Khonumthung Burmese

Khonumthung Burmese Khonumthung Daily News Khonumthung Media Group (KMG) is an independent news agency, covering Chin and Burma related issues in English and Burmese.

KMG is committed to provide reliable news and current issues through a balanced, and accuracy news.Khonumthung is a name given to the highest mountain, located in Kanpalet Township, Southern Chin state, North Western Burma. It is approximately 10018 feet high from sea level. The Khonumthung (otherwise called Mt. Victoria that was given by the British in honour to Queen Victoria during their invasi

on in Chinland) is decorated with various kinds of flowers where Elephants, Tigers, Bears, Wild Boars, various kinds of Monkeys, Barking Deers, wild Goats and various birds abode. Khonumthung Background
The Khonumthung Media Group (KMG) was initiated on 7th March 2002 by the Chin youth based in Mizoram, Northeast India. KNG is a member of the Burma News International (BNI), initiated by the exiled Burmese Journalists and News Agencies, from a seminar in Kolkota in 2003. The offensive Press Security Act of Burma, misinformed the people of Burma and Chin state, and has less access to the national or international news. The circulation of local/state news is totally banned. Freedom of Press and Expression is totally denied to the people. The state controlled Medias served no purposeful mean to the people. It is an official propagandas machine for the Military Junta. The Khonumthung Media Group has been set up to provide real facts and reliable news from Western Burma as a whole and Chin state in particular as the mainstream Burmese press or the opposition media in exile could not cover western Burma and Chin state. The Khonumthung News Group strives to bridge these missing factors. The Khonumthung Media Group advocates the people’s opinion in a democratic manner. It champions the Right to Freedom of Expression and Information and counter the state controlled Medias. The Press Securities Act requires severe censorship and dictates of the military regime to anyone who wishes to express their voice in letters or through any means of expression including the audio-visual arts. For this reason, no newspaper or independent magazines have grown in the entire Chin State.

CDF-CDM-Siyin ရဲဘော်တစ်ဦး ကိုယ့်ကိုယ်ကို အဆုံးစီရင်ခိုနူမ်းသုန်သတင်း၊ ၂၇ ဩဂုတ်လ ၂၀၂၅(004SS) ချင်းပြည်နယ်မြောက်ပိုင်း တီး...
27/08/2025

CDF-CDM-Siyin ရဲဘော်တစ်ဦး ကိုယ့်ကိုယ်ကို အဆုံးစီရင်

ခိုနူမ်းသုန်သတင်း၊ ၂၇ ဩဂုတ်လ ၂၀၂၅

(004SS)

ချင်းပြည်နယ်မြောက်ပိုင်း တီးတိန်မြို့နယ်ထဲမှာ အခြေစိုက်လှုပ်ရှားနေသော CDF-CDM-Siyin တပ်ဖွဲ့ဝင်တစ်ဦး အသက် ၂၇ နှစ်အရွယ် ရဲဘော် ထန်ခတ်ပုမ်း (ခ) Cyrus သည် ယမန်နေ့ ဩဂုတ်လ ၂၆ ရက်နေ့က သေနတ်ဖြင့် မိမိကိုယ်ကို အဆုံးစီရင်ခဲ့ သည်ဟု သိရသည်။

တိုက်ပွဲဝင်ရန်ပြင်ဆင်ပြီးချိန်တွင် မိမိကိုယ်ကို ရုတ်တရက် အဆုံးစီရင်ခဲ့ခြင်းဖြစ်သည်ဟု ၎င်း၏‌ အကိုဖြစ်သူ Cin Cin က ပြောသည်။

“ မနေ့က မနက်ပိုင်းမှာ ၉ မိုင်ကနေ စစ်သားတွေတက်လာတယ်ဆိုတဲ့သတင်းကြားတော့ ရှေ့တန်းသွားဖို့ သူ့သူငယ်ချင်းတွေ နဲ့ ပြင်ဆင်တယ်တဲ့။ ပြီးတော့ သူက အရင်ဆုံးသွားပြီး၊ ခဏနေတော့ သေနတ်ပစ်ခတ်သံကြားတယ်တဲ့။ အဲမှာ သူ့သူငယ်ချင်း တွေ ထွက်ပြီးသွားကြည့်လိုက်တော့ ကျွန်တော့်ညီက သေပြီးနေပြီတဲ့။ မနက် ၈ နာရီလောက်ဖြစ်မယ်။ ကျွန်တော့်ညီမှာ ဘာစိတ်ညစ်စရာများရှိလို့ ဒီလိုလုပ်ရတယ်ဆိုတာ ကျွန်တော်လဲ မသိဘူးဗျာ။” ဟု ၎င်းက ပြောသည်။

ရဲဘော် Cyrus သည် စစ်အာဏာသိမ်းမှုမဖြစ်ပွားခင်က ကလေးတက္ကသိုလ်မှာ ဘူမိဗေဒ(Geology) ဒုတိယနှစ်တက်ရောက် နေခဲ့ပြီး ကိုဗစ် ၁၉ ကပ်ရောဂါဖြစ်ပွားမှုနှင့် စစ်အာဏာသိမ်းမှုကြောင့် ကျောင်းဆက်မတက်နိုင်တော့ဘဲ မြန်မာ့နွေဦးတော် လှန်ရေးထဲမှာ ပါဝင်လာခဲ့သူဖြစ်သည်။

“ ကျွန်တော့်ညီက နိုင်ငံရေးမကောင်းတဲ့အချိန်ကစလို့ မနေ့က ဒီလိုမဖြစ်ခင်အထိ နိုင်ငံနဲ့လူမျိုးအတွက် ဆိုပြီးတော်လှန်ရေး မှာပါဝင်တာပေါ့နော်။ ကျွန်တော့်ညီကဗျာ တော်လှန်ရေးမှာ ကျွန်တော်မပါလို့မဖြစ်ဘူး။ ကျွန်တော်တို့ စခဲ့ပြီးပြီး အဆုံးတိုင် တိုက်ပွဲဝင်မယ်၊ မရပ်တော့ဘူး ဆိုပြီးပြောခဲ့တာပါ။ သူတာဝန်ထမ်း‌ဆောင်ခဲ့တဲ့ CDF-CDM-Siyin တပ်ဖွဲ့ဆိုရင်လည်းပဲ သူ့မိသားစုလို၊ သူ့ကိုယ်ပိုင်လို စိတ်ရင်းနဲ့ တွက်ထားတာဗျ။” ဟု ရဲဘော် Cyrus ၏ အကို Cin Cin က ပြောသည်။

ရဲဘော် ထန်ခတ်ပုမ်း(ခ) Cyrus သည် မွေးချင်းညီအကိုမောင်နှမ ၇ ယောက်ထဲက တတိယအကြီးဆုံးသားဖြစ်ပြီး ရုပ်အလောင်းကို ၎င်း၏မွေးရပ်မြေမှာ ခရစ်ယာန်ထုံးတမ်းအစဉ်လာအတိုင်း သဂြိုလ် ကြမည်ဟုသိရသည်။

စစ်ကော်မရှင်ကျင်းပမည့် အတုအယောင် ရွေးကောက်ပွဲကို ကလေးမြို့နယ်တွင် ဆန့်ကျင်ဆန္ဒပြ၂၇ ဩဂုတ် ၂၀၂၅စစ်ကိုင်းတိုင်း၊ ကလေးမြို့န...
27/08/2025

