Samrambhakan

02/04/2026

😀🙏

10/03/2026

കോഴിക്കോട് നിന്ന് വയനാട്ടിലേക്കുള്ള ആനക്കാംപൊയില്‍ - കള്ളാടി - മേപ്പാടി തുരങ്കപാത നിര്‍മാണം തടയണമെന്ന് ആവശ്യപ്പെട്ട് സുപ്രീംകോടതിയില്‍ ഹര്‍ജി. വയനാട് പ്രകൃതി സംരക്ഷണ സമിതിയാണ് ഹര്‍ജി ഫയല്‍ ചെയ്തത്. കേന്ദ്ര സര്‍ക്കാര്‍ നല്‍കിയ പരിസ്ഥിതി അനുമതി റദ്ദാക്കണമെന്നാണ് ആവശ്യം. വേണ്ടത്ര പഠനം നടത്താതെയാണ് നിര്‍മാണം തുടങ്ങിയതെന്നും ഹര്‍ജിയില്‍ പറയുന്നു.

25/02/2026

എങ്ങനെ ഒരു എക്പോർട്ടർ ആകാം..

കഴിഞ്ഞ ദിവസങ്ങളിൽ എന്നോട് ഏറ്റവും കൂടുതൽ പേര് ചോദിച്ചത് ഇതായിരുന്നു..

പലർക്കും ഒരു തെറ്റിധാരണ ഉണ്ട് എക്സ്പോർട്ട് ലൈസൻസ് എന്നത് ഒരു ബാലി കയറാമല ആണെന്ന്..

ഒരിക്കലും അല്ല കേട്ടോ..

എക്സ്പോർട്ട് ലൈസൻസ് എന്നത് വളരെ എളുപ്പത്തിൽ എടുക്കാൻ കഴിയുന്ന ഒന്നാണ്..

ലൈൻസൻസ് എടുക്കാൻ ആവിശ്യം ഉള്ളത്..

1. ആധാർ..

2.പാൻകാർഡ്..

3..ഒരു കാൻസൾഡ് ചെക്ക് ലീഫ്...

4..ഓഫീസ് അഡ്രസ്സ് പ്രൂഫ്..

ഇത്രയും ഉണ്ടെങ്കിൽ ലൈസൻസ് എടുക്കാം..

അത്യാവശ്യം കമ്പ്യുട്ടർ പരിഞ്യാനം ഉള്ള ഒരാൾക്കു അത് ഒരു 500 രൂപയുടെ ചിലവും അതല്ല ഒരു എക്സ്പോർട്ട് കൻസൽട്ടൻസി ചെയ്യുകയാണെങ്കിൽ 5000 രൂപയുടെ ചിലവും ആണ് ഉള്ളത്...

ഒരു ദിവസം കൊണ്ട് തന്നെ ലൈൻസൻസ് റെഡി ആകും..

പിന്നീട് വേണ്ടത് ഐസ്ഗേറ്റ് രജിസ്റ്ററേഷൻ ആണ്..

അതൊരു കസ്റ്റംസ് ഓൺലൈൻ രജിസ്റ്ററേഷൻ ആണ്..

കസ്റ്റമ്സിൽ ബില്ല് രജിസ്റ്റർ ചെയ്യണം എങ്കിൽ ഐസ്ഗേറ്റ് രജിസ്റ്റർ ആവിശ്യം ആണ്..

ഡിജിറ്റൽ സിങ്നേച്ചറിന്റെ 2500 രൂപ മാത്രം ആണ് സ്വന്തം ആയിട്ട് ചെയ്‌താൽ അതിന്റെ ചിലവ്..

ഇല്ലെങ്കിൽ 3000 രൂപ..

മറ്റൊന്ന് അഗ്രികൾച്ചർ പ്രൊഡക്ട് എക്സ്പോർട്ട് ചെയ്യണം എങ്കിൽ വെജിറ്റബിൾ ഫ്രൂഡ്സ് ഒക്കെ അതിൽ പെടും അപ്പേഡയിൽ രജിസ്റ്റർ ചെയ്യണം..

അതിനു 5900 രൂപ ചിലവ് ഉണ്ട്..

ഓരോ പ്രോഡക്റ്റിനും അപ്പേട പോലെ പല എക്സ്പോർട്ട് പ്രൊമോഷൻ കൗൺസിൽസ് ഉണ്ട്.. അതിൽ മെമ്പർഷിപ്പ് ഉണ്ടായിരിക്കണം..

ഉദാഹരണം.. സ്‌പൈസസ് ബോർഡ്.. കയർ ബോർഡ്.. അതൊക്കെ പോലെ ഒന്നാണ് അപ്പേട...

ആ മറ്റൊന്ന് കൂടെ ഉണ്ട്..

