Darthlalang

19/09/2026

Big shout out to my newest top fans! 💎 Rini Ralte, Alexius Zodinsanga Chawhte

Drop a comment to welcome them to our community,

19/09/2026

Lo hmu leh hria kan awm takin.

19/09/2026

FLORIDA-AH DENGUE HRI A LENG NASA, K*M 80 MIIN A THIH PUI

Florida, Sept 19, 2026
America ram, Florida state chu k*m tam tak chhunga a la tawh loh tur khawp dengue hri lenna nasa tak a tuar mek a, tunah phei chuan thihna hial a thleng ta.

Florida Department of Health chuan Zirtawpni khan dengue vanga thi an awm thu an puang a. He thihna hi Hillsborough County-a thleng a ni a, k*m 2026 chhunga Florida-a dengue vanga thihna hmasa ber a ni bawk.

Thudawn danin, thi ta hi k*m 80 mi nu, Gay Small a ni a, a piancham ni tak September ni 4 khan Tampa General Hospital-ah a boral a ni. A thihchhan hi thuk thlak thiam ten "Thosi seh atanga kai, dengue infection, thisen harsatna leh taksa peng hrang hrang chawlhsan" vang a ni tih an ziak.

Hillsborough County bikah hian k*min July thla atang khan dengue kai mi 130 chuang hmuh chhuah an ni tawh a, tihian k*m dangah chuan tlem te chauh an hmuh chhuah thin laiin k*min chu a pung nasa hle. Florida pumah phei chuan hmun hranga kai te nen mi 150 chuang an tling tawh a ni.

Health Department chuan mipuite chu thosi lenna hmun tui tling te then fai tur leh, thosi repellent hmang tur leh, pawn chhuah dawnin kawr ban tluan ha turin an ngen a ni.

Dengue hi Aedes thosi atanga kai chhawn a ni a, a lan chhuah dan tlangpui chu khawsik sang, lu na, ruh leh tihrawl na, leh vun bawl a ni.

Source: abcnews.com
USA Today

19/09/2026

Dr. H. Lalrinhlui d/o H. Laltanpuia &
F. Lalhmunliani, Bawngkawn South, Aizawl.

Mizoram/Mizo te zinga Ph.D. in Special Education degree nei hmasa ber niin, UGC-NET-JRF Qualified ani bawk ani. A thesis hi "Effectiveness of Digital Literacy Training Programme on Pre-Employability Skills and Self-Efficacy among Students with Visual Impairment in Higher Education in Mizoram" tih ani a, Ramakrishna Mission Vivekananda Educational and Research Institute, Coimbatore atangin he degree award hi hlan a ni.

19/09/2026

I got over 2,000 reactions on my posts last week! Thanks everyone for your support! 🎉

18/09/2026

LUNGLEI POLICE LAM HI AN VA CHHUANAWM THIN EM.

ATM RAWKTU AN MAN

September 17,2026 : August ni 24.2026 zing dar 3 vela AOC Square Ramthar Lunglei Petrol Pump bula ATM booth rawktu Michael Rothangpuia S/o LT Chhunga Hauzel Luangmual chu Lunglei Police-ten vawiin chhun dar 12:45 khan a chenna In Luangmualah an man.

ATM a rawk hian a hmai leh a lu a tuam avangin a hmel a lang thei lova, CCTV atanga a pian phung leh chet dan enin an zawng a, an man ta a ni.

August ni 24 zing dar 3:16-ah ATM booth alert a ri a, thenawm khawvengin police-ah report-in, ATM rawk a ni tih an hria a, police-ten an en dik a, ATM rawktu hian pawisa dahna Cash Cassettes a kar chhiat theih loh avangin a hlawh chham a, alert rik hma hlek hian ATM hi a chhuahsan hman tih an hmu.

ATM a tihchhiat hlut zawng hi Rs. 1,50,000 vel a ni.

