𝐓𝐨𝐩 𝐍𝐞𝐰𝐬 𝐌𝐲𝐚𝐧𝐦𝐚𝐫

29/05/2025

မန်ယူကို fifa ကအမြန်ဆုံးနည်းလမ်းနဲ့ ဖလားရနိုင်အောင် တပွဲကန်ဖလားရတဲ့ပုံစံမျိုးကျင်းပပေးသော်လည်း အရှုံးများနှင့်သာ ရင်ဆိုင်နေရ

28/05/2025

https://youtu.be/QcaBtxtfm7s?si=-KZShbzyggfUUDBd

#အရေးတော်ပုံအောင်ရမည် #နွေဦးတော်လှန်ရေးဆရာတော် #နေ့သစ်မြန်မာ ► ALL MUSIC AND SOUNDS USED ARE OWNED BY THEIR RESPECTIVE OWNERS.-...

26/05/2025

မြိုင်မြို့နယ်တွင် စစ်ကြောင်းထိုးလာသည့် စစ်ကောင်စီတပ်ကို တစ်ပတ်ကြာ လိုက်လံတိုက်ခိုက်၊ စစ်သားအလောင်း ၈ လောင်းနှင့် လက်နက်ခဲယမ်းအချို့ သိမ်းဆည်းရမိ...

May 26

မကွေးတိုင်း၊ မြိုင်မြို့နယ်အတွင်း စစ်ကြောင်းထိုးလာတဲ့ အကြမ်းဖက်စစ်ကောင်စီတပ်ကို လိုက်လံတိုက်ခိုက်ရာ စစ်သားအလောင်း ၈ လောင်းနဲ့ လက်နက်ခဲယမ်းအချို့ သိမ်းဆည်းရမိခဲ့တယ်လို့ ပခုက္ကူမြို့နယ် ပြည်သူ့ကာကွယ်ရေးအဖွဲ့(ပ.က.ဖ) - Pakokku Special Task Force က မနေ့က ထုတ်ပြန်ပါတယ်။
အောင်သာကျေးရွာ ပျူစောထီးစခန်းကနေ ထွက်လာတဲ့ အကြမ်းဖက်စစ်ကြောင်းကို ပခုက္ကူမြို့နယ်၊ ဖလံအိုကျေးရွာကနေ မြိုင်နယ်တစ်လျှောက် ပေါက်မြိုင်ကမ္မ စုဖွဲ့တပ်နဲ့အတူ ပူးပေါင်းပြီး လိုက်လံတိုက်ခိုက်ခဲ့တယ်လို့ ဆိုပါတယ်။
မေလ ၁ ရက်ကစလို့ မြိုင်မြို့နယ်အတွင်း စစ်ကြောင်းထိုးလာတဲ့ စစ်ကောင်စီရဲ့ တပ်မ ၁၀၁ ၊ ခလရ ၂၅၄ တပ်ရင်းစစ်ကြောင်းကို လိုက်လံ​တိုက်ခိုက်ခဲ့ရာ အကြမ်းဖက်စစ်ကြောင်း အထိနာပြီး မေလ ၇ ရက်မှာတော့ ပခုက္ကူမြို့ရှိ တပ်မ ၁၀၁ ဌာနချုပ်ကို ပြန်လည်ဆုတ်ခွာသွားတယ်လို့ ပခုက္ကူမြို့နယ် ပကဖ က ဆိုပါတယ်။
တိုက်ခိုက်မှုအတွင်း အကြမ်းဖက်စစ်ကြောင်းဆီက MA1 သေနတ် ၁ လက်၊ ကျည် ၅၀၀ ကျော်၊ ခဲယမ်းတွေနဲ့ စစ်ကောင်စီတပ်သားအလောင်း ၈ လောင်းကို သိမ်းဆည်းရမိခဲ့တယ်လို့ သိရပါတယ်။
တိုက်ပွဲအတွင်း အကြမ်းဖက်စစ်တပ်က ဂျက်ဖိုက်တာ၊ ပါရာမော်တာ၊ Y12 လေယာဥ်တွေနဲ့ လေကြောင်းတိုက်ခိုက်မှု အကြိမ်များစွာ ပြုလုပ်ခဲ့တယ်လို့လည်း သိရပါတယ်။
အဲ့ဒီတိုက်ခိုက်မှုကို ပခုက္ကူမြို့နယ် ပကဖ တပ်ရင်း(၁) ၊ပေါက်မြိုင်ကမ္မ ပကဖစုဖွဲ့မှုတပ်၊ မြိုင်ပကဖ၊ ပေါက်ပကဖ၊ ကမ္မတပ်ပေါင်းစု၊ ပခုက္ကူခရိုင် အမှတ် (၂/၆/၇/၁၄/၁၅/၁၇) တပ်ရင်းတွေ၊ ကျောင်းသားတပ်မတော် (ABSDF) ၊ 8+တပ်ပေါင်းစု၊ အညာမြေတပ်ပေါင်းစု၊ PLCတပ်ပေါင်းစု၊ ဂဠုန်ပြည်သူ့ကာကွယ်ရေးတပ်ဖွဲ့ ၊ PPDF ၊ Bo Brother တပ်ပေါင်းစု ၊ ဝံပုလွေပြောက်ကျားတပ်ဖွဲ့ ၊ Earthquake တပ်ဖွဲ့နဲ့ ဒေသဆိုင်ရာ တပ်ဖွဲ့တွေ ပူးပေါင်းလုပ်ဆောင်ခဲ့တယ်လို့ သိရပါတယ်။

