ZORAM TIMES

ZORAM TIMES Zoram Times

18/11/2025

Aizawl west 1 bialtu MLA leh Adviser to CM (Fin) TBC Lalvenchhunga banna thehluh chu Chief Minister Lalduhoman a pawm loh thu a sawi. Hetihlai hian ZPM Gen Hqrs hruaitute chuan an la ngaihtuahloh thu an sawi ve thung.

TBC Lalvenchhunga hian nimin November ni 17, 2025 (Thawhtanni) khan Adviser to CM atanga banna a thehlut a, hetiang boruak a awm mek lai hian Lawngtlai East bialtu MLA leh Adviser to CM Lorrain Lalpekliana Chinzah pawhin banna a thehlut ve dawn niin social media lamah a darh nasa hle.

ZPM hi political party hrang hrang atanga kalkhawm an nih avangin an party chhungah inhrui pawhna a nasa hle niin an sawi a, ZPM Gen Hqrs hruaitu nilai duhkhawp lohna a nasat avangin an party chhungkua ah khi nasa tak a awm mek ni a hriat a ni.

Adviser to CM atanga banna thehlut TBC Lalvenchhunga hi Prism party atanga ZPM zawm a ni a, eptu an nih lai a Adviser to CM nasa taka lo sawisel tawh thin a ni.

17/11/2025

Ambani mo neihna ah lemchan thiam Amitabh Bachchan nen thla an la dun a, miin tu hi nge lemchang thiam zawk ang le, te an ti mai mai.

ZPM sorkar leh an party buaina bul ber chu Pu Lalduhoma a ni.

- TC Pachhunga

16/11/2025

Vawiin ni 16, Nov 2025 (Pathianni) Guwahati to Sairang Rel-a kan lo haw chu Sairang Rel Station luh hma ah kan chuan na Rel hi a ding deuh vang vang a. Hetih chhung hian hnamdang tam tak Rel atangin an chhuk a, ka chhiar theih chinah pawh mi 50 vel chu niin ka hria. Zero point bulah chhuak chho in Taxi ah an chhuang ta hlawm ani.

Heng vai te hi Aizawl leh a chheh velah ILP neilo in an teihawi hlawm dawn tihna ani a. Pakhat phei chuan puan a zawrh tur niawm tak a chhipchhuan ka hmu bawk ani.

Khulai ah khuan hnamdang tam tak rawn lut an awm reng a, kan ILP system hi siamthat thuai a ngai.

- Jeff Fanai

Law & Order kenkawh kawngah tun ang ringawt a Mizoram sorkar hi a kal a nih chuan ram leilung fate dinhmun a himlo thuai ang.

Kan sorkar hian FCAA 2023 hmangin sorkar laipui k*t ah Mizoram leilung a lo hralh tawh a. India Constitution hnuaia Mizote inhumhimna neih chhun Article 371 G thlengin a lo sawi nghing tawh a ni.

Development hma theh a hmang hian ram leh hnam tam tak an lo boral tawh a, ZPM sorkar hnuai ah hian Mizote himna kulh bang sawi chim in a awm mek.

15/11/2025

Vanlalsailova vote duhlo zawng zawng khan Lalduhoma in duhlo tel a ni.

Sawitu : Lalduhoma, Chief Minister Mizoram

08/11/2025

Dr Thangtea tan zaithiam rual Taitea, Lilac, Mawimawia, Angela, Kimkima, Lawmawma an fehchhuak.

MNF Candidate Dr Thangtea hi mahni bial ngai a k*m 25 chhûng MLA tling zawn thei, Cabinet Minister a k*m 15 chhung lo tang tawh MNF Sr. Vice President ni lai a ni.

Zirna lamah NEHU, Shillong pumpuiah M Phil Grade ‘A’ -ah zo in, chhuak hmasa ber a ni. K*m 1986-ah PhD a zo leh a, NEHU hnuaia Sociology Department-ah PhD Degree la hmasa ber record a ni nghe nghe, NEHU pumpuiah Doctorate Degree, Mizoram aṭanga hmu hmasa ber a ni.

Thalai leh zirlaite hmasawnna tura theihtawp chhuahtu a ni a, All Mizo Students’ Federation (AMSF) leh Mizo Students’ Union (MSU) Shillong-a President hmasa ber a ni bawk.

Dampa bial MLA by election hi November ni 11 ( Thawhlehni) ah neih a ni ang.

06/11/2025

CHAKMA CHUNGCHANG A THUSAWI PAHNIH

K*m 2018 khan ZPM in sorkarna a chan huna Chakma hnawhchhuah dan tur leh Chakma Autonomous District Council (CADC) an ṭhiah dan tur nasa takin a sawi a.

K*m 2025 ah chuan Chakma pungkhawm hma ah hnam inpumkhatna tichhe thei zawngin Mizote a hek thung.

"Kan hruaitu hmasate'n Mizo mipuite leh Chakma inkarah inhuatna chi an lo tuh a. Chakma hi kan hruaitu hmasate'n huat dan min lo zirtir tawh ṭhin a ni".

- Lalduhoma Dt 31.10 2025

03/11/2025

Chief Minister Lalduhoma thusawi hi Mizoram state hruaitu lu ber thusawi dan tur niin i hria em ?

Kan hruaitu hmasate'n Mizo mipuite leh Chakma inkarah inhuatna chi an lo tuh a. Chakma hi kan hruaitu hmasate'n huat dan min lo zirtir tawh ṭhin a ni.

