18/04/2026
اسلام : اہل مغرب کی نظر میں ( قرآن مجید ، سیرۃ طیبہ اور انگریزی ادب کے حوالے سے مغربی فضلاء کی تصانیف کا تجزیہ )
از پروفیسر عبد الرحیم قدوائی
مرتب رفیق احمد رئیس سلفی
قیمت 500
رعایت کے لیے رابطہ کریں
مکتبہ تحقیق علی گڑھ 9027445919
اسلام: اہل مغرب کی نظر میں ( قرآن مجید، سیرۃ طیبہ اور انگریزی ادب کے حوالے سے مغربی فضلاء کی تصانیف کا تجزیہ ) قارئین کو مغرب میں مطالعہ اسلام کی علمی اور فکری روایت استشراق Orientalism سے روشناس کرتی ہے۔ مقالات کا یہ مجموعہ منتخب مغربی مترجمین قرآن مجید، ماہرین اسلامیات اور مورخین کی تصانیف کے تجزیے پر مشتمل ہے۔ یہ اسلام سے متعلق مغربی ذہن کے تعصبات، مزعومات اور تحفظات کو آشکار کرتا ہے اور بعض مثبت روشن مثالوں کو بھی نمایاں کرتا ہے ۔ یہ تصنیف اپنے موضوع پر جامع اور منفرد ہے کہ اردو میں استشراق کے مطالعے خال خال ملتے ہیں۔
پروفیسر عبدالرحیم قدوائی ( پ ۱۹۵۶ء) نے مسلم یونیورسٹی علی گڑھ اور لیسٹر Leicester یونیورسٹی، انگلستان سے انگریزی ادب میں دکتوریت کی دو اسناد حاصل کیں ۔ وہ ۴۰ ر برس سے زائد شعبہ انگریزی مسلم یونیورسٹی، علی گڑھ میں تدریسی منصب پر فائز رہے، فی الوقت وہ مسلم یونیورسٹی کے نظامی مرکز علوم القرآن کے اعزازی ڈائرکٹر ہیں۔ و لیسٹر یونیورسٹی، انگلستان کے شعبہ انگریزی میں زائر استادر ہے ۔ انگریزی اور اردو ادب بالخصوص اقبال اور اسلامیات پر ان کی متعدد تصانیف ہیں ۔ انگریزی تراجم قرآن مجید پر نقد و نظر ان کا اختصاصی موضوع ہے ، سو (۱۰۰) سے زائد تراجم قرآن مجید پر ان کے مفصل تبصرے کئی کتابوں اور جرائد میں شائع ہو چکے ہیں۔ استشراق کی روایت پر انھوں نے مختلف جامعات میں محاضرات پیش کیے ہیں۔