#နွေဦးတော်လှန်ရေး
#မြို့အများအပြားခံစားရ

20/05/2025

KIA က ပစ်ချလိုက်သည့် ရဟတ်ယာဉ် ၁ စီးကို ရွှေကူမြို့နယ်၊ စည်ငန်းရွာ အနောက်ဘက်ရှိ တောထဲတွင် တွေ့ရှိခဲ့ပြီး လေယာဉ်မှူး မိုးထက်အောင်၏ ရုပ်အ‌လောင်းကို ရှာတွေ့

မေ ၂၀

ကချင်ပြည်နယ်၊ ဗန်းမော်မြို့သို့ စစ်ကူလာသော ရဟတ်ယာဉ် ၃ စီးကို KIA ပူးပေါင်းအဖွဲ့က ယနေ့ ပစ်ခတ်ခဲ့ရာ ၂ စီး ထိမှန်ပျက်ကျသွားခဲ့ပြီး ပျက်ကျသွားသည့် ၁ စီးကို ရွှေကူမြို့နယ် စည်ငန်းရွာ အနောက်ဘက်ရှိ တောထဲတွင် တွေ့ရှိခဲ့ပြီး လေယာဉ်မှူး မိုးထက်အောင်၏ ရုပ်အ‌လောင်းကို ရှာတွေ့ ကြောင်း KIA ရှေ့တန်းသတင်းရင်းမြစ်က ပြောဆိုသည်။

ယနေ့ မွန်းလွဲ ၁ နာရီကျော်အချိန် ဗန်းမော် စကခ ၂၁ သို့ စစ်ကူလာပို့သော စစ်ရဟတ်ယာဉ် ၃ စီးကို KIA ပူး ပေါင်းတပ်များက ပစ်ချခဲ့ခြင်းဖြစ်ပြီး ပိုင်ပိုင်နိုင်နိုင် ပစ်ခတ်လိုက်နိုင်သော စစ်ရဟတ်ယာဉ် ၁ စီးမှာ ရွှေကူမြို့နယ်၊ မင်းလှမြို့နယ်ခွဲ စည်ငန်းရွာ အနောက်ဘက်ရှိ တောထဲတွင် ပျက်ကျသွားကြောင်း၊ ယင်းရဟတ်ယာဉ်ပျက်နေရာသို့ KIA တပ်ဖွဲ့ဝင်များ ရောက်ရှိသွားပြီး ရဟတ်ယာဉ် အပျက်အစီးများနှင့် လေယာဉ်မှူး မိုးထက်အောင်၏ ရုပ်အ‌လောင်းကို ရှာတွေ့ခဲ့ခြင်းဖြစ်ကြောင်း သိရသည်။

