Khonumthung Burmese

Khonumthung Burmese Khonumthung Daily News Khonumthung Media Group (KMG) is an independent news agency, covering Chin and Burma related issues in English and Burmese.

KMG is committed to provide reliable news and current issues through a balanced, and accuracy news.Khonumthung is a name given to the highest mountain, located in Kanpalet Township, Southern Chin state, North Western Burma. It is approximately 10018 feet high from sea level. The Khonumthung (otherwise called Mt. Victoria that was given by the British in honour to Queen Victoria during their invasi

on in Chinland) is decorated with various kinds of flowers where Elephants, Tigers, Bears, Wild Boars, various kinds of Monkeys, Barking Deers, wild Goats and various birds abode. Background

The Khonumthung Media Group (KMG) was initiated on 7th March 2002 by the Chin youth based in Mizoram, Northeast India. Khonumthung Media Group (KMG) is a member of the Burma News International (BNI), initiated by the exiled Burmese Journalists and News Agencies, from a seminar in Kolkota in 2003. The offensive Press Security Act of Burma, misinformed the people of Burma and Chin state, and has less access to the national or international news. The circulation of local/state news is totally banned. Freedom of Press and Expression is totally denied to the people. The state controlled Medias served no purposeful mean to the people. It is an official propagandas machine for the Military Junta. The Khonumthung Media Group has been set up to provide real facts and reliable news from Western Burma as a whole and Chin state in particular as the mainstream Burmese press or the opposition media in exile could not cover western Burma and Chin state. The Khonumthung News Group strives to bridge these missing factors. The Khonumthung Media Group advocates the people’s opinion in a democratic manner. It champions the Right to Freedom of Expression and Information and counter the state controlled Medias. The Press Securities Act requires severe censorship and dictates of the military regime to anyone who wishes to express their voice in letters or through any means of expression including the audio-visual arts. For this reason, no newspaper or independent magazines have grown in the entire Chin State.

အိန္ဒိယသန်းခေါင်စာရင်းကောက်ခံမှုတွင် မီဇိုရမ်ပြည်ထဲက စစ်ဘေးရှောင်များကိုလည်း ထည့်သွင်းကောက်ခံမည်ဟု ဆို ခိုနူမ်းသုန်သတင်း...
15/04/2026

အိန္ဒိယသန်းခေါင်စာရင်းကောက်ခံမှုတွင် မီဇိုရမ်ပြည်ထဲက စစ်ဘေးရှောင်များကိုလည်း ထည့်သွင်းကောက်ခံမည်ဟု ဆို

ခိုနူမ်းသုန်သတင်း၊ ၁၅ ဧပြီလ ၂၀၂၆

(005MK)

အိန္ဒိယနိုင်ငံ၏ လူဦးရေသန်းခေါင်စာရင်းကောက်ယူမည့်အစီစဉ်တွင် မီဇိုရမ်ပြည်နယ်အတွင်းဝင်ရောက်ခိုလုံကြသော မြန်မာနိုင်ငံက စစ်ဘေးရှောင်များကိုလည်း ထည့်သွင်းကောက်ယူသွားမည်ဟု သိရသည်။

မီဇိုရမ်ပြည်နယ်အတွင်း သန်းခေါင်စာရင်းကောက်ယူခြင်းကို ဆောင်ရွက်မည့်အစိုးရတာဝန်ရှိသူများက ယနေ့ဧပြီလ ၁၅ ရက်နေ့တွင် အိုင်ဇောလ်မြို့ Press club တွင် သတင်းစာရှင်းလင်းပွဲပြုလုပ်ရာမှာ ထိုကဲ့သို့ပြောဆိုသွားခြင်း ဖြစ် သည်ဟု မီဇိုရမ်ဒေ သတွင်းသတင်းမှာဖော်ပြပါတယ်။

“ဒီလူဦးရေကောက်ခံတဲ့သန်းခေါင်စာရင်းက နိုင်ငံသားဖြစ်ခြင်းနဲ့မသက်ဆိုင်ဘူး၊ အိန္ဒိယနိုင်ငံထဲမှာ လူဦးရေဘယ် လောက်နေထိုင်ကြလဲဆိုတဲ့ စာရင်းကိုကောက်ခံတဲ့ဟာဖြစ်တဲ့အတွက် မီဇိုရမ်ပြည်နယ်ထဲမှာနေထိုင်သူအားလုံးကို ကောက်ခံသွားမယ် စစ်ဘေးရှောင်စခန်းမှာနေထိုင်တဲ့သူတွေလည်း အကုန်ကောက်ယူသွားမယ်၊ အိန္ဒိယရဲ့ ရေ၊ မီး နဲ့ အခြားသောအခြေခံလိုအပ်ချက်တွေကို အားလုံးအတူတူသူတို့လည်းသုံးစွဲနေကြတဲ့အတွက် စစ်ဘေးရှောင်တွေကို လည်းကောက်ခံသွားပါမယ်” ဟု အထက်ပါတာဝန်ရှိသူတစ်ဦးကပြောဆိုသည်။

ယခုလက်ရှိ မီဇိုရမ်ပြည်နယ်တွင် self-numeration ဟုခေါ်သော မိမိအိမ်ထောင်စု၏ အချက်အလက်များကို အွန်လိုင်းတွင် မိမိဘာသာ ဖြည့်သွင်းသည့်စနစ်မှာ ဧပြီလ ၁၆ ရက်နေ့တွင်အချိန်ကုန်ဆုံးမည်ဖြစ်ပြီး လက်ရှိချိန်ထိ မီဇိုရမ်ပြည်နယ်တွင် ထိုကဲ့သို့ဖြည့်သွင်းသူ ၁၀၄၀၀ ကျော်ရှိသည်ဟု သိရသည်။

ဧပြီလ ၁၇ ရက်နေ့ကစ၍ အိမ်အကြောင်းအရာ သန်းခေါင်စာရင်းနဲ့ စာရင်းကောက်ယူခြင်းအစီစဉ်ကို အိမ်တိုင်ရာ ရောက်သွားရောက်ကာ စာရင်းကောက်ယူကြမည်ဖြစ်ပြီး လူဦးရေစာရင်းကောက်ယူမှုကိုတော့ လာမည့် ၂၀၂၇ ခုနှစ် ဖေဖော်ဝါရီလတွင် စတင်မည်ဟု သိရသည်။

မလေးရှားသို့အသွား လမ်းခုလတ်မှာ အသက်ရှူကျပ်၍ ကွယ်လွန်သွားသူ ချင်းလူငယ်၏ ရုပ်အလောင်းအား ထိုင်းရဲတပ်ဖွဲ့မှ ထိန်းသိမ်းထားဆဲ|...
15/04/2026

မလေးရှားသို့အသွား လမ်းခုလတ်မှာ အသက်ရှူကျပ်၍ ကွယ်လွန်သွားသူ ချင်းလူငယ်၏ ရုပ်အလောင်းအား ထိုင်းရဲတပ်ဖွဲ့မှ ထိန်းသိမ်းထားဆဲ

|| အတူလိုက်ပါလာသော သူငယ်ချင်း ၂ ဦးအပါအဝင် မြန်မာလူမျိုး အယောက် ၇၈ ဦး ဖမ်းဆီးခံထားရဟုဆို

ခိုနူမ်းသုန်သတင်း၊ ၁၅ ဧပြီလ ၂၀၂၆

(004SS)

မလေးရှားသို့အသွား လမ်းခုလတ်တွင် ကွယ်လွန်သွားခဲ့သည့် ချင်းလူငယ် Tg. Pau Lam Kim ၏ ရုပ်အလောင်းအား လက်ရှိတွင် ထိုင်းရဲတပ်ဖွဲ့က စစ်ဆေးရန် ထိန်းသိမ်းထားဆဲဖြစ်ကြောင်း သိရသည်။

သေဆုံးသွားသူနှင့် အတူပါလာသော သူငယ်ချင်းဖြစ်သူ ၂ ဦးမှာလည်း ဆောင်ခလာအာဏာပိုင်များ၏ ဖမ်းဆီးခြင်းခံ ထား ရပြီး ကျန် ၁ ဦးမှာ ဆေးရုံတွင် ဆေးကုသမှုခံယူနေရကြောင်း ထိုင်းသို့ ကိုယ်တိုင်လိုက်သွားသော သေဆုံးသူ၏ ဆွေမျိုး တစ်ဦးထံမှသိရသည်။

