ZORAM TIMES

ZORAM TIMES Zoram Times

09/06/2026

Vai nu inchei sexy thei zet Urfi Javed mai mai pawh ZPM MLA ten Airport-a an hmuah laiin Mizoram ti hmingtha tu, Mizo tlangvalin sawrkar aiawh hmuaktu a neilo hi a mak hle.

Hmanni lawkah Myanmar a Chin mi Joshua Van chuan Mizoram a rawn tlawh a, sawrkarin nasa taka lo dawngsawngin, CM Lalduhoma leh Minister-ten ropui takin State-level welcome an lo pe a, hetihlai hian ONE Championship a tel, Mizo tlangval Nazareth Lalthazuala chuan sawrkar atanga ngaihsaktu a nei ve lo.

Zemabawk tlangval, k*m 25 mi Nazareth Lalthazuala hi ONE Championship-a Mizo fighter hmasa ber a ni a, tunah 8-0 undefeated record a nei mek. June 5, 2026 khan ONE Friday Fights 157-ah Jhon Brutas a TKO a, fight 3-na a zawna a chak hnuah $100,000 main-roster contract a hmu nghal. Performance bonus ₹35,000 THB pawh a dawng tel a ni.

08/06/2026

ZPM party in MP (Rajya Sabha) candidate atana an hman K.Laltluangkima chuan Mizoram aiawh tur ni mahse "America hi ka khua ber" tiin a sawi.

Mizoram hian k*m 1972 atangin Rajya Sabha MP kan nei tan a. Mizoram aiawha MP 7 (pasarih) kan neih tawhte hian Mizoram leh hnam tan theihtawp an chhuah ṭhin.

K*min 2026 ah hian Mizoram chuan "America hi ka khua ber", titu ZPM MP kan nei dawn ta a ni.

Mizoram aiawha Rajya Sabha MP ni tawh te :

1. Lalbuaia INC

2. Lalsawia INC

3. C. Silvera INC

4. Hiphei INC

5. Lalhmingliana MNF

6. Ronald Sapa Tlau INC

7. K. Vanlalvena MNF

Mizoram hian Rajya Sabha-ah seat pakhat chiah kan nei a, term hi k*m 6 zel a ni.

03/06/2026

Mizoram hian Rajya Sabha ah member pakhat kan nei thei a, a thlangtute hi MLA an nih avangin state a rorel lai party candidate a piang tling tura ngaih an ni.

ZPM candidate hian political party a zawm hmain Synod Communication Department ah Manager hna a lo thawk tawh a, hemi hnu hian America ramah te pawh a lo khawsa tawh a ni.

ZPM Party in MP (RS) candidate atana an thlan K.Laltluangkima leh a thusawi.

02/06/2026

ZPM Chief Minister chuan party President nihna nen a kawp ve dawnlo tih thu sawi mahse, tuna ZPM President leh Chief Minister nihna kawp mek chu Pu Lalduhoma a ni.

A thusawi leh a taka thil thleng hi a danglam nasa ṭhin hle a, a mah hrechiangtu tak pakhat chuan, "hmun hrang hranga a thusawi hi la khawmin chawhtawlh ah dah i la, rannung ah chang se an insi nasa hlawm ngawt ang", a ti.

23/05/2026

ZPM sorkar hnuaiah mi changkang te Pathian biakna tur vaibelchhe 20 seng a buaipui mek a ni.

- Lalduhoma, Chief Minister

08/05/2026

ZPM sorkar ah CM leh Minister ten vantlang inkhawm ah dawt chiang tak an sawi ta hmiah hmiah mai a, an dawtsawi lawmin ruling party workers hovin k*t an beng dur dur bawk a. Ram hruaituten midang puhchhiat tur an zawng nasa lutuk leh dawtsawi an ching ta lutuk hian ṭhangthar rilru leh Mizo society ah a ṭhalo zawngin nghawng a neih a hlauhawm ta hle a ni.