"ဗျူဟာမှူး လာလဲတာ။ အဲဒီရဟတ်ယာဉ်က ပစ်လိုက်တာ ထိမှန်ပြီးတော့ ရွှေကူကနေ ဧရာ၀တီ မြစ်အနောက်ဘက် KIA တပ် ရင်း ၅ တောထဲမှာ ပျက်ကျတယ်။ အဲဒီနေရာကို ငါတို့ KIAကလူတွေ ရောက်နေပြီ။ နောက် ၁ စီးကတော့ ရွှေကူမှာ အရေးပေါ် ဆင်းတာမှာ ဘေးစောင်းကြီး လဲဆင်းသွားတယ်။ ပန်ကာကျိုးသွားတယ်။ပျံတက်လို့မရတော့ဘူး။ ငါတို့ပစ်တာရဟတ်ယာဉ် ၂ စီးစလုံး ပျက်သွားတယ်။ တောထဲမှာ ပျက်သွားတဲ့ ရဟတ် ယာဉ်မှာ ဗျူဟာမှူးပါတယ်။ အားလုံးသေတယ်။ ငါတို့ အဖွဲ့တွေရောက်နေပြီ။ ရွှေကူမှာ အရေးပေါ် ဆင်းတဲ့ကောင်က ပန်ကာကျိုးသွားပြီ ဘေးစောင်းကြီးလဲနေတယ်" ဟု KIA ရှေ့တန်းသတင်းရင်းမြစ်က ပြောဆိုသည်။

ယခင်ကလည်း KIA က စစ်ကောင်စီတပ်၏ ရဟတ်ယာဉ်နှင့် တိုက်လေယာဉ်များကို ပျက်သည်အထိ ပစ်ချနိုင်ခဲ့သည်။

၂၀၂၁ ခုနှစ် မေလ ၃ ရက်နေ့ ကချင်ပြည်နယ်၊ မိုးမောက်မြို့နယ်၊ မြို့သစ်နှင့်ကုန်းလာအကြားတွင် စစ်ကောင်စီ၏ Mi35 တိုက်ခိုက်ရေးရဟတ်ယာဉ်ကို ကချင်လွတ်မြောက်ရေးတပ်မတော် KIA က ပစ်ချခဲ့ကြောင်း၊ ထိုသို့ ပစ်ချခဲ့မှုကြောင့် ရဟတ်ယာဉ်ပျက်ခဲ့ပြီး ရဟတ်ယာဉ်မှူး ဗိုလ်မှူး ကျော်ဇေယျာထွဏ်း၊ ဗိုလ်ကြီးသန်းထွန်းလင်း၊ အုပ်ခွဲတပ်ကြပ်ကြီး ကျော်စွာအောင်တို့ သေဆုံးခဲ့ကြသည်။

၂၀၂၄ ခုနှစ် ဇန်နဝါရီလ ၃ ရက်နေ့ နံနက် ၁၁ နာရီ ၅၉ မိနစ်အချိန် ၀ိုင်းမော်မြို့ နယ်၊ နာဖော့စစ်တပ်စခန်းသို့ ရိက္ခာလာပို့သည့် စစ်တပ်ထောက်ပို့ Mi-17 ရဟတ် ယာဉ် ၁ စီးကို KIA က ပစ်ချခဲ့ပြီး စစ်ရဟတ်ယာဉ်ပေါ်၌ လိုက်ပါလာသော စစ်ကောင်စီတပ်ဖွဲ့ဝင် ၈ ဦးသေဆုံးကာ ရဟတ်ယာဉ်လည်း ပျက်စီးသွားခဲ့သည်။

၂၀၂၄ ခုနှစ် ဇန်နဝါရီလ ၁၆ ရက်နေ့တွင်လည်း ရှမ်းမြောက်ဒေသ ကွတ်ခိုင်မြို့ နယ်၊ နမ့်ဖတ်ကာရွာတိုက်ပွဲဒေသထံသို့ ဗုံးလာကျဲခဲ့သည့် စစ်ကောင်စီ၏ တရုတ် လုပ် FTC 2000 G တိုက်လေယာဉ်ကို ကချင်လွတ်လပ်ရေးတပ်မ တော် ( KIA) က ပစ်ချခဲ့သဖြင့် တိုက်လေယာဉ် ပျက်ကျသွားခဲ့သည်။