လက်ရှိတွင် ကွယ်လွန်သူချင်းလူငယ်၏ ရုပ်အလောင်းကို ထိုင်းနိုင်ငံ၊ ဆောင်ခလာရဲတပ်ဖွဲ့က ထိန်းသိမ်းထားဆဲဖြစ်တာ ကြောင့် ထုတ်ယူနိုင်ခြင်းမရှိသေးကြောင်း ၎င်းကပြောသည်။

"လောလောဆယ် အလောင်းကိုတော့ ရဲတပ်ဖွဲ့က ထိန်းသိမ်းထားပါတယ်။ ဘယ်တော့ ကြည့်ခွင့်ရမလဲဆိုတာကို သူတို့ဘက် က ပြန်အကြောင်းကြားမယ်လို့ ပြောတယ်။ ဖမ်းခံထားရတဲ့ ၂ ဦးကတော့ ကျန်းမာရေးကောင်းပါတယ်။ ဒါပေမဲ့ သူတို့ရဲ့ အမှုကိစ္စပိုင်းနဲ့ ပတ်သက်လို့တော့ ဘာမှအတိအကျ မပြောနိုင်သေးဘူး။ ကျန်တစ်ဦးကတော့ ဆေးရုံတက်နေရဆဲပါ။" ဟု ထိုင်းကိုသွားရောက်ခဲ့သောဆွေမျိုးသားတစ်ဦးက ပြောသည်။

သေဆုံးသူ Tg. Pau Lam Kim နှင့်အတူ လိုက်ပါလာကြသော သူငယ်ချင်း ၄ ဦးထဲမှ Tg. Cin Pian Nang နှင့် Singpi အပါအဝင် မြန်မာနိုင်ငံသား ၇၈ ဦးကိုလည်း ထိုင်းအာဏာပိုင်များက ဖမ်းဆီးထိန်းသိမ်းထား ကြောင်း သိရသည်။

ထိုင်း-မြန်မာသတင်းထူးများ အချိန်နှင့်တပြေးညီဖော်ပြလေ့ရှိသူ မ Nanpiya ၏ ဖြစ်စဉ်အသေးစိတ်ဟု ယနေ့ဖော်ပြ ချက်အရ ၎င်းတို့သည် ဘုရားသုံးဆူနယ်စပ်မှတစ်ဆင့် ထိုင်းနိုင်ငံအတွင်းသို့ တရားမဝင်လမ်းကြောင်းဖြင့် ဧပြီလ ၉ ရက် နေ့တွင် ထိုင်းဘက်ကမ်းသို့ ရောက်ရှိခဲ့ကြပြီး မြို့ပေါင်းစုံမှ မြန်မာလူမျိုးအယောက် ၈၀ ကို ပွဲစားများက ၆ ဘီးကား တစ်စီးနှင့် ပစ်ကပ်ကားတစ်စီးပေါ်တွင် လူမဆန်စွာ ငပိသိပ်သကဲ့သို့ ပြည့်ကျပ်နေအောင် တင်ဆောင်လာခဲ့ကြောင်း ဖော်ပြထားသည်။

ထိုသို့တင်ဆောင်လာသည့်အချိန်တွင် Tg. Pau Lam Kim သည် အသက်ရှူကျပ်လာပြီး ဧပြီလ ၁၁ ရက်နေ့တွင် ကားပေါ်၌ပင် ကွယ်လွန်သွားခဲ့ခြင်းဟု ဆိုသည်။

ထို့နောက် အမှုပတ်မည်ကို စိုးရိမ်သော ကားသမားက ရုပ်အလောင်းကို ပင်လယ်ထဲ စွန့်ပစ်ရန် ကြိုးစားခဲ့သော်လည်း သူငယ်ချင်းဖြစ်သူ Cin Pian Nang က ပြတ်ပြတ်သားသား ငြင်းဆန်ခဲ့ခြင်းကြောင့် ဆောင်ခလာဘက် ရေသူမကျောက် ဆောင် ကမ်းခြေအနီးတွင် ကားသမားက အလောင်းနှင့်အတူ ချထားပေးခဲ့ကြောင်း သိရသည်။

အကူအညီပေးသူများမှတစ်ဆင့် ရဲစခန်းသို့ အကြောင်းကြားခဲ့ရာမှ ရုပ်အလောင်းကို ဆောင်ခလာဆေးရုံသို့ ပို့ဆောင်နိုင်ခဲ့ သည်။ သို့သော် သတင်းပေါက်ကြားမှုကြောင့် ကျန်ရှိသည့် မြန်မာလုပ်သား ၇၈ ဦးမှာလည်း တောထဲတွင် မောင်းချခံရပြီး နောက် အားလုံးဖမ်းဆီးခံခဲ့ရခြင်းဟု မ Nanpiya က ဖော်ပြထားသည်။

လက်ရှိတွင် ၎င်းတို့အားလုံးကို မြန်မာနိုင်ငံသို့ ပြန်လည်ပို့ဆောင်ရန် ဆောင်ခလာမြို့၌ ထိန်းသိမ်းထားရှိကြောင်းနှင့် လူမ ဆန်သော ပွဲစားနှင့် ကားသမားများ၏ လုပ်ရပ်ကြောင့် မျှော်လင့်ချက်များစွာရှိသည့် ချင်းလူငယ်တစ်ဦး၏ ဘဝမှာ လမ်းခု လတ်၌ပင် ကြွေလွင့်သွားခဲ့သည်ဟုလည်း ၎င်းကရေးသားဖော်ပြထားပါသည်။

15/04/2026

တမူးခရိုင်မှာ ခွင့်ပြုချက်မရှိသောဂိတ်များ ဧပြီ ၃၀ ရက် နောက်ဆုံးထားပိတ်သိမ်းရန် NUG ထုတ်ပြန်...

Khonumthung Radio Program (2026-04-15)

ဒီနေ့တင်ဆက်ပေးမဲ့ သတင်းခေါင်းစဉ်တွေကတော့ -

· မလေးရှားသို့ သွားရာလမ်းတွင် သေဆုံးသွားသူ ချင်းလူငယ်၏ရုပ်အလောင်း နေရပ်ပြန်သယ်နိုင်ရေးအတွက် မိသားစုဝင်များလိုက်သွား || အလောင်းနှင့်အတူကျစ်ရစ်ခဲ့သော သူငယ်ချင်းဖြစ်သူမှာ အချုပ်ထဲတွင် ထိန်းသိမ်းခံနေရဆဲ
· ကလေး-တီးတိန်ကြားမှာ ဂိတ်ကြေးကောက်ခံမှုများ၍ တီးတိန်မြို့မှာ အခြေခံစားကုန်များဈေးတက်ဟုဆို
· လက်ရှိအချိန်သည် ဖလမ်းမြို့ ရန်သူ့လက်သို့ မကျစေရန် တွန်းလှန်နေရသော အဆုံးအဖြတ်ကာလဟု CNDF ဆို
· တမူးခရိုင်မှာ ခွင့်ပြုချက်မရှိသောဂိတ်များ ဧပြီ ၃၀ ရက် နောက်ဆုံးထားပိတ်သိမ်းရန် NUG ထုတ်ပြန်

စတဲ့သတင်းတွေကို တင်ဆက်ပါမယ်။

https://www.facebook.com/tpnews.Page
https://www.facebook.com/KhonumthungBurmese
https://khonumthung.org/

သင်္ကြန်ပွဲကြောင့် တီးတိန်မြို့ပေါ်တွင် သောက်သုံးရေပြတ်လပ်|| ဒေသခံများ နေ့စဉ်ရေရရှိရေး အခက်တွေ့နေခိုနူမ်းသုန်သတင်း၊ ၁၅ ဧ...
15/04/2026

သင်္ကြန်ပွဲကြောင့် တီးတိန်မြို့ပေါ်တွင် သောက်သုံးရေပြတ်လပ်

|| ဒေသခံများ နေ့စဉ်ရေရရှိရေး အခက်တွေ့နေ

ခိုနူမ်းသုန်သတင်း၊ ၁၅ ဧပြီလ ၂၀၂၆

(004SS)