စစ်ကော်မရှင်ကျင်းပမည့် အတုအယောင် ရွေးကောက်ပွဲကို ကလေးမြို့နယ်တွင် ဆန့်ကျင်ဆန္ဒပြ

၂၇ ဩဂုတ် ၂၀၂၅

စစ်ကိုင်းတိုင်း၊ ကလေးမြို့နယ်တွင် ကလေးမြို့လူထုတိုက်ပွဲဦးဆောင်ကော်မတီက ပြည်သူ့ပညာရေး သပိတ်စစ်ကြောင်းနှင့်အတူ ကလေးဒေသအတွင်း အကြမ်း ဖက် စစ်ကော်မရှင်၏ တရားမဝင် အတုအယောင် ရွေးကောက်ပွဲကို ယနေ့ ဆန့်ကျင်ဆန္ဒပြကြသည်။

မတူပီမြို့နယ်က ကုန်းသွယ်ရေးလမ်းများ မနက်ဖြန်မှစတင်၍ ပြန်ဖွင့်လှစ်ပေးမည်ဟု MRO ထုတ်ပြန်ခိုနူမ်းသုန်သတင်း၊ ၂၇ ဩဂုတ်လ ၂၀၂၅(...
27/08/2025

မတူပီမြို့နယ်က ကုန်းသွယ်ရေးလမ်းများ မနက်ဖြန်မှစတင်၍ ပြန်ဖွင့်လှစ်ပေးမည်ဟု MRO ထုတ်ပြန်

ခိုနူမ်းသုန်သတင်း၊ ၂၇ ဩဂုတ်လ ၂၀၂၅

(006SV)

ချင်းပြည်နယ်တောင်ပိုင်း၊ မတူပီမြို့နယ်၏ လုံခြုံရေး အခြေအနေအရ ကုန်သွယ်ရေးလမ်းများ ခေတ္တပိတ်ထားခဲ့ရာ မနက်ဖြန်မှ စတင်၍ ကုန်သွယ်ရေး လမ်းကြောင်းများကို သတ်မှတ်စည်းကမ်းချက်များနှင့်အညီ ပြန်လည် ဖွင့်လှစ်ပေးမည်ဟု MRO/ CDF - မတူပီက ထုတ်ပြန်သည်။

“အများပြည်သူ အသုံးပြုနေတဲ့လမ်းက ပုံမှန်အခြေအနေမှာဆို အမြဲတမ်းဖွင့်ထားပါတယ်။ အရေးပေါ်အခြေအနေ ကြောင့် ခေတ္တပိတ်ပင်ထားပေမယ့် အခုက ပုံမှန် ပြန်လည်ပတ်တဲ့သဘောပါ။ မတူပီမြို့နယ်ထဲက ကုန်ကူးတဲ့ လမ်းတွေအားလုံးကိုလည်း ဖွင့်လှစ်ပေးမှာပါ” ဟု MRO/ CDF - မတူပီ ပြောရေးဆိုခွင့်ရှိသူ ကိုဘွေအုတ်က ပြောသည်။

ဩဂုတ်လ ၆ ရက်မှစတင်၍ မတူပီမြို့နယ်၏ လုံခြုံရေးအခြေအနေအရ ကုန်သွယ်ရေးလမ်းများ ခေတ္တ ပိတ်ထား ခဲ့ရသည်ဟု မတူပီတော်လှန်ရေးအဖွဲ့ချုပ် (MRO)/ ချင်းကာကွယ်ရေးတပ်ဖွဲ့- မတူပီထံမှ သိရသည်။

လက်ရှိတွင် မနက်ဖြန် ဩဂုတ်လ ၂၈ ရက်မှ စတင်ပြီး ပိတ်ပင်ထားသော ကုန်သွယ်ရေးလမ်းကြောင်းများကို MRO/ ကုန်သွယ်ရေးဌာနက သတ်မှတ်စည်းကမ်းချက်တချို့ဖြင့် ပြန်လည် ဖွင့်လှစ်တော့မည်ဟု အသိပေး ထုတ်ပြန်လိုက်သည်။

ကုန်သွယ်ရေး စည်းကမ်းသတ်မှတ်ချက်များမှာ ရောင်းရန် ကုန်စည်များအားလုံး ကုန်စည်ခွန်ပေးဆောင်ရမည်ဖြစ်ပြီး မိုးရာသီ ကားလမ်းအခြေအနေအရ အိမ်စီးကားနှင့် ကားလေး (ယာဉ်သေး)များသာ ဖြတ်သန်းသွားလာခွင့်ပြုမည်ဟု သိရသည်။

Forland နှင့် အထက် ယာဉ်ကြီးများအပါအဝင် ကားကြီးများ ဝင်/ ထွက်သွားလာခြင်း ခွင့်မပြုသေးကြောင်း၊ မတူပီဒေသအတွင်း ရောင်းချမည့် ကုန်များကိုသာ ယာဉ်ကြီး (Forland) များဖြင့် သယ်ဆောင်နိုင်သည်ဟု သတ်မှတ်ထားသည်။

MRO/ ကုန်သွယ်ရေးဌာနက ထုတ်ပြန်ပြီးဖြစ်သော ကုန်သွယ်ရေး စည်းမျဉ်းများကို လိုက်နာရမည်ဖြစ်ပြီး စည်းကမ်းဖောက်ဖျက်ပါက အရေးယူခြင်း ခံရမည်ဟု MRO/ CDF – မတူပီက ထုတ်ပြန်သည်။

ဇူလိုင်လကလည်း MRO/ CDF - မတူပီနှင့် ကျေးရွာလူထု ပူးပေါင်း၍ မိုးတွင်းကာလ မြောင်းရေတိုက်စားမှုကြောင့် ပျက်စီးနေသော မတူပီ- လိုင်လင်းပီ- မီဇိုရမ် လမ်းပိုင်းကို ပြန်လည်ပြုပြင်မှုများ ပြုလုပ်ခဲ့သည်ဟု သိရသည်။

မိုးသည်းထန်စွာ ရွာသွန်းခြင်း၊ တောင်ကျချောင်းရေးကြီးခြင်း၊ လမ်းပြိုခြင်းတို့ကြောင့် ပျက်စီးနေသော မတူပီ - မင်းတပ်လမ်းပိုင်းကို ဇူလိုင်လအတွင်းမှာပင် ပြင်ဆင်ခဲ့ရကြောင်း သိရသည်။

လမ်းများပျက်စီးခြင်း၊ မြေပြိုခြင်းများ ဖြစ်ပွားခဲ့သော မတူပီ - ဆမီလမ်းကိုလည်း ဇူလိုင်လဆန်းပိုင်းက MRO/ CDF - မတူပီက ပြန်လည်း ပြုပြင်ခဲ့ရပြီး ယာဉ်ငယ်များကိုသာ ဖြတ်သန်းသွားလာခွင့် ပြုထားကြောင်းသိရသည်။