#နွေဦးတော်လှန်ရေး

20/05/2025

တရားမဝင် ဝင်ရောက်လာသော မြန်မာနိုင်ငံသား ၄၄ ဦးအား ထိုင်းစစ်
တပ်ဖမ်းစီး

၂၀ ရက် ၊ မေ ၊၂၀၂၅

ထိုင်းနိုင်ငံ၊ ဖုတ်ဖရာ့မြို့နယ်တွင် တရားမဝင် ဝင်ရောက်လာသော မြန်မာနိုင်ငံသား ၄၄ ဦးကို ဖမ်းဆီးရရှိကြောင်း ထိုင်းစစ်တပ်နှင့်ထိုင်းသတင်းဌာနများမှာ သတင်းဖော်ပြခဲ့ပါသည်။
ယနေ့ မေလ ၂၀ ရက်နေ့ နံနက်အစောပိုင်း ထိုင်းနိုင်ငံ၊ တာ့ခ်ခရိုင်၊ ဖုတ်ဖရမြို့နယ်တွင် မြန်မာနိုင်ငံသား ၄၄ ဦးသည် ထိုင်းနိုင်ငံအတွင်း တရားမဝင် ဝင်ရောက်လာသည်ကို ထိုင်းအာဏာပိုင်များက ကင်းလှည့်စဉ် ဖမ်းဆီးရရှိခဲ့ကြောင်း၊ အဆိုပါ မြန်မာနိုင်ငံသားများသည် ထိုင်းနိုင်ငံ၊ ဆောက်လုပ်ရေးလုပ်ငန်းခွင်များ၊ စက်ရုံ လုပ်ငန်းခွင်များသို့ သွားရောက် အလုပ်လုပ်ရန် တရားမဝင် ဖြတ်ကျော်ဝင်ရောက်လာခြင်းဖြစ်ကြောင်း သိရှိရသည်။
တရားမဝင် ဝင်ရောက်လာသော မြန်မာများက တစ်ဦးလျှင် ထိုင်းဘတ် ၂၀၀၀၀ ဆီ ပေးဆောင်ခဲ့ရပြီး မြန်မာဘက်အခြမ်းမှ သောင်ရင်းမြစ်ကို ဖြတ်ကူး၍ တောလမ်းအတိုင်း ထိုင်းနိုင်ငံ
ပိုင်နက်အတွင်းသို့ တရားမဝင် ဝင်ရောက်လာခြင်းဖြစ်ကြောင်း သိရှိရသည်။
အဆိုပါ ဝင်ရောက်လာသော မြန်မာနိုင်ငံသား ( ၄၄) ကို
ဖုတ်ဖရရဲစခန်းတွင် အမှုဖွင့်ထားပြီး ထိုင်းနိုင်ငံအတွင်းသို့ တရားမဝင် ဝင်ရောက်မှုဖြင့် တရားစွဲ အရေးယူမည်ဖြစ်ကြောင်း ထိုင်းသတင်းများတွင်ဖော်ပြထားပါ သည်။


#နွေဦးတော်လှန်ရေး

20/05/2025

တမူးမြို့အနီး ပကဖ ၁၀ ဦး ကျဆုံးခဲ့သည့်အပေါ် NUG က အိန္ဒိယအစိုးရနှင့် အမှုမှန်ပေါ်ပေါက်ရေး ညှိနှိုင်းဆောင်ရွက်နေ