ချင်းပြည်နယ်၊ တီးတိန်မြို့ပေါ်ရှိ ဒေသခံပြည်သူများ အဓိကသောက်သုံးရေရရှိရာ Sialtang ရေလိုင်းမှာ သင်္ကြန် ကာလအတွင်း လုံးဝဖြတ်တောက်ခံထားရသဖြင့် ဒေသခံပြည်သူများ နေ့စဉ်ရေရရှိရေး အခက်တွေ့နေရကြောင်း သိရသည်။

တီးတိန်မြို့အတွက် အဓိကသောက်သုံးရေရရှိသည့် အဆိုပါရေလိုင်းသည် ယခင်က တစ်ရက်ခြားလျှင် ၁၅ မိနစ်မှ ၃၀ မိနစ်ခန့်အထိ ပုံမှန်ရရှိခဲ့သော်လည်း ယခု သင်္ကြန်ကာလအတွင်း အကြောင်းပြချက်မရှိဘဲ လုံးဝရပ်ဆိုင်းသွားခဲ့ခြင်း ဟု ဒေသခံအမျိုးသားတစ်ဦးက ပြောသည်။

"အခုသင်္ကြန်ပွဲ လုပ်တာနဲ့ မနေ့တနေ့ကစပြီးရေက လုံးဝမလာတော့တာ။ အရင် ရေရတုန်းကတောင်မှ တီးတိန်မှာ သောက်သုံးရေ မလောက်တဲ့ဟာ။ ချောင်းမှာ သွားခပ်တဲ့သူရော။ ရေတွင်းရှိရင် မီးလာတာနဲ့တိုးရင် ရေတင်လိုက် မီးမ လာရင် မီးစက်နှိုးပြီး တင်လိုက်နဲ့ အတော်လေး ဒုက္ခရောက်နေကြတယ်။ သိတဲ့အတိုင်း မီးစက်နှိုးဖို့ ဓါတ်ဆီစျေးကလဲ ထောင်တက်ဆိုတော့၊ လူဦးရေများတဲ့မိသားစုဆို မလွယ်တော့ဘူး။ သူတို့သင်္ကြန်ပွဲလုပ်တဲ့နေရာမှာကျတော့ ကြိုက်သလို ဖြုန်း၊ မြို့ထဲမှာကျတော့ ကုန်စျေးနှုန်း ဒုက္ခ၊ ရေဒုက္ခနဲ့ ပြည်သူဘဝကတော့ အရမ်းခက်တော့တာပဲဗျာ။" ဟု ဒေသခံအမျိုး သားတစ်ဦးက ပြောသည်။

လက်ရှိတွင် စက်သုံးဆီဈေးနှုန်းများမှာလည်း အဆမတန် မြင့်တက်နေပြီး ဓါတ်ဆီ တစ်ဂါလံကို ယခင်က ကျပ်၂၈၀၀၀ မှ ၄၁၀၀၀ အထိပေးဆောင်ကာ ဝယ်ယူနေရကြောင်း သိရသည်။

ထိုသို့ ဆီစျေး အဆမတန်မြင့်တက်မှုကြောင့် နေ့စဉ် သောက်သုံးရေရရှိရေးအတွက် မီးစက်နိုးကာ ရေတွင်းများမှ ရေတင် သုံးစွဲရန်ပင် အခြေခံပြည်သူများအတွက် အခက်အခဲရင်ဆိုင်နေရခြင်း ဖြစ်ပြီး ချောင်းရေခပ်အသုံးပြုနေရကြောင်း သိရသည်။

မြို့ပေါ်တွင် သောက်သုံးရေ ပြတ်တောက်နေသော်လည်း သင်္ကြန်ပွဲတော် ကျင်းပသည့် နေရာတွင်မူ ရေကို စိတ်ကြိုက် သုံးဖြုန်းနေကြခြင်းအပေါ် ဒေသခံများက ပြင်းပြင်းထန်ထန် ဝေဖန်လျက်ရှိသည်။

"သူတို့ရေသုံးချင်ရင် ၂၆၉ တပ်ကုန်းကနေ သယ်လို့ရတာပဲ။ အခုက ပြည်သူ့သောက်ရေကို ဖြတ်ပစ်တာ။ ပွဲလုပ်တဲ့နေရာမှာ ကြိုက်သလို သုံးပစ်တာတွေ့တော့ စိတ်တိုစရာပဲ" ဟု မြို့ခံ အမျိုးသားတစ်ဦးက ပြောသည်။

တီးတိန်မြို့သည် နှစ်စဉ် ရေရှားပါးမှုဒဏ်ကို ခံစားနေရသော မြို့တစ်မြို့ဖြစ်ပြီး ယခုကဲ့သို့ ပွဲလမ်းသဘင်များအတွက် အခြေခံပြည်သူများ၏ သောက်သုံးရေလိုင်းကို ဖြတ်တောက်ခြင်းမှာ ပြည်သူ့ဘဝကို ပိုမိုကျပ်တည်းစေကြောင်း ဝေဖန်မှုများရှိနေပါသည်။

၂၀၂၆ ခုနှစ် မြန်မာ့ရိုးရာသင်္ကြန်ပွဲတော်ကို စစ်ကော်မရှင်က ချင်းပြည်နယ်မြို့တော် ဟားခါးနှင့် တီးတိန်မြို့ပေါ်တွင် ကျင်းပခဲ့ကြပြီး ဟားခါးမြို့ပေါ်တွင် ပြည်နယ်အစိုးရရုံးဝန်းကျဉ်းကျဉ်းလေးတွင်သာ အကျဉ်းချုံး ကျင်းပနိုင်ခဲ့သည်။

ဟားခါးမြို့ ဒေသခံများပြောပြချက်အရ ဟားခါးတွင် သင်္ကြန်ပွဲ ကျင်းပခြင်းရှိမရှိပင် ဒေသခံများမသိကြောင်း ကြားသိရသည်။

သို့သော် ယခင်က စည်စည်ကားကားကျင်းပခြင်းမရှိခဲ့ဖူးသော တီးတိန်မြို့ပေါ်တွင်မူ အမှတ် -၁ အခြေခံ အထက်တန်း ကျောင်းတွင် စည်ကားသိုက်မြိတ်စွာ ကျင်းပနေကြောင်း သိရသည်။

ပုံစာ- တီးတိန်မြို့မှာ စစ်ကော်မရှင်က သင်္ကြန်ပွဲတော်ကျင်းပနေစဉ်

တော်လှန်ရေးကာလ ချင်းလဲန်းဆေးတက္ကသိုလ် စတင်ဖွင့်လှစ်ပြီ ခိုနူမ်းသုန်သတင်း၊ ၁၅ ဧပြီလ ၂၀၂၆(006SV) တော်လှန်ရေးကာလ ချင်းပြည်က...
15/04/2026

တော်လှန်ရေးကာလ ချင်းလဲန်းဆေးတက္ကသိုလ် စတင်ဖွင့်လှစ်ပြီ

ခိုနူမ်းသုန်သတင်း၊ ၁၅ ဧပြီလ ၂၀၂၆

(006SV)

တော်လှန်ရေးကာလ ချင်းပြည်ကောင်စီ၊ ချင်းပြည်အစိုးရက အကောင်အထည် ဖော်ဆောင်ရွက်နေသည့် ချင်းလဲန်းဆေးတက္ကသိုလ် ဖွင့်လှစ်ပွဲကို အမျိုးသားညီညွတ်ရေးအစိုးရ (NUG) မှ တက်ရောက်ခဲ့ကြောင်း ချင်းပြည်အစိုးရက ယနေ့ ဧပြီလ ၁၅ ရက်မှာ သတင်းထုတ်ပြန်သည်။

ချင်းပြည်အစိုးရ၊ ကျန်းမာရေးဝန်ကြီးဌာနမှ အကောင်အထည်ဖော် ဆောင်ရွက်လျက်ရှိသည့် Chinland Jordan School of Medicine ဆေးတက္ကသိုလ် ဖွင့်လှစ်ခြင်းကို ချင်းပြည်ကောင်စီ၊ ချင်းပြည်အစိုးရအဖွဲ့၊ ချင်းပြည်လွှတ်တော်မှ အကြီးအကဲများ၊ ဝန်ကြီးများနှင့် စာရင်းစစ်ချုပ်တို့နှင့်အတူ NUG အစိုးရအဖွဲ့မှ ဝန်ကြီးချုပ်ရုံး ပြည်ထောင်စု ဝန်ကြီး ဒေါက်တာဇော်ဝေစိုးတို့ တက်ရောက်ပြီး အမှာစကားပြောခြင်း၊ ထောက်ပံ့ငွေများ ပေးအပ်ခြင်း ပြုလုပ်သည်ဟု သိရသည်။