ချင်းညီနောင်အဖွဲ့ဝင် MRO/ CDF - မတူပီသည် မတူပီမြို့ပေါ်အပါအဝင် မတူပီမြို့နယ် ဧရိယာအများအပြားကို သိမ်းပိုက်ထိန်းချုပ်ထားပြီး ပြန်လည်ထူထောင်ရေးလုပ်ငန်းများနှင့် အုပ်ချုပ်ရေးယန္တရားများလည်ပတ် ဆောင်ရွက်လျက်ရှိကြောင်းသိရသည်။

ချင်း- မကွေးနယ်စပ်တွင် စစ်ကော်မရှင်တပ်များ၏ စစ်ရေးပြင်ဆင်နေမှုများကြောင့် ချင်းတောင်ပိုင်း၊ ကန်ပက်လက်မြို့နယ်- မကွေးတိုင်းဘက်ကို ဆက်သွယ်ထားသော လမ်းပိုင်းများအားလုံးကို ဩဂုတ်လ ၂၀ ရက်မှစတင်၍ ယာယီပိတ်ထားကြောင်း CDF - ကန်ပက်လက်က ကြေညာထားသည်။

26/08/2025

Khonumthung Radio Program (2025-08-26)

ဒီနေ့တင်ဆက်ပေးမဲ့ သတင်းတွေကတော့

• MRO/ CDF - မတူပီ စစ်သားစုဆောင်းနေမှုသည် ပြည်သူကို အကျပ်အတည်းရောက်စေနိုင်သော အာဏာရှင်လုပ်ရပ်ဟု မတူပီအင်အားစုများဆို
• ညီအကိုအချင်းချင်းကြား ပြန်လည်သင့်မြတ်ရေးအတွက် ဖမ်းဆီးထားသော CNO/CNDF-UCR အတွင်းရေးမှူးကို CDF-Hualngoram က ပြန်လွှတ်ပေး

စတဲ့သတင်းတွေကို တင်ဆက်ပါမယ်။

တီးတိန်မြို့နယ် မွာလ်ဘင် နှင့် ဇန်ဇောလ်ရွာကို စစ်ကော်မရှင်တပ် ဗုံးကြဲခိုနူမ်းသုန်သတင်း၊ ၂၆ ဩဂုတ်လ ၂၀၂၅(002MG) ချင်းပြည်န...
26/08/2025

တီးတိန်မြို့နယ် မွာလ်ဘင် နှင့် ဇန်ဇောလ်ရွာကို စစ်ကော်မရှင်တပ် ဗုံးကြဲ

ခိုနူမ်းသုန်သတင်း၊ ၂၆ ဩဂုတ်လ ၂၀၂၅

(002MG)

ချင်းပြည်နယ်မြောက်ပိုင်း၊ တီးတိန်မြို့နယ် မွာလ်ဘင်(Mualbeem) နှင့် ဇန်ဇောလ်(Zangzawl) ကျေးရွာကို စစ်ကော်မရှင်တပ်က ယမန်နေ့ နေ့ လယ်ပိုင်းက လေကြောင်းတိုက်ခိုက်မှုပြုလုပ်သွားသည်ဟု သိရသည်။

ဩဂုတ်လ ၂၅ ရက်နေ့ မွန်းလွဲပိုင်း ၁ နာရီဝန်းကျင်မှာ မွာလ်ဘင်ကျေးရွာထဲက လူမနေတော့သည့် တွီးခူရပ်ကွက် ဟောင်းအနီးနားတဝိုက်ကို စစ်ကော်မရှင်တပ်က လေကြောင်းဖြင့် ၅ ကြိမ်ခန့်ဗုံးကြဲခဲ့ခြင်းဖြစ်သည်ဟု တီးတိန်မြို့ခံတစ် ဦးကပြောသည်။

“မွာလ်ဘင် ကျေးရွာ အထက်ပိုင်း၊ တွီးခူရပ်ကွက်ဟောင်းတလျှောက်ကို လေယာဉ်နဲ့ (၅) ကြိမ်ကျဲတာ။ အဲ့ရပ်ကွက် မှာက လူမနေတော့ဘူး၊ အိမ်လည်းမရှိတော့ဘူး။ ပျက်စီး၊ လူသေတာမရှိဘူး၊ သစ်တော တော့ပျက်စီး တယ်” ဟု ၎င်းကပြောသည်။

မွာလ်ဘင်ကျေးရွာသည် တီးတိန်မြို့နှင့် (၁၈) မိုင်ခန့်ကွာဝေးပြီး လူဦးရေ (၂,၀၀၀) ခန့်ရှိသည်ဟု သိရသည်။ မြေပြင်မှာ စစ်ရေးထိတွေ့မှုမရှိဘဲ စစ်ကော်မရှင်တပ်က ဗုံးကြဲတိုက်ခိုက်ခဲ့ခြင်းဖြစ်သည်ဟု သိရသည်။

အလားတူ ဇန်ဇောလ်ကျေးရွာကိုလည်း လေကြောင်းတိုက်ခိုက်ခဲ့ပြီး ကလေးငယ်တစ်ဦးဒဏ်ရာရရှိကြောင်း တီးတိန်အခြေစိုက်သတင်းဌာနတစ်ခုကဖော်ပြသည်။

ပြီးခဲ့သည့် ဩဂုတ်လ ၁၆ ရက်နေ့က စစ်တပ်နှင့် ပတ်သက်မှုရှိသည်ဟုဆိုသော မွာလ်ဘင်ကျေးရွာ အုပ်ချုပ်ရေးမှူး ဦး ဟောက်ခန့်နန် ကို တီးတိန်အခြေစိုက် ချင်းလက်နက်ကိုင်တော်လှန်ရေးတပ်ဖွဲ့ PDF Zoland က ဖမ်းဆီးခဲ့ပြီးနောက် ယခုကဲ့သို့ လေကြောင်းတိုက်ခိုက်မှုရှိလာခြင်းဖြစ်သည်။

ပလက်ဝမြို့သိမ်းတိုက်ပွဲက စစ်သုံ့ပန်း ၄၀ ကျော်ကို ULA/ AA လွှတ်ပေးခိုနူမ်းသုန်သတင်း၊ ၂၆ ဩဂုတ်လ ၂၀၂၅ (006SV) ချင်းပြည်နယ်တ...
26/08/2025

ပလက်ဝမြို့သိမ်းတိုက်ပွဲက စစ်သုံ့ပန်း ၄၀ ကျော်ကို ULA/ AA လွှတ်ပေး

ခိုနူမ်းသုန်သတင်း၊ ၂၆ ဩဂုတ်လ ၂၀၂၅

(006SV)

ချင်းပြည်နယ်တောင်ပိုင်း၊ ပလက်ဝမြို့သိမ်းတိုက်ပွဲအတွင်း ဖမ်းဆီးရမိထားသော စစ်သုံ့ပန်းများထဲက ၄၀ ကျော်ကို ယမန်နေ့က ပြန်လွှတ်ပေးလိုက်ကြောင်း သိရသည်။

ဩဂုတ်လ ၂၅ ရက် နေ့လည်ပိုင်းတွင် စစ်သုံ့ပန်း နှင့် အခြားသုံ့ပန်း အိမ်ထောင်စု ၁၅ စုက မိသားစုဝင် ၄၄ ဦးကို ULA/ AA ၏ အာရက္ခပြည်သူ့တော်လှန်ရေးအစိုးရက လွှတ်ပေးလိုက်ခြင်းဖြစ်သည်ဟု သိရသည်။

