10/09/2026
ചരിത്രം പുനർജനിക്കുന്നു.
നൂറ്റാണ്ടുകൾക്ക് ശേഷം മകം ഉത്സവം
നൂറ്റാണ്ടുകൾക്ക് ശേഷം മകം ഉത്സവം നാളെ നടക്കും.
വർഷങ്ങൾക്കു മുന്നേ മൺമറഞ്ഞുപോയ കെട്ടുത്സവമാണ് പുനർജനിക്കുന്നത്. വിളവെടുപ്പിന് ശേഷം ഇരുപത്തിയെട്ടാം ഓണത്തിന് നടത്തുന്ന കാളകെട്ട് ഉത്സവത്തിന് തുടക്കം കുറിച്ചാണ് ഓച്ചിറ പരബ്രഹ്മ ക്ഷേത്രത്തിന്റെ കിഴക്കൻ കരയായ പടയണിവെട്ടം കരയിൽ നിന്നും മകം നാളിൽ
കെട്ടുകാഴ്ച ഓച്ചിറ ക്ഷേത്രത്തിൽ എത്തിച്ചേർന്നിരുന്നത്. ഈയൊരു ചടങ്ങാണ് ഇപ്പോൾ പുനർജനിക്കുന്നത്. ഓച്ചിറ റെയിൽവേ ക്ലോസ് വന്നതോടെ ഈ ചടങ്ങ് അന്യം നിന്ന് പോവുകയായിരുന്നു. ഈ കാളയുടെ ശേഷിപ്പ് ഇപ്പോഴും പടയണി വെട്ടം ഇളത്തോടത്ത് ഭദ്രംപിള്ളയുടെ വീട്ടിൽ സൂക്ഷിച്ചിട്ടുണ്ട്.
എന്നാൽ ഓച്ചിറ ക്ഷേത്രത്തിലേക്ക് ഒരു നന്ദികേശനെ അല്ല എഴുന്നള്ളിച്ചിരുന്നത് എന്നും പറയപ്പെടുന്നു. ആദ്യംകാലത്ത് പടയണിവെട്ടം ക്ഷേത്രത്തിലെ രണ്ട് കരകളിൽ നിന്നും (പടിഞ്ഞാറേശ്ശേരി കിഴക്കേശ്ശേരി )
പിന്നീട് അഞ്ചു ശ്ശേരുകളിൽ നിന്നും( തെക്കേശ്ശേരി ഇടയിലെശ്ശേരി വടക്കേശ്ശേരി പടിഞ്ഞാറേശ്ശേരി, കന്നേല ശ്ശേരി നന്ദികേശനെ എഴുന്നള്ളിച്ചിട്ടുണ്ട്...
പടയണിവെട്ടം ക്ഷേത്രത്തിൽ കെട്ടുത്സവങ്ങൾ ആരംഭിക്കുന്നതിന് പതിറ്റാണ്ടുകൾക്ക് മുമ്പ് തന്നെ മകം നാളിലെ എഴുന്നള്ളത്ത് നടന്നിരുന്നു...
ഓച്ചിറ ക്ഷേത്രത്തിന്റെ ഒന്നാമത്തെ കരയായി അറിയപ്പെട്ടിരുന്നത് വള്ളികുന്നം ആയിരുന്നു ഇക്കാരണത്താലാണ് ഇങ്ങനെ ഒരു ചടങ്ങ് വള്ളികുന്നം കരയ്ക്ക് ലഭിച്ചത്.
ആ ഒരു സ്ഥാനം തിരികെ ലഭിക്കുവാൻ വള്ളികുന്നം കര പ്രതിനിധാനം ചെയ്യുന്നവർക്ക് ശ്രമിക്കാവുന്നതാണ്.
നിലവിൽ സൂക്ഷിച്ചിരിക്കുന്ന നന്ദികേശ ശിരസ്സിന്
ഏതാണ്ട് ഒരു നൂറ്റാണ്ടോളം പഴക്കം ഉണ്ടാകും.
നാളെ ഓച്ചിറയിൽ നിന്നും ഉരുളി ച്ചയും കാളയും പടയണിവെട്ടം ക്ഷേത്രത്തിലേക്ക് എഴുന്നള്ളിക്കുകയും തുടർന്ന് ക്ഷേത്രത്തിൽ ഒരുക്കിയിട്ടുള്ള നന്ദികേശനെ ഓച്ചിറയിലേക്ക് ഘോഷയാത്രയോടെ എഴുന്നള്ളിക്കുകയും ചെയ്യുന്നു . തുടർന്ന് ഓച്ചിറയിൽ നടക്കുന്ന എട്ടുകണ്ടം ഉരുളിച്ചയോടെ ക്ഷേത്രത്തിലെ ആനയിക്കും ചെയ്യും.
ചരിത്ര മുഹൂർത്തത്തിലേക്ക്‌ ഏവർക്കും Appatvonline24 voice of vallikunnam RADIO യുടെ സ്വാഗതം.
Refernce : രതീഷ് പടയണിവെട്ടം
#വള്ളികുന്നം പടയണിവെട്ടം അമ്മ സേവാസമിതി