Chinland Jordan School of Medicine ဆေးတက္ကသိုလ် ဖွင့်လှစ်ခြင်းနှင့်အတူ ဆေးတက္ကသိုလ် တက်ရောက်ခွင့် ရရှိသည့် ပထမအပတ်စဉ် ကျောင်းသား/သူများကို မောင်မယ်သစ်လွင် ကြိုဆိုပွဲကိုလည်း ပြုလုပ်ခဲ့သည်ဟု သိရသည်။

ဧပြီလ ၁၄ ရက်ကလည်း ချင်းပြည်ကောင်စီ၊ ချင်းပြည်အစိုးရအဖွဲ့၊ ချင်းပြည်လွှတ်တော်မှ အကြီးအကဲများ၊ စာရင်းစစ်ချုပ်တို့နှင့် NUG အစိုးရ ဝန်ကြီးချုပ်ရုံး ပြည်ထောင်စုဝန်ကြီး ဒေါက်တာဇော်ဝေစိုးတို့ တွေ့ဆုံ၍ အစိုးရနှစ်ရပ်ကြား လုပ်ငန်းအပြန်အလှန် ချိတ်ဆက် ဆောင်ရွက်သည့် ကိစ္စရပ်များကို ဆွေးနွေးသည်ဟု သိရသည်။

ချင်းပြည်ကောင်စီနှင့် မဏ္ဍိုင် ၃ ရပ်၏ လုပ်ငန်းဆောင်ရွက်မှု အခြေအနေများနှင့် အမျိုးသားညီညွတ်ရေး အစိုးရ၏ လုပ်ငန်းအခြေအနေများကိုလည်း အပြန်အလှန် ဆွေးနွေးမှုများ ပြုလုပ်သည်ဟု သိရသည်။

ဖလမ်းတိုက်ပွဲတွင် CDF-Zotung တပ်ဖွဲ့ဝင်တစ်ဦး ကျဆုံး၊ ၅ လကြာ ဖလမ်းတိုက်ပွဲအတွင်း CDF-Zotung မှ ကျဆုံးရဲဘော် ၄ ဦးထိရှိလာခိ...
15/04/2026

ဖလမ်းတိုက်ပွဲတွင် CDF-Zotung တပ်ဖွဲ့ဝင်တစ်ဦး ကျဆုံး၊ ၅ လကြာ ဖလမ်းတိုက်ပွဲအတွင်း CDF-Zotung မှ ကျဆုံးရဲဘော် ၄ ဦးထိရှိလာ

ခိုနူမ်းသုန်သတင်း၊ ၁၅ ဧပြီ ၂၀၂၆

(004SS)

ချင်းပြည်နယ် ဖလမ်းမြို့နယ်အတွင်း ဖြစ်ပွားနေသော တိုက်ပွဲတွင် CDF-Zotung မှ ရဲဘော်တစ်ဦး ယမန်နေ့က ကျဆုံးခဲ့ သည်ဟုသိရသည်။

ယမန်နေ့ ဧပြီလ ၁၄ ရက်နေ့တွင် ဖြစ်ပွားခဲ့သော ဖလမ်းမြို့နယ်၊ ခွါန်းလီရွာအနီးတိုက်ပွဲအတွင်း CDF-Zotung တပ်ဖွဲ့ဝင်ဖြစ်သူ ဆလိုင်းတိုးနိုင်အောင် ကျဆုံးခဲ့သည်ဟု CDF-Zotung က ထုတ်ပြန်သည်။

CDF-Zotung တပ်ဖွဲ့သည် ချင်းပြည်နယ် ဖလမ်းမြို့ကိုပြန်လည်သိမ်းပိုက်ရန် ထိုးစစ်ဆင်လာသော စစ်ကော်မရှင်တပ်ဖွဲ့ကို ခုခံတိုက်ခိုက်ရာမှာ အခြားသော ချင်းတော်လှန်ရေးတပ်ဖွဲ့များနှင့်အတူ တိုက်ပွဲဝင်လျှက်ရှိသည်။

၅ လခန့်ကြာမြင့်လာပြီဖြစ်သော ဖလမ်းမြို့နယ်အတွင်း တိုက်ပွဲမှာ CDF-Zotung အနေဖြင့် ရဲဘော် ၄ ဦးအထိ ကျဆုံးခဲ့ရပြီဖြစ်ကြောင်း CDF-Zotung ပြောရေးဆိုခွင့်ရှိသူ Salai Danny ကပြောသည်။

“ အခုကျွန်တော်တို့ ဖလမ်း စစ်ဆင်ရေးမှာ ညီလေး တိုးနိုင်အောင်နဲ့ဆိုရင် CDF-Zotung တပ်ဖွဲ့ကနေ ကျဆုံးရဲဘော် ၄ ယောက်ရှိပြီ။” ဟု Salai Danny က ပြောသည်။

အဆိုပါကျဆုံးရဲဘော် ၄ ဦးမှာ ဆလိုင်းရှားဂေကောသဲ (၂၀၂၅ ဒီဇင်ဘာ ၂၀ ရက်)၊ ဆလိုင်းအောင်လင်းဦး (၂၀၂၅ ဒီဇင်ဘာ ၂၀ ရက်)၊ ဆလိုင်းခင်သွေး (ခ) မာစတာ (၂၀၂၆ မတ်လ ၁၅ ရက်)၊ ဆလိုင်းတိုးနိုင်အောင် (၂၀၂၆ ဧပြီလ ၁၄ ရက်) တို့ ဖြစ်ကြသည်။

ကျဆုံးရဲဘော်များ၏ ပေးဆပ်စွန့်လွှတ်မှုကို အစဉ်အမြဲ လေးစားဂုဏ်ပြုမှတ်တမ်း တင်သွားမည်ဖြစ်ကြောင်းနှင့် မိသားစုဝင်များနှင့်အတူ ထပ်တူထပ်မျှ ဝမ်းနည်းရပါကြောင်း CDF-Zotung က ထုတ်ပြန်ထားပါသည်။

ပုံစာ- ၅ လကြာဖလမ်းတိုက်ပွဲအတွင်း CDF-Zotung မှ ကျဆုံးရဲဘော် ၄ ဦး

ခွန်လီရွာအနီး စစ်ရေးအချက်ချာကျသည့် တောင်ကုန်းစခန်းတစ်ခုကို ချင်းပူးပေါင်းတပ် သိမ်းပိုက်ခိုနူမ်းသုန်သတင်း၊ ၁၅ ဧပြီလ ၂၀၂၆(...
15/04/2026

ခွန်လီရွာအနီး စစ်ရေးအချက်ချာကျသည့် တောင်ကုန်းစခန်းတစ်ခုကို ချင်းပူးပေါင်းတပ် သိမ်းပိုက်

ခိုနူမ်းသုန်သတင်း၊ ၁၅ ဧပြီလ ၂၀၂၆

(006SV)

ဖလမ်းမြို့ကို ဦးတည်ထိုးစစ်ဆင်နေသော စစ်ကော်မရှင် စစ်ကြောင်းများထဲက ခွန်လီရွာအနီး အမြင့်ဆုံး တောင်ကုန်းပေါ်မှာ အထိုင်ချတပ်စွဲထားသည့် အာဏာသိမ်းစစ်တပ်၏ အရေးပါသည့် စခန်းကုန်းတစ်ခုကို ချင်းတော်လှန်ရေးပူးပေါင်းတပ်က သိမ်းပိုက်ရရှိသည်ဟု သိရသည်။

ဧပြီလ ၁၄ ရက်က ချင်းပြည်နယ်၊ ဖလမ်းမြို့၊ ခွန်လီရွာအနီးဝန်းကျင်က စစ်တပ်စခန်းကုန်းကို ချင်းလဲန်းကောင်စီ နှင့် ချင်းညီနောင် ပူးပေါင်းတပ်တို့က ထိုးစစ်ဆင်တိုက်ခိုက်ပြီး သိမ်းပိုက်ရရှိခြင်းဖြစ်သည်ဟု သိရသည်။