စစ်သုံ့ပန်းနှင့် မိသားစုဝင်များကို လူသားချင်းစာနာထောင်ထားသည့်အနေဖြင့် ULA/ AA က ၉ ကြိမ်မြောက်အဖြစ် လွတ်ငြိမ်းခွင့်ကို အခမ်းအနားပြုလုပ်ပြီး ပလက်ဝခရိုင်အတွင်းမှာ ယခုကဲ့သို့ လွတ်ငြိမ်းချမ်းသာခွင့်ပြုခြင်းဖြစ်သည်ဟု သိရသည်။

လက်ရှိ လွတ်ငြိမ်းချမ်းသားခွင့်ပေးလိုက်သော စစ်သုံ့ပန်းများထဲတွင် ချင်းလူမျိုးတချို့လည်း ပါဝင်ကြောင်း ရခိုင်အခြေစိုက် ဒေသတွင်းသတင်းဌာနတချို့မှာ ဖော်ပြထားသည်။

၂၀၂၅ ခုနှစ်အတွင်း အာရက္ခတပ်တော် ULA/ AA သည် ပလက်ဝခရိုင်အပါအဝင် လွတ်ငြိမ်းခွင့်ပေးခဲ့သော စစ်သုံ့ပန်းနှင့် မိသားစုဝင်ပေါင်း ၁၈၀၀ နီးပါးအထိ ရှိလာပြီဖြစ်သည်ဟု သိရသည်။

ပလက်ဝမြို့နယ်ကို ULA/ AA ၏ အာရက္ခပြည်သူ့တော်လှန်ရေးအစိုးရက ယခင်မြို့နယ်အဆင့်မှ ခရိုင်အဆင့်သို့ ဖွဲ့စည်းပြီး ရခိုင်ပြည်နယ်အတွင်း ထည့်သွင်း၍ အုပ်ချုပ်ရေးလုပ်ငန်းများ ဆောင်ရွက်လျက်ရှိသည်ဟု ULA/ AA ပြောရေး ဆိုခွင့်ရှိသူ ဦးခိုင်သုခက ဩဂုတ်လ ၁၁ ရက်က အတည်ပြုဖြေကြားထားသည်။

ပလက်ဝမြို့နယ်ကို ရခိုင်ပြည်နယ်၏ ၈ ခုမြောက် ခရိုင်အဖြစ်သို့ ၂၀၂၅ ခုနှစ် မေလတွင် အာရက္ခတပ်တော် ULA/ AA က ထည့်သွင်း ဖွဲ့စည်း သတ်မှတ်လိုက်သည်။

ပလက်ဝမြို့နယ်တွင်းက စစ်ကောင်စီတပ်စခန်းများကို ULA/ AA က ၂၀၂၄ ခုနှစ် ဇန်နဝါရီလထဲမှာ အပြီးသတ် သိမ်းယူနိုင်ခဲ့ပြီး ပလက်ဝမြို့နယ်မှာ အုပ်ချုပ်ရေးလုပ်ငန်းတွေ အကောင်အထည်ဖော်လျက်ရှိသည်ဟု သိရသည်။

26/08/2025

မြန်မာ့ငြိမ်းချမ်းရေးလုပ်ငန်းစဉ်ကို ပုံဖော်ခြင်း ရည်ညွန်းအကိုးအကား (၂၀၂၄-၂၀၂၅)
စာအုပ်မိတ်ဆက်ခြင်း

မူးယစ်ဆေးဝါးတိုက်ဖျက်ရေးအထူးစီမံချက်အတွက် မီဇိုရမ်ပြည်နယ်ရဲမှူးချုပ်နှင့် CYMA ခေါင်းဆောင်များ အိန္ဒိယ-မြန်မာနယ်စပ်တစ်လျ...
25/08/2025

မူးယစ်ဆေးဝါးတိုက်ဖျက်ရေးအထူးစီမံချက်အတွက် မီဇိုရမ်ပြည်နယ်ရဲမှူးချုပ်နှင့် CYMA ခေါင်းဆောင်များ အိန္ဒိယ-မြန်မာနယ်စပ်တစ်လျှောက်ကျေးရွာများသို့ ကွင်းဆင်း

ခိုနူမ်းသုန်သတင်း၊ ၂၅ ဩဂုတ် ၂၀၂၅

(005MK)

မီဇိုရမ်ပြည်နယ်အစိုးရက မူးယစ်ဆေးဝါးတိုက်ဖျက်ရေးအထူးစီမံချက် (Special Drive on Drugs) ကိုအကောင် အထည်ဖော်ဆောင်ရန်အတွက် ပြည်နယ်ရဲမှူးချုပ်နှင့် ဗဟိုမီဇိုးလူငယ်အသင်း(CYMA) ခေါင်းဆောင်များသည် အိန္ဒိယ-မြန်မာနယ်စပ်တစ်လျှောက်က ကျေးရွာများသို့ ကွင်းဆင်းလေ့လာမှုများ စတင်ဆောင်ရွက်နေသည်ဟု သိရသည်။

အိန္ဒိယ-မြန်မာနယ်စပ်ကတဆင့် မီဇိုရမ်ပြည်နယ်ဘက်သို့ မူးယစ်ဆေးဝါးဝင်ရောက်လာနိုင်သည့် လမ်းကြောင်းပေါ်မှာ တည်ရှိသော နယ်စပ်တစ်လျှောက်ကျေးရွာများအားလုံးထံ သွားရောက်ကာ ရပ်ရွာလူထုပြည်သူများနှင့် တွေ့ဆုံဆွေး နွေးရန် မီဇိုရမ်ပြည်နယ်ရဲမှူးချုပ် Inspector-General of Police (IGP) H. Ramthlengliana IPS ၏ ဦးဆောင်မှုဖြင့် ဗဟိုမီဇိုးလူငယ်အသင်းက ခေါင်းဆောင်များ ယနေ့ ဩဂုတ်လ ၂၅ ရက်နေ့တွင် ကျန်ဖိုင်းခရိုင်ဘက်သို့ ထွက်ခွါခဲ့ ကြသည်ဟု မီဇိုရမ်ဒေ သတွင်းသတင်းဌာန Bengvarna ကဖော်ပြသည်။

မီဇိုရမ်ပြည်နယ်ရဲမှူးချုပ်နှင့် ဗဟိုမီဇိုးလူငယ် အသင်းခေါင်းဆောင်များသည် ယနေ့မွန်းလွဲပိုင်းတွင် ကျန်ဖိုင်းခရိုင် Tlangsam ကျေးရွာလူထုနှင့်‌တွေ့ဆုံခဲ့ကြပြီးနောက် ညနေပိုင်းတွင် Zote, Ngur, Ngur Vengsang, Bulfek ရပ်ရွာလူထုများနှင့် မူး ယစ်ဆေးဝါးတားဆီးရေးကိစ္စများဆွေးနွေးခဲ့ကြသည်ဟု သိရသည်။

အိန္ဒိယ-မြန်မာနယ်စပ်တစ်လျှောက်တွင်တည်ရှိသည့်ကျေးရွာများအားလုံးကို ယခုပတ်အတွင်းသွားရောက်ကာ ရပ်ရွာ လူထုများနှင့်တွေ့ဆုံဆွေးနွေးရန်စီစဉ်ထားကြသည်ဟု သိရသည်။