မေ ၂၀

အိန္ဒိယ-မြန်မာနယ်စပ်ရှိ တမူးမြို့နယ်အနီး မြို့နယ်ပကဖ ၁၀ ယောက် ကျဆုံးခဲ့တဲ့အပေါ် အမျိုးသားညီညွတ်ရေးအစိုးရ (NUG) က အိန္ဒိယအစိုးရနဲ့ အမှုမှန်ပေါ်ပေါက်ရေး ညှိနှိုင်းဆောင်ရွက်နေတယ်လို့ NUG နိုင်ငံခြားရေးဝန်ကြီးဌာနက သတင်းထုတ်ပြန်ပါတယ်။
NUG နိုင်ငံခြားရေးဝန်ကြီးဌာနအနေနဲ့ ကနဦးသတင်းထုတ်ပြန်ချက်ဆိုပြီး အိန္ဒိယအစိုးရနဲ့ ညှိနှိုင်းဆောင်ရွက်နေတယ်လို့ ဆိုပါတယ်။
"အိန္ဒိယ - မြန်မာ နယ်စပ် တမူးမြို့ အနီး ပကဖ အဖွဲ့ဝင် (၁၀) ဦး ကျဆုံး ခဲ့ရ သည့်ကိစ္စ နှင့်ပက်သက်၍
အမျိုးသားညီညွတ်ရေး အစိုးရ တာဝန်ရှိသူများ အနေဖြင့် လက်ခံရရှိသည့် သတင်းပေးပို့ တိုင်ကြားချက်များ အပြင် ကနဦး မြေပြင်အခြေအနေ ကြားနာ စစ်ဆေးမှု အစီရင်ခံစာ တွေ့ ရှိချက်များ အရ အိန္ဒိယ အစိုးရ တာဝန်ရှိသူများ နှင့် တွေ့ဆုံ ၍ အမှုမှန်ပေါ်ပေါက်စေရေး ညှိနှိုင်းဆောင်ရွက်လျှက်ရှိကြောင်း ကနဦး သတင်းထုတ်ပြန်အပ်ပါသည်။" လို့ NUG နိုင်ငံခြားရေးဝန်ကြီးဌာနက သတင်းထုတ်ပြန်ထားပါတယ်။
ပြီးခဲ့တဲ့ မေလ ၁၄ ရက်က အိန္ဒိယနိုင်ငံ၊ မဏိပူရ်ပြည်နယ်မှာ လက်နက်ကိုင် အဖွဲ့တစ်ခုနဲ့ အိန္ဒိယစစ်တပ်အကြား ပစ်ခတ်မှုဖြစ်ပွားပြီးနောက် အိန္ဒိယစစ်တပ်က လက်နက်အများအပြား သိမ်းဆည်းရရှိခဲ့ပြီး လက်နက်ကိုင်အဖွဲ့ဝင် ၁၀ ဦးသေဆုံးခဲ့တယ်လို့ အိန္ဒိယသတင်းဌာနတွေနဲ့ အိန္ဒိယစစ်တပ်ရဲ့ ထုတ်ပြန်ချက်အရ သိရပါတယ်။
အဆိုပါပစ်ခတ်တိုက်ခိုက်မှုအတွင်း အိန္ဒိယစစ်တပ်က သေနတ် ၁၂ လက်၊ RPG ၁ လက်နဲ့ လက်နက်ခဲယမ်းတွေ သိမ်းဆည်းရရှိခဲ့တယ်လို့ ထုတ်ပြန်ထားပါတယ်။
ပုံစာ - အိန္ဒိယစစ်တပ်(ပုံဟောင်း) နှင့် တမူး ပကဖ ထံမှ အိန္ဒိယစစ်တပ် သိမ်းဆည်ရရှိသည့် လက်နက်ခဲယမ်းများ


#နွေဦးတော်လှန်ရေး

19/05/2025

ဟားခါးမှာ စစ်သား ၁ ဦးကို အရှင်ဖမ်းမိ၊ စစ်သား ၂ ဦးနှင့် ရဲ ၁ ဦး အလင်းဝင်...


#နွေဦးတော်လှန်ရေး

19/05/2025

စစ်ကောင်စီ၏ မော်ဖို့းကေစခန်းကို တော်လှန်ရေးတပ်များ တိုက်ခိုက်...

May 19/ 2025

ထိုင်း-မြန်မာနယ်စပ်ရှိ အကြမ်းဖက်စစ်ကောင်စီတပ်ရဲ့ မော်ဖိုးကေစစ်တပ်စခန်းကို ကရင်အမျိုးသားလွတ်မြောက်ရေးတပ်မတော် (KNLA) ဦးဆောင်တဲ့ ပူးပေါင်းတပ်တွေက စတင်တိုက်ခိုက်နေတယ်လို့ ၁၀၀ ဝန်းကျင် ထိုင်းနိုင်ငံဘက်သို့ စစ်ဘေးတိမ်းရှောင်နေရတယ်လို့ ထိုင်းသတင်းတွေဖော်ပြချက်အရ သိရပါတယ်။
မေလ ၁၉ ရက် ဒီနေ့မနက်ပိုင်းကစလို့ အကြမ်းဖက်စစ်ကောင်စီတပ်ရဲ့ မော်ဖိုးကေစစ်စခန်းကို KNLA ၊ KNDO ပူးပေါင်းတပ်တွေ စတင်တိုက်ခိုက်နေတာဖြစ်ပြီး ဒရုန်းတွေနဲ့ ဗုံးကြဲတိုက်ခိုက်နေတယ်လို့ ဆိုပါတယ်။
မြန်မာဘက်အခြမ်းမှာ အဆိုပါတိုက်ပွဲတွေ စတင်ဖြစ်ပွားချိန်မှာ အရပ်သားပြည်သူ ၁၀၀ ဝန်းကျင်က သောင်ရင်းမြစ်ကို ဖြတ်ကူးပြီး ထိုင်းနိုင်ငံဘက် စစ်ဘေးတိမ်းရှောင်လာသလို အဆိုပါ စစ်ဘေးဒုက္ခသည်တွေကို ထိုင်းစစ်တပ်နဲ့ ဒေသအာဏာပိုင်တွေ ကူညီထားတယ်လို့ သိရပါတယ်။
KNU အနေနဲ့ မတ်လ၊ ဧပြီလနဲ့ မေလအတွင်း ထိုင်း-မြန်မာနယ်စပ်အနီးရှိ စစ်ကောင်စီတပ်စခန်းတွေဖြစ်တဲ့ ပူးလူးတူ၊ ခလယ့်ဒေး၊ တခေါဘီခွီး၊ မော်ဖားသူးစခန်း ၊တာလယ်စခန်းနဲ့ မယ်လစခန်းတွေကို တိုက်ခိုက်သိမ်းပိုက်ထားနိုင်ခဲ့တာ ဖြစ်ပါတယ်။