“ထုတ်ပြန်ချက်အတိုင်းပဲ မှန်ပါတယ်။ ကျနော်တို့ CC နဲ့ CB နဲ့ ပူးပေါင်းပြီးတော့ မနေ့က မနက်ကနေ စတင်တာပေါ့နော်။ စကစရဲ့ ခွန်လီဘက်မှာ စိုးမိုးထားတဲ့ ဒီအမြင့်ဆုံးတောင်ကုန်းကို ပြန်ရတဲ့ အခြေအနေမှာ ရှိပါတယ်။ အကုန်လုံးကို ဆက်လက်တိုက်ထုတ် ဖို့ရန်အတွက်လည်း ဆက်လက်ကြိုးစားနေတဲ့ အခြေအနေမှာ ရှိပါတယ်” ဟု ချင်းအမျိုးသားကာကွယ်ရေးတပ်ဖွဲ့ (CNO/ CNDF) မှ ပြောရေးဆိုခွင့်ရှိသူ ဆလိုင်းတင်မီက ပြောသည်။

စခန်းသိမ်းတိုက်ပွဲတွင် လက်နက်ကြီး၊ လက်နက်ငယ် ၂၄ လက်ကျော်နှင့် ကျည်ခဲယမ်းများ၊ စတားလင့်၊ မြေမြှုပ်မိုင်းများနှင့် ပစ္စည်းမျိုးစုံသိမ်းပိုက်ရရှိသည်ဟု သိရသည်။

ယမန်နေ့က တိုက်ပွဲများ အပြင်းအထန် ဖြစ်ပွားခဲ့ပြီး ချင်းပူးပေါင်းတပ်များမှ ၄ ဦး ကျဆုံးသည်ဟု CNO/ CNDF က ထုတ်ပြန်သည်။

စစ်ရေးသတင်းရင်းမြစ်တစ်ဦးကတော့ CNA ၊ CNDF ၊ CDF - ဇိုတုန် နှင့် CDF – ဟွာငိုရမ်တို့မှ ရဲဘော်တစ်ဦးစီ ကျဆုံးပြီး ထိခိုက်ဒဏ်ရာ ရှိမှုများ ရှိနေသည်ဟု ပြောသည်။

ဖလမ်းမြို့၊ ဆူရ်းဘုန်လေယာဉ်ကွင်းနှင့် နယ်မြေချင်းနီးစပ်နေသည့် ခွန်လီရွာ အနီးဝန်းကျင်မှ အဆိုပါစခန်းကုန်းသည် စစ်ကော်မရှင်တပ်နှင့် ချင်းပူးပေါင်းများအတွက် အရေးပါနေသော နေရာဖြစ်ကြောင်း သိရသည်။

တိုက်ပွဲတွင် စစ်ကော်မရှင်တပ်မှလည်း ထိခိုက်မှု၊ သေဆုံးမှုများ ရှိနေပြီး စစ်ကော်မရှင်တပ်သည် ယမန်နေ့က ခွန်လီရွာအနီး တိုက်ပွဲတွင် ဂျက်ဖိုက်တာ ၂ စီးဖြင့် လေကြောင်းမှ ဗုံးကြဲတိုက်ခိုက်မှုများ ပြုလုပ်သည်ဟု သိရသည်။

၂၀၂၅ နိုဝင်ဘာလဆန်းမှစတင်၍ ဖလမ်းမြို့သို့ ကလေး- သိုင်းငင်း နှင့် ကလေး- ဝေဘူလ - ဖလမ်း ကားလမ်းတို့မှတဆင့် စစ်အင်အား တစ်ထောင်ခန့်ဖြင့် လေကြောင်း၊ လက်နက်ကြီး ပစ်ကူအများအပြားအသုံးပြုကာ ထိုးစစ်ဆင်နေသည့် စစ်ကော်မရှင် တပ်နှင့် ချင်း ပူးပေါင်းတပ်များအကြား ယနေ့အချိန်အထိ ၅ လကြာ တိုက်ပွဲများ ဆက်လက်ဖြစ်ပွားနေသည်ဟု သိရသည်။

မလေးရှားသို့ သွားရာလမ်းတွင် သေဆုံးသွားသူ ချင်းလူငယ်၏ရုပ်အလောင်း နေရပ်ပြန်သယ်နိုင်ရေးအတွက် မိသားစုဝင်များလိုက်သွား || အလ...
14/04/2026

မလေးရှားသို့ သွားရာလမ်းတွင် သေဆုံးသွားသူ ချင်းလူငယ်၏ရုပ်အလောင်း နေရပ်ပြန်သယ်နိုင်ရေးအတွက် မိသားစုဝင်များလိုက်သွား

|| အလောင်းနှင့်အတူကျစ်ရစ်ခဲ့သော သူငယ်ချင်းဖြစ်သူမှာ အချုပ်ထဲတွင်ထိန်းသိမ်းခံနေရဆဲ

ခိုနူမ်းသုန်သတင်း၊ ၁၄ ဧပြီလ ၂၀၂၆

(004SS)

မလေးရှားနိုင်ငံသို့သွားရာ လမ်းခုလတ်တွင် အသက်ရှူကျပ်ကာ ဝမ်းနည်းဖွယ် ကွယ်လွန်သွား ခဲ့သည့် အသက် (၂၂) နှစ်အရွယ် ချင်းလူငယ် Tg. Pau Lam Kim ၏ ရုပ်အလောင်းအား နေရပ်ပြန်လည်သယ်ဆောင်နိုင်ရေး အတွက် မိသားစုဝင်တချို့ စီစဉ်ဆောင်ရွက်နေကြပြီဟုသိရသည်။

လူအများ၏ စိတ်နှလုံးကို ထိခိုက်စေခဲ့သည့် ကြေကွဲဖွယ်ရာယခုဖြစ်စဉ်တွင် ကွယ်လွန်သူ၏ ရုပ်အလောင်းမှာ လက်ရှိ၌ ထိုင်းနိုင်ငံ ဆောင်ခလာ (Songkhla) ခရိုင်၊ ချားနားဆေးရုံ (Chana Hospital) တွင် ရှိနေဆဲဖြစ်ပြီး၊ ၎င်းရုပ်အလောင်းအား စွန့်ပစ်မထားဘဲ အတူရှိနေပေးသော သူငယ်ချင်းဖြစ်သူ အသက် (၂၀) အရွယ် Tg. Cin Pian Nang မှာလည်း အချုပ်ခန်း တွင် ထိန်းသိမ်းခံနေရဆဲ ဖြစ်ကြောင်း သိရသည်။

ဖြစ်စဉ်နှင့် ပတ်သက်၍ ထိုင်းသို့သွားရောက်မည့် ဆွေမျိုးနီးစပ်သူတစ်ဦးက “အခုထိ Kimpu(ကွယ်လွန်သူ) ရဲ့ သူငယ်ချင်းနဲ့ အဆက် အသွယ်မရသေးဘူး။ လောလောဆယ် သူ့သူငယ်ချင်းကတော့ ထောင်ထဲမှာ ထိန်းသိမ်းခံရတယ်။ ကျွန်တော်ရောက် မှပဲ ဘယ်လိုစီစဉ်ရမလဲဆိုတာ ဆုံးဖြတ်လို့ရမှာပါ။” ဟု ပြောသည်။

လက်ရှိတွင် လေယာဉ်လက်မှတ်အခက်အခဲကြောင့် ချက်ချင်း လိုက်သွားရန်အဆင်မပြေသေးသော်လည်း လက်မှတ်ရရ ချင်း ဆွေမျိုးဖြစ်သူက ထိုင်းသို့သွားရောက်မည်ဟု သိရသည်။

သေဆုံးသွားသူ Tg. Pau Lam Kimနှင့် သူငယ်ချင်းတို့မှာ မိသားစုစားဝတ်နေရေးခက်ခဲခြင်းအပြင် နေရပ်ဒေသတွင်း စစ်မှုထမ်းစုဆောင်းခံရခြင်းကြောင့် ပိုမိုကောင်းမွန်သော ဘဝကိုရှာရင်း ယခုကဲ့သို့ ဝမ်းနည်းဖွယ်ရာဖြစ်ရပ်နှင့် ရင်ဆိုင် နေရခြင်းဟု သိရသည်။

