Bangladesh hel mi 3 manchhuah an ni.

Mizoram-a ralthuam venhimna hna thawk hotute chuan Bangladesh hel pawl, United People’s Democratic Front Prasit (UPDF-P) cadre-a puh mi pathum an man hnu leh, India-Bangladesh ramri bula ramngaw hmun atangin silai leh a mu tam tham tak an hmuhchhuak bawk, he pawl hi ramri hrulah a rûka ralthuam inpekna kawng hmasa nia an rinthu an puang. He hna hi Border Security Force (BSF) leh Mizoram Police CID (Special Branch) hotute chuan Pathianni(Sunday)ah an thawkho a ni. Mi pathum mante hi Aizawl district-ah an dang chat a, Mizoram chhim-thlang lama Dampa Tiger Reserve bial kaltlanga ramngaw kawng hla tak atangin Bangladesh pan an tum niin an sawi.

Police-te chuan mante chu Apon Chakma, Nihar Ranjan Chakma leh Moni Karbari Chakma an nih thu an puang. Tunah hian mi pathumte hi Sairang Police Station-ah thu zawtfiah turin an kawl mek a ni. Venhimna lam hotute sawi danin, an man hnu hian Mamit district chhunga Dampa Tiger Reserve corridor-a ramngaw chhah takah zawnchhuahna hna engemaw zat chhunzawm a ni. Zawnchhuahna hmasa berah chuan, an man hmasakna hmun atanga kilometre riat vel(8km) leka hla ramngaw chhung ril takah 7.62 mm mu nung 1,799kual(1799 rounds) thuhruk chu an manchhuak a ni. Chhui hna thawktute chuan, an mante an zawhfiah ngun atanga thu an hmuh behchhanin hna dang an thawk leh a, Chuta tang chuan West Phaileng Police Station hnuaia Saithah khua atanga kilometre ruk vela hla ramngaw hmunah thil thuhruk dang pahnihna chu an hmuchhuak leh a ni. Hotute chuan, a vawi hnihnaa an hmuhchhuahah hian AK-47 assault rifle pahnih, magazine pahnih leh mu dang 12kual(12 rounds) a tel tih an sawi. Venhimna lam hotute chuan, ralthuam leh a mute hi hmun hla tak ramngaw chhungril chhahtak kara thuhruk niin nakina hman a tan leh a ruk rala international boarder cross-a phurh theih turin ruahmanna fel takin an Siam an rin thu an sawi.

Zawhfiahnaah chuan, an mante chuan Aizawl-a awm nia sawi, Dr. Preeti Chakma-i chuan an thil thuhrukte lakchhuah leh Bangladesh lama kal zel tura tanpui turin a hrilh thu an sawi.

Mante thil phurh an en chiannaah chuan, ralthuam leh thildang ralthuam siam nana hman tura ruahman thil engemaw zat chu hmuhchhuah a ni bawk. An hmuhchhuah zinga mi chu sai ip ruak, polythene dum leh var, ṭhelret puan(tarpaulin) chhinna, ei tur, biscuit leh ration dangte a ni. He hnaa tel hotute chuan, hêng thil te hi ralthuam leh a mute chu hmun chekhnawk leh kawng harsa takah midangin an hmuhtheih mailohna turah la daha, thil thar thlak nan hman an tum niin an ring. Venhimna lam hotute chuan, he hnaa an thil man dan atang hian Mizoram-Bangladesh ramri dunga dan lova ralthuam inpekna hna fel tak a awm tih a tarlang. Ramngaw chhunga thil thuhruk, hmun hrang hrangah hmuhchhuahna leh ramngaw chhah tak kaltlanga a ruk a rala kalna kawng hman hian ramri pelha helho chetna leh ralthuam phurh luhna atana ruahman lawkna a nihzia a tarlang a ni.

Chhuina hna thawktute chuan, Bangladesh atanga hna thawk hel pawlho chu Dampa Tiger Reserve biala hmun fal tak, hmun harsa leh mipui tlemna hmun hi an hmang tangkai hret hret an ring bawk. Hotute chuan, tuna an hmuhchhuah thar ber hian UPDFP leh Bangladesh-a innghat pawl dang ten, a ruk a rala chetna leh ramri pelha an inzawm khawm theihna turin ramri bula ramngaw hmun hla takte chu an la hmangtangkai zel tih an tarlang leh a ni. He hna chhuitu pawl te chuan zau zawka chhui chhuak tur leh ramngaw thuk zawk dapa, ralthuam dahkhawl dang thuhruk a la awm em tih hriat tumin chhui hna an kalpui mek zel a ni.

Rengtlang

01/09/2026

20/08/2026

24/07/2026

19/07/2026

05/07/2026

02/07/2026

23/06/2026

03/06/2026

27/05/2026

26/05/2026

Address

Website

Alerts

Contact The Business

Shortcuts

Share

Category

Listing takedown request