20/08/2025
FB MONETIZE TUM TE TAN
Facebook in a phal chin leh a him chin a content siam hi idea nei lem lo tan chuan thil harsa tak a tling ve tlat. Chutihrualin, creative deuh tan chuan thil harsa tak niin a lang lem lo. Content in ang reng pawh hi kan caption emaw kan thu lak thiam danah a hit leh hit loh kar pawh hi a hril thui hle a ni.
POST HIT NEIH DAN
Ka videos thenkhat ah hian thil hriat loh der emaw miin comment an pek ngei theih nan a thil han tihsual luih zauh te hi ka nei thin a, engemaw chenah a thawk tha thin viau ni pawh in a lang. Heng te te ah hian ngaihtuahna sen peih a ngai ve viau a, Kan video post tur thlengin ngaihtuahna sen angai a, chu chuan thil tha zawk rawn pian chhuah tir ve thin a ni.
A HIM CHIN
Kan content te voice emaw text narration pek hian kan original angin kan hman phah ve thei a. Tin, reels bikah Best Practices an tia, chungah chuan Chi riat an dah a, kan video fiah zawng, group leh story share, video rei zawng leh thildang te pawh a awm a(Pic ka dah e) Chung chu a theih hram chuan zawm tum a tha(zawm loh chuan a him loh tih lam ani chuang lo e).
FOLLOWERS NEIH DAN
Content tha kan nei anih phawt chuan 'min lo follow ve' tih tawng kam hi chu i mangtha thei ang. I content like tu leh comment tu kha facebook hian i invite theih turin a chhawp chhuah sak bawk che avangin khang ho kha a hlawm in invitation i thawn theih bawk avangin, kan buaina tam tak chu min chhawk phawt tihna a ni.
CONTENT IDEA
Video kan siam a hit theih dan te, a him chinte, followers neih belh zel dan te kan sawi ta a. Zawhna pakhat la awm thei chu 'Content idea' hi a ni. A hmasa berah chuan i nitin tih thin kha video a cover in content tha tak inei thei a. Mahse, milar nih lem loh chuan tlem a dangdai deuh erawh angai thung ang. A dawt leh chuan, i lehkhabu chhiar a thu tha lai deuh te kha rawn thur chhuak rawh, chu chu content tha a ti. I ziak lem lo anih pawh in, reels ah kha thu kha record la, video in siam leh mai tur a ni. A dang leh chu, social media a i thil hmuh ho kha nangma content niturin, a chunga kan sawi ang khian a siam theih bawk a ni. Ngaihtuah sen peih a, rilru sen deuh chuan kan ngaih anga harsa em em chu ani lo. Chutihrualin, fimkhur erawh angai hle thung a ni.
Sawi tur tam tak SEO, Hastag, Caption leh thildang te pawh awm mahse, tun atan chuan duh tawk phawt ila. Tuna kan topic hrang hrang pawh hi a hlawm a sawi tham vek ani a, a tawi zawngin ka rawn thai nawk nawk phawt a ni. Hman dan a zirin kan update zel dawn nia.