“ရွာထဲမှာ ရှိနေရင်လည်း ကျွန်တော်တို့ ရွာတွေဘက်မှာ လူငယ်တွေကို လိုက်စုဆောင်းတာတွေရှိတော့ ရွာမှာနေဖို့က သိပ်အဆင်မပြေတော့ဘူး။ နောက် စားဝတ်နေရေးအခက်ခဲကြောင့် ပိုကောင်းတဲ့ ဘဝကို ရှာချင်တာနဲ့ရယ် အဓိက ဒီ ၂ ချက်ကြောင့် ရွာကနေထွက်ပြီး မလေးရှားဘက် ထွက်ခွါသွားရတာပေါ့နော်။ အဲလိုနဲ့ လမ်းမှာအခုလို မော်တော်ယာဉ် စီးသွားရင်း အသက်ရှူမဝတော့ဘဲ ဆုံးသွားရှာတာ။ သူ့မှာ ညီမလေး တစ်ယောက်ပဲရှိတော့တာ။ သူ့မိဘတွေကလဲ သူတို့ငယ်ငယ်ကတည်းက ဆုံးသွားရှာပြီ။” ဟု အခြားဆွေမျိုးနီးစပ်သူတစ်ဦးက ပြောသည်။

ကွယ်လွန်သူ Tg. Pau Lam Kim သည် ငယ်စဉ်ကတည်းက မိဘနှစ်ပါးစလုံး ကွယ်လွန်ခဲ့သူဖြစ်ပြီး အသက် (၁၇) နှစ်အရွယ် ညီမဖြစ်သူတစ်ဦးနှင့်အတူ ဦးလေးဖြစ်သူထံတွင် ကြီးပြင်းခဲ့ရသူဖြစ်သည်။

၎င်းသည် ထိုင်းမှ မလေးရှားသို့ ကားဖြင့်ထွက်ခွါစဉ် ကားထဲတွင် လူများလွန်းသဖြင့် အသက်ရှူမဝဘဲ ထိုင်းနိုင်ငံတောင်ပိုင်း ဆောင်ခလာခရိုင်၊ တာပါစုန်ခလာ ရေသူမကမ်းခြေအနီးတွင် သူ၏ရုပ်အလောင်းကို ပွဲစားများက စွန့်ပစ်ရန် ကြိုးစား သော်လည်း သူငယ်ချင်းဖြစ်သူ Cin Pian Nang က အလောင်းကို မစွန့်လွှတ်ဘဲ ဖက်တွယ်ကျန်ရစ်ခဲ့ခြင်း ဖြစ်သည်။

လက်ရှိတွင် ရုပ်အလောင်းကို ဆောင်ခလာခရိုင်ရှိ ချားနားဆေးရုံတွင် ခေတ္တထားရှိကြောင်း သိရပြီး ပွဲစားများဘက်က ရုပ်အလောင်းကို မြန်မာနိုင်ငံ၊ နေရပ်အိမ်အရောက် တာဝန်ယူပို့ဆောင်ပေးမည်ဟု ပြောဆိုထားကြောင်း ဆွေမျိုးနီးစပ်သူ တစ်ဦးပြောပြချက်အရ သိရသည်။

ပုံစာ- "သေအတူ ရှင်မကွာ" မြင့်မြတ်တဲ့စိတ်ထားဖြင့် သူငယ်ချင်းဖြစ်သူ၏ ရုပ်အလောင်းကို ဖက်တွယ်ကျန်ရစ်ခဲ့သော Cin Pian Nang

ကလေး-တီးတိန်ကြားမှာ ဂိတ်ကြေးကောက်ခံမှုများ၍ တီးတိန်မြို့မှာ အခြေခံစားကုန်များဈေးတက်ဟု ဆို ခိုနူမ်းသုန်သတင်း၊ ၁၄ ဧပြီလ ၂၀...
14/04/2026

ကလေး-တီးတိန်ကြားမှာ ဂိတ်ကြေးကောက်ခံမှုများ၍ တီးတိန်မြို့မှာ အခြေခံစားကုန်များဈေးတက်ဟု ဆို

ခိုနူမ်းသုန်သတင်း၊ ၁၄ ဧပြီလ ၂၀၂၆

(002MG)

စစ်ကိုင်းတိုင်းကလေးမြို့ နှင့် ချင်းပြည်နယ်မြောက်ပိုင်း တီးတိန်မြို့အကြားရှိ စစ်ဆေးရေးဂိတ်များတွင် ဂိတ်ကြေး ကောက်ခံမှုများနေသည့်တွက် တီးတိန်မြို့ပေါ်တွင် အခြေခံစားသုံးကုန်ဈေးနှုန်းမှာလည်း နှစ်ဆမြင့်တက်လာသည်ဟု သိရသည်။

ကလေးမြို့မှအထွက် ချင်းတောင်ဘက်အတက်လမ်းပိုင်းတွင် စစ်ကော်မရှင်တပ်ဖွဲ့ စစ်ဆေးရေးဂိတ်ဖြစ်သည့် (၈) မိုင် ဂိတ်နှင့် (၉) မိုင်ဂိတ်အပါအဝင် ချင်းကာကွယ်ရေးတပ်ဖွဲ့များ၏ ဂိတ်အသီးသီးတွင် ဂိတ်ကြေးကောက်ခံမှု များ လာခြင်း ကြောင့် ကုန်ပစ္စည်းသယ်ယူပို့ဆောင်ခမှာလည်း မဖြစ်မနေမြင့်တက်လာကာ အကျိုးဆက်အနေဖြင့် ကုန်ဈေးနှုန်းမှာ လည်း မြင့်တက်လာခြင်းဖြစ်သည်ဟု တီးတိန်မြို့ခံတဦးက ပြောသည်။

တီးတိန်မြို့ခံ အမျိုးသားတဦးက “ ကလေးမြို့အထွက် (၈) မိုင်မှာ ဂိတ်ကြေး၊ (၉) မိုင်မှာ ဂိတ်ကြေးပေးရတယ်။ (၉ ) မိုင်နဲ့ တီး တိန်ကြားမှာ ဂိတ်ကြေးမနည်းပေးရတယ် အဲ့တာတွေကြောင့် ကုန်ဈေးနှုန်းက မနည်းကို ထိုးတက်သွားတာ။ ကား သမားတွေအတွက်လည်း ဘာမှမကျန်တော့ဘူးလေ။ ဂိတ်ကြေးက များလာတော့ ကုန်ဈေးနှုန်းတွေက လည်း တက်လာပေါ့၊ ကြက်ဥတစ်လုံးအရင်တုန်းက ၅၀၀ ပဲရှိတာ။ အခုက တစ်ထောင်နီးပါးကို တက် သွားတယ်။ ၂ ဆလောက် ကို ထိုးတက်သွားတာ။” ဟုပြောသည်။

ကလေးမြို့မှ ချင်းတောင်ဘက်သို့အထွက် စစ်ကော်မရှင်တပ်ဖွဲ့ စစ်ဆေးရေးဂိတ်ဖြစ်သည့် (၈) မိုင်ဂိတ်နှင့် (၉) မိုင် ဂိတ်တို့တွင် ခရီးသည်တင်ကား နှင့် ကုန်တင်ကားတစ်စီးလျှင် အနည်းဆုံးကျပ်ငွေ ၅ သောင်းမှ တစ်သိန်းကျော်အထိ ဂိတ်ကြေးပေးဆောင်ရသည်ဟု သိရသည်။

ထို့အပြင် ၉ မိုင် နှင့် တီးတိန်မြို့အကြားတွင်လည်း ချင်းတော်လှန်ရေးတပ်ဖွဲ့များ၏ စစ်ဆေးရေးဂိတ်များတွင် တင်ဆောင်လာသော ကုန်ပစ္စည်းများပေါ်မူတည်၍ ဂိတ်ကြေး အများအပြားပေးနေရသည်ဟုသိရသည်။