പല ഐറ്റസിനും അതായത് മാങ്ങ
പച്ചമുക് അങ്ങനെ ഒക്കെ ഉള്ളതിന് സർട്ടിഫിക്കറ്റ് വേണം..

അത് പ്രോഡക്റ്റ് കൊടുത്തു ചെയ്യേണ്ടത് ആണ്..

ഇനി വേണ്ടത് നല്ലൊരു CHA യെ ആണ്..

അതായത് ഒരു ക്ലിയറിംഗ് ഏജന്റിനെ..

തിരഞ്ഞു എടുക്കുന്ന ഏജന്റുന്മാർ എത്രത്തോളം ബെസ്റ്റ് ആണോ അത്രയും ഈസി ആകും എക്സ്പോർട്ടിങ്...

ഇത്രയും ആണ് എക്സ്പോർട്ട് ചെയ്യാനുള്ള മിനിമം കാര്യങ്ങൾ..

എയർ വഴിയും ഷിപ്പ് വഴിയും സാധനങ്ങൾ എക്സ്പോർട്ട് ചെയ്യപ്പെടുന്നുണ്ട്..

ഇനി എന്തെങ്കിലും ഡൗട്ട് ഉണ്ടേൽ വിളിച്ചോളൂ കേട്ടോ എനിക്ക് അറിയുന്നത് പറഞ്ഞു തരാം..

ദുബായ് നമ്പർ..009715 24084587

ഇന്ത്യ.. 0091 8891307227

Nb... ദയവ് ചെയ്തു വെറുതെ എന്ന് പറഞ്ഞു വിളിക്കരുത്..

അനുജ..

20/02/2026

ഇന്നലത്തെ ദിനത്തിനൊരു പ്രത്യേകതയുണ്ടായിരുന്നു...

ഇലക്ട്രോണിക്സ് മേഖലയിൽ കൊച്ചിയിൽ 2000 കോടി രൂപയുടെ വ്യവസായ നിക്ഷേപത്തിൻ്റെ ധാരണാപത്രം ഒപ്പിട്ട ദിനമായിരുന്നു ഇന്നലെ.

എത്ര മാധ്യമങ്ങൾ അത് പ്രാധാന്യത്തോടെ ചർച്ച ചെയ്തു? എത്ര പത്രങ്ങൾ 2000 കോടിയുടെ വ്യവസായ നിക്ഷേപം വന്ന വാർത്ത ഫ്രണ്ട് ചേജിൽ നൽകി?

ഒരു ഗോഡൗൺ പൂട്ടിയ വാർത്ത വല്ലതുമായിരുന്നെങ്കിൽ സെൻസേഷൻ ആക്കാമായിരുന്നു അല്ലേ?

ഐഫോൺ മുതൽ ISRO വരെയുള്ളവർക്ക് ഇലക്ട്രോണിക്ക്സ് ഉത്പന്നങ്ങൾ നിർമ്മിച്ചു നൽകുന്ന കൊച്ചി ആസ്ഥാനമായ, കൊച്ചിയുടെ അഭിമാനമായ SFO ടെക്‌നോളജീസ് ആണ് 2000 കോടി ചിലവിൽ വൻകിട നിർമ്മാണ - ഡിസൈനിംഗ് യൂണിറ്റ് കളമശേരിയിൽ സ്ഥാപിക്കുന്നത്.

ഇപ്പോൾ തന്നെ കാക്കനാടും കളമശേരിയിലുമുള്ള SFO Technologies/ Nest Hi-tech City എന്നിവിടങ്ങളിലായി 10,000 പേർ തൊഴിലെടുക്കുന്നുണ്ട്. അതിന് പുറമേയാണ് പുതിയ പദ്ധതി കൂടി വരുന്നത്.

Oil and Gas, Defence and Aerospace സെക്ടറുകളിലേക്കായി Electronics Manufacturing and designing, Software development എന്നിവയ്ക്കായാണ് Nest Group 2000 കോടിയുടെ നിക്ഷേപം കളമശേരിയിൽ നടപ്പാക്കുന്നത്.

തുടക്കത്തിൽ തന്നെ ആയിരത്തിലേറെ പേർക്ക് നേരിട്ട് തൊഴിൽ ലഭിക്കുന്ന മെഗാ പദ്ധതി പൂർത്തിയാകുന്നതോടെ കേരളത്തിൻ്റെ വ്യവസായ തലസ്ഥാനം ഇന്ത്യയിലെ പ്രധാന ഇലക്ട്രോണിക്സ് നിർമ്മാണ ഹബ്ബായി മാറുമെന്ന കാര്യം തീർച്ചയാണ്.