18/09/2026

MIZO TE MINTI HMING THA TU
LALREMSIAM CHANCHIN THENKHAT THAILANG TEH ANG

🏑 Lalremsiami chanchin: Mizoram nula infiammi chhuanawm tak chu Arjuna Award dawngin, a hmingin Hockey Ground sak tura ruahman a ni

Mizoram nula infiammi chhuanawm tak Lalremsiami Hmarzote, India Women’s National Hockey Team forward, chu tunah chuan Mizoram leh India hockey lamah hmingthang tak a ni. K*m 2026-ah a career-ah hma pawimawh tak pahnih a thleng — Arjuna Award a dawng a, chumi bakah Kolasib Diakkawn-ah a hming pu “Lalremsiami Hockey Ground, Diakkawn Field” siam tura ruahmanna kalpui mek a ni.

🏆 Arjuna Award dawng

August ni 18, 2026 khan India Sorkarin National Sports Awards 2025 hmingtihlanin, Lalremsiami chu Hockey discipline-a Arjuna Award dawngtu 17 zingah telh a ni. Arjuna Award hi India ramah infiamna lama chawimawina pawimawh tak a ni.

Hockey India pawhin Lalremsiami leh Rajk*mar Pal te Arjuna Award dawng tur an nih avangin lawmpuina a hlan. Hockey India sawi danin Lalremsiami chu 2017 atanga India senior team-a infiam chho zela, Tokyo 2020 Olympic Games-ah India team-in fourth position an chanah pawimawh takin a tel.

🏑 Lalremsiami Hockey Ground tur

Arjuna Award dawng hnuah, Kolasib Diakkawn GSA Playground chu Lalremsiami Hockey Ground, Diakkawn Field tiin hming chawi tura ruahman a ni.

September ni 15, 2026 khan Mizoram Legislative Assembly Deputy Speaker leh Kolasib bialtu MLA Pu Lalfamkima chuan Diakkawn GSA Playground chu a hmunah kalin a enfiah. Hockey khelmual atan hman turin Kolasib Diakkawn GSA leh Kolasib District Hockey Association te inremsiamna kalpui mek a ni.

Tunah khelmual awmsa chu metre 81 vel zau leh metre 113 vel thui a ni. PWD leh Hockey lam thuneitute chuan Plan & Estimate siam hnuah Planning Department-ah thehluh tur a ni.

🌟 Lalremsiami chu tu nge?

Lalremsiami chu 30 March 2000-a piang, Kolasib, Mizoram mi a ni a, Hockey India record-ah forward player niin tarlan a ni. 2017-ah India senior team-ah a debut aṭangin international hockey-ah a infiam chho zel. Hockey India record-ah tunah 193 international caps leh goals 47 a nei.

A career-ah hma pawimawh tak tak a thlen tawh. Tokyo 2020 Olympics-ah India Women’s Hockey Team chu 4th position an ni a, 2018 Asian Games-ah India team chuan silver medal an la a. 2022 Asian Games-ah bronze medal an la bawk.

🥇 FIH Rising Star of the Year

K*m 2019-ah Lalremsiami chu International Hockey Federation (FIH) ten Women’s Rising Star of the Year atan an thlang. A hunlaiin India senior team-ah hmalak mek a ni a, 2019 FIH Series Finals leh Olympic qualification campaign-ah pawimawh takin a tel.

🇮🇳 India aiawhin hmingthang

Lalremsiami chu World Cup, Asian Games, Olympic Games leh Asian Champions Trophy teah India aiawhin a infiam tawh. Hockey India record-ah 2017 Asia Cup Gold, 2018 Asian Games Silver, 2022 Asian Games Bronze, 2022 Nations Cup Gold, leh 2023 leh 2024 Asian Champions Trophy Gold te pawh a team achievement-ah tel.