လက်ရှိ တီးတိန်မြို့ပေါ်တွင် ကြက်ဥတစ်လုံးလျှင် (၅၀၀) ကျပ် မှ (၁,၀၀၀) ကျပ်နီးပါး၊ ကြက်သား တစ်ပိဿာ (၂၅,၀၀၀) ကျပ်မှ (၃၆,၀၀၀) ကျပ်၊ ငါးတစ်ပိဿာ (၂၀,၀၀၀) ကျပ်မှ (၄၀,၀၀၀) ကျပ်၊ ဧရာမင်းကော်ချက် ဆန်တအိတ်လျှင် (၁၅၀,၀၀၀) ကျပ်မှ (၂၀၀,၀၀၀) ကျပ်၊ ဓာတ်ဆီ တစ်ဂါလံ (၂၈,၀၀၀) ကျပ်မှ (၄၁,၀၀၀) ကျပ်ရှိသည်။

ကလေးမြို့မှ ချင်းပြည်နယ်မြောက်ပိုင်းသို့ ဆက်သွယ်ထားသည့် ကလေး- သိုင်းငင်း ကားလမ်းပိုင်းသည် အသုံးမပြု နိုင်သေးသောကြောင့် ခရီးသွားပြည်သူများအပါအဝင် မော်တော်ယာဉ်ငယ်များသည် ကွင်းလမ်းဖြင့်သာ ခရီးသွားလာ နေကြရပြီး ကားခမှာ လူတစ်ဦးလျှင် ကျပ်ငွေ တစ်သိန်းရှစ်သောင်းခန့်ရှိသည်ဟု သိရသည်။

တီးတိန်မြို့ပေါ်တွင် ယခင်ထက် ကုန်တင်ကားဝင်ရောက်မှုနည်းပါးလာခြင်းနှင့် ဂိတ်ကြေးပေးဆောင်ခြင်း ဆက်လက် မြင့်မားနေပါက ကုန်ဈေးနှုန်းများကျဆင်းလာရန်မလွယ်ကူသည့်အတွက် မြို့ခံပြည်သူများ ပို၍အခက်ကြုံလာနိုင်သည် ဟု သိရသည်။

လက်ရှိအချိန်သည် ဖလမ်းမြို့ ရန်သူ့လက်သို့ မကျစေရန် တွန်းလှန်နေရသော အဆုံးအဖြတ်ကာလဟု CNDF ဆိုခိုနူမ်းသုန်သတင်း၊ ၁၄ ရက် ဧပြ...
14/04/2026

လက်ရှိအချိန်သည် ဖလမ်းမြို့ ရန်သူ့လက်သို့ မကျစေရန် တွန်းလှန်နေရသော အဆုံးအဖြတ်ကာလဟု CNDF ဆို

ခိုနူမ်းသုန်သတင်း၊ ၁၄ ရက် ဧပြီလ ၂၀၂၆
(006SV)

ဖလမ်းမြို့ကို အာဏာသိမ်းစစ်တပ်လက်သို့ ပြန်လည်မကျရောက်စေရန် လက်ရှိအချိန်သည် မဟာမိတ်များနှင့် လက်တွဲပြီး ရဲရဲဝံ့ဝံ့ ကြံ့ကြံ့ခံ တွန်းလှန်နေရသော အဆုံးအဖြတ်ကာလဖြစ်နေသည်ဟု ချင်းအမျိုးသားအဖွဲ့ချုပ် (CNO/ CNDF) က ကြေညာသည်။

ချင်းအမျိုုးသားအဖွဲ့ချုပ် (CNO/ CNDF) ၏ ဖွဲ့စည်းတည်ထောင်ခြင်း ၅ နှစ်ပြည့် ထုတ်ပြန်ချက်မှာ ငါးလခန့်ရှိ လာပြီဖြစ်သည့် ဖလမ်းမြို့တိုက်ပွဲအခြေအနေများနှင့်ပတ်သက်၍ ယင်းသို့ အသိပေးလာခြင်းဖြစ်သည်။

ယခုအချိန်သည် အောင်ပွဲကို ထိန်းသိမ်းရုံးသာမက ဖလမ်းမြို့ကို ရန်သူ့လက်သို့ ပြန်လည် မကျရောက်စေရန် မဟာမိတ်များနှင့်အတူ လက်တွဲပြီး ရဲရဲဝံ့ဝံ့ ကြံ့ကြံ့ခံ တွန်းလှန်နေရသော အဆုံးအဖြတ်ကာလဖြစ်သည်ဟု ချင်းအမျိုးသားအဖွဲ့ချုပ်က အသိပေးသည်။

ဖလမ်းမြို့သို့ ကလေး- သိုင်းငင်း- ဖလမ်းနှင့် ကလေး- ဝေဘူလ - ဖလမ်းတို့မှတဆင့် ၂၀၂၅ နိုဝင်ဘာလဆန်းမှစတင်၍ စစ်အင်အား တစ်ထောင်ခန့်ဖြင့် လေကြောင်း၊ လက်နက်ကြီး ပစ်ကူအများအပြားအသုံးပြုကာ ထိုးစစ်ဆင်နေသည့် စစ်ကော်မရှင် တပ်နှင့် ချင်းတော်လှန်ရေး ပူးပေါင်းတပ်များအကြား ယနေ့အချိန်အထိ တိုက်ပွဲများ ဆက်လက်ဖြစ်ပွားနေသည်ဟု သိရသည်။

ဖလမ်းတိုက်ပွဲသည် အာဏာသိမ်းစစ်တပ်နှင့် ချင်းပူးပေါင်းတပ် နှစ်ဖက်စလုံးအတွက် အထိအခိုက် အကျအဆုံး များပြားနေကြောင်း ၊ စစ်ကော်မရှင်တပ်သည် စစ်အင်အားနှင့် လက်နက်ခဲယမ်း အများအပြားကိုလည်း မကြာခဏ ဖြည့်တင်းနေကြောင်း စစ်ရေးသတင်းရင်းမြစ်တချို့ထံမှ သိရသည်။

ချင်းညီနောင်နှင့် မဟာမိတ်တပ်ပေါင်းစုများ၏ ခိုင်မာသော စည်းလုံးညီညွတ်မှုဖြင့် ဖလမ်းမြို့သိမ်းစစ်ဆင်ရေးကို အောင်မြင်စွာ ဆင်နွှဲနိုင်ခြင်းသည် CNO/ CNDF ၏ ၅ နှစ်တာကာလအတွင်း အမျိုးသားရေးအတွက် မှတ်ကျောက်တင်နိုင်ခဲ့သည့် အောင်ပွဲတစ်ရပ်ဖြစ်သည်ဟု ထုတ်ပြန်သည်။

အောင်မြင်မှုများ ရရှိရန်အတွက် စစ်ရေး၊ နိုင်ငံရေးနှင့် နည်းပညာပိုင်းဆိုင်ရာများတွင် အဖက်ဖက်မှ ဝိုင်းဝန်း ပံ့ပိုး ပေးခဲ့ကြသော အာရက္ခတပ်တော် (ULA/ AA) အပါအဝင် ညီနောင် မဟာမိတ်များ၊ မိတ်ဖက်အဖွဲ့အစည်းများနှင့် ပြည်တွင်း ပြည်ပရှိ ပံ့ပိုးကူညီသူ အားလုံးကို အထူးပင်ကျေးဇူးတင်ရှိကြောင်း ငါးနှစ်ပြည့် ထုတ်ပြန်ချက်မှာ အသိပေးသည်။

စစ်အာဏာရှင်စနစ်အပါအဝင် အာဏာရှင်စနစ်ဟူသမျှကို အပြီးတိုင် ချေမှုန်းပြီး ချင်းပြည်သူများ လိုလားတောင်တသော မိမိကံကြမ္မာ မိမိဖန်တီးခွင့်နှင့် ကိုယ်ပိုင်ပြဌာန်းခွင့် အပြည့်အဝ ရှိသော ချင်းပြည် တည်ဆောက်ရေးနှင့် အမျိုးသားတန်းတူရေးကို အာမခံသော ဖက်ဒရယ်ဒီမိုကရေစီ ပြည်ထောင်စု ပေါ်ထွန်းလာသည်အထိ တိုက်ပွဲဝင်သွားမည်ဟု ဆိုသည်။

ယင်းသို့ ပေါ်ထွန်းလာသည်အထိ ကြားကာလ ချင်းအမျိုးသားအတိုင်ပင်ခံ ကောင်စီ/ ချင်းညီနောင် ၏ နိုင်ငံရေး၊ စစ်ရေး လမ်းစဉ်အတိုင်း တော်လှန်ရေး မဟာမိတ်အင်အားစုများနှင့် အတူ လက်တွဲ၍ အဆုံးတိုင် ဆက်လက်တိုက်ပွဲဝင်သွားမည်ဟု CNO ထံမှ သိရသည်။