കഴിഞ്ഞാഴ്ച്ചയാണ് Kaynes technology കൊച്ചിയിലെ പെരുമ്പാവൂരിൽ 250 കോടി നിക്ഷേപത്തിൽ Electronics manufacturing plant നിർമ്മാണം തുടങ്ങിയത്.

പദ്ധതികൾ ഒന്നൊന്നായി നടപ്പാകുമ്പോൾ കേരളം ചർച്ച ചെയ്യേണ്ട ഒരു പേരുണ്ട്, അത് സംസ്ഥാന വ്യവസായവകുപ്പ് മന്ത്രി ശ്രീ.P.രാജീവിൻ്റേതാണ്. ഇത്രയും മികച്ചൊരു വ്യവസായവകുപ്പ് മന്ത്രിയെ മലയാളി കഴിഞ്ഞ അര നൂറ്റാണ്ടിനിടയിൽ കണ്ടിട്ടുണ്ടോ എന്ന കാര്യം സംശയമാണ്. ഒരൊറ്റ ആഴ്ച്ചയ്ക്കിടയിൽ മാത്രം അദ്ദേഹം കേരളത്തിലെത്തിച്ചത് 2250 കോടിയുടെ നിക്ഷേപം, അതും കേരളം ഏറെ പിന്നിലാണെന്ന് പഴി ഒരുപാട് കേട്ട ഇലക്ട്രോണിക്സ് സെക്ടറിൽ...!!!

ഇതൊക്കെ കേരള പൊതുസമൂഹം ചർച്ച ചേയ്യേണ്ടതല്ലേ? നമ്മുടെ മാധ്യമങ്ങൾക്ക് തീർച്ചയായും ഒരു സ്വയംവിമർശനം ആകാം.

© Kochi Next

11/02/2026

നമ്മുടെ ഈ തെറ്റിദ്ധാരണകൾ മാറട്ടെ.

11/02/2026

കഴിഞ്ഞ മൂന്ന് വര്‍ഷത്തിനിടെ പൊതുമേഖലാ ബാങ്കുകള്‍ ഉപഭോക്താക്കളില്‍ നിന്ന് ഭീമമായ തുക പിഴയായി ഈടാക്കിയെന്ന് കണക്കുകള്‍. സേവിംഗ്‌സ് അക്കൗണ്ടുകളില്‍ മിനിമം ബാലന്‍സ് ഇല്ലാത്തതിന്റെ പേരില്‍ രാജ്യത്തെ 12 പ്രമുഖ ബാങ്കുകള്‍ പിഴയായി ഈടാക്കിയത് 8,000 കോടി രൂപയെന്നാണ് പുറത്ത് വന്ന കണക്കുകള്‍. സാധാരണക്കാര്‍ക്ക് ബാങ്കിംഗ് സേവനങ്ങള്‍ കൂടുതല്‍ ലഭ്യമാക്കാനുള്ള ശ്രമങ്ങള്‍ക്കിടയിലാണ് വന്‍തുക പിഴയിനത്തില്‍ ബാങ്കുകള്‍ ഈടാക്കുന്നത്. പിഴ ഈടാക്കുന്നതില്‍ ഒന്നാമന്‍ പഞ്ചാബ് നാഷണല്‍ ബാങ്ക് ആണെന്നാണ് കണക്കുകള്‍ വിശദമാക്കുന്നത്.

06/02/2026

05/02/2026

സുജിത് ഭക്തൻ ഒരു ചോദ്യം ചോദിക്കുന്നു..
പണിമുടക്കുകൾ, ട്രേഡ് യൂണിയനുകൾ നടക്കുന്നത് കേരളത്തിൽ മാത്രമല്ലെ..❓
അതും നിങ്ങളുടെ ആളുകളല്ലേ അത് ചെയ്യുന്നത്❓
അത് കൊണ്ടല്ലേ വ്യവസായങ്ങൾ വരാത്തത് എന്ന മട്ടിൽ..

ഇനി പി.രാജീവിൻ്റെ മറുപടി.
''വാളയാർ ചുരം കഴിഞ്ഞാൽ പണിമുടക്കും സമരവും ഇല്ലെന്നാണ് ചിലരുടെ ധാരണ.
എന്നാൽ കേന്ദ്ര ലേബർ മിനിസ്ട്രിയുടെ റിപ്പോർട്ടുകൾ പ്രകാരം രാജ്യത്തെ പണിമുടക്കുകളുടെ ശതമാനം എടുത്ത് നോക്കിയാൽ
ഒന്നാം സ്ഥാനത്ത് തമിഴ്നാടാണ്.(നിലവിൽ 31 ശതമാനം)
രണ്ടാം സ്ഥാനത്ത് ഗുജറാത്ത്‌,
മൂന്നാം സ്ഥാനത് മഹാരാഷ്ട്രയാണ്.,
സംശയം ഉണ്ടെങ്കിൽ ഇപ്പോൾ എടുത്ത് നോക്കിക്കോളൂ..'''
(വളരെ വ്യക്തമായി ഡാറ്റാ സഹിതം മറുപടി കൊടുക്കുന്നുണ്ട്.)