#နွေဦးတော်လှန်ရေး

19/05/2025

ပဲခူးမြို့နယ်တွင်းက စစ်ကောင်စီတပ် ကာကင်းစခန်းကို တိုက်ခိုက်ဖျက်ဆီး၊ လက်နက်ခဲယမ်းများ သိမ်းဆည်းရမိ ...

Mayy 19, 2025

ပဲခူးတိုင်း၊ ပဲခူးမြို့နယ်၊ ဇီးတောကျေးရွာရှိ စစ်ကောင်စီတပ် ရှေ့တန်းကာကင်းစခန်းကို အမှတ်(၂) စစ်ဆင်ရေးနယ်မြေ၊ တိုင်းစစ်ဌာန (ပဲခူး)၊ အမှတ်(၃၇၀၁) တပ်ရင်းက မေလ ၁၈ရက်၊ မနက် ၂နာရီအချိန်မှာ ဝင်ရောက်တိုက်ခိုက်ခဲ့တယ်လို့ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်က ဒီကနေ့ ထုတ်ပြန်လိုက်ပါတယ်။
အဆိုပါတိုက်ခိုက်မှုအတွင်း G-4 (၂)လက်၊ G-3 (၂)လက်၊ G-2 (၁)လက်၊ M-1 ကာဘိုင် (၉)လက်နဲ့ ခဲယမ်းများ၊ ဆက်စပ်စစ်သုံးပစ္စည်းများကို သိမ်းဆည်းရရှိခဲ့တယ်လို့လည်း ထုတ်ပြန်ထားပါတယ်။ တိုက်ခိုက်မှုအပြီးမှာတော့ စစ်ကောင်စီတပ် ကာကင်းစခန်းကို ရှင်းလင်းဖျက်စီးခဲ့တယ်လို့ ထုတ်ပြန်ချက်မှာ ဖော်ပြပါရှိပါတယ်။


#မြို့အများအပြားခံစားရ

19/05/2025

စစ်ကောင်စီ၏နယ်စပ်ကုန်သွယ်ရေး အသက်သွေးကြော ထိုင်း-မြန်မာနယ်စပ်ရှိ စစ်စခန်းများကို KNU က သိမ်းပိုက်နေမှု မြိုကြီးများ သိမ်းပိုက်မှုထက် ပိုမိုအရေးပါ၊ ဗျူဟာစခန်း များအပါအဝင် စခန်း ၅၀ နီးပါးကို တိုက်ခိုက်သိမ်းပိုက်ထား

May 20, 2025

အကြမ်းဖက်စစ်ကောင်စီ၏ ဝင်ငွေရလမ်း နယ်စပ်ကုန်သွယ်ရေး အသက်သွေးကြော ထိုင်း-မြန်မာနယ်စပ်တစ် လျှောက်ရှိ စစ်စခန်းများကို KNU က သိမ်းပိုက်နေမှုမှာ မြိုကြီးများ သိမ်းပိုက်မှုထက် ပိုမိုအရေးပါသည့် အခြေ အနေ ရောက်ရှိနေပြီဖြစ်ကြောင်း KNU ဗဟိုအလုပ်မှုဆောင်လည်းဖြစ်၊ ပြောရေးဆိုခွင့်ရှိသူလည်းဖြစ်သူ ပဒိုစောတောနီးက ပြောဆိုသည်။

ထိုင်းနှင့် မြန်မာနယ်စပ်မျဉ်းတစ်လျှောက်တွင် ရှိနေသည့် အကြမ်းဖက် စစ်ကောင်စီတပ်စခန်းများကို KNLA /KNDO၊ PDF မဟာမိတ်ပူးပေါင်းတပ်များက တောက်လျှောက် တိုက်ခိုက်သိမ်းပိုက်နေခြင်းဖြစ်သည် မြိုကြီးများကို သိမ်းပိုက်သည်ထက် ပိုမို အရေးပါသည့် အခြေအနေသို ရောက်ရှိနေပြီဖြစ်ကြောင်း KNU ဗဟိုအလုပ်မှုဆောင် ပဒိုစောတောနီးက ရှင်းပြသည်။