မီဇိုရမ်ပြည်နယ်အစိုးရအနေဖြင့် နယ်စပ်တစ်လျှောက်က ကျေးရွာများအားလုံးတွင် ရဲတပ်ဖွဲ့များထားရှိကာ စက်တင် ဘာလ ကစတင်၍ မူးယစ်ဆေးဝါးတားဆီးနှိမ်နှင်းရေးလုပ်ငန်းတွေကို စနစ်တကျဆောင်ရွက်သွားရန်စီစဉ် ထားသည်ဟု သိရသည်။

မင်းတပ်မှာ လေကြောင်းတိုက်ခိုက်ခံရမှုကြောင့် ၅ နှစ်အတွင်း ကလေးနှင့် အမျိုးသမီးအပါအဝင် ဒေသခံ ၄၀ သေဆုံး ခိုနူမ်းသုန်သတင်း၊ ...
25/08/2025

မင်းတပ်မှာ လေကြောင်းတိုက်ခိုက်ခံရမှုကြောင့် ၅ နှစ်အတွင်း ကလေးနှင့် အမျိုးသမီးအပါအဝင် ဒေသခံ ၄၀ သေဆုံး

ခိုနူမ်းသုန်သတင်း၊ ၂၅ ဩဂုတ်လ ၂၀၂၅

(006SV)

ချင်းပြည်နယ်တောင်ပိုင်း၊ မင်းတပ်မြို့နယ်တွင် စစ်ကောင်စီသည် လေကြောင်းတိုက်ခိုက်မှုများ ပြုလုပ်နေခဲ့ရာ ငါးနှစ်တာအတွင်း ကလေးသူငယ်နှင့် အမျိုး သမီးအပါအဝင် ဒေသခံပြည်သူ ၄၀ သေဆုံးပြီး ၁၂၀ ဦးထိခိုက်ဒဏ်ရာများ ရရှိသည်ဟု မင်းတပ်မြို့နယ် ပြည်သူ့အုပ်ချုပ်ရေးအဖွဲ့က ထုတ်ပြန်သည်။

စစ်အာဏာသိမ်းပြီးနောက် ၂၀၂၁ ခုနှစ် မေလ ၂၇ ရက်မှစ၍ ယခုလ ဩဂုတ် ၃ ရက်အထိ စစ်ကောင်စီသည် မင်းတပ်မြို့နယ်အတွင်း လေကြောင်းတိုက်ခိုက်မှု အကြိမ်ရေ ၁၇၆ ကြိမ်ထက်မနည်း ဗုံးကြဲတိုက်ခိုက်သည်ဟု မင်းတပ်မြို့ပအဖက ၎င်းတို့ ပြုစုထားသော စာရင်းများအရ ယနေ့ ဩဂုတ်လ ၂၃ ရက်မှာ ထုတ်ပြန်သည်။

မင်းတပ်မြို့နယ်က လေကြောင်းတိုက်ခိုက်မှုများတွင် ဗုံးအရေအတွက် ၃၂၉ လုံး ဝန်းကျင်အသုံးပြုခဲ့သည်ဟု မင်းတပ် ပအဖ က ဆိုသည်။

လေကြောင်းတိုက်ခိုက်မှုများအတွင်း ဒေသခံပြည်သူနေအိမ် ၁၇၂ လုံး၊ စာသင်ကျောင်း၊ ဆေးရုံး၊ ဆေးခန်း စသဖြင့် အစိုးရအဆောက်အဦး ၄၀ ခုနှင့် ဘုရားကျောင်း ၊ ဘုန်ကြီးကျောင်း စသည့် ဘာသာရေးအဆောက်အဦး ၁၈ လုံး ထိခိုက်ပျက်စီးသည်ဟု သိရသည်။

လက်ရှိစာရင်းတွင် CDF - မင်းတပ်နှင့် မဟာမိတ်တပ်ဖွဲ့များ၏ မင်းတပ်မြို့သိမ်းတိုက်ပွဲကာလ ၂၀၂၄ နိုဝင်ဘာလ ၉ ရက်မှ ဒီဇင်ဘာလ ၂၁ ရက်အတွင်း လေကြောင်းတိုက်ခိုက်မှုနှင့် ပျက်စီးဆုံးရှုံးမှုများကို ထည့်သွင်းရေတွက်ထားခြင်း မရှိကြောင်း သိရသည်။

၂၀၂၄ ဒီဇင်ဘာလထဲတွင် မင်းတပ်မြို့နယ်ကို CDF - မင်းတပ်နှင့် မဟာမိတ်တပ်ဖွဲ့များက တိုက်ခိုက်သိမ်းပိုက်နိုင်ခဲ့ပြီး လက်ရှိတွင် မင်းတပ်မြို့နယ်ပြည်သူ့အုပ်ချုပ်ရေးအဖွဲ့သည် ပြည်သူ့အုပ်ချုပ်ရေး လုပ်ငန်းများနှင့် ပြန်လည် ထူထောင်ရေးလုပ်ငန်းများကို ဆောင်ရွက်လျက်ရှိသည်ဟု သိရသည်။

MRO/ CDF - မတူပီ စစ်သားစုဆောင်းနေမှုသည် ပြည်သူကို အကျပ်အတည်းရောက်စေနိုင်သော အာဏာရှင် လုပ်ရပ်ဟု မတူပီအင်အားစုများ ဆို || ...
25/08/2025

MRO/ CDF - မတူပီ စစ်သားစုဆောင်းနေမှုသည် ပြည်သူကို အကျပ်အတည်းရောက်စေနိုင်သော အာဏာရှင် လုပ်ရပ်ဟု မတူပီအင်အားစုများ ဆို

|| ပြည်သူဆန္ဒမပါဘဲ ဖမ်းဆီးခေါ်ဆောင်မှုကို ရရာနည်းလမ်းဖြင့် ဆန့်ကျင်ကာကွယ်မည်ဟု ဧရိယာ ၃ ပအဖ ကြေညာ

ခိုနူမ်းသုန်သတင်း၊ ၂၅ ဩဂုတ် ၂၀၂၅
(006SV)

ချင်းပြည်နယ်၊ မတူပီမြို့နယ်တွင် MRO/ CDF - မတူပီ၏ စစ်မှုမထမ်းမနေရစနစ်ဖြင့် ဖမ်းဆီးခေါ်ဆောင် နေမှုများသည် ပြည်သူကို အကာအကွယ်ပေးသော လုပ်ရပ်များ မဟုတ်ဘဲ အကျပ်အတည်း ရောက်စေနိုင်သော အာဏာရှင် လုပ်ရပ် ဖြစ်နေသည်ဟု ချင်းလဲန်းကာကွယ်ရေးတပ်ဖွဲ့ - မတူပီနှင့် မတူပီ အင်အားစုများက ကြေညာသည်။