CNO/ CNDF သည် ငါးနှစ်တာ ခရီးကြမ်းအတွင်း မိမိတို့ အဖွဲ့အစည်းသည် စစ်ရေး၊ နိုင်ငံရေးဆိုင်ရာ အောင်မြင်မှုများနှင့်အတူ စိန်ခေါ်မှုများကို အလီလီအလှည့်လှည့် ကြုံတွေ့ကျော်ဖြတ်ခဲ့ရသည်ဟု သိရသည်။

မိမိတို့အနေဖြင့် အသက်၊ သွေး၊ ချွေး ပေးဆပ်နေကြရသော ရဲဘော်များ၊ ပြည်သူများနှင့်အတူ ရပ်တည်လျက် နောက်ဆုံး ပန်းတိုင်အထိ ဆက်လက်ချီတက်သွားမည်ဟုလည်း သိရသည်။

တမူးခရိုင်မှာ ခွင့်ပြုချက်မရှိသောဂိတ်များ ဧပြီ ၃၀ ရက်နောက်ဆုံးထားပိတ်သိမ်းရန် NUG ထုတ်ပြန်ခိုနူမ်းသုန်သတင်း၊ ၁၃ ဧပြီလ ၂၀...
13/04/2026

တမူးခရိုင်မှာ ခွင့်ပြုချက်မရှိသောဂိတ်များ ဧပြီ ၃၀ ရက်နောက်ဆုံးထားပိတ်သိမ်းရန် NUG ထုတ်ပြန်

ခိုနူမ်းသုန်သတင်း၊ ၁၃ ဧပြီလ ၂၀၂၆

(006SV)

စစ်ကိုင်းတိုင်း၊ တမူးခရိုင်းအတွင်းရှိ စစ်ဆေးရေး ဂိတ်များနှင့် လုံခြုံရေးဂိတ်များကို ခရိုင်ကွက်ကဲရေးရုံး၏ ခွင့်ပြုချက် မရှိဘဲ ဖွင့်လှစ်ခြင်း မပြုရန် အမျိုးသားညီညွတ်ရေးအစိုးရ (NUG) ၊ ကာကွယ်ရေးဝန်ကြီးဌာန၊ အမှတ် (၁) စစ်ဒေသဌာနချုပ်၊ တမူးခရိုင်ကွပ်ကဲရေးက ကြေညာသည်။

တမူးခရိုင်းအတွင်း ခရိုင်ကွပ်ကဲရေးရုံး၏ ခွင့်ပြုချက် မရှိဘဲ ဖွင့်လှစ်ထားသော စစ်ဆေးရေးဂိတ်များ၊ လုံခြုံရေးဂိတ်များကို ဧပြီလ ၃၀ ရက် နောက်ဆုံးထား၍ ပိတ်သိမ်းကြရန် တမူးခရိုင်ကွပ်ကဲရေးရုံးက ယနေ့ ဧပြီလ ၁၃ ရက်မှာ ထုတ်ပြန်သည်။

တမူးခရိုင်ထဲက လက်နက်ကိုင်အဖွဲ့များအနေဖြင့် လိုက်နာဆောင်ရွက်ခြင်း မရှိပါက ထိရောက်စွာ အရေးယူမည်ဖြစ်ကြောင်း ထုတ်ပြန်ချက်မှာ အသိပေးထားသည်။

တမူးခရိုင်ထဲတွင် ခါမ်းပတ်မြို့နှင့် မြို့သစ်မြို့တို့ကို ပြည်သူ့ကာကွယ်ရေးတပ်ဖွဲ့များက ထိန်းချုပ်ထားသည်ဟု သိရသည်။

အမျိုးသားညီညွတ်ရေးအစိုးရသည် ၎င်းတို့ထိန်းချုပ်ဒေသများတွင် တရားမဝင် စစ်ဆေးရေးဂိတ်များ၊ အကောက်အခွန် ဂိတ်များကို ပိတ်သိမ်းရန် မူဝါဒရှိထားကြောင်း သိရသည်။

မင်းတပ်မြို့ဗုံးကြဲခံရမှု ၁ ဦးသေ၊ ၁၀ ဦးကျော်ထိခိုက်ဒဏ်ရာရ ခိုနူမ်းသုန်သတင်း၊ ၁၃ ဧပြီလ ၂၀၂၆(006SV) အာဏာသိမ်းစစ်တပ်က မင်းတ...
13/04/2026

မင်းတပ်မြို့ဗုံးကြဲခံရမှု ၁ ဦးသေ၊ ၁၀ ဦးကျော်ထိခိုက်ဒဏ်ရာရ

ခိုနူမ်းသုန်သတင်း၊ ၁၃ ဧပြီလ ၂၀၂၆

(006SV)

အာဏာသိမ်းစစ်တပ်က မင်းတပ်မြို့ပေါ်ကို ဂျက်ဖိုက်တာများဖြင့် လေကြောင်းတိုက်ခိုက်မှုများ ပြုလုပ်ခဲ့ရာ ဒေသခံပြည်သူ ၁ ဦး သေဆုံးပြီး ၁၀ ဦးထက်မနည်း ထိခိုက်ဒဏ်ရာများ ရရှိသည်ဟု မင်းတပ်ဒေသခံတချို့ထံမှ သိရသည်။

ဧပြီလ ၁၁ ရက် ည ၁၀ နာရီခန့်က ချင်းပြည်နယ်၊ မင်းတပ်မြို့ပေါ် နေရာ အများအပြားကို အာဏာသိမ်းစစ်တပ်က ဂျက်ဖိုက်တာ ၃ စီး အသုံးပြု၍ မီးလောင်ဗုံးအပါအဝင် ဗုံး ၈ လုံးခန့်ဖြင့် တိုက်ခိုက်ခြင်းဖြစ်သည်ဟု သိရသည်။

“ဗုံးကြဲတိုက်ခိုက်တာက ၁ ဦးက သေဆုံးသွားတယ်၊၊ ၁၀ ဦးကျော်ကတော့ ထိခိုက်ဒဏ်ရာတွေ ရရှိပါတယ်။ သေဆုံးသွားတာက အမျိုးသားပါ၊၊ ရဲသုံ့ပန်းဖြစ်တယ်လို့တော့ ကြားမိပါတယ်။ ထိခိုက်ဒဏ်ရာ ရရှိသူတွေထဲမှာတော့ အရပ်သားတွေရော အရပ်သား မဟုတ်ဘူးတွေရော ပါပါတယ်” ဟု မင်းတပ်ဒေသခံတစ်ဦးက ပြောသည်။

ဗုံးကြဲတိုက်ခိုက်ခံရမှုကြောင့် မင်းတပ်မြို့ပေါ်က အရပ်သားနေအိမ်များနှင့် စာတိုက်ရုံး၊ ချင်းဗုဒ္ဓသာသနပါလအဖွဲ့ရုံးအပါအဝင် အဆောက်အဦး ၂၀ ကျော် ထိခိုက်ပျက်စီးပြီး အိမ်စီးကား ၄ စီးလည်း ထိခိုက်ပျက်စီးသည်ဟု သိရသည်။

ချင်းကာကွယ်ရေးတပ်ဖွဲ့ - မင်းတပ်က သိမ်းပိုက်ထိန်းချုပ်ပြီး အုပ်ချုပ်ရေးလုပ်ငန်းများ အကောင်အထည်ဖော် လည်ပတ်နေသည့် မင်းတပ်မြို့ပေါ်နှင့် မြို့နယ်ဒေသများကို အာဏာသိမ်းစစ်တပ်က လေကြောင်းတိုက်ခိုက်မှုများ မကြာခဏ ပြုလုပ်နေကြောင်း သိရသည်။

Address

Falkland Township
Aizawl
796001

Opening Hours

Monday 9am - 5pm
Tuesday 9am - 5pm
Wednesday 9am - 4pm
Thursday 9am - 4pm
Friday 9am - 5pm

Website

Alerts

Be the first to know and let us send you an email when Khonumthung Burmese posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Khonumthung Burmese:

Shortcuts

Share

Category