KANAN POST

13/08/2026

INDIA LEH MYANMAR IN RAMRI INREM SIAM DAWN! KUKI TEN DUH LO.

New Samtal leh Mualcham chu Myanmar ah

August 14,2026: : India sorkar chuan Manipur lamah Myanmar nena ramri hung hna chu chak takin a kalpui mek zel a, ramri hung dawn takah chuan ramri tun thlenga la tih chian hleih theih loh a awm nual a, chin fel ngei ngei a ngai tawh si a, Tunlai hian ramri chungchangah inbiakna India leh Myanmar sorkar aiawhte New Delhi ah an inbe mek a ni awm e. India ram chin nia lang leh Myanmar ram chin niaa langte chu an inthleng tawn dawn ni awm tak a ni. Kuki khua eng emaw zat chu Myanmar ram lamah an awm hmel ta riau va, India rama awm Kuki te chuan an duh lo hle a ni.

India sorkar chuan Manipur, Chandel District chhunga Kuki khaw thenkhat chu Myanmar ram lamah a pe dawn ni awm tak a ni a, ramri lung Pillar 65,66,67,68 inkara awm Kuki khua Khengjoi, Mualcham, New Samtal leh Gam Phajol khuate an ni a, heng khuate hi Myanmar ram an ni mai thei dawn ta a ni. Kuki te chuan keini hi India khua leh tui kan ni a, Myanmar ram lama rin luh kan duh lo an ti a ni.

Myanmar lamin India sorkara a pek ve tur lam erawh sawi chianna awm chiah lo mahse Tamu khaw hmar lam pillar No.88 chho vel Ta Nan Myothit lam a nih hmela rin a ni.

13/08/2026

Kabaw Phairuamah
MYANMAR SIPAITE KOH KIR AN NI! SIPAI AIAH SPECIAL POLICE DAH AN NI THUNG.

August 13.026 : : Indo Myanmar Friendship Road ( Asian Highway) a khaw hrang hrangte chu Myanmar Sipaiten an thuhnuaia an dah leh theih hnuah Myanmar sipaite chu koh kir leh niin an aiah Special Police an dah leh ta zawk a ni.

Sagain region, Kalemyo township hmar lam khaw hrang hrang leh Tamu township chhunga khaw hrang hranga Myanmar Sipai Brigade 99 leh Brigade 77 te chu koh kir niin an aiah hian Myanmar Special Police 1000 chuangin an thlak ta a ni. Indo Myanmar Freindship road khaw hrang hrang sipai awmte hi an hmunpui Myitthila( မိတ္ထီလာ) ah an haw leh dawn a, a tul dan azirin hmun dangah tirh chhuah leh a ni dawn a ni.

Myanmar Police te hi Indo Myanmar Freindship road a khaw hrang hrang hmun la ralmuang chiah lo nia an hriat Thenzen(ထင်းစင်), Zohmun( ဘုတ်ကန်), Yarzacho( ရာဇဂြိုဟ်), Pantha (ပန်းသာ), Minn tha( မင်းသာ) khuaah te Outpost siamin an thut chilh dawn a ni. Myanmar Military te hian India leh Myanmar ramri vengtu tur Bordar Gourd Force ( BGF ) an dah dawn niawm tak a ni bawk a ni.

Myanmar Military te hian Kalemyo chhimlam Gangaw chheh vel pawh beihpui an thlak leh dawn a ni awm e. Chin hill lamah pawh Myanmar sipai leh Police 500 rual motor lian ke sawmpahnih nei in an chho nia thu dawn a ni bawk a ni.

He lai hian, Karen state lamah chuan Karen hel pawl pakhat DKBA leh Myanmar sorkar chuan inremna thuthlung an lo sign ve mek bawk a, an inremna thuthlungah chuan

1. DKBA te chuan Karen hel pawl dangte an kap tawh lovang,Myanmar sipaite pawh an kap tawh lo bawk ang. Nationalwide Ceases Fire thu angin an kal tawh ang.

2. DKBA ten an control chin area chu Myanmar sorkar thuhnuaiah an hlan ang a, Karen mi ni lo hnam dang ralthuam keng pawlte chu a tul chuan Myanmar sipaite nen tangrualin an do pui ang.

