Khawthlir News

Khawthlir News Chanchin thar rintlâk ziahna. Thu puan tur nei tân private message/messenger lamah thawn theih rêng kan ni e. Chuan, khawngaihin min lo follow ve theuh dâwn nia.
(1)

27/08/2026

Chief Minister, Pu Lalduhoma'n State Human Rights Commission a sawi dan chungchang House-ah sawi chhuah a ni.

Sorkar laipui nawrna avanga loh theih lohna avanga State Human Rights Commission chu din a ni a, misual ten inhumhiminna atan an hmang ang tih hlauhthawnna ka nei - CM

Champhai Police-in Myanmar atanga dan lova tawlhruk ni-a hriat Kuhva ro Bag 340 an man.Khawthlir News (27th August, 2026...
27/08/2026

Champhai Police-in Myanmar atanga dan lova tawlhruk ni-a hriat Kuhva ro Bag 340 an man.

Khawthlir News (27th August, 2026) : Champhai Police hian nizan dar 9:15 vel khan Chalbawia Junction Khankawn Police Checkgate paltlang tum Truck 2 chu ringhlelin an endik a. Myanmar atanga dan lova tawlhruk ni-a hriat Kuhva ro ip 340 hi an hmu chhuak a ni.

Truck khalhtu J. Lalrinthanga leh J. Lalliansanga, Zokhawthar khua ve ve ni-a inchhalte chu man nghal an ni.

Champhai Police-in Kuhva ro an man hi Kg. 27,200 a ni a, Rs. vbch. 2, nuai 79, sing 3, sang 4 leh 400 man hu vel ni-a chhut a ni.

Champhai Police Special Task Force-in He**in hawng 16 leh a neitu-a puh mi 3 an man.Khawthlir News (27th August, 2026) :...
27/08/2026

Champhai Police Special Task Force-in He**in hawng 16 leh a neitu-a puh mi 3 an man.

Khawthlir News (27th August, 2026) : Champhai Police Special Task Force hian Mualkawi khaw pawn, Zokhawthar road Junction-a TATA 207 ding chu ringhlelin nimin zing dar 9 vel khan an enfiah a. Sahbawm bawm 16-a dah He**in Gram 197 chu Gear box compartment-ah an hmu chhuak a ni.

Police-te hian lirthei khalhtu Zodingliana (38), Khawzawl Hermon Veng ni-a insawi leh a thurualpui pahnih - Lalchhanhima (19) leh Lalramthanga (29), Leilet Myanmar, tuna Zokhawthar-a khawsa mek ni-a inchhalte an man nghal a ni.

Champhaii Excise and Narcotics Department-in He**in hawng 9 leh a neitu an man.Khawthlir News (27th August, 2026) : He**...
27/08/2026

Champhaii Excise and Narcotics Department-in He**in hawng 9 leh a neitu an man.

Khawthlir News (27th August, 2026) : He**in hi vawiin chawhnu dar 1:30 khan Champhai Bethel Veng-ah Luanciannuam (34), Champhai Bethel Veng ni-a inchhal k*t atangin an man.

A neitu-a puh hi NDPS Act hmanga thubuai siam sak a ni.

26/08/2026

Cherhlun Branch YMA in vawiin khan Tuiphai lui-ah Nghakuai khai runpui an buatsaih.

Khawthlir News (26th August, 2026) : Hnahthial District Fisharis Department atanga phalna an hmuh angin Nghakuai khai runpui hi Cherhlun Branch YMA in Tuiphai lui an humhalh thenkhat huam chhungah buatsaih a ni a, Cherhlun bakah khaw hrang hrang atangin mi 429 an inziak lut a. Naupang leh mipui chhimtu nen mi 600 vel an tel a ni.

Cherhlun Branch YMA hian k*m 2023, March ni 13 atang khan Cherhlun ram china Tuphai lui hi an humhalh tan a ni.

26/08/2026

Mizoram Tipper Association (Drivers & Owners) Joint Committee-in Mamit District chhunga kawngpuite August thla chhung ngeiin tlan nuam tawa siam that turin thuneitute an ngen.

Khawthlir News (26th August, 2026) : Mizoram Tipper Association (Drivers & Owners) Joint Committee hian nimin khan Mamit District chhunga kawngpui chhezual tlawhin, an enfiah a. Mizorama kawngpui pawimawh hrang hrang chu siam tha turin k*m tam tak chhung Sorkar hotute hnenah an lo thlen tawh thin a, DC Level-ah pawh vawi duai lo an sawi ho tawh thin tih an sawi.