❤️ Harsatna karah pawh infiamna a chhunzawm

Lalremsiami career-ah thil hriat reng tur pakhat chu 2019 FIH Series Finals lai kha a ni. Tournament kal mek lai khan a pa a thi tih thuchah a dawng. Chutih lai pawhin India team Olympic qualification-a an tum chu a pawimawh avangin team nen a awm zui a, India team pawh qualification an hlawhtling. FIH chuan he hun chu Lalremsiami nunah hun harsa tak a nih thu a tarlang.

🌱 Hmanlai atanga tun thleng

Lalremsiami chu naupang lai atangin hockey a ngaina a, Thenzawl-a hockey academy-ah zir turin a chhuak a. A hma chhoh zelna chuan Mizoram atanga chhuak hockey player-te tan kawng thar a hawng a. FIH chuan a naupan lai khan artificial turf pawh awm lovin grass field-ah an infiam thin thu a tarlang.

Tunah chuan Lalremsiami hminga Kolasib-ah Hockey Ground siam tura ruahmanna hi Mizoram-a hockey infiammi tharte tan hmun pawimawh tak a lo ni thei ang. A hminga khelmual siam tumna hi a Arjuna Award dawng hnuah Mizoram-in a chawimawi dan pawimawh tak pakhat a ni.

18/09/2026

18/09/2026

Kerala-ah Mizo nula swimming pool-ah thiin hmuh a ni

Kerala-a hnathawka awm Lalbiakfeli (31), d/o Lalzami, Bungtlang khua, Serchhip District chu ni 16.9.2026 (Thawhlehni) zan khan a hnathawhna hmuna swimming pool-ah thiin hmuh a ni.

Bungtlang YMA hruaitute hriat danin, Lalbiakfeli hi spa-a thawk a ni a. Thawhlehni zan khan a thiante nen an hnathawhna hmuna swimming pool-ah an cheng a, a thiante kal dawn khan amah chu a la inchiah deuh duh thu a lo sawi a.

A hnua an va hmuh leh chuan swimming pool-ah hian buaipui ngaiin a lo awm tawh a, damdawi in panpui vat ni mahse chhan theih a ni tawh lo a, swimming pool-ah hian a thi tawh nia rin a ni.

Lalbiakfeli hi nula fel tak nia sawi a ni.

Nimin khan postmortem tih a ni a, vawiin hian Lengpui Airport-ah rawn thlenpui a ni a, an khaw lam panpui nghal tum a ni ang.

A chhungte leh khawtlang tan a na hle a, kan tuarpui tak zet a ni.

18/09/2026

Piang Leh Thi Register Chungchanga
Dan Thar Hman Tan A Ni Dawn

Piang leh thi chhhinchhiahna dan siamthat (The Registration of Births and Deaths (Amendment) Act) chu October ni 1, 2026 atanga hman tan a ni dawn. Registrar General of India, Mrityunjay K*mar Narayan chuan dan siam thar chu piang leh thi chhinchhiah tikhawtlai a nih loh nan leh a hun tak (timely)-a registration ti tura infuihna a ni a ti.

Registration of Births and Deaths (Amendment) Bill, 2026 chu Parliament in hnihin an pass hnuah President (of India) chuan thla hlui khan a pawmpui tawh a, k*min October ni 1 atanga hman turin nimin khan hriattirna chhuah a ni. A hun taka piang leh thi register a nih theih nan leh register tlai a awm loh nan dan ding lai chu siam that a ni.

Dan tharah chuan piang emaw thi emaw chu Registrar hnenah k*m khat aia rei mahse, k*m hnih chhunga report a nih chuan District Magistrate, Sub-Divisional Magistrate emaw Executive Magistrate emaw pawmpuinaa register theih a ni a. K*m hnih aia rei hnua Registrar hnena report a nih erawh chuan Judicial Magistrate First Class thupek/pawmpuinaa register theih a ni. Register tikhawtlai (Registrar hnena report tlai) te chu thuneitua ruatin register hmain a enfiah hmasa (verify) tur a ni.

Piang leh thi chu register ngei ngei tur a ni a, certificate pek chhuah chu dan anga mihring nihna sawifiahna (legal identity) tlingah pawm a ni.