လက်ရှိတွင် MRO/ CDF - မတူပီသည် ၎င်းတို့ထိန်းချုပ်နယ်မြေမှာသာမက မတူပီကောင်စီ/ CDF - မတူပီ ထိန်းချုပ်နယ်မြေမှာ လည်း အသက်မပြည့်သေးသော ကျောင်းသားလူငယ်များ၊ ကျောင်းဆရာ/ မများနှင့် CDM ဝန်ထမ်းများကို စစ်မှုမထမ်းမနေရ စနစ်ပြဌာန်းပြီး ဖမ်းဆီး၍ စစ်သားစုဆောင်းနေသည်ဟု CDF - မတူပီ ပြောရေးဆိုခွင့်ရှိသူက ပြောသည်။

“တချို့ဒေသမှာ ဒီဧရိယာ ၃ ဘက်မှာဆိုရင် ကျောင်းတွေပါ အကုန်ပိတ်တယ်။ တချို့ကျေးရွာတွေက အထက်တန်း ကျောင်းတွေ ရှိတဲ့ နေရာတွေမှာ အကုန်လုံးကို တက်ခိုင်းတော့ ဒီလိုစစ်သားစုဆောင်းမှုတွေ လုပ်တယ်လို့ ကြားတဲ့ အခါမှာ သူတို့မိဘတွေက သူတို့ သားသမီးတွေကို စိတ်မချလို့ ၊ အကုန်လုံးခေါ်တော့ နောက်ဆုံးမှာ အကုန်လုံး ကျောင်းပိတ်ရတဲ့အထိ ဖြစ်သွားတယ်။ ဒီဟာတွေက ကျနော်တို့က လုံးဝကန့်ကွက်တယ်။ စစ်မှုမထမ်းမနေရဆိုတဲ့ ဟာတွေက ကျနော်တို့ မလိုအပ်သေးဘူးလို့‌ ပြောလို့ ရတယ်။ ဒါပေမယ့် တချိန်ချိန်တော့ လိုအပ်မှာပဲ။ သို့ပေမယ့် လုပ်ပုံ ကိုင်နည်းက မှားသွားတယ်။ ပြည်သူတွေပေါ်မှာ၊ အရမ်းကြီး အာဏာနဲ့ လုပ်သွားတယ်။ စစ်မှုမထမ်းမနေရကို ကန့်ကွက်တာ မဟုတ်ပေမယ့် နည်းနည်းတော့ နည်းလမ်းမှားသွားတယ်”ဟု CDF - မတူပီ ပြောရေးဆိုခွင့်ရှိသူ ဆလိုင်းနိုင်ဂျွန်ကိန်က ပြောသည်။

မတူပီမြို့နယ်က ပြည်သူများသည် လက်ရှိမှာ အထိတ်အလန့်ဖြစ်နေပြီး အခြားလွတ်မြောက်နယ်မြေများသို့ တောင်တောင်များ မှတစ်ဆင့် ထွက်ပြေးတိမ်းရှောင်လျက်ရှိနေသည်ဟု CDF - မတူပီက ဩဂုတ်လ ၂၄ ရက်မှာ ထုတ်ပြန်သည်။

MRO/ CDF - မတူပီ၏ လုပ်ရပ်များကို အပြင်းအထန် ကန့်ကွက်ပြီး အဖိနှိပ်ခံပြည်သူများနှင့်အတူ ရပ်တည်လျက်ရှိသည်ဟု ယင်းထုတ်ပြန်ချက်မှာ ဖော်ပြထားသည်။

ထိန်းချုပ်နယ်မြေအတွင်းက အရေအတွက် မည်မျှ စုဆောင်းခေါ်ဆောင်ခံရသည်ကို မသိရသေးကြောင်း CDF - မတူပီ ပြောရေးဆိုခွင့်ရှိသူက ဆလိုင်းနိုင်ဂျွန်ကိန်းက ပြောသည်။

“ကျနော်တို့ဘက်က တချို့ ရွာတွေမှာ စုဆောင်းတာတွေ ရှိပါတယ်။ ဖမ်းထားတာတော့ ရှိတယ်။ ဘယ်နေ့ဆိုတာက ဒီဘက်က သူတို့ ဖမ်းတဲ့ ဟာတွေရော၊ ပြည်သူတွေက ချက်ချင်းအကြောင်း မပြန်နိုင်သေးတာတွေ၊ ဟိုဘက်ကလည်း ဆက်သွယ်ရေးတွေ အကုန်ပိတ်ပြီးမှ လုပ်တာ ဒီလိုမျိုးတော့ ရှိတယ်။ ဘယ်နှစ်ယောက်ဆိုတာ ခုချိန်ထိ မသိရသေးဘူး။ အခုချိန်မှာ ပြည်သူတွေ ကလည်း ဧရိယာအလိုက် အုပ်ချုပ်ရေးအဖွဲ့တွေက ထုတ်ပြန်ချက်တွေ လုပ်လာတယ်။ ဒီဟာတွေက ကျနော်တို့ကို ၊ အဖွဲ့အစည်း တွေကို ပြည်သူတွေကပါ ဂရုမစိုက်တော့ဘူး။ ပြည်သူတွေက မုန်းပြီဆိုတာကို သူတို့ ဆန္ဒကို ပြလာတာပါပဲ” ဟု CDF - မတူပီ ပြောရေးဆိုခွင့်ရှိသူက ပြောသည်။

MRO/ CDF -မတူပီ၏ လုပ်ဆောင်နေမှုသည် ပြည်သူများ‌ မျှော်လင့်နေသော နှစ်ဖက်ပြန်လည်ပေါင်းစည်းရေးကို လက်ခံမှု မဟုတ်ဘဲ တဖက်သတ် အင်အားတည်ဆောက်မှုကြောင့် စစ်ရေးအရ ပဋိပက္ခ ပိုတိုးစေနိုင်သော လုပ်ရပ်သာဖြစ်သည်ဟု CDF -မတူပီထံမှ သိရသည်။

မတူပီ- ပလက်ဝလမ်းမပေါ်မှာ တည်ရှိသော ဧရိယာ (၃) ပြည်သူ့အုပ်ချုပ်ရေးအဖွဲ့ကလည်း MRO/ CDF - မတူပီ၏ လက်ရှိ လုပ်ဆောင်နေမှုသည် မိမိတို့ ပြည်သူလူထုကို ဖိနှိပ်ချုပ်ချယ်ရန် လုပ်ရပ်မျိုးသာဖြစ်စေသည့်အတွက် ကန့်ကွက်ကြောင်း ထုတ်ပြန်သည်။

မိမိတို့နယ်မြေမှာ ပြည်သူ့ဆန္ဒမပါဘဲ ရွာသူ/သားများနှင့် ကျောင်းသား/သူများကို ဖမ်းဆီးခေါ်ဆောင်ခြင်းများ တွေ့ရှိပါက ပြည်သူတစ်ရပ်လုံးမှ ရရာနည်းလမ်းဖြင့် ဆန့်ကျင်ကာကွယ်သွားမည်ဟု ဧရိယာ (၃) တာဝန်ရှိသူများက အစည်းအဝေးကျင်းပ၍ ဩဂုတ်လ ၂၄ ရက်မှာ ကြေညာသည်။

ခြန်ပြန်းရွာတွင် ကျောင်းသူ/သားများကို စစ်မှုထမ်းရန် ခေါ်ဆောင်ခံရမှုနှင့်ပတ်သက်၍ ဩဂုတ်လ ၂၃ ရက်က MRO/ CDF - မတူပီကို ဒေသခံများနှင့် ပညာရေးတာဝန်ရှိသူများက ဆန္ဒပြခဲ့ကြောင်း သိရသည်။

