08/10/2026
ഓപ്പറേഷൻ തൂഫാൻ : അതിഥി തൊഴിലാളികൾ ഹെറോയിനുമായി പിടിയിൽ
ആലപ്പുഴ ഹരിപ്പാട് KSRTC പരിസരത്ത് നടത്തിയ പരിശോധനയിൽ 30 ഗ്രാം ഹെറോയിനുമായി രണ്ട് അതിഥി തൊഴിലാളികൾ പിടിയിൽ. വെസ്റ് ബംഗാൾ സ്വദേശികളായ 1. ഷെയ്ക്ക് സയ്ഫുൾ -29 , മജിദ് പൂർ , മാൽഡ, 2. മോട്ടിൽ നടപ്പു -27 , മിറാജ്പ്പൂർ , മാൽഡ എന്നിവരാണ് പിടിയിലായത്. ജില്ലാ ലഹരി വിരുദ്ധ സ്‌ക്വാഡും ഹരിപ്പാട് പോലീസും ചേർന്ന് നടത്തിയ പരിശോധനയിലാണ് ഹെറോയിൻ കണ്ടെത്തിയത്. തൂഫാൻ ആരംഭിച്ചതിന്ശേഷം ജില്ലയിലെ റെയിൽവേ സ്റ്റേഷൻ , KSRTC Stand എന്നിവിടങ്ങളിൽ ശക്തമായ പരിശോധനകളാണ് നടത്തി വരുന്നത്. കേരളത്തിന് പുറത്ത് നിന്ന് അതിഥി തൊഴിലാളികൾ വൻതോതിൽ മയക്ക് മരുന്ന് ശേഖരിച്ച് കേരളത്തിൽ കൊണ്ടുവന്ന് വിൽപ്പന നടത്തി വലിയ സാമ്പത്തിക ലാഭം ഉണ്ടാക്കുന്നുവെന്ന രഹസ്യ വിവരം ലഭിച്ചതിൻ്റെ അടിസ്ഥാനത്തിൽ നടത്തിയ നിക്കത്തിലാണ് പോലീസ് ഇവരെ പിടികുടിയത്. നാട്ടിൽ പോയി പലപ്രാവിശ്യം ലഹരി മരുന്ന് കൊണ്ട് വന്നിട്ടുണ്ടെങ്കിലും ആദ്യമായാണ് ഇവർ പിടിക്കപ്പെട്ടത്. കഴിഞ്ഞ 6 മാസമായി ജില്ലാ ലഹരി വിരുദ്ധ ടിം ഇയാളെ നിരന്തരം നിരീക്ഷിച്ചു വരികയായിരുന്നു. നർക്കോട്ടിക് സെൽ ഡിവൈഎസ്പി പങ്കജാക്ഷൻ B, നർക്കോട്ടിക് സെൽ ഇൻസ്പെക്ടർ ഓഫ് പോലീസ് ശ്രീജിത്ത് എന്നിവരുടെ നേതൃത്വത്തിലുള്ള ജില്ലാ ലഹരി വിരുദ്ധ സ്ക്വാഡ് അംഗങ്ങളും കായംകുളം ഡിവൈഎസ്പി രാജപ്പൻ റ്റി യുടെ യുടെ നേതൃത്വത്തിലുള്ള ISHO വിനോദ്കുമാർ B , SI ഉദയകുമാർ. ASI മാരായ ഷിഹാബ് , ഷുക്കൂർ, CPO മാരായ പ്രശാന്ത്, മിഥുൻ എന്നിവരാണ് പ്രതിയെ പിടികൂടിയ സംഘത്തിൽ ഉണ്ടായിരുന്നത്. ഓപ്പറേഷൻ തൂഫാൻ്റെ ഭാഗമായി ജില്ലാ പോലീസ് മേധാവി വിഷ്ണു പ്രദീപ് ടി കെ ഐപിഎസ് ഒരോ പോലീസ് സ്റ്റേഷനിലും പ്രത്യേകം തൂഫാൻ ടീം രുപികരിച്ച് ലഹരി ക്കെതിരെ ശക്തമായ നടപടികളാണ് സ്വീകരിച്ചു വരുന്നത്. ജില്ലയിൽ എല്ലായിടത്തും പരിശോധനകൾ ശക്തമാക്കുമെന്നും എല്ലാ ലഹരി വിൽപ്പന കൂരെയും അവരുടെ സംഘങ്ങൾക്ക് എതിരെ ശക്തമായ നടപടികൾ കൈക്കൊള്ളുമെന്നും ജില്ലാ പോലീസ് മേധാവി പറഞ്ഞു.
