Chinlung Today

Home
India
Aizawl
Chinlung Today

Truth First. People Always.

10/09/2026

Mandalay ih Tada U vanzam ṭumhmun an kah ruangah bikhiah um lo in vazam kerawn an khar

Mandalay khawpi Tada U Air Base ih jet fighter pawl cu September 10, sun n**i 2 luan hrawngah dothlengnak tuahtu pawl in FPV drone in an kah ruangah bikhiah um lo in airport an khar thu theih a si.

Ralhrang pawl in Myanmar ram pumpi hmun dangdang ih bomb thlak dingin raldonak Jet fighter an zam suaknak hmunpi Tada U Air Base cu FPV drone in an kap.

Vanzam ṭumhmun kilhimtu Tada U – Myothar lamzinpi ih feh, strategy commander rank telnak motor khal dothlengnak tuahtu pawl in an rak kap ih strategy commander rank a thih an zum thu thuthang hrampi in a sim.

Ralhrang pawl cun vanzam kerawn kiangih khua umnak ah motor 40 thawn operation an tuah cih. Simlam ah dothlengnak tuahtu pawl thawn kahawknak a um ih khat lam khat lam a thi an um tiah tualsung thuthang hrampi ihsin theih a si.

10/09/2026

Laitui Khua Ah Palpuak Bomb Pal Ruangah Mi 2 An Thi Ih Mi 3 Hriamtuar

Chinlung Today | September 10, 2026

Chin ramkulh, Tedim peng Laitui khua ah September 10 zanlam ah palpuak bomb pal ngah ruangah mi 2 an thi ih mi 3 bese zetin hriam an tuar thu theih a si.

Bomb puak ruangah mi 2 cu a hmunah an thi cih, mi 3 khal an k*t le ke ah bese zet in hriam an tuar ih an dinnhmun a ṭha tuk lo. Hriamtuar pawl cu sizung ah an tuamhlawm rero tiah tualsung mi pawl in an sim.

A tui'h palpuak bomb cu CDF-Hualngo pawl ih kam mi a si thei. Asinan thuhla fiang cu theih a si hrih lo tin an sim.

Salai-Len-Khar
CTM-2609-J054

10/09/2026

Naypyidaw Ah Remdaihnak Thurelkhawm Ding Kan Feh Lo Ding Tin KIO In Sim

Chinlung Today | Septenber 10, 2026

KIO in Naypyidaw ah remdaihnak thureltlang dingin kan feh lo ding tin ralhrang pawl ih sawmnak an el thu thuthang hrampi in Irrawaddy hnenah a sim.

Ralhrang remdaihnak NSPNC in KIO cu Naypyitaw ah thureltlang dingin September 4 ah sawmnak ca a kuat. KIO lam cun Naypyidaw si seh, Kachin ramkulh khalah tonawk an duh lo, ram pakhat khat ih biakawk lawng an duh tiah thuthang hrampi in a sim.

Salai-Len-Khar
CTM-2609- J053

10/09/2026

Mindat khawpi hmun pakhat ah jet fighter in bomb pahnih a thlak

Chinlung Today | September 10, 2026

Chin ramkulh, Mindat khawpi hmun pakhat ah tuini (September 10) zanlam n**i 6:50 hrawngah Naypyitaw Ela airbas ihsin jet fighter pakhat in bomb pahnih a thlak tiah tualsung mi pawl hnen ihsin theih a si.

Himi bomb thlaknak ruangah siatralnak le hriamtuar ziangvek dinhmun a um ti theih fiang a si hrih lo.

CTM-2609-H051

10/09/2026

Chinlung Today | September 10, 2026
Zanlam Thuthang
👉 https://youtu.be/LzcBTElUcAQ

10/09/2026

Tanintharyi Ramṭhen Launglon Peng Ah Ralhrang In Tualsung Mi 5 An That

Chinlung Today | September 10, 2026

Tanintharyi ramțhen, Launglon (လောင်းလုံး) peng, Waidi khua ihsin an kir salnak lam ah ralhrang pawl in tualsung mi 5 an that tiah thuthang hrampi ihsin theih a si.

Tuini (September 10) zinglam ah, ralhrang pawl cu Waidi khua ihsin an pok ih Kone Zayat khua kiangah k*m 90 luan putar pakhat an kap that ih a inn khal an ur kang. Cutin an feh vivo ih Mae Maw khua ih raltlan k*m 20 luan mipi 3 an kap that lala. Tu dinhmun ah a thi mi pawl ih ruak cu hawl rero lai a si.

"An thah mi zaten mi pa 5 an si. An hmin le an k*m pawl cazin kan la rero lai. Kim ten an ruak kan hmu hrih lo.”

Ralhrang pawl cu September 8 zing ah Launglon khawpi ihsin mipum 100 hrawng an si tiah tualsung mi pawl in an sim.