ယင်းနောက် ဒေသခံများနှင့် MRO/ CDF - မတူပီတို့ကြား နှစ်ဖက်ပြေလည်မှုတချို့ ရရှိခဲ့ပြီး ကျောင်းသားတချို့နှင့် အသက် မပြည့်သေးသော လူငယ်တချို့ ပြန်လွတ်လာသည်ဟု သိရသည်။

MRO/ CDF - မတူပီက ပြည်သူများနှင့် လူငယ်/လူရွယ်များကို အာဏာရှင်ဆန်ဆန် မတရားဖိနှိပ်ချုပ်ချယ် အမိန့်ပေးဖမ်းဆီး လုပ်ဆောင်မှုများအပေါ် မတူပီမြို့နယ်ပအဖအဖွဲ့ကလည်း ဩဂုတ်လ ၂၂ ရက်က ကန်ကွက်ကြောင်း ထုတ်ပြန်ခဲ့သည်။

မတူပီမြို့နယ်အတွင်း စစ်မှုမထမ်းမနေရစနစ် အကောင်အထည်ဖော်မှုကြောင့် လက်ရှိဖြစ်ပွားနေမှုများကို MRO/ CDF - မတူပီထံ ဆက်သွယ်မေးမြန်းသော်လည်း မရသေးပါ။

ထိန်းချုပ်နယ်မြေများ စစ်ကောင်စီလက်အောက် ပြန်မရောက်စေရေးနှင့် ချင်းပဋိပက္ခများအကြား ရှင်သန်ရပ်တည်နိုင်ရေးအတွက် စစ်ရေးတည်ဆောက်နိုင်ရန် မတူပီမြို့နယ်အတွင်း အသက် ၁၆ နှစ်မှ ၄၀ နှစ်အထိ ပြည်သူများအားလုံး စစ်မှုထမ်းရမည်ဟု MRO/ CDF - မတူပီက ဩဂုတ်လ ၆ ရက်က ကြေညာသည်။

တပ်သားသစ်စုဆောင်းရာတွင် တပ်ဖွဲ့ဝင်များနှင့် တာဝန်ရှိသူများကို နှောင့်ယှက်ခြင်း၊ ရန်မှုခြင်းများ ပြုလုပ်ပါက သက်ဆိုင်ရာမှ ခုခံကာကွယ်ခွင့် အပြည့်အဝရှိကြောင်း၊ စစ်မှုထမ်းအကြုံးဝင်သူများ ထွက်ပြေးပုန်းရှောင်ရန် အားပေးခြင်း၊ ပူးပေါင်းကူညီခြင်း များကို ပြင်းထန်စွာ အရေးယူမည်ဟု အမိန့်ထုတ်ပြန်ထားသည်။

ချင်းကာကွယ်ရေးတပ်ဖွဲ့များ သိမ်းပိုက်ထိန်းချုပ်ထားသည့် ချင်းတောင်ပိုင်းမြို့များကို ထိုးစစ်ဆင်ရန် စစ်ကော်မရှင် တပ်များက အင်အားအလုံးအရင်းဖြင့် ချင်း- မကွေးနယ်စပ်မှာ စစ်ရေးပြင်ဆင်နေမှုကြောင့် မကွေးမှ ကန်ပက်လက်သို့ ဝင်နိုင်သော လမ်းအားလုံးကို CDF - ကန်ပက်လက်က ယာယီပိတ်ထားသည်။

ညီအကိုအချင်းချင်းကြားပြန်လည်သင့်မြတ်ရေးအတွက် ဖမ်းဆီးထားသော CNO/CNDF-UCR အတွင်းရေးမှူးကို CDF-Hualngoram က ပြန်လွှတ်ပေးခိ...
25/08/2025

ညီအကိုအချင်းချင်းကြားပြန်လည်သင့်မြတ်ရေးအတွက် ဖမ်းဆီးထားသော CNO/CNDF-UCR အတွင်းရေးမှူးကို CDF-Hualngoram က ပြန်လွှတ်ပေး

ခိုနူမ်းသုန်သတင်း၊ ၂၅ ဩဂုတ် ၂၀၂၅

(004SS)

ညီအကိုအချင်းချင်းကြား ပြန်လည်သင့်မြတ်ရေးအတွက် CDF-Hualngoram တပ်ဖွဲ့က ဖမ်းဆီးထိန်းသိမ်းထားသော ချင်းအမျိုးသားအဖွဲ့ချုပ် CNO/CNDF- UCR ၏ အတွင်းရေးမှူး(၁) ကို ဩဂုတ်လ ၂၄ ရက် နေ့လည် ၂ နာရီခန့်တွင် ပြန် လည်လွှတ်ပေးလိုက်သည်ဟု သိရသည်။

ချင်းပြည်နယ် ဖလမ်းမြို့နယ် ဟွာလ်းငိုးရမ်ဒေသ ရိခေါဒါရ်မြို့တွင် ဇူလိုင်လဆန်းပိုင်းက CNO/CNDF နှင့် CDF-Hualngoram တပ်ဖွဲ့အကြား တိုက်ပွဲဖြစ်ပွားကာ CNDF တပ်ဖွဲ့များ တပ်ပြန်ဆုတ်သွားပြီးနောက် ၃ ပတ်ခန့်အကြာ ဩဂုတ်လဆန်ပိုင်း ၅ ရက်‌နေ့မှာ CNO/CNDF- UCR ၏ အတွင်းရေးမှူး(၁) Lal Rohlu သည် ဟွာလ်းငိုးရမ်ဒေသို့ အရပ်ဝတ်ဖြင့် ပြန်လည်ဝင်ရောက်လာစဉ် ဖမ်းဆီးခံရခြင်းဖြစ်သည်ဟု သိရသည်။

“CNDF က Hualngoram ကို ကျူးကျော်တိုက်ခိုက်တဲ့အချိန်မှာ သူက Khuathlir ကနေ စစ်ကြောင်း ဦးဆောင်တဲ့ လူပေါ့ နော်။ သူ့ကိုကျတော့ ဩဂုတ်လ ၅ ရက်နေ့မှာ အရပ်ဝတ်နဲ့ ကျွန်တော်တို့ ဒေသကို ဝင်ရောက်လာတဲ့အခါမှာ ဖမ်းမိတာဖြစ် တယ်။ သူ့ကို လိုအပ်တဲ့ စစ်ဆေးမှုတွေ လုပ်တယ်။ သူတို့ရဲ့ပူးပေါင်းစစ်ဆင်ရေး၊ ကျူးကျော်တဲ့အပိုင်းကအစ အကုန်ဝန်ခံ သွားတယ်။ ဆိုတော့ ကျွန်တော်တို့ ညီအကိုခြင်း သင့်သင့်မြတ်မြတ်နဲ့ ပြန်ပြီး နေထိုင်ချင်လို့ သူ့ကို ချွင်းချက်မရှိ သူ့ရဲ့မိဘ တွေရှေ့မှာ လက်မှတ်ထိုးပြီး ပြန်လွှတ်ပေးတယ်။” ဟု CDF- Hualngoram ကာကွယ်ရေးဌာန အတွင်းရေးမှူးက ပြောသည်။