രാജീവ്‌ തുടരുന്നു..
''ഞാൻ പറഞ്ഞു വരുന്നത്‌ പണിമുടക്കിനെ പറ്റിയും അതിവിടെ മാത്രമേ ഉള്ളൂവെന്ന നിങ്ങളുടെ ധാരണയും തെറ്റാണ് എന്നാണ്.
ലിസ്റ്റിൽ മുന്നിലുള്ള മൂന്നു സംസ്ഥാനങ്ങളിലെയും വ്യവസായങ്ങൾ തകർന്ന് പോയിട്ടുമില്ല.
ഇനി കേരളത്തിൽ വ്യവസായങ്ങൾ വരുന്നുണ്ടോ എന്നത്..''
അതിനുള്ള ഡീറ്റെയിൽസും രാജീവ് നൽകുന്നുണ്ട്.
കേരളത്തിന്റെ ഭൂമി ലഭ്യത, ജീവിത നിലവാരം, കൂലി എന്നിവയ്ക്ക് യോജിച്ച ധാരാളം പ്രൊജക്ടുകൾ ഇവിടെ വരുന്നുണ്ട്. അതിൽ ചിലത് ലോകത്ത് തന്നെ ഒന്നാം സ്ഥാനത്താണ്.''

ഇങ്ങിനെയുള്ള മറുപടികൾ പലർക്കും പുതിയ അറിവായിരിക്കും.

ജോർജ്. കെ.പി.

✍️ തീക്കുട്ടി

30/01/2026

രാജ്യത്തെ വ്യാവസായിക സ്തംഭനാവസ്ഥയ്ക്ക് കാരണമാകുന്ന മുഖ്യഘടകങ്ങളിലൊന്ന് തൊഴിലാളി സംഘടനകളുടെ പ്രവർത്തനങ്ങളാണെന്ന് സുപ്രീം കോടതി. തൊഴിലാളി സംഘടനകളുടെ പ്രവർത്തനം രാജ്യത്തുടനീളം നിരവധി വ്യാവസായിക യൂണിറ്റുകൾ അടച്ചുപൂട്ടുന്നതിന് കാരണമായെന്ന് ചീഫ് ജസ്റ്റിസ് സൂര്യകാന്ത് പറഞ്ഞു. സാമ്പത്തിക വളർച്ചയിൽ തൊഴിലാളി സംഘടനകളുടെ സ്വാധീനത്തെക്കുറിച്ച് ചോദ്യമുന്നയിച്ചുകൊണ്ട്, കൊടി പിടിക്കുന്ന യൂണിയനുകളുടെ പ്രവർത്തനങ്ങൾ കാരണം നിരവധി പരമ്പരാഗത വ്യവസായങ്ങൾ അടച്ചുപൂട്ടിയതായി ചീഫ് ജസ്റ്റിസ് അഭിപ്രായപ്പെട്ടു

20/01/2026

ടെലികോം കമ്പനികള്‍ നിരക്ക് വര്‍ധിപ്പിച്ചേക്കുമെന്ന് സൂചന. റിലയന്‍സ് ജിയോയുടെ വരാനിരിക്കുന്ന ഐപിഒയ്ക്ക് ശേഷമാകും മേഖലയില്‍ പുതിയ താരിഫ് വര്‍ദ്ധനവ് ഉണ്ടാകുകയെന്ന് ടെലികോം വിശകലന വിദഗ്ധര്‍ പറയുന്നു.മൊബൈല്‍ സേവന നിരക്കുകള്‍ 15% വരെ ഉയരുമെന്ന് പ്രതീക്ഷിക്കുന്നു. ലിസ്റ്റിംഗിന് മുമ്പ് ലാഭക്ഷമത വര്‍ദ്ധിപ്പിക്കുന്നതിനും ബാലന്‍സ് ഷീറ്റുകള്‍ ശക്തിപ്പെടുത്തുന്നതിനുമുള്ള ശ്രമങ്ങളുടെ ഭാഗമായാണ് ഈ നീക്കം. എന്നാല്‍ ഇത് ഉപഭോക്താക്കള്‍ക്ക് ഏറെ ബുദ്ധിമുട്ടാകും. സമാര്‍ട്ട്ഫോണുകളുടെ വിലഉയരുന്ന പശ്ചാത്തലത്തില്‍ ടെലികോം കമ്പനികള്‍കൂടി നിരക്ക് വര്‍ധിക്കുമ്പോള്‍ സാധാരക്കാര്‍ക്ക് അത് ഇരുട്ടടി ആയേക്കും.