3.DKBA control chin area chhungah NUG hnuaia PDF te chettlat leh awm an phal tawh lovang, DKBA ti hming chhety Online Scam te awm an phal tawh lovang.tih te a ni awm e.

13/08/2026

GANGAW AH CDF-KKG Bn 6 CHAIRMAN LEH MIDANG PAHNIH THAH AN NI.
August 13,2026; : Magwe region, Gangaw Township chhunga Chin Defence Force - KKG Bn 6, Chairman telin sipai pakhat leh civil mi raltlan pakhat an vaiin mi pathum chu thah an ni. A thattute hi he lai vela chetla ve tho PDF Black Dragon Force an nih rin a ni.

He thil thlenna hmun hi Gangaw township Patauhkung (ပိတောက်ကုန်းကျေးရွာ) khua leh Zung Shi (ရှုံးရှီကျေးရွာ) khua inkar Buddist pagoda bulah a ni a, Nimin August 12, zan dar 12 vela thleng a ni awm e. August 12 chhun khan PDF Black Dragon Force te hian CDF-KKG chairman Ba Pyo(ဘဖြိုး) hi phone-a biain kan area chinah in lo kal leh dawn a nih chuan ralthuam rawn keng tawh lo turin an ti a, chuta inhmu thiam lo tan chu an ni a, CDF-KKG te hian Black Dragon Force te hi hmaichhana va hmuh ngei tumin an va kal a, an ni chuan lo changin an kap ta mai niin a lang a ni.

Heng lai Gangaw leh a chhehvelah hian hel pawl hrang hrang an chetla a, ralthuam keng leh keng pawl in kahna pawh awm zeuh zeuh tawh reng a ni awm e.

telegram link -
https://t.me/Surbungtime

06/08/2026

MYANMAR PRESIDENT MINN AUNG HLAIN A CHU THAILAND A KAL TA E.

August 6, 2026; : Myanmar President Minn Aung Hlaina chu tukin zing dar 6 khan Thailand ah a kal ta e, U Minn Aung Hlaina hian Myanmar President a nih hnu hian Myanmar ram thenawm India, China, Laos te a lo tlawh tawh a, Tuntum Thailand ram a kal tur erawh thu leh hla a tam hle! Thailand sorkar chuan Thailand khua leh tuite chu Myanmar President Thailand lo kal tur hi lo Protest lo turin a ti hmih. Thailand mipuite chu Myanmar mi ang an ni lo an fing a, an sorkar thu an zawm mai zel a ni.

Myanmar ram thenawm ram zingah chuan Thailand ramah hian Myanmar mi an lut tam ber, thu leh hla pawh a tam ber, sawi fel tur chin fel tur pawh Thailand nen hian atam ber ngei ang. Myanmar opposition group hovin lo protest in lo duh lo viauin lo man se ti mahse engmah a sur ha hmel loh, Thailand leh Myanmar ramri inkarah hian suahsualna chi hrang hrang a tam em em a, online atanga sum inbumna, ruihhlo chungchangte, ralthuama sum dawnna, mihringa insumdawnna leh Thailand leh Myanmar inrina lui tih bawlhhlawh chungchangte hi an thu khel ber tur niin an sawi a ni.

Myanmar President Minn Aung Hlaina hi Myanmar Union Minister U KhinnMaung Yi, U Tin Maung Shwe, U Ko Ko Lwin, U Khin Maung Soe, U Tun On te bakah Karen State CM Saw Myint Oo, Tarningtharyi Region CM U Zaw Nain Oo leh Myanmar Army-a officer lian thenkhat an tel a ni.

31/07/2026

Myanmar President Minn Aung Hlain' an
CNO/CNDF TE CHU MYANMAR SORKAR NENA INBIAKNA NEIH THAR ETHNIC ARMED GROUP THARAH PUANG.

July 31,2026; : Myanmar President Minn Aung Hlain-a chuan vawin khan Parliament House ah thu sawiin Chin National Organisation/ Chin National Defence Force te chu Myanmar sorkar nena inbiak remna duh Ethnic Armed Group zingah an tel thu a sawi a ni.