သူနှင့်အတူ အမျိုးသားတစ်ဦးကိုလည်း ဖမ်းဆီးရမိခဲ့ပြီး ၎င်းအမျိုးသားမှာ ဆိုင်ကယ်ကယ်ရီသမားဖြစ်ကာ အပြစ်မရှိ ကြောင်း ထင်ရှားသည့်အတွက် ရက်ပိုင်းအတွင်းမှာပင် ပြန်လည်လွှတ်ပေးခဲ့ကြောင်း ၎င်းက ဆက်ပြောသည်။

ပြီးခဲ့သည့် ဇူလိုင်လ ၂ ရက်နေ့က အိန္ဒိယ-မြန်မာနယ်စပ် ဖလမ်းမြို့နယ်၊ ရိခေါဒါရ်မြို့တွင် CDF-Hualngoram တပ်ဖွဲ့နှင့် CNO/CNDF တို့ကြား ထိတွေ့တိုက်ပွဲများ ဖြစ်ပွားခဲ့ခြင်း ဖြစ်သည်။

ထိုတိုက်ပွဲအတွင်း CDF-Hualngoram တပ်ဖွဲ့က CNO/CNDF ရဲဘော် ၅ ဦးကို စစ်သုံ့ပန်းအဖြစ် ဖမ်းဆီးထားသလို CNO/CNDF ဘက်ကလည်း CDF- Hualngoram ရဲဘော် ၄ ဦးနှင့် အရပ်သား ၁ ဦး၊ စုစုပေါင်း ၅ ဦးကိုလည်း ဖမ်းဆီးထိန်းသိမ်းထားသည်ဟု သိရသည်။

လက်ရှိတွင် နှစ်ဘက်တပ်ဖွဲ့အကြား စစ်သုံ့ပန်းများ ပြန်လွှတ်ပေးရန်ပါအဝင် အပစ်ခတ်ရပ်ဆဲရေး ဆွေးနွေးညှိနှိုင်နေဆဲဟုလည်း သိရသည်။

CDF- Hualngoram ၏ ကာကွယ်ရေးဌာန၊ အတွင်းရေးမှူးက “ ကျွန်တော်တို့ စစ်ဆင်ရေးအတွင်း ဖမ်းမိတာ ၅ ယောက်ရှိတယ်။ အဲဒါက ကျွန်တော်တို့ တစ်ဖွဲ့ထဲက ဖမ်းတဲ့ဟာမဟုတ်တော့ သူတို့ကိုတော့ CNA ဌာနချုပ်မှာ အကုန်စုပြီးထားတယ်။ ကျွန်တော်တို့ သီးသန့်ဖမ်းတဲ့ဟာကျတော့ သူတို့ရဲ့ reserve Forces ၂ ယောက်‌ပေါ့၊ လွန်ခဲ့တဲ့ ၂ ပါတ်လောက်တုန်းက လွှတ်ပေးပြီးပြီ။ အခုလက်ရှိမှာ ကျွန်တော်တို့အနေနဲ့ CNDF တပ်ဖွဲ့ဖြစ်ဖြစ် သူတို့နဲ့ပါတ်သက်တဲ့သူ‌ ထိန်း သိမ်းထားတာ မရှိတော့ဘူး။ ဒါပေမဲ့ CNO/CNDF ဖမ်းတဲ့ ကျွန်တော်တို့ ရဲဘော် ၄ ဦးနဲ့ အရပ်သား ပါစတာတစ်ဦးကတော့ ကျွန်တော်တို့ဆီ ပြန်မရောက်သေးဘူး။ ဆိုတော့ စစ်သုံ့ပန်းလွှတ်ပေးဖို့ကိစ္စနဲ့ပါတ်သက်ပြီး ကျွန်တော်တို့ နှစ်ဖွဲ့ကြား ညှိနှိုင်းနေဆဲအနေအထားပဲ ရှိသေးတယ်။ ဘယ်ချိန်အထမြောက်မလဲဆို‌တာတော့ မသိရသေးဘူးပေါ့နော်။ ကျွန်တော်တို့အဖွဲ့ကြား ငြိမ်းချမ်းရေးစာချုပ်ချုပ်ဆိုပြီး သဘောတူညီချက်ရရှိပြီးနောက်ပိုင်းမှာတော့ ဖမ်းဆီးထားတဲ့ နှစ်ဘက်တပ်သားတွေ အမြန်ဆုံး လွှတ်ဖို့တော့ မျှော်လင့်ပါတယ်။”ဟု ပြောသည်။

CDF-Hualngoram နှင့် CNO/CNDF တို့တပ်ဖွဲ့အကြား အပစ်ခတ်ရပ်စဲရေး ငြိမ်းချမ်းရေးဆိုင်ရာ ဆွေးနွေးညှိနှိုင်းမှု များရှိနေသော်လည်း လက်ရှိတွင် သဘောတူ စာချုပ်ချုပ်ဆိုနိုင်ခြင်း မရှိသေးကြောင်းသိရသည်။

Address

Falkland Township
Aizawl
796001

Opening Hours

Monday 9am - 5pm
Tuesday 9am - 5pm
Wednesday 9am - 4pm
Thursday 9am - 4pm
Friday 9am - 5pm

Website

Alerts

Be the first to know and let us send you an email when Khonumthung Burmese posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Khonumthung Burmese:

Shortcuts

Share

Category

Our Story

Khonumthung Media Group (KMG) is an independent news agency, covering Chin and Burma related issues in English and Burmese. KMG is committed to provide reliable news and current issues through a balanced, and accuracy news.Khonumthung is a name given to the highest mountain, located in Kanpalet Township, Southern Chin state, North Western Burma. It is approximately 10018 feet high from sea level. The Khonumthung (otherwise called Mt. Victoria that was given by the British in honour to Queen Victoria during their invasion in Chinland) is decorated with various kinds of flowers where Elephants, Tigers, Bears, Wild Boars, various kinds of Monkeys, Barking Deers, wild Goats and various birds abode. Khonumthung Media Group (KMG) Background The Khonumthung Media Group (KMG) was initiated on 7th March 2002 by the Chin youth based in Mizoram, Northeast India. KMG is a member of the Burma News International (BNI), initiated by the exiled Burmese Journalists and News Agencies, from a seminar in Kolkota in 2003. The offensive Press Security Act of Burma, misinformed the people of Burma and Chin state, and has less access to the national or international news. The circulation of local/state news is totally banned. Freedom of Press and Expression is totally denied to the people. The state controlled Medias served no purposeful mean to the people. It is an official propagandas machine for the Military Junta. The Khonumthung Media Group (KMG) has been set up to provide real facts and reliable news from Western Burma as a whole and Chin state in particular as the mainstream Burmese press or the opposition media in exile could not cover western Burma and Chin state. The Khonumthung Media Group (KMG) strives to bridge these missing factors. The Khonumthung Media Group (KMG) advocates the people’s opinion in a democratic manner. It champions the Right to Freedom of Expression and Information and counter the state controlled Medias. The Press Securities Act requires severe censorship and dictates of the military regime to anyone who wishes to express their voice in letters or through any means of expression including the audio-visual arts. For this reason, no newspaper or independent magazines have grown in the entire Chin State.