- Lalduhoma Dt 31.10 2025

01/11/2025

Dampa bial MLA bye election neih turah ZPM party chuan campaign hla thar atan Anjan-a hla phuah, "Zu Zu Zooby Zooby" an hmang.

01/11/2025

ZPM sawrkar a beidawng loneitu mi 254 in MNF an zawm.

October ni 31,2025 (zirtawpni) hian Serlui bial chhunga khaw hrang hrang atangin loneitu mi 254 zet te chuan MNF an zawm thar a, an mahni puala inkhawm Buhchangphai community hall-a buatsaih ah MNF Treasurer Pu Lalruatkima chuan heng mithar te hi a lawmlut. MNF zawmthar zingah hian ZPM VC nilai te pawh an tel.

ZPM sawrkarin term chanve an hman chhung lek hian mipui beiseina a tlahniam chak hle a. Hmunphiah chingtute hralhna a tihchhiatsak vek a, Loneitute sawhthing man vaibelchhe tam tak a la ba bawk.

Krismas dawn thleng a sawhthing man an pek theihloh lai hian ZPM party hruaitute uchuak taka an inhaivur avangin sawrkarin k*mkhat ah cheng nuai 13415.84 a sen belh mek a. ZPM sorkar hi sum renchemna lam ngaihsak lo, thla tin nuai 35693 puk reng ang a ni.

29/10/2025

Tukin dar 6 aṭanga Mizoram hralhna dan (FCAA-2023) hnuhkir phutna total bandh neih chuan mipui thlawp a hlawh hle a, Mizoram hmun hrang hrangah harsatna thleng hriat tur a awm lo.

He dan (FCAA 2023) hmang hian central sawrkarin Mizoram thuneihna min chuhsak mek a ni.

Mizote himna ILP (inner line regulation) thlengin a nghawng chho thuai dawn tih a lang ta.

India danpui (constitution) hnuaia kan inhumhimna article 371G namthluk in a awm mek a ni.

Mizoram leilung hausakna lakchhuah tumin Hindu puithiam Baba Ramdev a company Patanjali chuan bu an rawn khuar nghal ta der mai.

Mizoram ah leihnuai hausakna 'rare earth minerals' zawn tum nghal a ni.

He dan hmang hian International Border atanga boruak mel a KM 100 chin ah central sorkar-in Mizoram sawrkar phalna nei lovin hma a la thei tawh dawn a, hei hian Mizoram pumpui a huam tawh a ni.

He dan hmang vek hian hnamdang sumdawng (company/corporate/MNC) hrang hrangte Mizoram chhungah zalen taka an chet theih tawh dawn avangin Mizoram hi hnamdang k*tah a tlu lut thuai dawn.

Hnamdang k*ta kan ram hralhtu ZPM sorkar hian a chhung a cheng Mizo mipuite min hralh tel a ni.

Mizoram leilung leh a hausakna neihte chuhsakna tur dan (FCA Act 2023) hi sorkar laipuiin nasa taka a nawr chungin k*m 2023 August thla khan MNF sawrkar chuan a lo hnawl tawh a, k*m 2025 hian ZPM sawrkar chuan a rawn pawmpui ta thung a ni.

Kan ram leh hnam a boral chuan nang pawh zuah i ni bik lovang.

28/10/2025

Kan ram leh hnam boral lohna turin Mizo mipuite'n kan tuallai ah ṭan kan lo khawh ve a ngai ta.

He dan (FCAA 2023) hmang hian central sawrkarin Mizoram thuneihna min chuhsak mek a ni.

Mizote himna ILP (inner line regulation) thlengin a nghawng chho thuai dawn tih a lang.

India danpui (constitution) hnuaia kan inhumhimna article 371G namthluk in a awm mek a ni.

Mizoram ah Hindu puithiam Baba Ramdev a company Patanjali chuan bu an rawn khuar nghal ta der mai.

Mizoram ah leihnuai hausakna 'rare earth minerals' zawn tum nghal a ni.

He dan hmang hian International Border atanga boruak mel a KM 100 chin ah central sawrkarin hma a la thei tawh dawn a, hei hian Mizoram pumpui a huam tawh a ni.

He dan hmang vek hian hnamdang sumdawng (company/corporate/MNC) hrang hrangte Mizoram chhungah zalen taka an chet theih tawh dawn avangin Mizoram hi hnamdang k*tah a tlu lut thuai dawn.

Kan ram leh hnam a boral chuan nang leh kei hi zuah kan ni bik lovang.

25/10/2025

Dampa bial ZPM candidate Vanlalsailoa chuan Mizoram chu Federal State niin a sawi.

Dampa bial ṭhalai pawlin Candidate te common platform a buatsaih ah ZPM Candidate Vanlalsailoa chuan Mizoram hi Federal Government/Federal State niin a sawi a, USA a zin ṭhin avangin America ram inkaihhruaina hi Mizoram ah kan hmang ve emaw a ti palh a nih hmel.

ZPM party lam tan pawh an MLA candidate in USA Constitution hmang anga thu a sawi mai kha pawi an tih viau a rinawm. Unitary leh Federal chungchang te Union, State leh Concurrent list te hi chian loh chuan sawi loh mai a ṭha awm e.

A lehkhabu chhiar ṭhin hre lo mah ila, Legislature ni tur chuan zir hmasak tur kan la ngah hle tih a lang !!

Federal state hriat hlawh tak takte chu United States of America, Canada, Australia leh Germany te an ni.

Address

Aizawl
796001

Website

Alerts

Be the first to know and let us send you an email when ZORAM TIMES posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ZORAM TIMES:

Shortcuts

Share

Category