" အဓိကက ဒါကတကယ့်ကုန်သွယ်ရေးစခန်းကြီးမြဝတီ-မဲဆောက်ကုန်သွယ်ရေးစခန်းကြီး၊ နောက်ပြီးတော့ထီးခီးနယ်စပ်ကုန်သွယ်ရေးစခန်းကြီးတွေဟာ တကယ့်အရေးပါတဲ့နေရာတွေဖြစ်တယ်။ မြိုကြီးတစ်မြိုစာလောက်သိမ်းနိုင်တဲ့ အနေအထားနဲ့တူတယ်။ ဘာလိုလဲ ဆိုတော့ ရှေ့တစ်လှမ်းတိုးဖိုအတွက် တကယ်ကိုအရေးပါတဲ့အဲ ဒီနေရာတစ်ခုကိုရရှိသွားပြီ လိုကျနော်တိုပြောလိုရတာပေါ့" ဟု ပဒို စောတာနီးက ရှင်းပြသည်။

ထိုင်း-မြန်မာနယ်စပ်တစ်လျှောက် ကရင်နီ၊ ကရင်ပြည်နယ်၊ မွန်ပြည်နယ်နှင့် တနင်္သာရီတိုင်းအထိ နယ်နမိတ် ကီလိုမီတာ ၃၀၀၀ ကျော် ထိစပ်နေသည့် နယ်စပ်တစ်ခုလုံးကို အကြမ်းဖက် စစ်တပ် ကင်းစင်သည့် အခြေအနေ ရောက်ရှိစေရေး တိုက်ခိုက်မှုများ ပူးပေါင်းလုပ်ဆောင်သွားမည်ဖြစ်ကြောင်း ၎င်းက ဆက်လက် ရှင်းပြသည်။

" ကျနော်တိုအရှည်လျားဆုံးဖြစ်တဲ့နယ်စပ်မျဉ်း၊ ထိုင်းနိုင်ငံနဲ့ဆက်စပ်နေတဲ့ ကရင်နီနယ်စပ် တပ်မဟာ ၅ ကစပြီးတော့ တပ်မဟာ၄ အဆုံးအထိ။ အဲဒီလောက်ကီလိုမီတာ ရာပေါင်းထောင်နဲ့ချီတဲ့နေရာတွေကို ကျနော်တိုလွှမ်းမိုးနိုင်တော့မယ်ဆိုတာ ဒါကကျနော်တိုရဲ့အောင်ပွဲ။ အဲဒီဟာကြောင့်မိုလို ဒီဟာတွေက ဟိုအတွင်းထဲမှာသွားပြီး ရယူတာနဲ့ ဒီကနေ ကျနော်တိုရယူတာနဲ့လုံးဝမတူဘူး။ ကျနော်တိုရဲ့နယ်စပ်အတွင်းမှာ ထိုင်းနဲ့ဆက်စပ်နေတဲ့ တပ်မဟာ ၅ နယ်မြေတွေဆိုပြောင်ပြီးရှင်းပြီ။ အခုက တပ်မဟာ ၇ ကလည်းကုန်တော့မယ်။ နည်းနည်းလေးပဲကျန်တော့တယ်။ တပ်မဟာ ၆ ဆိုလည်း စစ်ကောင်စီ ဗျူဟာတစ်ခုလောက်ပဲကျန်တော့တယ်။ အဲဒီနယ်စပ်မှာတပ်မဟာ ၄ ဆိုရင်လည်း စစ်ကောင်စီရဲ့ ထီးခီးစခန်း ဆိုပြုတ်ထွက်ကုန်ပြီ" ဟု ပဒိုစောတောနီးက ရှင်းပြသည်။

KNLA ဦးဆောင် မဟာမိတ် ပူးပေါင်းတပ်များက စစ်ရှိန်မြှင့် တိုက်ခိုက်နေမှုကြောင့် ယခင် စောမောင်၊ သန်းရွှေ ခေတ်က စစ်တပ်က တပ်ရင်းပေါင်းများစွာ အပြုတ်ခံ ရယူခဲ့သော နယ်မြေများမှ စစ်စခန်းကြီးများကို ရက်ပိုင်းအတွင်း တိုက်ပွဲများဖြင့် ပြန်လည် သိမ်းပိုက်နိုင်ပြီဖြစ်ကြောင်း သိရှိရသည်။