CTM-2609-H050

10/09/2026

ULA/AA in Rakhine ramkulh zatek 92 hnakih tam an thunun

Chinlung Today | September 10, 2026

Chin ramkulh Paletea peng telin Rakhine ramkulh cu ULA/AA in zatek 92.6 hrawng an thunun thei tiah ISP Myanmar in September 10 ah a tarlang.

ULA/AA in November 13, 2023 ihsin khawpi lak operation an fehpi ih Rakhine ramkulh zate deuh thaw in a la zo.

ULA/AA in an thununnak hmunram pawl ah Arakha People's Revolutionary Government (APRG) cozah an din. K*m 2025 May thla ihsin Chin ramkulh Paletwa peng telin District 8 ah an ṭhen tiah theih a si.

CTM-2609-H049

10/09/2026

China President Xi Jinping India Ah A Tlawng Ding

Chinlung Today | September 10 2026

China President Xi Jinping cu tui zarh sungah India ram New Delhi ah a tlawng ding thu, k*m 7 hnuah a voikhatnak India a tlawnnak a si ding tiah Reuters thuthang in an tarlang.

Himi khualtlawnnak ihsin ram hnih karlak pehtlaihawknak a cakter sinsin men thei. Asinan, sumdawnnak pehtlaihawknak lam a ṭhansoh an um lo.

India le China hi sumdawnnak lam ah buainak tumpi an nei lai. Daan hrekkhat pawl ruangah sumhram investment thar hnaṭuannak pawl a fungter ih visa ngah ding khalin can reipi hngak a ṭul. Cet lam thilri pawl khal duh zatzat in lei le zuar sian a si lo.

China, India le Russia pawl hi leitlun huap ih a thupi zet mi group pahnih, Shanghai Cooperation Organisation (SCO) le BRICS pawlkom sungtel an si.

CTM-2609-H048

10/09/2026

Chin ramkulh telin Myanmar rampi huap ralhrang k*t tuar thla 8 sungah k*m 18 hnuai nauhak mi 121 hnakih tam an thi

Chinlung Today| September 10, 2026

Myanmar ram sungah ralhrang k*t tuar k*m 18 hnuailam mi 121 thi an um tin Assistance Association for Pilitical Prisoners (Burma) in mizan (September 9) ah an tarlang.

2026 January 1 ihsin September 9 tiang Myanmar rampi huap k*m 18 hnuailam mi 121 thi an um ih nunau 54, mipa 67 an tel tiah AAPP cun an sim.

Ralhrang pawl ih bomb thlak ruangah Bago ramṭhen ah mi 29 an thi ih mithi tambiknak hmun a si. Chin ramkulh ah mi 24 an thi ih mithi tambik a pahnihnak a si.

A thi mi pawl lakah mi 87 cu ralhrang pawl in vanzam in bomb thlak ruangih thi mi an si. Nauhak 17 cu ralhrang pawl in an kaih hnu ih thi an si.

Nauhak 70 pawl ih thih daan khal zingzoinak an nei rero lai thu AAPP ih tarlang mi ihsin theih a si.

CTM-2609-L047

10/09/2026

President Donald Trump In Midterm Election Ah Republican Party Nehnak Co Asile K*mkim Zo Pawl US $ 5,000 Pek A Tum

Chinlung Today | September 10, 2026

American ram ah tui k*m November thla suangih tuah ding mi Midterm Election ah Republican Party in Parliament ah nehnak an hnuh sal asile k*mkim zo American mipi pawl US $ 5,000 ka pe ding tiah September 9 ah President Donald Turmp in a sim thu Reuters in a tarlang.

Texas ramkulh, Dallas khawpi ih Republican Party (Midterm Election) hrilawnak thawn pehpar in a hmaisabik conference ah Trump in a sim mi a si. Cui'h sumpai pek ding mi cu daan thawn a kalh maw, kalh lo ti cu a sim tel lo tiah theih a si.

A pe ngaingai ding a si ahcun American ah k*mkim cia ram mi million 270 tluk an um ih US $ 1.35 Trillion hrawng a pek ṭul ding thu theih a si.

Cun tulai fangah American rampi ih sumpai cemliamnak a tam vekin Iran a kah ruangah (Independent voters) pawl ih Trump thapeknak a tla niam. Republican Party in vote an hmu tam theinak dingih a sim mi a si thu theih a si.

Salai-Len-Khar
CTM-2609-J052

Address

T-Section. Chunga Road. Saron Veng
Aizawl
796001

Website

http://chinlungtoday.com/

Alerts

Be the first to know and let us send you an email when Chinlung Today posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Chinlung Today:

Want your business to be the top-listed Media Company in Aizawl?

Chinlung Today

10/09/2026

10/09/2026

10/09/2026

10/09/2026

10/09/2026

10/09/2026

10/09/2026

10/09/2026

10/09/2026

10/09/2026

Address

Website

Alerts

Contact The Business

Shortcuts

Share

Category

Listing takedown request