MLA fund nuai 200 a ti pun chhan leh MLA ten MUHCS an zawm loh chhan a Health Minister Lalrinpuii'n Opposition MLA te a puh daih mai hi a mak hle. Mizoram Assembly GPC (General Purpose Committee) ah hian member 17 awm in, heng zinga member 14 te hi ZPM MLA an ni a, a bak dang pa 3 hi opposition member an ni.

General Purposes Committee (GPC) member te :

1 Lalbiakzama Chairman
2 Lalduhoma Member
3 Vanlalhlana Member
4 Lalchhandama Ralte Member (MNF)
5 Lalfamkima Member
6 Lalmuanpuia Punte Member
7 TBC Lalvenchhunga Member
8 W. Chhuanawma Member
9 V. Malsawmtluanga Member
10 C. Ngunlianchunga Member (Congress)
11 Dr. K. Beichhua Member (BJP)
12 Lalchhuanthanga Member
13 V.L. Zaithanzama Member
14 Lt. Col. Clement Lalhmingthanga Member
15 T. Lalhlimpuia Member
16 Jeje Lalpekhlua Member
17 Baryl Vanneihsangi Member

Health Minister thusawi atang hi chuan ZPM in vote lakah opposition an hneh lo a ni awm e !

Contract tender 5% below chungchang ah thiam in chan tir nan, Assembly House ah Chief Minister Pu Lalduhoman, "MNF hun laiin cabinet in an lo passed tawh a" tia a sawi pawh kha dawt a ni.

04/05/2026

Bawngkawn kawngpui hi PWD lamin an siamṭhat hnu reilote ah PHE lam in pipe phum na turin an laichhe leh nghal a, pipe an phum zawh aṭanga karkhat hnuah pawh kawngpui an siam tak mai loh avangin ruahtui a tla chhunzawm a, mitam takin harsatna an tawh phah mek a ni.

21/04/2026

Mizoram Chief Minister hlui Pu Lal Thanhawla hian K*m 83 na a hmang mek a, thla thar May ni 19 hian k*m 84 a tling ang.

Chief Minister hlui tho Pu Zoramthanga hi k*m 1944, July ni 13 ah a pianga, k*m 81 na a hmang mek a ni.

Tuna Chief Minister ni mek Pu Lalduhoma hi k*m 1949, February ni 22 a piang a ni a, k*m 77 na a hmang mek thung.

"Kan dam chhûng k*mte chu k*m sawmsarih a ni a, Chakna avângin k*m sawmriat pawh a ni thei e; Nimahsela, a reina chu thawhrimna leh lungngaihna mai a ni; A ral thuai a, keini pawh kan thlâwk bo ṭhîn a nih hi."

21/04/2026

Aizawl khawpui enkawltu tur thlanna chu polling station tinah tukin zingdar 7 aṭangin neih tan a ni a, tlai dar 5 thleng vote hi thlak theih a ni ang.

MNF President leh Chief Minister hlui Pu Zoramthanga chuan, AMC ah Pathian leh mipui duhsakna changa sorkarna an lak ngei a beisei thu a sawi a, ward hrang hranga an candidate te chu uluk taka an thlanchhuah a nih avangin mipuite pawhin an fak a, an mahni an thawkrim bawk a, mipui khawngaihna leh duhsakna an dawn ngei a rinthu a sawi a ni.

21/04/2026

AMC sum hman tur hi sorkar laipui Finance Commission ruahman leh an mahni kaltlanga dawn zel a nih tawh avangin Municipal Council-ah hian state a rorel lai party candidate thlan kher a ṭulna a awm ta lo.

Tunhma chuan mahni khua leh veng tih hmasawnna tur sum kha state a rorel lai party tlawn thiam a piangin an dawng tam mai ṭhin a. Hei hi sorkar laipui Finance Commission chuan a rawn tidanglam ta a ni.

I duhzawng leh ṭha tihzawng VOTE turin zalenna thiang tak i nei a, political party thlir lovin; in veng enkawltura i duh ber thlang chhuak rawh le.

Address

Aizawl
796001

Website

Alerts

Be the first to know and let us send you an email when ZORAM TIMES posts news and promotions. Your email address will not be used for any other purpose, and you can unsubscribe at any time.

Shortcuts

Share

Category