Chin National Organisation ( CNO) hruaitute leh Myanmar Army General thenkhat te chu July 27-28 khan New Delhi ah a rukin inbiakna an neih thu hi social media ah a thang nasa hle a,an mahni CNO te erawh chuan dawt a nih thu leh chanchin dik lo (fakeNews ) mai a nih thu leh CNO puh hming chhiat tumna mai a nih thu an sawi thung a ni. Social Media hrang hrangin an tarlan dan chuan CNO leh Myanmar army aiawhte inbiaknaah hian CNO lam atangin an Chairman leh Defence Secretary bakah Pu No Than Kap bakah Mizoram CM hlui Pu Zoramthanga te an tel a, Myanmar Army lam atangin Major Gen.Sein Tun Hla, Major Gen.Khin Zaw Oo, U Hla Maung Shwe te an tel niin an sawi a ni.

Chin National Organisation( CNO) te hi Chin state chhunga hnambil ralthuam keng pawl hrang hrangte nen inzawmkhawmin Chin Brotherhood an din a, Rakhain state chhung huhang ngah tak ralthuam keng pawl Arakan Army te nen inhriatthiamna thui tak neiin an thawk ho a ni.

News sources: Myanmar Now & Surbungtime

28/07/2026

Kalemyo ah
INDIA AMBASSADOR IN CHIN NGO HRUAITUTE IN BIAKNA NEI

July 28,2026: : Indo Myanmar Freindship Road ( Asia Highway) ah Myanmar revolution te leh Myanmar sipai te an inkah mek laiin India Ambassador leh Chin NGO hruaitute chu July 26 ni khan Kalemyo Thike hotel ah in biakna an nei a, Sagain Region Cheif Minister pawh a tel a ni. Ram pathum inkal pawhna trilaterial highway chungchang leh India rama Myanmar raltlante chungchang an sawiho a ni.

India Ambassador to Myanmar Mr.Abhay Thakur leh Sagain region CM U Ko Lay te inbiaknaah hian Myanmar sorkar mi pawimawhte bakah Falam, Teddim township chhunga sakhua rawngbawltute bakah Tlawmngaipawl hrang hrang hruaitute, Trilaterial Highway-a hnathawktute an tel a ni. India Ambassador Mr.Abhay Thakura chuan India rama Myanmar mi 85000 te chu an ram lama haw thei dinhmuna an awm hma chu India chuan tih luihnain a thawn haw lovang a, Chin State ah remna leh muanna a awm hunah India in thawh tur tam tak kan nei a ni a ti.

He inbiaknaah hian Dr. Run Bika chuan Falam township chhungah hian kaw 42 awmin in 2000 chuang a awm a, ram buai avangin mipuiten thingtlanglo an siam thei lova, ei leh barah kan harsa hle a, tanpui kan ngai hle a ni a ti. Mr. Thakura chuan a theih dan ang anga tanpui dan kan ngaihtuah ang che u a ti a ni.

India Ambassador hian Sagain CM hnenah hian Trilaterial Highway siam hna an thawhna kawnga harsatna chi hrang hrang an neihte a thlen a , he Highway hi engtikah nge kan zawh theih ang tih pawh a sawi mai theih loh a ni a ti. Ram pathum inkalpawhna tur Trilaterial Highway Project hi Km 1360 ( 845 Mile) a thui tur a ni a, Project Estimate hi US $ 70 billion a ni.

23/07/2026

Myanmar Juta Cheif
MINN AUNG HLAIN-A THAILAND ZIN TUR, SAWISELNA TAM HLE MAHSE THAILAND IN PAWI TI LO.

July 23,2026: : Myanmar Junta Cheif, Myanmar President chu thla thar hian Thailand Prime Minister Anutin Charnvirakul sawmna angin Thailand ah a kal dawn a.He mi chungchang hi ASEAN ram thehkhat te leh khawvel ram dang ten an sawisel nasa hle mahse Thailand sorkar chuan pawi a ti lo, Khawvelah Thailand ram hmai a ti bal tham lo an ti ve tlat.