လတ်တလော KNU တပ်မဟာ ၇ နယ်မြေ ပိုင်ကျုံ ဒေသတွင် မော်ဖိုးကေစခန်းကို KNLA မဟာမိတ်ပူး ပေါင်းတပ်ဖွဲများက နယ်မြေရှင်းလင်းတိုက်ခိုက်နေပြီး နော်တယာတောင်စစ်စခန်းကိုလည်း ဝိုင်းပတ်ပိတ်ဆို ဖြတ်တောက်ထားကြောင်း သိရှိရသည်။

KNUတပ်မဟာ ၄ ၊ တပ်မဟာ ၅၊ တပ်မဟာ ၆၊ တပ်မဟာ ၇နယ်မြေ အတွင်းရှိအကြမ်းဖက်စစ်ကာင်စီဗျူဟာစခန်းကြီး ၁၀ခုထက်မနည်းကို KNLA တပ်များက သိမ်းပိုက်ရရှိထားသည့်အပြင် နယ်ခြားခံစစ်စခန်းကုန်း ၂၀ ကျော် နှင့် ကာကင်းစခန်းငယ်များ အပါအဝင် စုစုပေါင်း စစ်စခန်း ၅၀ နီးပါး ကို KNLA ၊ KNDO၊ PDF မဟာမိတ်ပူး ပေါင်းတပ်များ သိမ်းပိုက် စိုးမိုးထားနိုင်ပြီဖြစ်ကြောင်း သိရှိရသည်။

#နွေဦးတော်လှန်ရေး
#မြို့အများအပြားခံစားရ

18/05/2025

မပုတု vs Sniper Su 👏

18/05/2025

တောင်သာမြို့နယ်၊ လှည်းကူးမရွာ စာသင်ကျောင်းအနီး စစ်တပ်က လေယာဉ်ဖြင့် ဗုံးကျဲ တိုက်ခိုက်

မေ ၁၈

မန္တလေးတိုင်း၊ တောင်သာမြို့နယ်၊ လှည်းကူးမရွာ စာသင်ကျောင်းအနီး အကြမ်းဖက် စစ်တပ်က လေယာဉ်ဖြင့် ဗုံးကျဲ တိုက်ခိုက်ခဲ့ကြောင်း တောင်သာမြို့နယ် လူထုလှုပ်ရှားမှုကော်မတီမှ တာဝန်ရှိသူ တစ်ဦးက ပြောဆိုသည်။
ယနေ့ မေလ ၁၈ ရက်နေ့ နံနက် ၅ နာရီ ၁၀ မိနစ်ခန့်တွင် တောင်သာမြို့နယ် လှည်းကူးမရွာ စာသင်ကျောင်းအနီးကို အကြမ်းဖက် စစ်တပ်က တိုက်ပွဲဖြစ်ပွားခြင်းမရှိဘဲ လေကြောင်းဖြင့် ဗုံးကျဲ တိုက်ခိုက်ခဲ့ခြင်းဖြစ်ကြောင်း သိရသည်။
အကြမ်းဖက် စစ်တပ်၏ လေကြာင်း တိုက်ခိုက်မှုကြောင့် ပြည်သူများ ထိခိုက်မှုမရှိသော်လည်း နေအိမ် ၂ လုံးနှင့် ပြည်သူများ မွေးမြူထားသော နွား ၁ ကောင် သေခဲ့ကြောင်း သိရှိရသည်။
"ဒီနေ့ နံနက် ၅ နာရီ ၁၀ မိနစ်ခန့်မှာ လှည်းကူးမကျေးရွာ စာသင်ကျောင်းအနီးကို အကြမ်းဖက် စစ်တပ်က လေကြောင်းနဲ့ ဗုံးကျဲ တိုက်ခိုက်သွားတာ ပြည်သူတွေ ထိခိုက်မှုမရှိပေမယ့် နေအိမ် ၂ လုံးပျက်ဆီးပြီး နွား ၁ ကောင်သေဆုံးတယ်လို့ သိရတယ်" ဟု တောင်သာမြို့နယ် လူထုလှုပ်ရှားမှုကော်မတီမှ တာဝန်ရှိသူ တစ်ဦးက ပြောဆိုသည်။

#နွေဦးတော်လှန်ရေး
#ငလျင်လှုပ်ခတ်မှု