Hmun thenkhatah chuan hmasawnna an hmuh laiin Mamit District-ah harsatna namen lo an tawk leh mek a, helai kawng hi Balu tha phurh luhna a nih avangin chak tak a thawm tha turin Mizoram Sorkar leh NHIDCL an phut a, tun thla chhunga an duh anga tlan nuam tawk taka siam a nih loh chuan an thiam dan leh an remhriat dan ang angin hma an la dawn tih an sawi.

Aizawl East II bialtu MLA, Pu B. Lalchhanzova'n a bial chhunga naupiang lawmpuina a hlan.Khawthlir News (26th August, 20...
26/08/2026

Aizawl East II bialtu MLA, Pu B. Lalchhanzova'n a bial chhunga naupiang lawmpuina a hlan.

Khawthlir News (26th August, 2026) : Pianpun lama Mizoramin hma a sawn theihna kawng khat ni turin Supply Minister ni bawk Pu B. Lalchhanzova hian a bial chhunga Veng 7 - Chite Veng, Armed Veng, Armed Veng South, Chhinga Veng, Tuithiang, Saron leh Dawrpui-a naupiangte lawmpui nan Rs. 1,000 leh thuziak a hlan thin a ni.

K*m 2023 December atang khan lawmpuina hi a pe tan a, lawmpuina hi thawh 4 thleng kalpui tawh niin, naupiang 614 hnenah lawmpuina a hlan tawh a. Vawiin khan a thawh 5-na bul atan a, nik*m December atanga k*min June thla thlenga naupiang 131-te hnenah lawmpuina hi a pe dawn a ni.

HIV/AIDS Training buatsaih.Khawthlir News (26th August, 2026) : Young Women’s Christian Association(YWCA), Aizawl leh Mi...
26/08/2026

HIV/AIDS Training buatsaih.

Khawthlir News (26th August, 2026) : Young Women’s Christian Association(YWCA), Aizawl leh Mizoram UPC General PYD hnuaia Social Wing Committee tangdunin Faith Based Organizations' Response to HIV/AIDS in Mizoram Training of Trainers programme an buatsaih.

Dawrpui Jail Veng Hnamro Hall-a Training hi General PYD SWC Chairman, Pu Lalnunpuia Pachuau-in a kaihruai a. YWCA atangin Pi Lalremruati Tlau-n Training Manual Orientation a neipui a, Pi Lalmuan Puii'n "Kohhranin engtin nge HIV/AIDS dona kawngah hma kan lak ang?" tih thupui sawi hona a kaihruai a ni.

He Training Manual bu hi HIV chungchang hriatnaa rawngbawltute puitu leh mipuite zirtirna kawnga hmanraw ṭangkai tak a nih beiseina nen buatsaih a ni. He lehkha bu hi YWCA leh Mizoram a Kohhran hrang hrang pasarih te ṭangkawp in an buatsaih a ni.

All Mizoram Women Federation-in Gan Sabra Home-ah tanpuina an hlan.All Mizoram Women Federation hian vawiin khan Gan Sab...
26/08/2026

All Mizoram Women Federation-in Gan Sabra Home-ah tanpuina an hlan.

All Mizoram Women Federation hian vawiin khan Gan Sabra Home hi tlawhin, Inverter leh Washing Machine an hlan a. Inkhawmah hian AMWF President, Dr. Jane R. Ralte; Adviser, Dr. T. Vanlaltlani; Vice President, Pi KR Chhingpuii leh Secretary, Pi Dinari T Azyu ten fuihna thu an sawi a ni.

ZPM Elected Office Bearers tur thlang lovin VUC in a ruat dawn.Khawthlir News (26th August, 2026) : ZPM General Headquar...
26/08/2026

ZPM Elected Office Bearers tur thlang lovin VUC in a ruat dawn.

Khawthlir News (26th August, 2026) : ZPM General Headquarters Executive Committee Meeting vawi 8-na vawiina Vanapa Hall-a thukhawm chuan ZPM Elected Office Bearers (EOB) ni laite Term chu a tawp dawn tâk avangin hruaitu thar tur chu inthlang lovin, a ruata ruat ni se tih lungrual takin an pawm.

ZPM Elected Office Bearers thar tur ruat tur hian Val Upa Council (VUC) k*tah mawhphurhna hlan a ni a. Val Upa Council hian phungbawm sawmin, EOB hi lo ruat ni se, an ti a ni.

K*min July ni 16-a ZPM General Headquarters Executive Committee thukhawm chuan ZPM Elected Office Bearers hi kulin Spetember-a inthlan ni se tih an lo rel fel tawh a. Hei thutlukna hi thiatin, inthlang lova inruat an rel leh ta zawk a ni.

Address

Aizawl
796001

Website

Alerts

Be the first to know and let us send you an email when Khawthlir News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category