Myanmar Junta Cheif Minn Aung Hlain a hi August 6-7 chhung hian Thailand ah a cham ang. Thailand Prime Minister, Foreign Minister te nen an inhmu ang. Thailand sorkar thupuangtu chuan ' Myanmar ah remna leh muanna a lo awm chuan a hlawkna tel nasa ber turte chu ramri depa awm mipuite an ni dawn a ni a ti. Myanmar President leh Thailand sorkar hian an sawiho ber tura rin chu! Thailand leh Myanmar ramri hrula ruihhlova sumdawnna hluar chho ta lutuk te, suma inbumna ( online scams ) leh mihring hmanga sumdawnna (human trafficking) hluar chho lutuk leh ralthuam hmanga sumdawnna tam ta lutukte tih rem a nih theih dan tur sawi ho a ni ang a ti. Tin, Myanmar ah remna tluantling a awm theih nana ASEAN’s in a hma chhawp ( peace plan for Myanmar) the Five‑Point Consensus te pawh sawiho a ni ang a ti a ni.

Thailand Foreign Minister chuan " Myanmar nen ram inthenawm kan ni a, ram pahnih thawhhona leh kan inpuih tawnna chungchang hi thenawm ram ni ve lo te chuan in lo hriatthiam kan duh a ni a ti.Myanmar Juta Cheif Minn Aung Hlain-a hi Myanmar President a nih hnuah Myanmar thenawm ram India, China, Laos te a lo tlawh tawh a ni.

10/07/2026

INDIA LEH MYANMAR TEN RAM PAHNIH INKAR HIMNA CHUNGCHANGAH CHAK ZAWKA HMA LAK NISE AN TI.

July 10,2026: : India ram, New Delhi khawpuiah July 7- 8 chhung khan India leh Myanmar 23th National level Meeting chu neih a ni a, ram pahnih venhimna lamah leh Inteligence chungchangah pawh chak zawka thawh dun nise an ti a. He meetingah hian India aiawhin India Home Secretary Govind Mohan a ho va, Myanmar lam aiawhin Dy Home Minister Major Gen.Minn Thu a tel bawk a ni.

India leh Myanmar palaite hian Indo Myanmar border area- a thil thleng mekte an thlir hova, ram himna ti chhe thei zawnga chete leh ram hmasawnna ti bahlah theite tharum thawhna ang chi reng reng te, ruihhlo tawlhruk, ralthuam tawlhruk leh ramsa hmanga sumdawng thinte, thubuai nei lai dan lova ramri kan thinte chak zawka tih rem a nih theih nan thawhho nise an ti a ni.

Hei bakah hian, ram pahnih inkara inkalpawhna pawimawh tak Kaladan Multi-Modal Transit Transport Project leh India-Myanmar-Thailand Trilateral Highway te chu tih hlawhtlin thuai a nih theih nan chak zawka hma lak dun nise an ti a ni. India chuan thenawm ram duh sak hmasak (Neighbourhood First) tih chu a vawng reng a, Chuvangin, Act East Policy hi a duang chhuak ta a ni.
Ref : The Hindu & ice

08/07/2026

02/07/2026

Tonzang township chhungah CHHUNGAH SORKAR SCHOOL 44 HAWNG THEI TA!

July 3,2026: : Chin state, Tonzang township chhungah Myanmar sorkar school 44 an hawng leh thei ta!
Tonzang khawpui hi May 20,2026 khan Myanmar sipai te chuan Revolutionaries k*t atangin an la let leh a, Tonzang khaw mipui ten Myanmar sipai te hi an lo lawm hle a ni.Myanmar sorkar chuan Tonzang khawpui leh township chhunga khaw hrang hrang tih hmasawnna turin hma a la chho mek zel a, Department hrang hranga sorkar hnathawkte pawh Tonzang township chhungah an lut mek zel bawk a ni.

Myanmar sorkarin Tonzang township chhunga Primary school atanga High school thleng school 44 a hawn leh ah hian zirlai 3446 an awm a, Tonzang High School ah hian zirlai 261 leh thawktu 36 an awm a ni.